Tweet
::: يااااااه في ناس كده في الزمن ده :::
الحمد لله والصلاة والسلام على رسول الله صلى الله عليه وسلم .
من غير مقدمات كتير هدخل في الموضوع واستحملوني لأني ممكن اطول عليكم لأن الكلام الجاي ده أعتقد أنه مهم جدا ولازم كلنا ناخد بالنا منه .
أنا كنت راجع انهارده من مشوار بره بلدي اللي عايش فيها ، وأنا راكب العربية وكنت سرحااااااان جدااااااا ..
مره واحده ..
لفت نظري مشهد هز قلبي والله ..
المشهد ده خلاني طول الطريق أفكر فيه لدرجة الاكتئاب والله .
تخيلوا هو إيه ؟
في ظل عصر الفتن اللي عايشين فيه والمشاكل والهموم ومشاكل البطاله و...... وأكثر مشكله تاعبه الشباب اللي زي حالاتي كلهم ألا وهي مشكلة التبرج !!
وقع نظري على فتاة أحسبها ولا أزكيها على الله من الصالحات النقيات العفيفات الطاهرات ...
الأخت كانت ترتدي زي الطهر والعفاف ..
كانت تسير كأنها صحابية ولا أبالغ في الوصف ..
كانت لابسه نقابها كااامل لا يُرى منها شئ ..
وهذا فضل من الله عليها وعلى أمثالها ..
مش العجيب إنها كانت لابسه النقاب ولا ده اللي لفت انتباهي ..
ولا العجيب أنها تسير بعزة الإسلام .
ولا العجيب أنها تسير في منطقة يملؤها التبرج والسفور .
العجيب أنها مبتلاه بأنها عرجااااااء !!!!!!!
سبحان الله الموقف ده كله والنظرة العابره اللي شوفتها دي.. كانت عبارة عن لحظة لكن وقعت علي قلبي كالسيف والله .
مش العجيب إنها لابسه اللي المفروض كل واحده عفيفة نقيه طاهره بتخاف على نفسها من عيون ذئاب ولئام الناس انها تلبسه ..
لا
العجيب أنها ساكنه في مدينة ومنطقة مليئة بالتبرج لأبعد حد ..
نسأل الله العافية والسلامه ...
ومع ذلك مع البلاء اللي هي فيه ترتدي هذا الغطاء الساتر لبدنها الشريف .
مش العجيب انها خايفه على نفسها من عيون الناس ..
لا
العجيب أنها على الرغم مما هي فيه من بلاء أنها في أحوج حالاتها لأن تظهر مفاتنها كي تداري على عرجها - عشان تتجوز - زي ما بيقولوا..
سبحان الله أنا لا أعلم عنها شيئا إلا أن هذه الفتاة جعلتني أحتقر نفسي والله .
كيف بها استمسكت بشرع ربها وأنا مفرط متذبذب ..
لا أكاد أنتمي إلى الملتزمين إلا وأسارع إلى الذنوب والموبقات !!
ولا أكاد أنتمي إلى الفاجرين إلا وأتردد وأتراجع ..
مذبذب .. هذا حالي وحال الكثيرين ..
لا إلى هؤلاء ولا إلى هؤلاء !!
فواعجبا لنفس تاقت لجنة عرضها السماوات والأرض ثم تخاذلت وانثنت عن شرع ربها !!
واعجبا لأناس ادعوا محبة الله ثم هم خالفوا أمره الذي به صلاحهم لا صلاح شئ آخر !!
عاوز أسألِك دلوقتي
ياترى لو انتي اللي كنتي شوفتي الأخت دي كان رد فعلك هيبقى إيه ؟؟
كنتي هتدنك تقولي لما أتجوز !!
لما ييجي لي عريس كويس وابن أناناس !!
لما .. لما .. لما ..
لحد إمتي ؟!!
هقولك حاجه كويسه ،
لو تضمنيلي إنك تعيشي لليوم اللي تقرري بمزاجك إنك تستري نفسك هسيبك وأقولك براحتك ومش هتكلم تاني في الموضوع ده !
لكن لا ..
لازم آخد بإيدك عشان كلنا عايشين في سفينة واحدة ..
ولو سبتك تفتحي فتحه فيها هنغرق كلنا .
الأمه محتاجه كل فرد فيها يقرب من ربنا .
النبي صلى الله عليه وسلم متعبش عشان المسلمين يبقوا بالحال ده .
بالله عليكي
لو قالوا لك خلي بالك النبي عليه الصلاة والسلام ممكن يقابلك وانتي ماشيه في الشارع ..
ياترى هتخرجي بلبسك ده ؟
ياترى هتخرجي عامله فرح في وشك ؟!!
ياترى هتمشي مع الأمور الكتكوت حيلة بابا وماما اللي والله بيتسلى بيكي وببكره هيرميكي عشان زهق وعاوز يتسلى مع أجمل منك ..
ولما النبي يقابلك تقولي له أصلي بحبه !!
ياترى الكلام ده حرك فيكي حاجه ولا زي ما انتي ؟؟
وانت كمان لازم تتغير وسيئاتك تبدلها حسنات ..
هنفوق ونشتغل لديننا إمتي ؟؟
أخي .. أختي ..
أنا أنصح نفسي قبل أن أنصحكم فأنا أحوجكم والله إلى النصيحة ..
ولكن لعلي أنجو بكم .
بالله فلنتب إلى الله الآن .
اللي ماشي مع بنت يسيبها لله .
اللي ماشيه مع ولد تسيبه لله عشان حبيبها الأول والأخير .. الله حبيب التوابين .
يلا بئى نبطل أغاني ..
يلا نحافظ عالصلاة ..
يلا نطبق شرع ربنا على أنفسنا ..
يلا نطبق الشعااااااااااراااااااااات اللي ملينا بيها أفواهنا ..
عاوزين وعاوزيين وعاوزين ..
ابدأ بنفسك وكن على يقين أن الله سينصرك إن نصرته على نفسك أولا .
هنتوب ولا لسه عاوزين نعيش شويه كمان ؟؟
عذرا إن أثقلت عليكم فهذه آهات قلب مكلوم حزين على حال أمة قد تقطعت بسبب المذنبين أمثالي .. فوالله ما هزمنا إلا بأمثالي من المذنبين والعصاة ..
أسأل الله لي ولكم الهداية والفلاح ..
خلوا بالكم من الأخت اللي كلمتكم عنها .. هي بتحب ربنا أكتر مننا ولا إيه ؟؟
اللهم ثبتها ومن على دربها من أخواتنا العفيفات وارزق بنات المسلمين الستر والحياء .
وأستودعكم الله والسلام عليكم ورحمة الله وبركاته .
_________________________________
لاتنس ذكر الله وقراءة القرآن
ولاتنس الإخلاص في كل عمل تفعله
http://www.youtube.com/watch?v=3mrtz4IpnmE
تعليق