ايه رأيك تكوني منتقبة؟, لا للجدال ..ولكن ..ممكن اعرف آرائكم ؟؟

[الطبيبة/ راجية رحمة ربها]

السلام عليكم

بوركت اختى حفيدة الصحابة
جزاك الله خير

[أم المجاهدين]

جزاك ِ الله خيراً يا يمامه
دايما متألقه بمواضيعك على طول
ربنا يكرمك يارب
سبحان الله انا كل لما أجى اشارك فى الموضوع ده فى حاجه تعطلنى لكن الحمد لله ربنا قدر واهو بشارك فيه
ربنا يجازيكوا خير يابنات
ويرزقكم الفردوس الأعلى اللهم آمين
ومبارك ليكم حبيباتى كلكم ياللى لبستوا النقاب وعقبال يارب كل بنات المسلمين
..........
عارفين يا بنات انا هحكيلكوا حكاية واحده كنت أعرفها
وربنا تاب عليها ويارب يتوب عليها ويهديها
...
البنت دى اتربت فى بيت كان بيحكمه أب متشدد فى كل حاجه
طلعت لقت لقب عيلتها بيفتح ليها أبواب كتير ...ونفس الوقت بيقفل أبواب كتير
البنوته دى كانت عيلة ماماتها((عايقين شويتين)))... ورأيهم فى عيلة أبوها إن هما أقل حاجه (((متطرفين)))
وكان عشان الاب يكون حازم مع ولاده خلى علاقتهم بالعيلتين فى حدود صلة الرحم بس ومنع اى تأثر او تأثير من العيلتين على ولاده
لكن على مين...!!!
عيلة الاب كانوا كلهم من أصحاب اللحى ...وطبعا انتوا عارفين أصحاب لحى ومن رواد المساجد فى اوائل التسعينات حصل ليهم ايه ؟؟ ومن مين ؟؟
الاب خاف على ولاده وحاول يبعدهم عن الجو ده خوف عليهم
لكن برده على مين..!!!
المهم والد البنوته دى توفى وهى عندها تقريبا 14 سنه وسابها ورباها ربها ..
واتربت مع اخواتها وامها وعلى نفس نهج ابوها
بس كانت البنوته دى متأثره شويتين تلاته بعيلة أمها اللى أ نا قلت ليكوا((عايقين شويتين))
المهم كبرت وهى مهتمه بالموضه على عكس عيلة ابوها واخواتها بس فيها نفس طباعهم ولما حد كان بيعرفها ان هى من العيله دى مكنش بصدق ..بس بيفتكرو ويقوا ليها ((آااااااااااه انت طالعه لعيلة أمك))) مع ان امها ست طيبه وحنينه ومالهاش فى العياقه خالص
المهم لما دخلت الجامعه عاشت وانطلقت فيها بس برده مانسيتش اتربت على ايه
كان كل اما اسمها يتقال يقرن بكلمه((آه دى بت جدعه))
ومش عايزه أقول ليكوا اخوات البنت دى جاهدوا معاها فى لبسها اد ايه!! وبشتى طرق الجهاد..لكن انتوا عارفين الجاهليه بقه ماكنتش بتقتنع
المهم بقه وكفايه لك
فى رمضان 1425 البنت دى كانت اخر لبس لبسته وكان يوم 24 رمضان كان على اخر موضه ايامها وكانت الحاجه اللى بسموها طرحه الى هى عباره عن شبك دى لسه تقريبا ما وصلتش المنصوره فضلت تدور عليها لحد ما جبتها ولبستها
كان على رأى صحبها نيولوك جامد
المهم فى يوم25 رمضان حست انها مخنوقه لدرجة انها حست انها هتموت وفضلت تعيط كتييييييييييير وفضلت تصلى لحد الصبح لحد مانامت من التعب لدرجة انها صلت ب8 اجزاء القيام فى اليله دى
ودعت ربنا انه يبعد كل حاجه واحشه فى قلبها مش ترضيه وانها ان شاء هتلبس النقاب وبدون اى مقدمات هتقلب حياتها 360 درجه وقالت يارب لو انت راضى عن توبتى دى ارزقنى حاجه تثبتنى على قرارى وتقوينى على نفسى
وقد كان.. ومنّ عليها الرحمن بانها تانى يوم صلت فى السلاب وكان الشيخ عبد الله السعدى هو اللى بيصلى فى السلاب ورزقها الرحمن بإن يكون فى شيخ جديد كده فى المسجد يخطب خطبه عن النار وازاى احنا مش قدرين نستغنى عن الدنيا ونرحم نفسنا من النار ونرضى الرحمن
وكان الشيخ الجديد الطيب ده هو
((دكتورنا الكريم حازم شومان))
ولو فاكرين يا بنات ليلة 27 رمضا ن 1425 كان فيها ايه وكانت عامله اازى للى قامها فى السلاب
وخلاص قرار النقاب بقى اكيد فى حياتها
نزلت السلاب تانى يوم ليلة 28 وكانت البشرى من الشيخ عبد الله بأنه ان شاء الرحمن أن اليلة الماضيه والله أعلى وأعلم كانت ليلة القدر
فظلت تبكى إلى ان كاد ان يغشى عليها
رجعت بيتها ليلة 29 رمضان وحكت لهم ما شاهدته فى هذه الليله
ثم قالت
((أنا هلبس النقاب ))
وقد كانت هذه صدمه على الجميع
كان هناك معارضه ولكن ليس للإعتراض على النقاب ولكن خوفا من أن ترتديه ثم تتركه
ولكنها صممت
وبفضل الله ومنه لبسته
لما رجعت الجامعه بعد العيد كانت صدمه للكل
لكن الرحمن ثبتها
وأعانها
وقد كان شعارها
((علشانك يارب))
و
((اللهم إنك تعلم ما استغنيت عنه لأجلك وهو عندك لا يساوى شىء لكنه كان عندى شىء فأغننى عنه ياصاحب كل شىء))
....
ومش هقولكوا يابنات على الكلام اللى سمعته من عيلة امها بقوا يوقلوا ليها انت بقيتى متطرفه زى عيلتكوا وكلام من الكبير ده
ومش هقول ليكوا فرحة عيلة ابوها بيها اازى وبقوا كلهم يباركوا ليه وبالاخص عمها الحبيب الغالى اللى ساعدها وكانت زيارتها لاجمل مكان فى الدنيا الكعبه والحرم بصحبته
....

