Tweet
اتفقنا إن قلوبنا غافلة .. مهمومة .. مشغولة ..
وعلشان تحس بمواسم الطاعات وتذوق لذة القرب من الله
علشان تنطلق وتنشط وتجتهد في الاستعداد لرمضان
لازم تتطهر ..
قال تعالى{وَنُنَزِّلُ مِنَ الْقُرْآَنِ مَا هُوَ شِفَاءٌ وَرَحْمَةٌ لِلْمُؤْمِنِينَ وَلَا يَزِيدُ الظَّالِمِينَ إِلَّا خَسَارًا}[الإسراء: 82]
القرآن شفاء ..ورحمة
واحنا بنستعد لرمضان تأملي كيف إذا ذكرناه لابد أن نذكر القرآن
فهو شهر القرآن ..
وكأن رمضان هو طريقنا للقرآن
والقرآن هو طريقنا لرمضان
رمضان بداية حياة جميلة مع القرآن وفي نفس الوقت وعلشان نعيش أجمل رمضان لازم نصاحب القرآن ..
لكن إزاي نصاحب القرآن ؟؟
لازم نصلح علاقتنا بالقرآن
تعالي سوى إيدنا في إيد بعض في خطوات عملية حنعمل إيه علشان نصلح علاقتنا بالقرآن :
أولا: لازم نحبه ..الصاحب لازم يحب صاحبه
علشان كدة نتخيل ونعيش الفضائل .. نستحضر شفاعة القرآن .. وإنه طريقنا لحب الله ورسوله ..
1_ يبقى من النهاردة عايزين نقبل على القرآن بحب .. مينفعش يعدي علينا يوم واحد من غير ورد ثابت من قراءة القرآن ولو قليل .. فلو مشغولة جدا جدا خودي من وقتك على الأقل 10 دقايق أو ربع ساعة كل يوم خصصيها للقرآن وحتجدي أثرها على قلبك لو داومتي عليها وده أول واجب عملي في النقطة دي .
2_ عايزين نكثر من الدعاء "اللهم أجعل القرآن العظيم ربيع قلبي" ..
3_ نسمع يوميا ولو مقطع قصير عن فضل القرآن وعن حال السلف في القرآن .. له أثر كبير جدا يهيئ قلوبنا ويجعلنا نحب القرآن .
وآدي أول مقطع كواجب عملي
4_ علامة طهارة القلب أنه لا يشبع من تلاوة القرآن .. يبقى من النهاردة مش عايزين يكون همنا نخلص الورد ونقرأ بسرعة بسرعة علشان نلحق نخلص واللي يساعدنا على كدة اننا نستحضر النوايا واحنا بنقرأ
وخدي النوايا دي من كلام شيخنا الشيخ هاني حلمي علشان نجد أثر القرآن في قلوبنا
نية أن النظر في المصحف عبادة
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " مَنْ سَرَّهُ أَنْ يُحِبَّ اللَّهَ وَرَسُولَهُ ، فَلْيَقْرَأْ فِي الْمُصْحَفِ " . [ الألباني_السلسلة الصحيحة 2342 ]
وفي رواية فلينظر في المصحف ..واستحضر أن مجرد نظرك للمصحف يستنزل به الرحمة ومحبة الرحمن في القلب فتكون أعظم مضاد لفيروسات القلوب .
نية الاستشفاء بالقرآن ..
الله سبحانه وتعالى قال أن القرآن **.. شِفَاءٌ لِمَا فِي الصُّدُورِ ..}[يونس: 57] والاستشفاء ليس فقط بالرقية الشرعية لعلاج الأبدان، بل هو أهم وأخطر لعلاج القلب .. فتقرأ القرآن بنية أن يُطهِر قلبك حتى يُقذف فيه الإيمان.
نية العمل ..
تنوي إنك ستمتثل لكل حرف فيه وستسأل الله الإعانة على ذلك، فتكون قراءتك سبب في سلوكك الطريق إلى الله سبحانه وتعالى.
نية زيادة رصيدك من الحسنات ..
الفضل العظيم الذي يعود عليك من قراءة القرآن.
نية المناجاة ..
أن تنوي بقراءتك مناجاة الله سبحانه وتعالى، فتخاطبه بالقرآن.
مش عايزين نطول على بعض يلا نشتغل في الخطوات العملية اللي فاتت ونتابع بعض في واجباتنا العملية
هنا حيكون الموضوع فقط و منتظرينكم في صفحة متابعتنا في قسم قررت أغير حياتي
ღ¤ صفحة متابعتنا القلبية" ♥ إلى رمضان .. صاحبي القرآن ♥ " ¤ღ
تعليق