إعـــــــلان

**Dr.Sarah || ~** · 16-09-2013, 10:31 PM

رد: الدرس الثآلث ~ دورة تنظيم الوقت

الجدول اليومي ،،

وأخيراً الجدول اليومي المنتظر

بكرة الثلاثاء بيبقى يوم مذدحم جدآآآ وعندي حاااجآآت كتيييير
حاجات متأخرة وطبيخ وغسيل وتنضيف وفي ناس جاية ولازم اروح أشتري
حاجات من السوبر ماركت
ولازم أعدي على ماما ووو
ده نموذج ست البيت ،

،

نموذج الطالبة ..

عندي كلية بكرة.. محاضرتين وسكشنين وعندي امتحان أون لاين وبعد بكرة
عندي امتحان عملي
ولازم أذاكر ٥ شابتر من مادة اادرة وعليه ٧ محاضرات متأخرين لازم
أذاكرهم :)
وآخر يوم في تسليم كتاب العملي بكرة :(
وعندي ٣ ابحآآث متأخرين ،،،

أعمل ايه بقى ؟؟؟؟؟؟؟؟

كل الي فوق ده كان يوم مذدحم في البداية أنا هاخد مثال يوم عادي مش فاضي خالص ومش
مذدحم أوي

الأدوات إلي هتحتاجيها ..

كشكول خآص بالجداول اليومية " كشكول جميل " ..

الكشكول الي معانا دلوقتي ده اسمه محاسبة نفس من الأفضل إنك تفصليهم
عن بعض
ده رأيي لكن لو عاوزة تعمليهم كشكول واحد مفيش مشاكل ..

أقلام ملونة :)

ايوة ما إحنا كأننا بنلعب مش لازم نستمتع بكل حاجة :)

أول خطوة هتعمليها إنك تكتبي كل الأعمال الي عندك ورا بعضها
مش بس كل الأعمال إلي عليكي كل الحاجات إلي نفسك تعمليها
يعني المهمة والي مش مهمة

حاجات لسه جاية بعيد يعني عندك امتحان يوم الخميس واردة السبت
نفسك تذاكري شوية

اكتبي جزء معاكي لو فضل وقت تذاكريه
عندك مثلاً عزومة يوم الأحد واردة الجمعة
مفيش مشاكل لو كتبتي حاجة تجهزيها من دلوقتي..

وضحت كدة أقصد إيه ؟

وكل حاجة تكتبيها تكتبي جمبها تقدريك هتاخد معاكي قد إيه من الوقت

طيب والألوان دورها إيه ؟؟

أيوة دي مهمة جدآآآ

هنخلي عندنا أربع ألوان مثلاً .

أحمر ... للمهمات العاجلة جدآآآ إلي اليوم ميعديش من غيرها ،،

اسود .. للمهمات المتوسطة يعني هي مهمة لكن لو اتأجلت لبكرة بالكتير
مش هيجري حاجة ،،

أزرق .. للمهمات ضعيفة الأهمية يعني هيبقى جميل لو اتعملت إنما لو اتأجلت
يومين تلاتة مش مشاكل
اقصد معانا وقت فيها ..

أخضر .. دي بقى لحاجات الترفيه زي النت التليفزيون ممارسة الهواية وأي
حاجة لو متعملتش خآلص مش هيجرى حاجة

تمام ؟؟

عاوزة أقولك انك بعد ما تخلصي كل إلي نفسك فيه وتيجي تجمعي عدد
الساعات الي المفروض ياخدوها هتلاقي نفسك كاتبة حاجات عاوزة ٥٠
ساعة
فتلاقي نفسك بتبتسمي
والابتسامة دي حاجة طبيبعة ومتوقعة كله في أول مرة بيبتسمها
(: أنا بقولك عشان تبقي عاملة حسابك يعني

يُتبع

**Dr.Sarah || ~** · 16-09-2013, 10:58 PM

رد: الدرس الثآلث ~ دورة تنظيم الوقت

مثآل للجدول

إنتي هتعرفي تظبطي لنفسك جدول حتى لو أعمالك اليومية مختلفة عن المثالين
دول خآلص
المهم إنك تفهمي الموضوع ماشي إزاي ..

طبعاً كاالعادة الجدول تحسي أنه عام مش مخصص أوي
إنتي هتخصصيه أكتر وإنتي بتعمليه

يعني هتلاقي حاجات كتيييييرة عندك تتعمل وهتلاقي عندك أفكار كتيرة .

بس في حاجات لازم أذكرها عشان توضح لكم ..

