همسات

[المحبه لله ولرسوله]

فكما رايتم من العنوان ((همسات))

فكثيرا ما نحتاج الى همسات
همسات تقول لنا اننا اخطاءنا
همسات تطمأنك وتقول انك لست وحدك
همسات تريك العالم من حولك
همسات تتعمق داخلك لتخرج افضل ما عندك
كلها همسات همسات
وانتظرونى فى

[مخلصة لرب العالمين]

رد: همسات

وعليكم السلام ورحمة الله تعالى وبركاته
جزاكِ الرحمن خيرااا
متابعين معكِ بإذن الله

[ايمان محمد عبد القدوس]

رد: همسات

متابعه
في انتظارك اخيتي

[المحبه لله ولرسوله]

رد: همسات

1. لا تكن عون للشيطان على أخيك
====================

عمركم سمعتم الجملة دى ؟!
طب حد فكر فى معناها يوم ؟!!
طب ها وصلتوا لايه ؟ ايه اللى بيجي فى دماغكم لما تقرأوها فكروا كده ...

فاكر انت صاحبك اللى جالك وقالك انا تعبت نفسى اتوب فاكر ساعتها بصتله ازاى ولما ضحكت اوى فاكر قلتله ايه فاكر لما قلتله بقى اللى معلمنا السجاير والبنات وووووو حيتوب والله ضحكتنى ها افتكرت ولا لسه وافتكرت وهو ماشى مقدرتش تمسك لسانه وقلتله طب حتى مش مكسوف من نفسك وانت بتقولها تفتكر ربنا حيقبلها منك بعد كل ده ؟!
احكيلك بقى هو قبل ما يجيلك كان عامل ازاى ...
انا حفضل كده لغاية امتى حقابل ربنا ازاى وحقوله ايه بعمل ايه صح فى حياتى نفسى بجد اغير حياتى بس حيقولى عليا ايه حيسعدونى ولا حيردونى ؟!!!
بص احسن حاجة اروح لـ (فلان) هو ابتدى فى الطريق ده واكيد حيساعدنى وهو حيشجعنى ... انا حروحله
وطبعا رحلك وانت قمت بالواجب !!! تفتكر عمل ايه بعد ما مشى من عندك تفتكر لسه عند رايه ولا ... ؟!

تعالى نشوف ....
ههههههههههههههه قال عايز اتوب هو عندوا حق ازاى انا حتوب طب ازاى واتجرا واقول حتوب مش مكسوف من ربنا انا حعيش واموت وانا كده انا اتخلقت لكده
==================================
ايه مالك مستغربه قوى كده ليه وبتقولى محدش بيعمل كده انتى مزوداها اوى
طب افكرك لما جتلك صحبتك وهى مبسوطة انها لبست حجاب فكره لما قلتلها بقى حته القماشة دى مسمياها حجاب يا بنتى مكنتيش لبستيه احسن ؟!
ايه مش فاكرة الصدمة اللى كانت على وشها ايه لسه ما افتكرتيش لما كانت عنيها بتستنجد بيكى انك تسحبى كلامك ده وتشجعيها ها افتكرتى !!! وافتكرتى انها كانت بتحارب اهلها قد ايه عشان تلبس حتى القماشة اللى انتى بتقولى عليها دى
==================================
وسمعاكى يا اللى هناك اااااااه انتى فعلا مقلتيش لحد حاجة انتى ملاااااااااك
تعالى نرجع بالذاكرة لورا شوية فاكرة فاكرة البنت اللى قبلتيها فى ( ) ايوة اللى كانت لابسة بنطلون استرتش وبدى ها افتكرتى !!! طب فاكرة بصتلها ازاى ساعتها اهى شافت بصتك دى وقرفت جدا منك وقالت بقى ماما عايزانا ابقى زى الاشكال المعقدة دى قال البس طويل وبتاع كلهم معقدين وميفهموش فى الزوق
لا وكمان شافتك وانتى بترمى علبة العصير اللى كنتى بتشربيها على الارض طبعا مسمعتهاش وهى بتقول تعالى يا ماما شوفى اللى بتتفاخرى بيهم انا مالى كده زى الفل وبعدين الايمان فى القلب .....
==================================
وانتى لما شوفتى بنتك بتصلى طبعا بعد الصلاة مسبتهاش ايه يا ست الشيخة اخيرا شوفتك بتركعيها وده من ايه بقى فى مشكلة ولا حبيتى تغيرى ؟!!!
طب بالله عليكى استفدى ايه ... يمكن كانت مستنية منك كلمة تشجيع بدل ما تكونى عون للشيطان عليها
وطبعا افتكرت انت كمان لما عملت مع صحبك كده طبعا لما قلك فى ندوة الجامعة تعالى لما نشوف الشيخ ده حيقول ايه !!!
وانتى ياللى ماسكة صاحبتك بست الشيخة لمجرد انها جربت تلبس جيبات !!!
=================================
ها كام واحد افتكر عاون الشيطان كام مرة كام واحد صدناه عن السبيل اما بقول او فعل او حتى بنظرة كام واحد بدل ما نمد له ايدينا لنكون له عون للنجاة من تيار الحياة الجارف القينا به بايدينا الى النيران لما لا ناخذه الى طريق الجنان لعله يدخلنا فى حديث "لان يهدى بك رجلا واحدا خير لك من حمر النعم "
متى سندعو الى الله حقا متى سنتعلم اخلاق الدعاة الى الله متى سنتعلم كيفية الدعوة الى الله
فادعو نفسى واياكم الى الرفق باخواننا ومهما عصوا ومهما بعدوا نمهد لهم الطريق ولا نقنطهم من رحمة الله ونذكر انفسنا دائما بقول الله تعالى ((كذلك كنتم من قبل فمن الله عليكم))
وختاما اسال الله عز وجل ان يجعلنى واياكم هداه مهديين

