مشروع العمل بالقرآن..ننطلق منه نحو الجنان((تم إضافة الحلقة التاسعة))

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة السادسة))

عذرا على التأخير
بإذن الله أضع الحلقة السابعة بعد دقائق

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة السادسة))

والآن مع الحلقة السابعة


قال تعالى : ( إِنَّ الَّذِينَ كَفَرُوا سَوَاءٌ عَلَيْهِمْ أَأَنْذَرْتَهُمْ أَمْ لَمْ تُنْذِرْهُمْ لا يُؤْمِنُونَ (6) خَتَمَ اللَّهُ عَلَى قُلُوبِهِمْ وَعَلَى سَمْعِهِمْ وَعَلَى أَبْصَارِهِمْ غِشَاوَةٌ وَلَهُمْ عَذَابٌ عَظِيمٌ (7) وَمِنَ النَّاسِ مَنْ يَقُولُ آمَنَّا بِاللَّهِ وَبِالْيَوْمِ الآخِرِ وَمَا هُمْ بِمُؤْمِنِينَ (8) يُخَادِعُونَ اللَّهَ وَالَّذِينَ آمَنُوا وَمَا يَخْدَعُونَ إِلا أَنْفُسَهُمْ وَمَا يَشْعُرُونَ (9) فِي قُلُوبِهِمْ مَرَضٌ فَزَادَهُمُ اللَّهُ مَرَضًا وَلَهُمْ عَذَابٌ أَلِيمٌ بِمَا كَانُوا يَكْذِبُونَ (10) )

ربنا سبحانه وتعالى بيقول للرسول أنه ما يضايقش نفسه علشان الناس اللي كفروا لأنهم خلاص مهما عملت معاهم مش هيؤمنوا سواء أنذرتهم أو لا بردو هم كفار..لأن ربنا سبحانه وتعالى ختم على قلوبهم وسمعهم فخلاص مش هيستفيدوا بحاجة ومفيش حاجة هتنفعهم .
وبعد كده بيتكلم على المنافقين اللي ظاهرهم الإيمان وباطنهم الكفر.
والمنافق في منه منافق عملي ومنافق اعتقادي
المنافق العملي زي اللي الرسول صلى الله عليه وسلم قال فيه " آية المنافق ثلات: إذا حدث كذب, وإذا وعد أخلف, وإذا اؤتمن خان "وفي رواية: " وإذا خاصم فجر "
أما المنافق الاعتقادي ده هو اللي بيخرج عن دائرة الإسلام خالص ودول اللي ربنا بيتكلم عنهم هنا
والمنافقين أصلا كانوا مش موجودين زمان قبل هجرة الرسول صلى الله عليه وسلم من مكة إلى المدينة
لكن بعد الهجرة وبعد ماحصلت غزوة بدر وربنا أعز المؤمنين ، كان اللي لم يسلم وقتها في المدينة حاسس بالذل فمنهم اللي أظهر الإسلام وخلاص خوفا علشان تحقن دماؤهم وتسلم أموالهم.
في قلوبهم مرض يعني مش مرض جسدي
ومرض القلب نوعين
في مرض الشبهات
ومرض الشهوات
مرض الشبهات ده اللي بيبقى القلب فيه شك ونفاق
أما مرض الشهوات اللي هو حب المعاصي بقى وفعلها
والمقصود هنا طبعا مرض الشبهات

انتظرونا بإذن الله في الحلقة القادمة
وفقنا الله وإياكم لما يحب ويرضى

["راحلة عما قريب"]

رد: مشروع العمل بالقرآن..ننطلق منه نحو الجنان((تم إضافة الحلقة السابعة))

جزاكم الله خيرا

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة السابعة))

جزانا الله وإياكِ

[الخنساء الصغيره]

رد: مشروع العمل بالقرآن..ننطلق منه نحو الجنان((تم إضافة الحلقة السابعة))

جزاك الله خيرا وجعله في موازين حسناتك يارب

[مباركة أينما كنتِ]

رد: مشروع العمل بالقرآن..ننطلق منه نحو الجنان((تم إضافة الحلقة السابعة))

جزاكِ الله خيرًا
لا تتأخرى عنا كثيرًا
بارك الله فيكِ ونفع بكِ

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة السابعة))

بإذن الله
ربنا يبارك فيكِ

[لؤلؤة باسلامى 2]

رد: مشروع العمل بالقرآن..ننطلق منه نحو الجنان((تم إضافة الحلقة السابعة))

السلام عليكم ورحمة الله وبركاته
جزاكم الله خيرا ونفع الله بكم
ممكن أكون معكم أنا لسه جديدة فى الموقع وحابة أتعلم جزاكم الله خيرا

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة السابعة))

والآن الحلقة الثامنة بإذن الله

قال الله تعالى : ((وَإِذَا قِيلَ لَهُمْ لاَ تُفْسِدُواْ فِي الأَرْضِ قَالُواْ إِنَّمَا نَحْنُ مُصْلِحُونَ*أَلا إِنَّهُمْ هُمُ الْمُفْسِدُونَ وَلَكِن لاَّ يَشْعُرُونَ))