وهى دى حكاية اختكم أم المجاهدان مع النقاب

ربنا يهديها ويتوب عليها
ويغفر ليها أيام الجاهليه
اللهم آمين

[الطبيبة/ راجية رحمة ربها]

السلام عليكم

ام المجاهدان

انا مش عارفة اتكلم
قصتك ألجمتنى

[dr_karmen]

ربنا يحفظكم
الحمد لله على هذه النعمة والمنة
ربنا كريم اوى

[الطبيبة/ راجية رحمة ربها]

فعلا اختى د. كارمن
ربنا كريييييييييييييييييييييييييييييييييييييم كرييييييييييم وعظيم وحليم ورؤوف

الحمد لله على نعمة الإسلام وكفى بها من نعمة

[أم المجاهدين]

الطبيبه راجيه
مانحن فيه الان اصطفاء لنا من الرحمن المنان
...
عارفين يابنات انا من كتر الخير اللى انا بحس ان ربنا رزقه لينا ..
مبقتش بعرف اقول غير ان اجمل نعمه منّ بيها ربنا علينا هى إن ربنا هو ربنا
سبحـــــــــــــــــــــــــــــــــــــــــــــــ ـــانه
.........
والله ماكتب أحد أى كلمة هنا إلا تائب مما ستر الله
.......
الحمد لله على نعمة الاسلام وكفى بها نعمه

[fagr alleslam]

الحمدالله على نعمة الأسلام وكفى بها نعمة

[راجية رحمة الله]

بسم الله ماشاء الله ربنا يبارك فيكم جميعا يارب يابنات .........................واختى الحبيبة أم المجاهدان ماشاء الله رائعة ربنا يهديكى ويثبتك يارب واحنا كمااااااااااااااااااااااااااااااااااااااااان...... ..

