ايه رأيك تكوني منتقبة؟, لا للجدال ..ولكن ..ممكن اعرف آرائكم ؟؟

[الطبيبة/ راجية رحمة ربها]

نسيت اقول ماشاء الله لاقوة الا بالله
والله كانت فى ذهنى ونسيت اكتبها

[نسيبة بنت كعب]

جزاكى الله خيرا أختى ومستنياكى على المشروع اللى فى الرابط اللى فى التوقيع بإذن الله

[حفيدة الصحابة]

لبستي جديدا وعشتي حميدا ومتي شهيدا
مبارك ان شاء الله وربنا يثبتي اختي لؤلؤة
ويجعلك من الصالحات القانتات
ويثبت اخواتي جميعا

[نسيبة بنت كعب]

جزاكى الله خيرا أختى حفيدة الصحابة على هذا الدعاء
اللهم آمين آمين آمين

[fagr alleslam]

اللهم ارزق جميع بنات ونساء المسلمين الستر والعفاف
والنقاب امين امين

[الراجيه عفو الله]

السلام عليكم ورحمه الله وبركاته
ارجو من الله ان يجزيكن خيرا علي هذا الموضوع بصراحه انا مش لبسه النقاب انا هداني الله السنه اللي فاتت ولبست الاسدال وقد وافق ابي وامي عليه رغم معارضه جميع الاقارب وكم كنت سعيده به وكنت كثيرا ما افكر في النقاب ولكن كنت اقوال اخليه لما العريس يجي واخليه اختبار له علشان اشوفه هيوافق ولا لا ولكن عندما قرات هذا الموضوع انشرح صدري جدا وقررت ان البسه وسئلت امي فوافقت ففرحت جدا وقلت بقي ابي ولكن حدث لي مالم يكن في الحسبان فما ان فاتحت ابي في هذا الموضوع الا وقد وجدت معارضه من جانبه لم اجدها من قبل في اي موضوع واخد يقول لي انت مازلتي صغيره والدين دين يسر وليه هتقفلي علي نفسك استني اما تتجوزي ابقي البسيه وبصراحه انا لم اقتنع باي من هذا ولكن ابي اصر علي موقف وكم احزنني هذا الموضوع ولكني لا اعلم ماذا افعل لكي اقنعه واني متعبه جدا من هذا الموضوع لاني احببت كتيرا ان اتقرب من الله
فارجوا منكم ان تدعوا لي الله ان يعين ابي ويهدينني لكي البس النقاب
السلام عليكم

[يمامة المسجد]

حاضر حبيبتي

إن شاء الله أدعيلك

وربنا ييسر لك الأمر إن شاء الله

وحاولي معه مرة تلو الأخرى

وعيطي وابكي

وقللي أكل شوية

حسسيه إنك زعلانة

ومتأثرة

لو قلك تعالي نخرج : قليله مش ليه نفس ، ومش قادرة أعمل شئ

خليكي في حجرتك دايما ً

حسسيهم انك زعلانة

وكلميه بإنكسار

وصدقيني ماهيقدر أمام تلك الدموع إن شاء الله ، لأنه حججه واهية وطريقة نقاش فيه غيرك أختي أبوهم ممكن يضربهم بالألم

الله المستعان

[حفيدة الصحابة]

اقولك علي حاجة حلوة يا اختي راجية وان شاء الله هتنفع والله المستعان
صلي ركعتين ف ي قيام الليل واخلصي فيهم واصدقي مع الله وان شاء الله ربنا هيسرلك الموضوع دا
المعلمة بتاعتي كانت دايما تقول كده لو صدقتي معاه هيونلك صؤلك الاهم انك تكون صادقة وربنا يكتبهولك يارب ويكرمك

[الرميــصآء]

الســلامـ عليكمـ ورحمه الله وبركـاته

الأخـــت يمـامه المسجــد: انتظــرت ردكـ على ســؤالى ولم تجيبـــى ؟؟؟؟

[رُحماك يالله]

جزاكم الله جميعا اخواتى فى الله والحمد لله ان ربنا رزقنى لبسة من سنة رغم ان عمرى مفكرت فية بس جات فى لحظة

[ريحانة]

