Tweet
السلام عليكم ورحمة الله وبركاته
ليه فيه ناس جت على طاعة ربنا وثبتت ؟؟ وناس جت على طاعة ربنا... ورجعت ؟؟؟ليه ناس جت على طاعة ربنا وتلقيها بتطلع اكتر ؟؟؟ وناس جت على طاعة ربنا ولسه مكانها ؟؟؟ لان فيه واحد جه وخطى .. وواحد جه وقف مكانه .. لان طريق الالتزام فيه ميزة ... إن كل خطوة لربنا بتشوقك للخطوة اللى بعديها ... سيدنا موسى لما عبد وصلى وذاق لذة العبادة قال " وعجلتُ إليكَ ربي لترضى " ولما زاد من الخلوة والطاعة وقابل ربنا قال " وَلَمَّا جَاءَ مُوسَىٰ لِمِيقَاتِنَا وَكَلَّمَهُ رَبُّهُ قَالَ رَبِّ أَرِنِي أَنْظُرْ إِلَيْكَ " طلع خطوة أكبر ..... مين فينا ذاق وعجلت اليك ربى لترضى او انه ذاق طعم رب ارنى انظر اليك ... هو ده طريق الالتزام كل لما بتمشى خطوة بتشوقك للخطوة اللى بعدها وكمان بتثبتك على الطريق " ومن يقبل على الله فإن له نعيما صعدا " ومش فى الدنيا بس ده فى كل المراحل الدنيوية وفى امور الموت والبعث ويوم القيامة ..... أما فى طرق المعصية فأنك تجد تصاعد فى العذاب " وَمَن يُعْرِضْ عَن ذِكْرِ رَبِّهِ يَسْلُكْهُ عَذَاباً صَعَداً " يعنى عذابا متصاعدا اول ما يدخل فى طريق المعصية يشعر بخنقة وضيق فى صدره ثم يهرب من معصيته لمعصية اخرى وبهذا يجد العذاب فى حياته وفى سكرات موته وفى قبره من عذاب وهكذا يوم القيامة الى ان يستقر الامر معه فى النار والعياذ بالله ..... وبكده عندك طريقين تختار منهم :::: سكة الطاعة و الجنة والنعيم :::::: ولا سكة المعصية و النار والعذاب ::::
اعتذر على أن الموضوع ليس باللغة العربية الصحيحة ولكنى أردت أن يكون بهذه الطريقة ليكون أسهل فى الوصول
وعلى العموم االموضوع من فيديو الشباب والحب يوسف وامرأة العزيز للشيخ حازم شومان
وده لينك الحلقة للى عاوز يسمعها
على اليوتيوب
اما على الموقع الطري الى الله
تعليق