_(_الملتزمين_)_ ومشاكلهم مع أسرهم -حلقة للنقاش -الكل يشارك

[فريق صحبة الخير]

:lll: كاتبة الموضوع / حور الحياة





كثير منا بعد الالتزام زادت مشاكله!!!!!!!!!


وتصعب المشاكل لما تكون من الأسرة

والسبب .........











*******الالتزام********



نجد الهجوم من جميع الاتجاهات
وتأتي الهجمة ورا الهجمات....


حتي من أقرب الناس الينا



" انت كنت كويس ايه التشدد ده "



" انت اللي صح والناس كلها غلط "



" الدين يسر "



نجد الاخ والأخت التزموا ينصحوا أهلهم اذا كانوا غير ملتزمين ........

تقول الأخت : ياماما ياحبيبتي بلاش مسلسلات وأفلام....
الأم: انتي الي هتعلميني الصح من الغلط
الأخت :يابابا متدخنش ,,
الأب: اخرصي ملكيش دعوة
الأخت:ياأخويا ياحبيبي بلاش تكلم بنات وصلي وبلاش أغانيوبلاش...................................
الأخ:ارحميني
الأخت:يا أختي بلاش اللبس ده ,و........
أختها: خليكي في حالك أنا الي هتحاسب


واذا استسلمت الأخت من دعوتهم لا تسلم من السخرية
وتحذر أن تسمع شئ من المخالفات التي يقعوا فيها وتشعر بالغربة في بيتها



وبعدين ايه الحل ؟؟؟؟؟؟!!!!!!!



""هذا هو موضوعنا""

""لنبدأ النقاش حول هذا الموضوع المهم""

""ووجود الحلول له""



أرجو من الأخوات المشاركة في هذا الموضوع لنجد له الحلول سوياً.........

***ولكم جزيل الشكر***

[فريق صحبة الخير]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

جزاكم الله خيرا اختى حور الحياة وننتظر اراء الاخوات ورؤيتهم لهذا الموضوع الذى يعنى منه الكثير من الاخوة والاخوات الملتزمين
عاوزين نسمع تجاربكم ..وحلولكم
بارك الله فيكم

[nashwa24]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

جزاكى الله خيراا اخيتى على هذا الموضوع القيم والذى كثيرررا ما نجده واقع فى بيوتنا الا من رحم ربى
وانا رايى الاستعانه بالله والصبر مع استمرار العمل بالدعاء دون الملل منه
هم خيرررا علاج لهذه المشكله
واترك المشكله للمشاركه من باقى الاخوات

[خـادمـهـ لديـن الله]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

انا بقى مش لقيا اى حل نهائى لا كلام كويس نافع ولا اجتناب نافع

لحد ما وصلت للمقاطعه نهائيا ودى مش بمزاجى دا اجبارى وخلاص على كدا بقت مقاطعه بينى وبينهم

معدا طبعا والدى ووالدتى لكن اخواتى مش عاوزنى اكلمهم ولا يكون ليا دعوه بيهم نهائى

وهما مش بيسمعوا كلامى نهائى ودايما وعلى طول يعملوا الى يضايقنى

يخلونى قاعده مثلا ويشغلوا اغانى ويعلوا صوتها جداً او التليفزيون او تريقه على لبسى او على اى حاجه بعملها ولو فكرت انزل الجامع وهكذا دايما

يعنى عندى حالة اغتراب وكمان يئس منهم نهائيا

ولكن مش يئس طبعا من رحمة ربنا وقدرته وهو قادر على كل شئ

[رحيق العفة]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

السلام عليكم ورحمة الله انا قرأت كلام اختنا هو الموضوع ما شاء الله جميل لكن سأقول لكي شئ بدأ الاسلام غريبا وسيعود غريبا فطوبي للغرباء . وكما قال الله تعالى " أحسب الناس ان يتركوا ان يقولوا ءامنا وهم لا يفتنون" وهذة هى سنة الله في الارض فأصبري اختي واحتسبي لاننا كلنا مررنا بهذا الاختبار فاثبتي .
ووصيتي لكِ ان تتبعي نهج الرسول صلي الله علية وسلم عندما قال "تهادوا تحابوا " نعم الوصية هي عليك بها انها فعالة بجد ولها أثر رائع وعليكي بالرفق بأهلك فما وجد الرفق في شئ الا زانه وما نزع من شئ الا شانه .
وعاملي اخواتك بالحسني فهم يعاندونك لانك تكرري الشئ حاولي ان تشغليهم في اي شئ هم يحبونه حتي يبعدوا تدريجيا عن الاغاني ابحثي عن اي شئ يحبوه واعطيه لهم . ممكن تقولي لهم فيه بحث عن شئ ما ومن سيعمله له هدية جميله "عن حكم الاغاني مثلا " وهم يبحثون ويعملونه حببيهم في الالتزام ولا تكوني نقطة عثرة امامهم فانتي المثل الوحيد امامهم عن الالتزام فهيا جاءتك الفرصة لا تضيعيها واخبريني ماذا فعلتي .........