السلام عليكم ورحمة الله وبركاته
على فكرة الموضوع بجد راااائع ...جزاكى الله خيرا اختى يمامة وجعله الله فى ميزان حسناتك ... انا بفضل الله لبسه النقاب من حوالى 8 شهور وكان نفسى البسه جدااا وواجهت بعض الصعوبة بس بفضل ربنا كانت بسيطة مع اهلى انما العائلة هى اللى كانت قايمة عليا اوى ولغاية يومنا هذا ...المهم فى موضوع انا عايزة رايكم فى ضرورى لانى بجد فى حيرة شديدة وخايفة جداا
الموضوع انى بعد لما لبست النقاب بشهر تقريبا تعبت وجالى صداع شديد اوى بس قولت يمكن ارهاق واخدت مسكن بس كنت روحت للدكتورة وانا اساسا نظرى ضعيف فقالتلى ان النقاب بيسبب ضرر لعينى لان مجال الرؤية مش مفتوص لا هو محدد بسبب النقاب وبالتالى عينى بترهق وبتسبب ليا صداع المنهم انا كبرت وقولت لا وباذن الله كل شىء هيبقى كويس وهخف بس الصداع ده عندى لغاية دلوقتى وبيزيد بمرور الزمن لدرجة انى من كتر الالم مش بعرف انام كذا يوم ورا بعض وعينى بتورم وبخبط راسى فى الحيط من كتر الالم لدرجة ان احنا هنا شكينا وروحت لدكتور مخ واعصاب وعملت اشعه مقطعيه وحوار كده كبييير شوية بس بفضل الله مطلعش فى حاجة عضوية بس روحت لدكتورة العيون تانى وقالتلى انتى نظرك ضعف وبالمنظر ده عينك هتتعب جدا ولا يكلف الله نفسا الا وسعها ..المهم انا كنت بفضل فى البيت فترات كبيرة مش بخرج يعنى مش بلبس النقاب فالبفعل الصداع بدا يقل مع الدوا اللى الدكتور كتبه واول لما بخرج والبس النقاب مده شوية بتعب والصداع بيجى تانى ..المهم لما قولت للدكتور انه يشوفلى حل لانى مش ممكن اقلع النقاب اطلاقا قالى ان الصداع ده ممكن يبقى مزمن عندك لو فضلتى من غير علاج وانتى دلوقتى طبيبه نفسك وعارفة السبب ولازم تحليه مع نفسك وانتى لسه صغيرة يعنى حرام عينك تضعف كده ...بصوا ياجماعه لو انا بتكلم بجد من قلبى ومن اللى بيدور جوايا فانا فعلا صعب عليا جدا انى اقلع النقاب وانا عارفة ان اهلى طالما الموضوع خاص بصحتى هيغصبوا عليا بس هما سيبينى اخد القرار بنفسى عشان عارفين انى بحب قرارى يبقى منى بس لو وصل الامر انى ضريت نفسى هيخلونى اقلعه غصيا عنى بس فى نفس الوقت يا جماعه انا لما بفكر شوية (صدقونى معرفش ده شيطان ولا لاه) بقول انى كده فعلا هضر نفسى واكيد ربنا ميحبش الضرر لعبيده وغير كده انا فعلا نفسى اخدم الاسلام بحاجة وبفضل من عند ربنا انا متفوقة فى كليتى وفى دماغى حاجات كتيير نفسى اعملها فى دراستى افيد بيها الاسلام مع العلم ان الالم ده بياثر على تركيزى جداا وعلى مذاكرتى ..صدقا انا مش قادرة اتنازل بس فى نفس الوقت بدات افكر من جميع الجوانب لانى لو قلعته هيبقى غصبا عنى ومش بايدى ..انا عارفة ان انا كلى ملك للمولى عزوجل وان ربنا غالى اوىى عليا واقدر اضحى باى شىء من اجل ارضاءه بس فعلا القرار مش بايدى لواحدى لان الموضوع مش يخصنى لوحدى لان اهلى ليهم حق فيا وهما لو لقونى مصممه هيخلونى اقلعه بمزاجهم والله يا جماعه انا بصلى استخارة وبدعى كتيير بس فعلا مترددة وقلقانة جدااا وفى حيرة شديييييييييييييدة بالله عليكم ادعولى ربنا يهدينى للى فيه الخير واحب بجد اعرف رايكم