[المحبه لله ولرسوله]

رد: همسات

وعليكم السلام ورحمة الله تعالى وبركاته
جزاكِ الرحمن خيرااا
متابعين معكِ بإذن الله

متابعه
في انتظارك اخيتي

جزاكم الله خيرا
الحلقة الجديدة نزلت واتمنى ان تعجبكم

[المحبه لله ولرسوله]

رد: همسات

2. افتح الكنز

==============

العنوان غريب ؟!!
عايزين تعرفوا ايه هو الكنز ؟!
عايزين تعرفوا فين هو الكنز ؟!
طيب يلا تعالوا معايا ...
بس متزهقوش وتمشوا لان فى الاخر حنفتح الكنز ...

الاول كل واحد حاسس نفسه ايه ؟!
يعنى ممكن تقيم نفسك بكام درجة ؟!
حاسس انك مفيد بنسبة كام فى المائة ؟!

فى منا اللى حاسس نفسه ان من غيره الدنيا دى لا تساوى ... ودا لينا موضوع تانى معاه
فى منا اللى حاسس نفسه مفيد وان عنده حاجة مميزة ... وده برده مش موضوعنا
وطبعا عرفنا القسم الثالث وطبعا عرفت ان انت المقصود بالكلام ده
وهو اللى حاسس انه عاله على العالم وانه فاشل ومش ناجح فى حاجة وانه ملوش حاجة مميزاه وان الكل مميز عنه
ايوة انت المقصود وياريت متقولش انا قرات قبل كده ومفيش فايدة وتقفل ... حاول وكمل مش حتخسر حاجة

اولا لازم ناصل مسالة مهمة جدا ... ان الله تعالى رزق جميع عباده بالتساوى ...
ايوة انت مش شايف كده وحاسس انك مظلوم صح
طب خلى بالك من النقطة دى بالذات لان الله تعالى لا يظلم احدا
ايوة انت شايف فلان عنده حاجة مش عندك بس انت مش شايف المشاكل اللى عنده ومش عندك ها حترضى تاخدها ؟! اصل ما ينفعش تاخد حته وتسيب حته !!!