[خـادمـهـ لديـن الله]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

جزاكِ الله خيراً للآهتمامك ولكن صدقينى هذا لن يؤتى بجدوى

وخاصة موضوع الهدايه وكدا انا عارفه طبعا ان دا كلام الرسول عليه الصلاة والسلام ولكن

هما عارفين كل حاجه وعارفين الحلال من الحرام وبيدرسوا دين لانهم ازهر وكل حاجه
وعندى اخت اكبر ب 4 سنين واخت اصغر ب 5 وعادى كل تصرفاتهم كدا ولما اجى انصحهم
يقولولى احنا الى هنتحاسب مش انتى واننا عارفين الحلال من الحرام مش مستنيك انتى الى تيجى تتكلمى
وكمان انا بقى عاوزه ادخل النار انت مالك وغيره وغيره واحنا هنبقى فى القبر هنتحاسب لوحدنا وكلام تانى كتيييير...علشان كدا بقول انه صعب انا مش لقيه اى حل نهائى

ربنا يهديهم ويهدينا للطريق المستقيم ويثبتنا عليه

[رحيق العفة]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

نعم اعرف لا تيأسي وجربي هدية بسيطه وكما قلتي هم يعرفون الحرام والحلال فلا تكرري الكلام كثيرا حتي لا يزدادوا عنادا لانفسهم وكلميهم في أمور عامة تخص حياتهم فهم محتاجين ان يحبونك اولا .جربي ولن تندمي صدقيني.....وردي علي

[moemenabeallah]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

جزاكي الله كل خير
بجد فعلا عندك حق في كل ده
انا والدتي بتعمل معايا مشاكل كتيره جدا بسبب الموضوع ده
وخصوصا موضوع الزي الاسلامي وتقعدي تقول ايه اللي لبساه ده مش شايفه البنات بتلبس ايه
ولو قعدت معاه وجيت اتفرج علي اي قناه دينيه تقعد تقول الشيخه ومش الشيخه
بجد انا بستغرب لحال الاباء والامهات اوي
المفروض انهم هما اللي يشجعونا علي الالتزام مش يثبطونا
بجد ربنا يهديهم ويهدينا

[حور الحياة]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

جزاكي الله خيرا سلمي
أنا معاكي في كل كلامك

سبحان الله
معظمنا تقريبا بيعاني من نفس المشكلة الا من رحم الله
وأنا والله بعاني منها حتي إني بحس بالغربة في البيت

لكن بالرغم من كل المشاكل دي بتخليني أتمسك أكتر بالالتزام وأحبه

وبحس إنه ابتلاء ولازم نصبر عليه
لكن شايفه إننا ننصحهم بالحسني وإذا مستجابوش ندعيلهم بالهداية وكمان نحسن المعاملة معاهم أكتر من الاول علشان نقربهم لينا وننتظر الهداية من الله
فالله تعالي يقول في كتابه الكريم "إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَنْ يَشَاءُ وَهُوَ أَعْلَمُ بِالْمُهْتَدِينَ "(56)
والله كان يخاطب حبيبه النبي صلي الله عليه وسلم
فقد كان سيدنا محمد صلي الله عليه وسلم يتمني اسلام عمه أبو طالب لكن ارادة الله فوق كل شئ ومات أبو طالب وهو علي الشرك لعل هذا ليعلمنا الله ان الهداية لا تكون الا لمن يشاء من عباده

فيارب اجعلنا ممن هديتهم وهديت بهم
واجعل أهلنا ممن تشاء لهدايتهم

وأختى
tears of heart
ممكن تتغلبي علي ما انتي فيه بحسن العشيره معهم وهم هيحسوا بان الالتزام أحسن ليهم فيحبوه
وادعيلهم واعملي اللي ذكرته في الأول