هم أخطأوا لأنهم بيفسدوا في الأرض..و لأنهم شايفين أنهم كده صح

ولذلك الأعظم خطرا هو اللي بيعمل المعصية ومش مقر بيها كمان

((وَإِذَا قِيلَ لَهُمْ آمِنُواْ كَمَا آمَنَ النَّاسُ قَالُواْ أَنُؤْمِنُ كَمَا آمَنَ السُّفَهَاء أَلا إِنَّهُمْ هُمُ السُّفَهَاء وَلَكِن لاَّ يَعْلَمُونَ ))
الناس المقصود بيهم الصحابة..في الآية أنه لو قيل لهم يؤمنوا مثل الصحابة قالوا ذلك..وسبحان الله في نفس الآية يقول الله ألا إنهم هم السفهاء ولكن لايعلمون
((وَإِذَا لَقُواْ الَّذِينَ آمَنُواْ قَالُواْ آمَنَّا وَإِذَا خَلَوْا إِلَى شَيَاطِينِهِمْ قَالُواْ إِنَّا مَعَكُمْ إِنَّمَا نَحْنُ مُسْتَهْزِؤُونَ))
ماهم منافقين فعلشان كده مش اللي في باطنهم هو اللي ظاهر
هم من جوة حاجة ومن برة حاجة تانية
علشان كده لما بيكونوا مع المؤمنين بيكونوا حاجة ويقولوا احنا معاكم..ولما يبقوا مع رؤسائهم بالشر يقولوا احنا في الحقيقة معاكم ده احنا بنستهزأ بيهم
علشان كده ربنا قال إيه؟

((اللَّهُ يَسْتَهْزِئُ بِهِمْ وَيَمُدُّهُمْ فِي طُغْيَانِهِمْ يَعْمَهُونَ))
لما بتستهزئي بحد غالبا يعني بتعملي معاه حاجة هو مش واخد باله ولا عارف انك بتعملي كده
يعني نلاقيهم الأول بيقولوا انهم بيستهزءوا بالمؤمنين ليه؟
لأنهم بيقولولهم احنا معاكم بس في الحقيقة هم مش معاهم ولا حاجة
علشان كده بردو ربنا بيستهزأ بيهم وبيزيدهم فجور وطغيان
علشان كده عايزين نتعلم حاجة جميلة أوي
لما تلاقي نفسك بتذنبي وتتذكري ذنوبك وتقري بيها وتبقي بتدوري على مخرج وتوبة علشان تخلصي من المعاصي دي
تعرفي أن الحمد لله ربنا مش سايبك في المعاصي غافلة..لا بينبهك ودي حاجة جميلةأوي تحمدي ربنا عليها ..أنه بيفوقك.. مش سايبك غرقانة في المعاصي وأنتي حتى مش واخدة بالك منها
يعني دي نعمة كبيرة أوي أنه يمهدلك الطريق علشان تتوبي
سبحان ربي

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة السابعة))

حد يقدر كده يجمع باختصار الأشياء اللي اتعلمناها من التطبيق العملي للقرآن؟؟

[آنس يارب وحشة قلبى]

رد: مشروع العمل بالقرآن..ننطلق منه نحو الجنان((تم إضافة الحلقة الثامنة))

وأنا كمان معاكم بكل قلبــــــــى وهمتى وإن كنت متأخرة أوى ...جزاكم ربى عنى خيرا ... أعاننى الله وإياكن على العمل والتطبيق يارب

[آنس يارب وحشة قلبى]

رد: مشروع العمل بالقرآن..ننطلق منه نحو الجنان((تم إضافة الحلقة الثامنة))

هو أنا ينفع أشاركم ولا مينفعش عشان أنا جاية متأخر أووووى

أفيدونى بارك الله فيكن

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة الثامنة))

أيوة طبعا اقرئي الحلقات اللي فاتت
وأنا والله مقصرة وبقالي فترة مش بحط حلقات لكن بإذن الله أكمل
شدي حيلك
ربنا يبارك فيكِ

[قراني جنتي]

رد: مشروع العمل بالقرآن..ننطلق منه نحو الجنان

والآن مع أولى حلقات المشروع

نبدأ بسورة الفاتحة بعد الاستعانة بالله سبحانه وتعالى

أول آية في سورة الفاتحة هي (بِسْمِ اللَّهِ الرَّحْمَنِ الرَّحِيمِ)
طبعا كلنا عارفين أن سورة الفاتحة هي اسمها كده لأنها فاتحة الكتاب
و(بِسْمِ اللَّهِ الرَّحْمَنِ الرَّحِيمِ) دي آية من ضمن الآيات في السورة دي على عكس باقي السور
ربنا سبحانه وتعالى بيعلمنا نبدأ بإيه