ممكن تسيب اللى حوليك وتبص لنفسك واتاكد ان فيك حاجة مختلفة
ايوة ما انا عارفة انك مش شايفها امال انا بكلمك ليه ؟!!!
بس احساسك انك فيك حاجة مختلفة حتخليك تدور عليها واكيد حتلاقيها فى يوم وساعتها حتكون فتحت الكنز

ايوة ما الكنز هو انت ... الكنز هو نفسك اللى حست بنفسها ... الكنز هو اللى حتطلعه للناس وتقول لكل واحد فيهم دوروا على الكنز اكيد فى يوم حتلاقوه ... صدقونى انتوا مغمين عينكم عنه

متخفش مش حنتكلم كلام نظرى ... حتلاقى انت نفسك بتقول ايوه صح
يبقى اصلنا ان ربنا قسم الارزاق بالتساوى ومفيش حد زايد عن حد
واصلنا انك عندك حاجة مختلفة بس محتاج تشيل التراب عنها

ثالث حاجة متحصرش نفسك فى خانة ولو فشلت فيها يبقى انت فاشل
دى اول نقطه توقفك مكانك
لا دور فى نفسك وخبط على كل باب حتى الباب اللى حسيته اتقفل فى وشك ... خبط على كله حتلاقى فى يوم باب منهم اتفتح ويمكن اكثر باب حسيته مش بتاعك اصلا ...
وعلى فكرة مش لازم تبقى عالم ومش لازم تبقى الاضواء عليك بس الاهم انك حاسس انك تبقى مميز فى حاجة ...

والحلقة اللى جاية ان شاء الله نديلكم امثلة ونشوف وصلتوا لايه واهم حاجة استعين بالله ولا تعجز فمن استعان بالله لا يخاف

[المحبه لله ولرسوله]

رد: همسات

2. افتح الكنز 2

==============

ها عملنا ايه فتحت الكنز ولا لسه ؟! طب لقيته ولا لسه ؟!
اه ما هو فى فرق كبير بين انى الاقى الكنز وانى افتحه
فى فرق بين انى عارف انى عندى موهبة وقدرة ومش بستعملها او معطلها وفرق بين انى مش عارف اصلا
واحنا لغاية دلوقتى بنتكلم فى انك مش عارف كنزك فين ؟
طب دورت ؟! ولا قولت ده كلام وانا زهقت كلام ؟! ولا قلت أنا فاشل وعمرى ما حنجح ؟!
طب ناصل حاجة كمان انهارده ان الفشل ما هو الا ادراك داخلى ... يعنى مفيش حاجة اسمها فشل وانى فاشل والكلام ده
ممكن يبقى واحد الناس شايفينه فاشل وهو الوحيد حاسس انه ناجح لانه شايف اللى مش شايفينه
وواحد تانى الناس كلها شايفينه انه ذكى وحينجح وهو الوحيد اللى حاسس انه فاشل
يبقى لازم نغير ادراكنا ونشيل كلمة انا فاشل ومش ناجح فى حاجة من قاموسنا
أديسون...فتى لا يعرف اليأس..
رأسه كبير ... صوته رفيع .... لا يكاد يسمع ...لم يتعلم فى اى مدرسة ...... وقالوا عنه انه فتى غير طبيعى !!! هل اوقفه هذا ؟!
اجرى اديسون الف تجربة فاشلة قبل الحصول على مصباح حقيقى ...وكان تعليقه فى كل مرة ...هذا عظيم .. لقد اثبتنا ان هذه ايضا وسيلة فاشلة فى الوصول للإختراع الذى نحلم به ...قالها الف مرة ولم يتوقف ..ولم يمل ...ولم يحبط .....

كم من باب طرقت وهل ياست من اول مرة ؟!

وانظر الى الكسائي ـ إمام النحو ـ طلب النحو عدة مرات، ولكنه لم يوفق، فرأى نملة تحمل نواة تمر، فتصعد بها إلى الجدار فتسقط، حتى كررت ذلك عدة مرات، ثم صعدت بها إلى الجدار وتجاوزته، فقال: سبحان الله! هذه النملة تكابد هذه النواة حتى نجحت، إذن أنا سأكابد علم النحو حتى أنجح، فكابد؛ فصار إمام أهل الكوفة في النحو

ارايت انه الادراك والاستعانة بالله وحسن الظن به تصنع المعجزات ...