أولاً لازم يكون عندك حسن استفادة بالوقت مش مجرد إنك تنظميه

إزاي طيب ؟؟

يعني أنا ممكن أقعد سآعة أو ساعة ونص في المواصلات
أعمل ايه فيهم ؟؟

أفضل سرحانة طوول الطريق صح ؟

ولا أتكلم مع صحبتي ؟

؟؟؟؟؟؟؟؟؟

عارفه حتى لو مش هاعمل حاجة وهقارن بين الاتنين دول

هفضل إني أبقى سرحانة مع نفسي على إني اتكلم مع صحبتي

على الأقل هفكر في حل لمشكة معينة هحط خطة لحاجة معينة

أما هنستفاد إيه بكلامك مع صحبتك ؟؟؟

وقت المواصلات بالنسبة لي ،،

ياإما قراءة أو مذاكرة جزء سهل مطلوب مني يعني مش محتاج جهد كبير
يا إما في أغلب الأحيان بيبقى وقت الذكر ،

فاكرين جدول العبادة ؟؟

لازم طبعاً تكوني محددة لنفسك قدر من الذكر تقوليه كل يوم
مثلاً لو أنا أخذت ألف ذكر .. أقدر أعملهم في المواصلات ،،

في حاجة أخيرة كنت بعملها وهي إني بكون حاطه السماعات في ودني
وبسمع درس أو مقطع صوتي ..

تمام كدة ؟؟
..

وهكذا في الأوقات البينية الصغيرة

حاولي تشغلي نفسك فيها بحاجات صغيرة هتفيدك بعد كدة

لو ضيعتي الأوقات دي هيضيع منك كتير

يعني لو كنتي طالبة وفيه وقت بين الدروس أو المحاضرات خلي مصحفك
معاكي دايماً وافتحي واقرأي الورد
أو ذاكري أي حاجة صغيرة أو حاجة محتاجة مراجعة

وهكذا بالنسبة للموظفة أو ست البيت تقدر تستفاد من كل دقيقة ..

وده هيفيدنا لأن في حاجات كنتي عاملة لها وقت مخصص قدرتي تدخليها في
أوقات كانت كدةكدة هتضيع

واليوم يبقى فيه فرصة إنك تعملي أكبر عدد من الأعمال

هو الجدول إلي فآت ده كان أخر مرحلة من من الجداول ؟؟

إنتي ممكن تستخدميه كدة وعلى طول تبصي فيه وكل حاجة تعمليها تعلمي
عليها
أو تعملي خانة صغيرة وتكتبي على كل حاجة تعمليها صح

لكن الطريقة النموذجية بنكمل تخطيط دقيق وتقسيم لليوم

دي أفضل طريقة للجدول

إيه هي الطريقة دي ؟؟

إني أعمل كدة

من الساعة 3.30 لـ 5 صلاة فجر + اذكار صباح + ورد قرآن ..

من الساعة 5 لـ 7 نوم أو تجهيز للكلية

من 7لـ 2.30 ذهاب للكلية + محاضرة +2 سيكشن+ صلاة الظهر + ورد 100 استغفار

من العصر للمغرب .. صلاة عصر + غدا + قراءة 20 صفحة في أي كتاب + نوم ساعة + أذكار المساء + صلاة المغرب

وهكذا لغاية آخر اليوم

لغاية ما أخلص كل الحاجات الي كنت سجلتها في الجدول الأولاني

أنا كدة بعملها عملية توزيع عشان أعرف أسيطر عليها كويس

نلاحظ في الجدول إني مش عاملة جدول جامد

أنا عاملة جدول أعرف اتحرك فيه

على فترات كبيرة

بمعنى إني معملتش جدول من الساعة ٦ ل ٦,٣٠ و من ٦,٣٠ ل ٧

كدة هتضيعي لأنك عاوزة تمشي بالدقيقة وده مش ممكن أبدآآآ
ودي أكبر الغلطات إلي كله بيقع فيها إننا مش بنعطي لنفسنا وقت مرن
نتصرف فيه !!