[انى احب الله]

السلام عليكم ورحمة الله ماشاء الله موضوع رائع الله يجازيكن الجنه باذن الله كمان انا حابه اشترك معكم انا لله الحمد ارتديت النقاب من سنه وشهرين (اللهم انى اسألك الثبات)كانت تراودنى الفكره منذ كان عمرى 16سنه لكن اهلى كانوا يمانعوا دايما وكمان انا ما كان عندى همه عاليه حتى اجادل او أقنعهم برايى لكن اذا قضى الله امرا كان مفعولا كنت فى هذه الفتره غير ملتزمه كما يقول البعض(عاديه) فعزمت على ارتداء النقاب رغم المعارضات التى كانت ولا تزال الا انى ولله الحمد سعيدة بنقابى وفخوره بكونى مسلمه مصونه رغم ما يمكر الماكرون وأدعو الله العلى العظيم ان يردنا والمسلمين الى دينه ردا جميلا

[الطبيبة/ راجية رحمة ربها]

السلام عليكم

هييه الموضوع طلع كويس

أقلكلم على خبر كويس
كنت عايزة اقوله من 3 ايام
بس دورت على الموضوع مش لاقيته

أنا لبست النقاب بفضل الله تعالى

باركولى بقى

عقبالك يا توأمة اسمى راجية رحمة الله يارب يارب يارب وكل البنات اللى عايزة تلبسه


وبابا برده كان زعلان شوية يعنى وقاللى ليه واستعجلتى ولكن الحمد لله هدى وخلاص

وربنا يارب ييسر الأمر لكل من تحب النقاب

ادعولى بالثبات

لحسن اللعين عمال يلعب فى راسى ساعات

وكمان انا لسة مش مصدقة انى لبسته ومتلخبطة خالص مع انى نزلت بيه مرتين الحمد لله

وادعولى ربنا يصبرنى على اي ايذاء
خصوصا ان مناقشة رسالة الماجستير بتاعى قربت وانامعرفش الدكاترة اللى هينقشونى طبيعتهم ايه بالضبط لان فى ناس عدوة النقاب وربنا يستر ومن يتق الله يجعل له مخرجا


بالنسبة لأختى التى تعانى من صداع بسبب النقاب

أنصحك تروحى لطبيبة أو طبيب اخر ثقة وتسأليه ولو قالك نفس الكلام ابعتى اسألى أهل العلم من المفتين والعلماء

لأن راينا مش هيفيدك لأننا كلنا طلبة علم وطالب العلم قد يضر لا يفيد .. لأنه مهما وصل علمه قاصر ومحدود ..

واتذكر قصة الصحابى الذى شج راسه فى الحرب وافتاه الصحابة بالوضوء وغسل راسه فمات وما كان عليهم افتاؤه بذلك لما علم الرسول بذلك لم يوافقهم

عليه الصلاة و السلام

فالرأى الصائب تأخذيه من العلماء الثقات الكبار الدارسين فللفتوى أهلها أختى

وربنا يارب يصرف عنك كل أذى وكل سوء

[التوبة]

السلام عليكم و رحمة الله تعالى و بركاته جزاك الله خير الجزاء أختي الكريمة و أنا و الله اعلم بحالي نفسي ألبس النقاب و أتذوق به حلاوة الايمان و انا عندي سنة وأنا أفكر فيه لكن المشكلة القائمة هي أني أبلغ من العمر ** سنة وأنا طالبة في الثانوية و عندي امتحان للبطالوريا لازم أجيبو بتوفيق ربي و حقيقة القوانين عندنا تمنع النقاب.........فما هو السبيل .أرجو المساعدة في أخذ القرار.

[حفيدة الصحابة]

ماشاء الله ربنا يزيد ويبارك ربنا يبارك فيكم جميعا ويثبتكم
مبارك اختي الطبيبة ربنا يثبتك يارب
والاخت الي بتعاني من الصداع حاولي متشديش الرباط بتاع النقاب جامد عشان دا بيعمل صداع عن تجربة والحمدلله