Tweet
مكالمة عاقد لزوجته المعقود عليها ..........شوفو جرائتها
سبحآن الله وبحمده..سبحآن الله العظيم..
رن جرس الموبايل للمرة الخامسة وردت عليه الخطيبة:
العاقد :أعتقد أنا انسان مو جدار تطنشيني وماتردين على تيليفوناتي.
المعقود عليها:رد السلام في الاول وبعدين نتفاهم.
العاقد :شو راح يكون عذرج يعني بتقولين كنت نايمة ولا قاعدة مع أمي وخواتي.
المعقود عليها: الله يسامحك تتهمني قبل ما تسمع مني.
العاقد :بصراحة الأمر واضح بدون ماتوضحين..ليش ماتردين على تيليفوناتي اكيد كنت مشغولة مع غيري ما كنت فاضية لي؟
المعقود عليها:بصراحه فعلا كنت مشغولة مع غيرك.
العاقد :منو هذا اللي ماخذ عقلج وكل تفكيرج لدرجة ما خلاج تردين على تيليفوناتي؟
المعقود عليها:بصراحه لما أكون معاه أنسى الدنيا وما فيها فلازم ياعزيزي تعذرني.
العاقد :وبكل وقاحة تقولين هذا الكلام جدامي وحنا بعدنا مخطوبيين فلو تزوجنا شو كنتي بتسوين؟
المعقود عليها:الله يسامحك ما في داعي للغلط مادمت انا ما غلطت عليك.
العاقد :كل هذا وما غلطتي..تطنشين تيليفوناتي وماتردين علي 4اتصالات طول اليوم ولما رديتي الحين تقولين لما أكون معاه أنسى الدنيا وما فيها كل هذا وما غلطتي؟
المعقود عليها:هذا ماحصل فعلا كنت مشغولة معاه وما قدرت ارد على تيليفوناتك.
العاقد :الظاهر ما راح نقدر نكممل هذي العلاقة فخليج مع اللي كنت مشغولة معاه واللي فضلتيه علي.
المعقود عليها:جزاك الله خير هذا أحسن شي سويته.
العاقد : باستغراب:ليش انتي فرحانة لفصخ الخطوبة ومنو هذا اللي ضحيتي فيني علشانه؟
المعقود عليها:أنا فرحانة لان اتصالاتك الأربعه اليوم كشفت لي شيء خطير يبعدني عنك ويخليني أصمم على فصخ الخطوبة.
العاقد باستغراب:ممكن تفهميني أكثر.
المعقود عليها:انت اتصلت فيني اليوم الساعة 11و45دقيقة ظهرا والساعة3و45 عصرا والساعة 6و30 المغرب والساعة 8مساء وهذا هو اتصالك الخامس اللي تكلمني فيه
العاقد :شيء عجيب انج تتذكرين حتى ساعة الاتصال بكل دقة.
المعقود عليها:أتذكرها لأنها الأوقات اللي أكون فيها مشغولة مع أحب واللي أنسى كل شيء من أجله والبذات لما أكون معاه في هذي الأوقات..وأنا الأن فرحانة
لأني اكتشفت انك مشغول عن من هوأحق بانشغالك به،تحب تعرف أنا مع من كنت؟
العاقد :منو معاه؟
المعقود عليها : كنت مع الله،لأنك كنت تتصل فيني في اوقات الصلاة الوقت اللي أكون فيها منقطعة عن الدنيا وما فيها،وأنا ماأقدار أرتبط في انسان لاتربطه صلة بالله.
أغلقت الخطيبة التيليفون بوجه خطيبها بعد أن قررت هي الابتعاد عنه.
(( يآآآرب تعجبكم))
منقول..
تعليق