أفترضي مثلاً إني في الساعة ٣ كان في الجدول إني أعمل حاجة معينة
جات الساعة ٣ ومليش نفس إني أعملها
إيه الي بيحصل ؟؟

يا إما بتكتأبي ومبتعمليش حاجة
يا أما الجدول بيتفركش

يا إما بتغصبي نفسك إنك تعملي الحاجة دي ومش بتأديها بالشكل المطلوب
لكن لو أنا عندي كذا اختيار ممكن أبد بحاجة تانية وأخلي الحاجة الي أنا مش
عوزاها دي بعدين
مفهوم كدة ؟؟

بلاش الجدول المعقد أرجوكي

وأوعي تنسي إن يبقى فيه وقت مفتوح تعملي فيه حاجة مكنش معمول
حساا
حد يجيلك زيارة
والدتك أو حد يطلب منك طلب

ولو مفيش حاجة اضطرارية جآت خلي الوقت ده يبقى وقت الهواية بتاعتك
وطبعاً أنا بتكلم عن يوم عادي مش يوم مشغوول أووي

ولو عندي يوم مشغول أوي هتضطري إنك تحذفي ساعات النت والتليفزيون
، ممارسة الهواية ،

تأجيل الحاجات الي ممكن تأجيلها بس التكنيك بتاعه يبقى زي الجدول إلي
فوق ..
..

الحاجات الي متعملتش ..

هعلم عليها بقلم وهسجلها بأولوية مرتفعة في اليوم التاني
وتبدأي تقيمي نفسك

حاسه في اليوم ده إنك عرفتي تنجزي أكتر من اليوم إلي قبله ولا لأ ؟
٨٠ % يبقى جميل _ لو أول مرة عرفتي تنجزي من ٧٠
طبعاً لو كان الجدول زي ما هو موجود فوق كدة يبقى لازم على الأقل
% تنجزي ما لا يقل عن ٩٥
لأنه مفيش فيه حاجة اصلاً ..

وآضح ؟؟

**Dr.Sarah || ~** · 16-09-2013, 11:02 PM

رد: الدرس الثآلث ~ دورة تنظيم الوقت

المطلوب ،،

١ عمل جدول لليوم التالي بالطريقة السابقة .

٢ تسجيل الحاجات المهمة في الكشكول
٣ تكملة جلسة الفضفضة وتحديد الحاجات دي

(( تُناقش في المجموعات ))

* ضيفي حاجة مميزة في حياتك ،،

روحي المسجد اشتركي في دورات تحفيظ قرآن ،، أو روحي تابعي في دروس
معينة في المسجد.

*حاولي تعملي عملية تصفية لصحبتك ،،

أو على الأقل ضيفي أصدقاء جدد عندهم همة عآلية .. هتلاقيهم في المسجد
أو على النت في المنتديات الإسلامية .

*ارتقي بنفسك وطريقة حوارك واهتمامتك ،،

خليكي دايماً فوق راقية بتفكيرك
متخليش الحاجات الهايفة تشغلك ، خليكي غير كل الناس ، عندك أهداف
عالية ،
* خليكي مميزة ..
لازم يكون لكي صفة ، عادة ، خلق ، هواية ، مستوى معين
غير كل الناس لازم يبقى لكِ حاجة خآصة عن كل إلي حوليكي

* عشان تبقى إنسانة ناجحة لازم تغيري من حياتك
اتخلصي من عيوبك ، نمي ممزاتك ..

*اختاري مجال معين وحاولي تثقفي نفسك فيه ..

٤ تسجيل دخول الدرس بكتابة هل تم تطبيق الدرس الثآني أم لا وأي استفسارا وتعليقات أنا موجودة إن شاء الله

**go2allah** · 16-09-2013, 11:35 PM

رد: الدرس الثآلث ~ دورة تنظيم الوقت

جزاكم الله خيرا
تم تطبيق الدرس الثاني

**باسمك أحيا** · 16-09-2013, 11:58 PM

رد: الدرس الثآلث ~ دورة تنظيم الوقت

تم تطبيق الدرس
بس أنا تهت بصراحة
أنا عارفة ان الجداول تراكمي

بس مش عارفة احنا المطلوب مننا لحد الآن كام جدول ؟

**باسمك أحيا** · 17-09-2013, 12:06 AM

رد: الدرس الثآلث ~ دورة تنظيم الوقت

وسؤال؟
انا من مجموعة د
هل أبدأ أشارك في هـ ؟

**ENG Asmaa** · 17-09-2013, 05:06 AM

رد: الدرس الثآلث ~ دورة تنظيم الوقت

جزاكم الله خير الجزاء

تم تطبيق الدرس الثانى حبيبتى نفع الله بكِ

**هي جنة طابت** · 17-09-2013, 06:05 AM

رد: الدرس الثآلث ~ دورة تنظيم الوقت

وعليكم السلام ورحمة الله وبركاته

ما شاء الله درس جميل جدااااا كالعاده

جزاك الله خيراً ورزقك من حيث لا تحتسبين ..,

الحمد لله أنا معنديش مشكله في موضوع تنظيم الوقت
بعمل جدول وبخطط ازاي أنفذه على مدى اليوم
ويا سلااااام لما أجي اشطب الحاجات اللي انجزتها
إحساس جميل فعلاً

