_(_الملتزمين_)_ ومشاكلهم مع أسرهم -حلقة للنقاش -الكل يشارك

[احب الله ورسول الله]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

جزاكى الله خيرا اختى بنت الاسلام

[عيون الجنة]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

السلام عليكن ورحمة الله وبركاته
اعانكن الله وشر صدور ذويكن ويسر اموركن
ايه ياجماعة البؤس اللى انتو فيه ده تعبتوا اعصابى انا رايى انكم انتم انفسكم تتاجون للدعوة جماعة الخير الاتعلمون ان سلعة الله غالية سلعة الله الجنة فابذلوا لها كل نفيس اسمعوا ياطالبات العلم وطالبات الجنة اعتقد انى ربما اكون اكبركم سنا بس انا لسة شباب المهم من اكثر من 20 سنة لم يكن هناك حجاب وليس نقاب ولم تكن قنوات فضائية غير الاولى والثانية ولابرامج ايمانية الا نور على نور وحديث الروح والعلم والايمان والزى العادى انه كله خالع راسهيكون ام الشعر السايح والكارته والبيضاء والشقراء والسوداء كله متعرى والملابس فوق الركبة والبنطلون كان قليل فى وسط هذا الجو العام للبلدظهر الحجاب وكالعادة قام الهجوم (رجعية ---تخلف--خيمة)الى آخره ولكن هناك اقواما عملوا فى صمت وصمدوا وتفانوا حتى اصبح الحجاب امر طبيعى وهو السائد ولى الشرف ان اكون من بدايات او بعد البدايات ففى الثمانينات قررت ان ارتدى الحجاب واتخلى عن البنطلون والكوافير وكاعادة قامت الدنيا ولم تقعد فما صرخت وما بكيت كنت ادعو الله بصدق وذهبت الى الخياطة بدون علم اهلى وخيطت فستان واحدة ماكسى واخذت من امى ايشارب ابيض لاانساه ظللت اخرج بهذا الزى لمدة لا تقل عن 6 شهورتخيلوا لو رايحة فرح هو الفستان ولو رايحة عزاء هو الفستان ولو السوق ولو نزهة ولو طابور العيش نفس الفستان دون ان اخجل او امل او اطلب من اهلى غيره وكانوا متوقعين انى ازهق وانتكس ولكن كانت تحضرنى لآية درستها فى الابتدائى (يُثَبِّتُ اللّهُ الَّذِينَ آمَنُواْ بِالْقَوْلِ الثَّابِتِ فِي الْحَيَاةِ الدُّنْيَا وَفِي الآخِرَةِ)فرضخ اهلى واشتروا لى ثيابا وكنت اطقم الزى مع الطرحة والحلق والعقال الى ان ارسل الله لى من يسمعنى شريط لوجدى غنيم عن حجاب المراة المسلمة ويليه شريط سلوك الاخت المحجبة وبدات اقنعهم بارتدائى للخمار وتكررت الحكاية وذهبت مع امى للسوق وفاجاتها بشرائى الخمار وبدات الحرب على ولم ادافع ولم انهار لكنى اعمل فى صمت وزى ماانا فى ادبى واحترامى لابوى وتعاملى بالحسنى مع اخواتى ولااتكلم نهائيا فى الدين وان تكلموا وتتريقوا على اضحك معاهم وقول شيوخ آخر زمن لما نشوف بكرة كمان حيقولونا ايه تانى بس كنت احضر الشرايط الدعوية واسمعها وانا فى المطبخ بدل الاغانى ولم اطلب من اى احد ان يشاركنى السماع او يترك المسلسل وكنت احضر شريط هاذم اللذات واسمعه كثيرا والحمد لله رق قلب امى حتى انها كانت