فماذا ينقصك العقل ميزك به الله عن جميع المخلوقات هل فقدت احد اعضاؤك
ها هو العالم ستيفن هوكينغ أصيب بمرض عصبي وهو في عمر 21 هو مرض التصلب الجانبي ALS وهو مرض مميت لا دواء له وقد ذكر الأطباء أنه لن يعيش أكثر من سنتين، ومع ذلك جاهد المرض وهو في عمر 71 الآن وهي مدة أطول مما ذكره الأطباء، ذلك المرض جعله مقعدا تماما غير قادر على الحراك، لكن مع ذلك استطاع أن يجاري بل وأن يتفوق على أقرانه من علماء الفيزياء رغم أن أيديهم كانت سليمة ويستطيعون أن يكتبوا المعادلات المعقدة ويجروا حساباتهم الطويلة على الورق كان هوكينج وبطريقة لا تصدق يجري كافة هذه الحسابات في ذهنه، ويفخر بأنه حظي بذات اللقب وكرسي الأستاذية الذي حظي به من قبل السير إسحاق نيوتن.
مع تطور مرضه وأيضا بسبب إجرائه عملية للقصبة الهوائية بسبب التهاب القصبة، أصبح هوكنج غير قادر على النطق أو تحريك ذراعه أو قدمه أي أصبح غير قادر على الحركة تماما، فقامت شركة انتل للمعالجات والنظم الرقميه بتطوير نظام حاسوب خاص متصل بكرسيه يستطيع هوكينج به التحكم بحركة كرسيه والتخاطب باستخدام صوت مولد إلكترونيا وإصدار الأوامر عن طريق حركة عينه ورأسه وعن طريق حركة العينين، حيث يقوم بإخراج بيانات مخزنة مسبقا في الجهاز تمثل كلمات وأوامر.
فما هى اعاقتك ؟!! اعاقتك هى نفسك ؟!!
هيا فلنطرح عنا عباءة الكسل ... فلنطرح عنا مقولة معرفش بل ستتعلم وتنجح ... فلنطرح عنا مقولة انا فاشل فلا احد فاشل على وجه الارض ... لا وتلتفت الى المثبطين من الناس (مش حتعرف ... كلهم فشلوا...)
ها هو الدكتور ابراهيم الفقي أشهر محاضر عالمي في مجال التنمية البشرية يقول :
ذهبت إلى كندا عام 1978 وكل من قابلتهم أكدو لي أنه من الأفضل أن أعود إلى بلدي في أسرع و قت ممكن فليس هناك أي عمل في كندا و أنهم لم يجدوا أي عمل
فلم التفت لذلك وخلال 48 ساعة من البحث حصلت على عرضين للعمل أفضلهما غاسل للاطباق في احد المطاعم وهو ما كان و بعد ثمان سنوات من الكفاح أصبحت مديرا عاما لأحد الفنادق هناك وبعد ذلك أصبحت مديرا عاما لعدة فنادق خمسة نجوم بكندا .

فماذا تنتظر الى الان الم تقتنع ؟! حسنا الامر يرجع لك ...
ولكن اترك لك خطوات عملية لعلك تحتاجها عند اقتناعك
اولا استعين بالله عز وجل واساله التوفيق
ثانيا الغى من قاموسك كل الكلمات المحبطة ولا تلتفت الى المثبطين من الناس
ثالثا نمى الثقة فى نفسك فبدون الثقة لن تصل
رابعا كافئ نفسك على اى انجاز حتى لو كان صغير فالصغير سيصير كبير يوما
خامسا حدد اهدافك واكتبها فبتحديد الطريق تستطيع السير
سادسا إذا سقطت فأنهض وحاول من جديد ولا تبقى حيث سقطت
سابعا اياك والكسل فالكسل لذه لحظية تضيع منك الكثير

فالان حددنا الطريق واخذنا الزاد فبالتوكل على الله نصل
ويوما ما ستصل فإننا نصنع النجاح ولا نولد به
وفى النهاية اذكرك بدعاء النبى صلى الله عليه وسلم "اللَّهمَّ إنِّي أعوذُ بِكَ منَ العَجزِ والكسَلِ ، والجبنِ والهرَمِ وأعوذُ بِكَ من فتنةِ المَحيا والمماتِ ، وأعوذُ بِكَ مِن عذابِ القبرِ"
ودعاء سيدنا عمر رضى الله عنه " اللهم انى اعوذ بك من عجز الثقة وجلد الفاجر"
واسال الله عز وجل ان يوفقنا لما يحب ويرضى

[المحبه لله ولرسوله]

رد: همسات

3. اختار صح

==============

لأ مش اعمل الصح ... اختار صح

فى حياتنا دائما فى اختيارات ... اختار البس ايه ... اختار انهى كليه (دا طبعا لو التنسيق محدفكش ) ... اختار ده ولا ده ...
فحياتنا مش بس فيها اختيارات ... لأ دى مبنية على اختيارات ...