المهم أنا مشكلتي بتظهر في العنصر إلي زي ده

*ارتقي بنفسك وطريقة حوارك واهتمامتك ،،

خليكي دايماً فوق راقية بتفكيرك
متخليش الحاجات الهايفة تشغلك ، خليكي غير كل الناس ، عندك أهداف
عالية ،
* خليكي مميزة ..
لازم يكون لكي صفة ، عادة ، خلق ، هواية ، مستوى معين
غير كل الناس لازم يبقى لكِ حاجة خآصة عن كل إلي حوليكي

* عشان تبقى إنسانة ناجحة لازم تغيري من حياتك
اتخلصي من عيوبك ، نمي ممزاتك ..

*اختاري مجال معين وحاولي تثقفي نفسك فيه ..

1_ مش عارفه ارتقي بنفسي ازاي

2_ ومش عارفه أكون متميزه
يعني أنا الحمد لله متفوقه في المدرسه
لكن بعيداً عن الاكادميات
مش عارفه أنا بارعه في إيه
حاولت كذا حاجه بس بحس اني مش كويسه فيها
يعني أنا مثلاً بمووووت في اني اتفرج على صور وتصاميم
إللي ناعمه ورقراقه بتلهمني جدااااا
لكن حاولت موضوع التصميم ودخلت دوره بس متميزتش فيه
لكن مع ذلك لسه بحب أصمم

الخلاصه اني ازاي أعرف أنا اتميز بإيه

اسفه على الاطاله بس الحكايه دي بتحسني بإحباط دائماً

بارك الله فيك ونفع بك

**كريمة الاخلاق** · 17-09-2013, 09:39 PM

رد: الدرس الثآلث ~ دورة تنظيم الوقت

بسم الله ما شاء الله رائع جدا

تم تطبيق الدرس الثاني

اختي انا عندي مشكلة في تقليل الصحبة فانا احيانا احس نفسي اجتماعية جدا ولما اخت تطلب مني شئ استحي ارفض وكدة بضيع كتييير من الوقت ؟؟؟
فايه الحل ؟؟

وبالنسبة لان انا كلية عملية وايامي كلها زحمة
وفي ساعات بين السكاشن يعني ممكن محاضرة الصبح وسكشن الظهر وبينهم ساعتين او تلاتة
بيضيعوا مني دايما ماعرفش اروح انام
ولا استني في الكلية
ولا ايه ؟
فايه رايك ؟؟

وجزاكِ ربي الفردوس

**رباه احبك** · 18-09-2013, 03:06 AM

رد: الدرس الثآلث ~ دورة تنظيم الوقت

تم تطبيق الدرس الثاني
بارك الله فيك

**مباركة أينما كنتِ** · 18-09-2013, 08:43 AM

رد: الدرس الثآلث ~ دورة تنظيم الوقت

تم تطبيق الدرس الماضى
جزاكِ الله خيرًا

و عندى استفسار هل هذا الشكل :) ممنوع فى العام بردو ولا لاء ؟

**ام هالة30** · 18-09-2013, 11:16 AM

رد: الدرس الثآلث ~ دورة تنظيم الوقت

وعليكم السلام ورحمة الله وبركاته
بوركتي أخيتي ونفع الله بك تم تطبيق الدرس الثاني وانا الحمد لله عامله جدول لشغل البيت وكمان للمأكولات عشان لما أقوم اطبخ مباشرة أعرف اللي علي وطبعا كل ده بفضل الله ثم أنت خلتيني اضبط وأنظم كل حاجة حوليه
وبالنسبة للتميز بحبه قوي وبحب المنافسة اللهم اجعلها خالصة لك
جزاك الله خيرا وجعله في ميزان حسناتك

**om abdulrahman** · 18-09-2013, 01:07 PM

رد: الدرس الثآلث ~ دورة تنظيم الوقت

السلام عليكم ورحمة الله وبركاته
تم تطبيق الدرس الثانى
بارك الله فيكم ونفع بكم

**om abdulrahman** · 18-09-2013, 01:08 PM

رد: الدرس الثآلث ~ دورة تنظيم الوقت

السلام عليكم ورحمة الله وبركاته
تم تطبيق الدرس الثانى
بارك الله فيكم ونفع بكم