تحب ان تسمع للشيخ احمد القطان وتقول اسلوبه هادى وعندما ظهر النقاب وحاولت مع والدى رفض وقال كلمة واحدة طول ماانتى عندى انسى لما تتجوزى انتى حرة وعايزة اقولكم ان لاهلى عادات وتقاليد صعبة جدا فوقتها كان غير مسموح لى بالزواج من اى شخص بل لابد ان يكون قريبى او على الاقل بلديات (هو انا مقلتش انى نوبية) وكان عندنا حكمة ادى البنت للتمساح ولا تعطيها الفلاح وليس المقصود الفلاح بالذات ولكن كل من هو ليس نوبى فهو فلاح قاطعت الافراح النوبية وقلت لاهلى انا تحت امركم حانتظر العريس النوبى بس الملتزم وكانوا وانا معاهم متاكدين انى مش حلاقى واخذنا قرار انى انتظر حتى سن الثلاثين ثم اتزوج ملتزم ايا كان عايزة اقولكم انى فى الوقت ده كان كل همى اجعلهم يحبوا الالتزام دون ان اتكلم عنه ولكن بالفعل والصبر والبشاشة وقضاء الحوائج والكلمة الطيبة والدلع على الاب والام مش نفاق لكن لانى بحبهم ولانى سمعت مقولة لاحد العلماء ان (فعل رجل فى الف رجل خير من قول الف رجل لرجل)وقدر الله لى ان اتعامل مع شيخ كبير السن فى مكتبة اشترى الشرائط لاسمعها فكان منه ان سالنى لمن الشريط قلت لنفسى قال وهل يسمع معك احد قلت انا اشغله وانزل كل المواعين واعيد غسلها واكرر سماعه دون ان اطلب من احد ان يسمع معى قال اذا سمعتيه فتعالى واستبدليه والله لا ابالغ اذا قلت سمعت كل شرائط المطتبة بثمن الشريط الاول وفاجانى ذات مرة هذا الشيخ بقوله ياابنتى لك عندى مفاجاة قلت على الفور اعتذر ياشيخ لن يحدث ذلك فقال وهل عرفت المفاجاة قلت عريس ملتزم لكنه مرفوض وققصت عليه ظروفى فقال لى لاتحزنى ولكن صلى بالليل وقولى فى صلاتك (اللهم اختر لى ولا تخيرنى)واصدقى مع الله وبفضل الله بعد اسبوعين جاءنى عريس نوبى ملتزم سمع عنى من قريبة له وهو من محافظة غير محافظتى وتزوجت والرتديت النقاب يوم الصباحية ورزقنى الله خمسة من الاولاد لاننا فى عرف الناس سنيين والتحديد حرام عندنا والحمد لله منهم بنتين خاتمين القرءان
طولت عليكم ولكن هل انتهت الحرب والمشاكل لا والله ولاتكون هذة دنيا بدون مشاكل فهذة دار كبد ومشقةوعمل بلا حساب وغدا حساب بلا عمل
الفوائد من القصة
1_الصدق مع الله(اللهم ارزقنا الاخلاص فى القول والعمل)
2_الثقة بالله وفى الله (اللهم ارزقنا حسن التوكل عليك وحسن اللجوء اليك)
3_الصبر( وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ )
4_العلم الغزير (فضل العالم على العابد)
5_حسن المعاملة(الدين المعاملة)
الدعاء بظهر الغيب وحب الناس وتمنى الهداية لكل المسلمين ولغيرهم(ادعوا الله ان يخرج من اصلابهم من يعبد الله بحق)
معذرة اخواتى اطلت عليكم فانى مستانسة والله بحديثى معكن وفقكن الله لما يحب ويرضى ولكن لاداعى للكآبة وكونوا مرحين محبوبين حتى تكونوا مطاعين باذن الله