وطبعا عشان نختار لازم نفكر كثير ونستشير عشان نوصل للاختيار الصح ... ولما بنختار حاجة فى الاخر بيبقى ليها نتيجة من اثنين ملهومش ثالث ... يا نكون وفقنا فى الاختيار واكيد بنكون فرحانيين ... يا بنختار غلط وساعتها مبنقدرش نلوم حد لان احنا اللى اختارنا ...

طب ليه مبنفكرش فى اكبر اختيار فى حياتنا ... او بمعنى ادق حياتك اصل خيارين ... يا طريق الصلاح والفلاح ... يا طريق الشقاء والعناء
ومتحاولش تهرب زى كل مرة وتقول كلام متعاد ... واجه نفسك دلوقتى ... لان بعد كده هى اللى حتلومك !!!

وطبعا من المتفق عليه ان الرقص على السلالم مش حل ، صح ؟!
يعنى يا ابيض يا اسود مفيش حاجة وسط
يعنى يا طريق جنة يا طريق النار مفيش وسط ... مفيش يوم هنا ويوم هناك ... بل خلود بلا موت ...

كثير بنمنع نفسنا من حاجات كثير بنحبها نقول عشان نوصل لاختيار صح ...
يعنى لما نمنع نفسنا من النوم ساعتين مثلا عشان نذاكر فيهم وعشان عارف نتيجة اختيارك
ولما تمنعى نفسك من انك تشترى حاجة بتحبيها لان فى اختيار تانى احسن

طب ليه اختارنا لدنيتنا الدنية ؟! لأ لأ اقصد لآخرتنا الدنيا ؟! اصل اللى بنعمله دلوقتى مش للدنيا دا احنا بنختار حتكون حياتنا الدائمة فين ؟! فى الجنة ولا فى النار ؟!

اصل خلى بالك مهما عشت حيبقى ليك نهاية ... نهاية امتحان ... يا تكون سهرت عشان تنجح فيه ... يا قعدت تلعب ومش فى دماغك ومحستش الا لما اتسحب منك الورقة ومستنى النتيجة !!!

ايوة هى دى ... اعمل الصح

اعمل واسال من الله ان يتقبله منك وان يوفقك دائما الى عمل صالح خالصا لوجهه الكريم
واسال الله عز وجل ان يرزقنا حبه وحب من يحبه وحب كل عمل يقربنا الى حبه
وان يرزقنا الجنة بدون سابقة حساب ولا عذاب

[المحبه لله ولرسوله]

رد: همسات

4. نفسى ابطل ذنوب
==============

مخنوق وتعبان كل شوية ذنب شكل مبقتش طايق نفسك ولا عارف تبص فى المراية حتى ... صح ؟!
طب ايه يعنى ؟! استغربت ... صح ؟!
طب احب ابشرك ... اه والله بشرى ومتخفش مش بستهزك بيك ولا حاجة
تعالى افهمك ...
اولا احساسك ده فى حد ذاته دليل على ان قلبك لسه فيه خير ... لسه مش قابل المعصية ... ايه مش بنشوف كثير يقولك انا بعمل ايه يعنى ؟!

ثانى حاجة بعد ما تذنب بتعمل ايه ؟! ده الاهم ...
اصل فى ناس بتقولك انا ربنا حيغفرلى ازاى ... وناس تقولك انا عملت ايه اصلا ؟!
احنا اتفقنا ان احنا ان شاء الله مش من النوع الثانى لان نبيك صلى الله عليه وسلم قال كلُّ ابنِ آدمَ خطاءٌ ، وخيرُ الخطَّائينَ التَّوابونَ . حسنه الالبانى
وقال صلى الله عليه وسلم : واللَّهِ إنِّي لَأستَغفرُ اللَّهَ وأتوبُ إليهِ في اليومِ أَكْثرَ مِن سَبعينَ مرَّةً. البخارى
يعنى رسولك وحبيبك خير البرية اللى غفر له ما تقدم من ذنبه وما تاخر يتوب الى الله سبعين مرة وانت تقولى اتوب ليه ؟!