وفي حاجه عملتها وجابت نتيجه معايا
وهي لما يكون وقت الطعام والتليفزيون علي حاجه مخالفه
باخد طبقي واقوم وادخل غرفتي اذا مستجابوش لكلامي
ومرة ورا مرة هيضطروا لغلقه علشان الاسرة تتلم وهكذا كل لما تقعدي معاهم .هم من نفسهم مش هيشغلوها أمامك تاني.
وربنا يهدينا وعائلاتنا جميعا
آميييييييييييييييييييين

[د.منه]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

جزاكم الله خيرا .........على النقاش فى الموضوع الذى يعانى منه الكثيرون
ولكن دعونا ..نلقب ذلك الابتلاء بمنحة الجهاد الى الله
كلنا تقريبا عاوزين نجاهد فى سبيل الله
طيب ما هذا الا جهاد فى الله ......مع الدعاء
لابد ان يلين قلوب من حولك ليس هذا فحسب
بل والله ان كان هناك اساءة لك ...نجد صمت عن تلك الاساءة ثم
تبدأ القلوب تعتاد ثم تلين لك ان صبرت عليهم ثم تبدأ انت بدعوتهم الى ما انت عليه
وسبحان الله مغير الامور للافضل ان شاء الله

[المشتاقه الى الفردوس]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

اما انا بقى يعتبر اختكم الصغيره- ده بعد اذنكم طبعا-
انا عندى ** سنه بدات قصة التزامى منذ عامين وطبعا حضراتكم شايفين وعاريفين الواقع فى السن ده اكثر منى قررت فى هذا الوقت العصيب ان ادع كل هذه الفتن واتجه الى ربى حاملة شعار شاب نشا فى طاعة الله ارتديت الاسدال والحمد لله مازلت ثابتة عليه رغم ان كل اللى يكلمنى يقول لى *ايه اللى عامله فى نفسك ده يابنتى انت لسه صغيره احنا لانعارض الالتزام ولكن نحن نخاف عليكى انك تملى وتزهقى * فعاندتهم وثبت على مانا فيه ولكن الحرب عليا زادت عندما قلت لهم اريد النقاب فام الكل فى صعيد واحد منذعرا على ويكانى اريد ان اقتل نفسى ....اخواتى انا اشعر بغربة شديده حتى وسط اعز الناس الى من كثرة هذه الغربه بدات الشكوك تنحاذ الى قلبى وبدا يفكر ...
هل انا صح ام غلط؟...هل انا فعلا بنت معقده زى مابيقولو؟
هل انا كبرت نفسى قبل اوانها ؟.....هل انا فعلا كمان شويه همل وانتكس زى مابيقولو؟ .....بصراحه انا خايفه ومرعوبه تراودنى افكار ووساوس كتيره جدا ...
محتجالكم اوووووووى ...
بجد ...جاوبونى انا صح ولا غلط.....؟

اختكم الصغيره

[المشتاقه الى الفردوس]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

اود ان اسئل سؤال لماذا لاتظهر لى مواضيع فى صفحة الخاصه رغم انى اشتركت بها؟

[فلسطينية]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

السلام عليكم
موضوع كتييييييير حلو لنقاش
او هذه حالنا احنى الملتزمين
ما بعرف ليش ؟؟ يعني اذا حد التزم صار شي شاذ بينهم او من هون بتصير المشاكل
يعني بنسبي الي انا غيرت حياتي قبل سنة او بعد هيك بسرعة غيرت اشياء في حالي من ملابس او ترك مسلسلات او اغاني فلكل صار يعارض ويحكي ايش هتعقيد هذه او كلام كتييييييير
مو بس من اهلي من العيلة كلهااااااااااااااااا . يعني صار صعبة عليه الامر مهزلي او ضحك بس بلعكس كان بدفعني لتقرب اكتر من ربنا
بس انا اهلي عادي كانوا بس من كتر العيلة ما حكت صاروا يعصبوا عليه او يحكوا, انا بحاول اقنعهم او احكي معهم والحمد لله بقنعهم بس الامور بترجع بتدهور مرة تانية
يعني في يومين مروا عليه ايام الحرب على غزة اصعب يومين من قبل اهلي على قصة النقاب والجلباب
من كتر ما بكيت وافقوا على الجلباب بس النقاب معارضة كبرى من الناس كلهم مو بس من اهلي
بس الي بشجعني ولي بدفعني من اسمع محاضرات او اقرأ كتب او احلى شي ببكي لربنا او بتلتجئ لربنا لانو هو بس الي بخفف عني الي انا في او كمان الي بدفعني كتاب لا تحزن لاعائض القرني كتاب حلو بغير في الانسان كتير ودافع قوة كمان
يارب انكم تقرؤة هذه الكتاب
او احنى الملتزمين لازم نرضى بالامر هذه لانو ما بعد الشدة الى رخاء
او في هذه الامر يمكن اختبار من ربنا او كمان في اجر من ربنا او بالاضافة بتقوي العلاقة مع ربنا
او هذه الشي البخفف عنا