[محبة السلف]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

الأخت الفاضلة (عيون الجنة ) ..
كلماتك جميلة جدا .. صحيح لا أنسى تلك الفترات الأولى من الالتزام قبل ظهور القنوات وانتشار الدين بهذه الصورة بل وكأنه كان أمر غريب جدا وسط الناس ..

تقول لنا إحدى الأخوات :
لما كانت ترى المنتقبة أخت لها منتقبة في الشارع ولو كانت بعيدة تذهب لتقابلها على الفور ويرحبن ببعضهما .. سبحان الله كانت غربة شديدة عن الوقت الحالي .. ولكن صدقا كان من يلتزم وقتها يكون ملتزم التزام جاد عن الكثير ممن يدخلون الآن في دائرة الالتزام إلا من رحم الله ..
ذكرتينا بأيام كانت جميلة حقا وإن كنت لم أدركها إلا في نهايتها ..
فرج الله عنا وعن الجميع وثبتنا على دينه ..
اللهم أصلح قلوبنا ..

[ملكة بخماري]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

اولا السلام عليكم ورحمه الله ويركاته

انا محتاجة حد بجد اتكلم معاه انا عايشة فى البيت فعلا غريبة وكويس يااختى انك فتحتى الموضوع دة انا من ساعة ملتزمت بلاقى سخرية من قاريبى وكل اما الا قى شئ مخالف اقول علية تزداد السخرية منهم مش عارفة اعما اية انا فى كرب شديد وصراع دائم مع ولدتى وولدى واخى بسبب الاغانى ادعولى يااخوات بالله عليكم

[د.كركور]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

... اختى عيون الجنة ::: ::::
اللهم اختر لى ولا تخيرنى ....دعاء جمـيــــــــــــــــــــــــــــــل جدا محتاجينله فعلا

[*أمة الرحيم*]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

السلام عليكم ورحمة الله

شدنى اوى العنوان ولما دخلت الكلام شدنى اكتر

وتشعر بالغربة في بيتها

صح والله , والله بجد احساس مقرف جدا

الله المستعان

اللهم اهد والداى واخوتى وارشدهم الى سواء السبيل انك ولي ذلك والقادر عليه

[بريرة]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

عليكن أخوتى بالدعاء الدعاء الدعاء

هو الحل الوحيد

وإن شاء الملك العزيز هيعينك على كل شئ

ادعى ربنا انه يخترك الكلام اللى هتقوليه والوقت اللى هتتكلمى فيه مع أهلك

وادعى ربنا أن كلامك وافعالك تكون سبب في هدايتهم

وكونى جنب أخواتك واهلك في المواقف الصعبه بالنسبه لهم وحسيسيهم بأهتمامك وقربك منهم

وإن شاء الله ربنا هيكرمكم وهديهم

اسأل الله أن يهدينا ويهدى أهلنا إلى الحق ويثبتنا عليه

جزاكن الله خيرا

[العائده الي ربها]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

السلام عليكن اخواتي ورحمة الله وبركاته
جزاكي الله خيرا اختي عيون الجنه علي هذه الكلمات الرقراقه التي خرجت من قلب جميل اخواتي مهما وجدنا ممن حولنا من مشكلات فهذا يثبتنا اكثر لاننا علي الحق ويجعلنا نقترب من الله اكثر

كل شئ في حب الله ورسوله يهون
اسال الله الثبات لي ولكن وكل المسلمين

والسلام عليكن ورحمة الله وبركاته

[ام فاطمه الزهراء]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

اللهم ثبتنا ياااااااااااااااارب على الحق

ولا تخافون فى الله لومة لائم ما كان لله دام واتصل وما كان لغير الله انقطع وانفصل

[جدxجد]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

جزاكم الله خيرا
فعلا مشكلتى اهون من مشاكلكم
هبقى احكى لما احس بالضغط

[مسلمة وفخورة]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

للرفع
لاهمية الموضوع

[أسمى المعاني]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

يسلم رفعك
وجزاك الله خيراوفعلا موضع لازم يترفع على طول لانه مهم جداااااااااااااااا