نيجى للنوع الاول بقى ... ربنا بقى مش حيغفرلك ليه بقى ؟!
الله سبحانه غفر للى قتل المائة نفس وادخله جناته ...
ويقول الله تعالى : ((قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ))
انت اسرفت على نفسك صح ... تمام ربنا جل وعلا هو بنفسه اللى بيقولك كده ... عايز ايه تانى ؟!
رامى ودنك للشيطان ليه انه يحبطك عن التوبة ؟! ربك اللى خلقك واللى الوحيد سبحانه اللى عالم بذنبك مهما استخفيت اللى قالك كده ، عايز ايه تانى ؟!
حتقولى ما انا كل شوية برجع للذنب ... حيتقبلنى ازاى ؟!
حديلك الحديث ده هدية
ذكر صلي الله عليه وسلم: إنَّ عبدًا أصاب ذنبًا فقال : ربِّ أذنبْتُ ، فاغفِرْه ، فقال ربُّه : أَعَلِمَ عبدي أنَّ له ربًّا يغفر الذَّنبَ ويأخذُ به ؟ غفرتُ لعبدي ، ثم مكث ما شاء اللهُ ، ثم أصاب ذنبًا ، فقال : ربي أذنبتُ آخرَ ، فاغفِرْ لي قال : أَعِلِمَ عبدي أنَّ له ربًّا يغفر الذَّنبَ . ويأخذُ به ؟ غفرتُ لعبدي ، ثم أصاب ذنبًا ، فقال : ربِّ أذنبتُ آخرَ ، فاغفِرْ لي ، قال : أَعَلِمَ عبدي أنَّ له ربًّا يغفر الذَّنبَ ويأخذُ به ؟ قد غفرتُ لعبدي فلْيعمَلْ ما شاء. صححه الالبانى
وشوف ده كده
وفي صحيح مسلم عن النبي صلى الله عليه وسلم أنه قال : " لو لم تذنبوا لذهب الله بكم ولجاء بقومٍ يذنبون ثم يستغفرون فيُغفَرُ لهم "
ها عايز ايه تانى ؟! خايف من ايه تانى ؟!

ومش معنى الكلام ده كله انى بقولك وماله اذنب لا دا انت شوف بتذنب فى حق مين ؟! فى حق الله تبارك وتعالى !!! ولعلك متوفقش الى توبة فتموت على ذنوبك دى ولعلك ياتيك الموت وانت تفعل ذنب من هذه الذنوب فتبعث على ما مت عليه ....
ولكن كتبت كل ما تقدم عشان اقولك متخفش ربنا حيقبلك لو رجعتله فهو سبحانه حاشاه ان يغلق الباب فى وجه احد
قال صلى الله عليه وسلم إن اللهَ عز وجل يبسطُ يدَه بالليلِ ، ليتوبَ مسيءُ النهارِ . ويبسطُ يدَه بالنهارِ ، ليتوبَ مسيءُ الليلِ . حتى تطلعَ الشمسُ من مغربِها . مسلم
وقال صلى الله عليه وسلم : قال اللهُ عزَّ وجلَّ : أنا عند ظنِّ عبدي بي . وأنا معه حيث ذكرني . واللهِ ! للهُ أفرحُ بتوبةِ عبدِه من أحدِكم يجِدُ ضالَّتَه بالفلاةِ . ومن تقرَّب إليَّ شِبرًا ، تقرَّبتُ إليه ذراعًا . ومن تقرَّب إليَّ ذراعًا ، تقرَّبتُ إليه باعًا . وإذا أقبل إليَّ يمشي ، أقبلتُ إليه أهرولُ . مسلم
يعنى الله تعالى يفرح بتوبتك ... فلما القنوت من رحمته ؟! وهذا كان غاية ما تقدم ... الا تقنت من رحمة الله
فما عليك الا ان تسارع بالتوبة وتعلنها صراحة ... يا ذنوبى لن تعودى
والمرة القادمة ان شاء الله نعرف شروط التوبة وكيفية التوبة وامور اخرى ... انتظرونى
مش اعمل الصح ... اختار صح