[(أمة الرحمن)]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

اما انا بقى يعتبر اختكم الصغيره- ده بعد اذنكم طبعا-
انا عندى ** سنه بدات قصة التزامى منذ عامين وطبعا حضراتكم شايفين وعاريفين الواقع فى السن ده اكثر منىقررت فى هذا الوقت العصيب ان ادع كل هذه الفتن واتجه الى ربى حاملة شعار شاب نشا فىطاعة الله ارتديت الازدال والحمد لله مازلت ثابتة عليه رغم ان كل اللى يكلمنى ىقول لى *ايه اللى عامله فى نفسك ده يابنتى انت لسه صغيره احنا لانعارض الالتزام ولكن نحن نخاف عليكى انك تملى وتزهقى * فعاندتهم وثبت على مانا فيه ولكن الحرب عليا زادت عندما فلت لهم اريد النقاب فام الكل فى صعيد واحد منذعرا على ويكانى اريد ان اقتل نفسى ....اخواتى انا اشعر بغربة شديده حتى وسط اعز الناس الى من كثرة هذه الغربه بدات الشكوك تنحاذ الى قلبى وبدا يفكر ...
هل انا صح ام غلط؟...هل انا فعلا بنت معقده زى مابيقولو؟
هل انا كبرت نفسى قبل اوانها ؟.....هل انا فعلا كمان شويه همل وانتكس زى مابيقولو؟ .....بصراحه انا خايفه ومرعوبه تراودنى افكار ووساوس كتيره جدا ...
محتجالكم اوووووووى ...
بجد ...جاوبونى انا صح ولا غلط.....

اختكم الصغيره

انتى صح جدااااااااولازم يكون ليكى صحبة صالحة تعينوا بعض واستمرى وانتى مش غريبة ولا حاجة انتى اللى صح انتى اللى بتعملى بالرسول قايل عليه واللى ربنا امر بيه تبقى صح جدا كمان
الناس مش بيعجبها حاجة لو عملتى ايه فارضى ربنا وملكيش دعوة بالناس انتى بس عامليهم كويس لكن متتغيريش لكن قربى اكتر واكتر من ربنا ومين عالم ممكن هما بعد كده يبقوا زيك وحصت كتير ادعى كتير وربنا يثبتك ياااااااااارب

[حور الحياة]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

جزاكم الله خيرا لنقاش هذا الموضوع المهم

أختى في الله المشتاقه الي الفردوس
انتي صح ومتخافيش هو ده طريق الصالحين كل عقبات لكن نهايته سعيده وانتي **** عايزه الفردوس وتمنها طبعا مش سهل دا الفردوس وعلشانها لازم تتحملي وتتغلبي علي كل العقبات اللي هتقابلك
والغربه والكلام اللي بستمعيه متخافيش منه دا حال المؤمنين (اللهم اجعلنا منهم )وهو الغربه
واثبتي أختى وأنسي غربتك بالطاعه وذكر الله
واحنا معاكي ان شاء الله

******************
أنا معاكي **** فلسطينيه بأن الالتزام مضطهد زي ما الاسلام مضطهد ,الاسلام مضطهد من المشركين والالتزام مضطهد من المسلمين العاصين.
وطريق الالتزام مش مفروش بالورود بالعكس لازم تقابلنا المشاكل
بس لازم نتغلب عليها لأننا ماالتزمنا الا لله وكيف نصل الي الله دون أن نضحي ونجتهد
واثبتي أختى علي طلبك بلبس النقاب وادعي ان ربنا يستجيب واحنا كلنا هندعيلك ومتيأسيش أبدا وحاولي تتأقلمي علي مهاجمتك فكل ده في ميزان حسناتك وانتي كده كده مش هترضي الناس فخلي كلام الناس دافع ليكي بالزياده في الطاعات
ده حال الملتزمين الغربه . قَالَ رَسُولُ اللَّهِ -صلى الله عليه وسلم- « بَدَأَ الإِسْلاَمُ غَرِيبًا وَسَيَعُودُ غَرِيبًا فَطُوبَى لِلْغُرَبَاءِ ». والحديث ده لازم يفرحنا لان غربتنا أصبحت نعمه
ربنا ينصركوا ويثبت أقدامكوا وينصر المسلمين في كل مكان