[احلام انسانة مسلمة]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

وادعو الى سبيل ربك بالحكمة والموعظة الحسنة وجادلهم بالتى هى احسن

ربنا قال لينا كدة من زماااااااان اوى انا برضو اعانى من نفس المشكلة انا راى اننا مش نؤمر حد مثلا بالصلاة لالالا مثلا نبتكر افكار نخليهم قاعدين ونسمعهم حاجه حاجه عن الصلاة نحكى ليهم قصة فيها موعظة

وبالحب تنصحيهم بيبان اوىى انك عاوزة تاخدى حسنات على قفاهم "زى ما حد قالى"

عشان انتى بتحبيهم بالحب وحطى نفسك مكانهم وادعى ليهم ربنا يشرح قلبهم

[حياتى هناءٌ مع السنةِ]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

موضوع ع الجرح...طبعا التلفزيون ده اكبر مشاكلى..انا بطبعى بحب اللمه الحمد لله..معرفش اقعد لوحدى..لما بلاقيهم متجمعين بقعد معاهم وطبعا التلفزيون شغال لدرجة انى بعد ماقاطعت المسلسلات والافلام كنت افضل قاعده معاهم بتاع 5 دقايق فى صراع جامد بين نفسى والشيطان يقولى انتى مالك مش انتى اللى مشغلاها مش هتاخدى ذنبها..بس فى الاخر بقوم ..وطبعا اخويا اوضته جنب اوضتى انا اقعد اشغل القران وهو مشغل الاغانى والصوت بيرج الحيطه..ولا حول ولا قوة الا بالله ..الله المستعان..
اما بالنسبه لموضوع النقاب فحدث ولا حرج..انتى مش متدينه للدرجادى..اقول ياجماعه دى حاجه بينى وبين ربنا مش عشان ادارى جمال ولاحاجه انا عاديه مش جميله ولا حاجه..بس هما فاكرينوا للى جمالهم فاتن...اخرها رمضان اللى فات..طبعا رمضان عندهم مسلسلات وطبعا فى برامج دينيه فى النص بس انا كنت قاعده فى اوضتى على طول ولما فتحت موضوع النقاب ..اينعم اتناقشت معاهم كتييييييييييييييير ولكن مافيش فايده ..كل حجتهم انى فى منتقبات بيلبسوه علشان يشحتوا بيه ..سبحان الله يعنى انا هنزل اشحت معاهم...هم يضحك وهم يبكى..واللى يقولى هتلبسيه موضه واللى يقولى هتقلعيه بعد ما تلبسيه..لدرجة انى قررت انى هلبسه وانا رايحه اصلى التراويح واكتبلهم ورقه فيها انى لبسته وقولتلهم اخويا بيشرب سجاير مع العلم انها حراااام ولكن كل اللى انتوا بتعملوه بتنصحوه اشمعنى انا ؟...واللى يقولى النقاب مش فرض..لدرجة انى جيت فتره كنت متعقده لو حد فتح معايا سهراية النقاب ونسيته خالص ..بس ماشلتوش من دماغى بس كل اما افتكره افتكر ايام اللى فاتت فمبرضاش حد يتكلم قدامى عليه..اشوف المنتقبات فى الشارع ببقى نفسى اروح اقولها حافظى عليه انتى فى نعمه..بس الله المستعان ادعولى ربنا يشرح صدر ابويا وامى ويرضوا يخلينى البسه..خصوصا خلاص يعتبر عصر اضطهاد النقاب مشى بعد رحيل رؤس النظام الفاسد...ماتنسونيش من دعواتكم الله يباركلوكم..

[مسلمة وفخورة]

رد: _(_الملتزمين_)_ ومشاكلهم مع أسرهم -حلقة للنقاش -الكل يشارك

والله انا كمان عندى نفس مشكلة النقاب
ربنا يرزقنى انا وانتى وجميع بنات المسلمين بلبس ثوب العفاف عاجلا غير اجلا