[المحبه لله ولرسوله]

رد: همسات

4. نفسى ابطل ذنوب (2)
==============

اتكلمنا على التوبة المرة اللى فاتت وقلنا اهميتها وقلنا اننا منقنطش من رحمة الله مهما بلغت ذنوبنا

تعالى بقى نعرف شروط التوبة : وهى سهلة متخفش
1. الاخلاص : يعنى تكون التوبة صادقة لله مش عشان حد يعرف انى توبت ولا اعمل نمرة على اصحابى
2. الندم : قال صلى الله عليه وسلم : الندم توبة
يعنى احساسك بالذنب اصلا ده فحد ذاته توبة
3. الاقلاع عن الذنب : يعنى مينفعش تقول انا حتوب وانا لسه على الذنب ولكن سيبه فورا لله فلا تدرى متى ياتيك الموت فربما تموت عليه
4. العزم على الا يعود : دي بقى الشعرة اللى بتفرق بين اللى بيرجع للذنب بعد ما نفسه وهواه بيغلبوه وبين انه بيتوب وهو ناوى يعود تانى للذنب
الاول بيطبق عليه الحديث اللى فوق لانه تاب توبة صادقة لله والثانى نسال الله العفو والعافية والسلام فهو كالمستهزئ بربه
5. رد المظالم لاهلها
واهم الشروط ان يكون فى زمن التوبة يعنى قبل ان تعاين الموت او قبل طلوع الشمس من مغربها ... لان بعدهما لا يقبل توبة

حتقولى بقى حتوب بقى ازاى ؟! اقولك بسيطة
زى ما اتفقنا ان الندم توبة يعنى مجرد ندمك ده فحد ذاته توبة
وقال صلى الله عليه وسلم : ما من عبد يذنب ذنبا فيحسن الطهور، ثم يقوم فيصلي ركعتين، ثم يستغفر الله، إلا غفر الله له. ثم قرأ هذه الآية: وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ {آل عمران:135}.
وعليك بكثرة الاستغفار كما في الصحيحين عن النبي صلى الله عليه وسلم أنه قال : " إذا أذنب عبدٌ ذنباً فقال أي رب أذنبت ذنباً فاغفر لي ، فقال : علم عبدي أن له رباً يغفر الذنب ويأخذ به ، قد غفرت لعبدي .. الحديث " . رواه البخاري
والحسنات الماحية ، كما قال تعالى : ( أقم الصلاة طرفي النهار وزُلَفَاً من الليل إن الحسنات يذهبن السيئات ) ، وقال صلى الله عليه وسلم : " الصلوات الخمس والجمعة إلى الجمعة ورمضان إلى رمضان مكفرات لما بينهن إذا اجتنبت الكبائر " رواه مسلم
يلا كلنا نبادر بالتوبة فلا تدرى متى تقبض وعلى ماذا تقبض ومتخليش الشيطان يقعدك عن التوبة وتحسن الظن بالله انه حيغفر لك ذنوبك
حتقولى طب انا كل شوية برجع للذنب تانى ...
اقولك اولا وقبل كل شيء استعن بالله فهو سبحانه القادر عصمك من هذا الذنب
ثانيا الاكثار من الدعاء والتذلل الى الله واكثر من قول يا مقلب القلوب ثبت قلبى على دينك
ثالثا البعد عن اصدقاء السوء واختيار الصحبة الصالحة
رابعا البعد عن كل شيء يقربك من هذا الذنب وتركه لله تعالى

وختاما اسال الله عز وجل ان يوفقنا اللى توبة خالصة لوجهه الكريم وان يتقبلنا من التائبين

[آلجنه غآيتى]

رد: همسات

وعليكم السلام ورحمه الله وبركاته
جزاكم الله خيراً وبارك فيكم
ــ ــ ــ ـــ ـــ ـــ ـــ ـــ ــــ ــــ ــ
أستغفرك ربى وأتوبُ إليك