[نورالله]

جزاكي الله خيراااااااااااااا كثيرااااااااااااااااااااااا

كلامك بجد مؤثر ومقنع
أنا كنت لسه مشتركه جديد في المنتدي وكانت رسالتك دي من اول الحاجات اللي قراتها
و سبحان الله قبلها فعلا كان حصل لي موقف وحسيت اني لازم البس النقاب ( أنا لابسه دلوقتي الاسدال)
أنا كنت ناويه البسه بس شويه كده
بشتغل شغل عملي صعب معاه النقاب غير ان المكان اللي بشتغل فيه مفيش فيه حد لابس ولاحتي اسدال!!!!!!
أنا حاسه ان دي رساله ربنا عشان البسه و مستناش حاجه
بس بصراحه

خايـفــــــــــــــــــــــــــــــــــــــــــه
حتي اني لبسته مره تجربه ورحت مشوار صغير حسيت اني مش قادره اخد نفسي ومش عارف اشوف كويس
ان حاسه اني مكتئبه
منزلتش بقالي اسبوع تقريبا
نفسي البسه وخايفه من نفسي
حتي اصحابي اللي لبسينه كل لما اقول لحد يقول لي استني لما تتخطبي وانه صعب في لبسه
حاولوا تساعدوني تثبتوني
اشتري ملحفه ولا ع الاسدال
ياتراااااااااااا مفيش نوع خفيف اجيبه منين؟؟؟؟؟؟؟؟؟؟؟؟
وجزاكم الله كل خير
وادعوااااااااا لـــــــــــــــــــــــــــــــــــــــــــــــــ ــــــــــــــي كلكم كتير
ربنا يحببه الي نفسي وييسر لي لبسه ويجعله علي بردا وسلاما ويكفيني شر من حولي

[فاطمه محمد]

خايـفــــــــــــــــــــــــــــــــــــــــــه[/color]
حتي اني لبسته مره تجربه ورحت مشوار صغير حسيت اني مش قادره اخد نفسي ومش عارف اشوف كويس
ان حاسه اني مكتئبه
منزلتش بقالي اسبوع تقريبا
نفسي البسه وخايفه من نفسي
حتي اصحابي اللي لبسينه كل لما اقول لحد يقول لي استني لما تتخطبي وانه صعب في لبسه
حاولوا تساعدوني تثبتوني
اشتري ملحفه ولا ع الاسدال
ياتراااااااااااا مفيش نوع خفيف اجيبه منين؟؟؟؟؟؟؟؟؟؟؟؟
وجزاكم الله كل خير
وادعوااااااااا لـــــــــــــــــــــــــــــــــــــــــــــــــ ــــــــــــــي كلكم كتير
ربنا يحببه الي نفسي وييسر لي لبسه ويجعله علي بردا وسلاما ويكفيني شر من حولي

اختى الحبيبه ربنا يثبتك يارب ويوفقك الى مايحبه ويرضاه انا لسه ملبستش البقاب (مخبيش عليكم مستنيه ماما تقبض وهنزل اشتريه علطول واشترى جوانتى ..)
بس انتى بتقولى جربتيه وكنتى حاسه انك مخنوقه ومش شايفه انا مجربتش البسه قبل كدة واخرج بيه بس انا اعتقد ان دة عادى جدا فى الاول ولو لبستيه كلها اقل من اسبوع وهتتعودى ان شاء الله
انا بقولك كدة لان حصل معايا موقف مشابه لما لبيست الاسدال فى الاول كنت بحس بتقل على راسى وانى ماشيه متلخبطة وكدة بس الكلام دة كان فى اول خروجه او خروجتين بس وبعد كدة اتعودت الحمد لله لا وكمان بالعكس دة الاسدال بقى اريح حاجة بالنسبه لى واكتر حاجه عمليه بس احنا طبعا لابسينه طاعه لله عز وجل وعشان نعف انفسنا ونعف اخواننا والشباب كمان يعنى حتى لو مكانش مريح(وهو مش كدة خالص بالعكس)بردو كنا هنلبسه
وجزاكى الله كل خير
وعلى فكره انا سالت ناس منتقبا وقالولى فى نقابات فى كايرو مول فى الهرم -لو انتى من القاهرة-حلوة اوى خفيفه وفى نفس الوقت مش بتبين حاجة زى ما سالتى بس غاليه شويه
مش غاليه اوى يعنى بس هى اغلى من العادى بشويه
ربنا يوفقك يارب
ادعولى بالله عليكم

[يمامة المسجد]

طيب

إنا أول مالبسته كنت مش شايفة أمامي

غير قادرة اتنفس

يوم ويومين وبعدين ولا اي شئ

بس احري يكون ها حجج من حجج الشيطان

استعيي بالله وانوي وروحي اشتري السعودي ما فاطمة قالت وان شاء الله لا يحدث شئ

ووالله انا اعرف اخت عندها أزمة ولبساه

وربنا بيسر

وإن شاء الله ربنا يرزقك النقاب

[ضحى]

السلام عليكم ورحمة الله وبركاته
متل ما قالت الاخت يمامة المسجد هي بس من مكائد الشيطان حتى يبعدك عن طاعة الله انا بفضل الله لابسه نقاب مند حوالي 4 اشهر لا احس بشيء بل سبحان الله مبحسش بالحر كتير اخيتي توكلي على الله وبادن الله محتحسيش باي حاجة

[aya]

طيب حبيتي

إنا أول مالبسته كنت مش شايفة أمامي

غير قادرة اتنفس

يوم ويومين وبعدين ولا اي شئ

بس احري يكون ها حجج من حجج الشيطان

استعيي بالله وانوي وروحي اشتري السعودي ما فاطمة قالت وان شاء الله لا يحدث شئ

ووالله انا اعرف اخت عندها أزمة ولبساه

وربنا بيسر

وإن شاء الله ربنا يرزقك النقاب

وبعدين لو على الحر
قل نار جهنم اشد حرا

اما تطيقي ان تتحملى من أجل الله فقط!!

اختى موضوع النفس ده هو اول يوم وشكرا على كدة

اما الرؤية لو كان نظرك ضعيف فلا داعي للبشة(غطاء العين)

[فاطمه محمد]

تعرفوا يا بناويت الشيخ يعقوب دايما بيقول للاخوة ان اللحيه مش انت ال بتربيها لأ هى ال بتربيك وانا بتعجبنى الكلمه دى اوى اوى اوى فعلا لانه حتى لو شيطانه وسوسله عشان يعمل حاجه غلط وهو ملتحى هيقول فى نفسه لا ميصحش ابقى ملتحى واعمل كدة -- يعنى زى ما بنقول فى مصر (عيب على دقنك)--
وسبحان الله وانا كمان بشوف ان النقاب كدة بردو ........يعنى النقاب كدة بردو بيربى لو قيستوا عليه الكلام السابق ذكرة

[مُجازة القرآن]

أنا منقبة
وقصتي هي" أنا كنت بالماضي عايشه باوهام غريبة جدا كنت أبحث ع الموضه وسافرت أمريكا وأوربا عشان الموضه وكانت صديقات السوء يشجعونني على ذلك وكل اللي تتوقعوه عملته وماما وبابا كانوا تاركيني براحتي هذا بإعدادي وثانوي وأول سنة بالجامعة إلى أن أجاء اليوم ... اليوم الموعود ...وشاهد ومشهود ... رزقني الله بفتاة صالحة منقبة ونصحتي سبحان الله تقبلت نصيحتها بقلب مفتوح بالرغم أناو نصحتي قبلها أكثر من واحده بس سبحان الله القائل "إنك لا تهدي من أحببت ولكن الله يهدي من يشاء"تقبلت نصيحتها وتركت الهلث والهوس وساعدتني كثيرا جزاها الله عني كل خير ولكني فوجئتً بمعارضة والدي ووالدتي وعانيت كثيرا ولكن أقول لكل من عانت أحسني معاملتكِ مع والديكِ يعني لو معاملتك 100% خليها 200% وستجدين النتيجة بإذن الله تعالى والحمدلله على كل حال
أعتذر ع الإطالة

بوركت وجُزيتمُ الجنة