والرسول صلَّى اللهُ تعالَى عليه وسلم بدأ بالصَّفا والمروةِ وقال : "ابدءوا بما بدأ اللهُ به" الراوي: - المحدث:ابن الملقن - المصدر: خلاصة البدر المنير - الصفحة أو الرقم: 2/11
خلاصة حكم المحدث: إسناده صحيح
فاحنا منالحديث ده عايزين نبدأ بهذه الكلمات عند الشروع في أي عمل
وأكيد في كتير بيعملوا كده
بس عايزين نستشعر ده..ان ربنا بدأ كتابه الكريم بسم الله الرحمن الرحيم فاحنا كمان هنعمل كده

تاني آية (الْحَمْدُ لِلَّهِ رَبِّ الْعَالَمِينَ)
لو عدينا احنا ممكن نحمد ربنا على إيه أكيد مش هنعرف
لأننا عايشين في نعم دايما لاتعد ولا تحصى
هتقول الحمد لله على الهداية ولا الحمد لله على الصحة ولا الحمد لله على الإسلام ولا المأوى ولا المأكل ولا المشرب ولا الأهل ولا التعليم ولا البصر ولا السمع ولا الأقدام ولا الأيادي..ياااااه..كل دي نعم وكل يوم بنكتشف نعم أكتر وربنا بينعم علينا بنعم أكتر
وفي نعم معنوية زي الستر واستجابة الدعاء وإحساس القرب منه..حاجات كتير مش هتقدر تعدها
ياترى احنا بنحمد ربنا على النعم دي كلها؟؟
ولا بنستقبل هذا الكم الغزييييير من النعم على أنه حاجة عادية وأن هي دي حياتنا وده عندنا طبيعي والكلام ده؟
تقدر تتخيل لو نعمة واحدة بس من هذه النعم سُلبت منك ممكن حياتك تبقى عاملة ازاي؟
بصوا تاني على النعم اللي فوق دي واحذف واحدة منهم من حياتك وتخيل بقى هيبقى إيه وضعك..

الحاجة التانية بالنسبة للحمد بنتعلمها من السورة دي أن احنا بندعي ربنا في هذه السورة بنقول (اهدِنَا الصِّرَاطَ الْمُسْتَقِيمَ) يعني ده دعاء فعشان كده بدأنا بالحمد
ربنا بيعلمك لما تبدأ بالدعاء تحمده الأول

معلش أنا عارفة أني طولت عليكم
أتمنى نطبق الآيتين دول طول الأسبوع بإذن الله وأكيييييييد هنحس بأثرها جدا إن شاء الله
أستودعكم الله إلى أن ألقاكم في الحلقة الثانية بإذن الله
والسلام عليكم ورحمة الله وبركاته

جزاك الله خيرا اختى الحبيبه ربنا يجعله فى موازين حسناتك ان شاء الله اكون متابعه معاكم الحلقات

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة الثامنة))

نكمل بإذن الله

الحلقة التاسعة

(أُوْلَئِكَ الَّذِينَ اشْتَرُوُاْ الضَّلالَةَ بِالْهُدَى فَمَا رَبِحَت تِّجَارَتُهُمْ وَمَا كَانُواْ مُهْتَدِينَ )

دول المنافقين اللي قلنا عليهم هم نظامهم كده..يشتروا الضلالة بالهدى

ومع أن المفروض أنك تشتري الحاجة الأفضل وتسيبي الشر

لكنهم عملوا زي اللي يشتري جوهرة بدرهم واحد

فما ربحت تجارتهم طبعا


(مَثَلُهُمْ كَمَثَلِ الَّذِي اسْتَوْقَدَ نَارًا فَلَمَّا أَضَاءَتْ مَا حَوْلَهُ ذَهَبَ اللَّهُ بِنُورِهِمْ وَتَرَكَهُمْ فِي ظُلُمَاتٍ لاَّ يُبْصِرُونَ)
هم بردو المنافقين عاملين زي لما واحد يبقى في مكان مظلم جدا ويولع نار فيفرح بأنه بقى دلوقتي مش في ظلمة وراح عنه الخوف وبعدين فجأة النار دي تطفي يبقى في ظلمة النور وظلمة الخوف والظلمة أصلا اللي بعد ماالنار طفت فجأة
هم المنافقين كده بالظبط لأنهم زي ماقلنا قبل كده أنهم أمام المؤمنين بيدعوا أنهم مؤمنين فيسلموا ..تسلم أموالهم وتحقن دماؤهم ويبقوا فرحانين لكده لكن ده مش هيطول..أول ماهيموتوا مش هينفعهم اللي هم عملوه ده

(صُمٌّ بُكْمٌ عُمْيٌ فَهُمْ لاَ يَرْجِعُونَ)
يعني ولا بيسمعوا الخير ولا بيتكلموا بالخير ولا بيشوفوا الحق
وربنا سبحانه وتعالى بيقول أنهم مش هيرجعوا..عارفين ليه؟
لأنهم رجعوا بعد ماعرفوا الحق..بخلاف اللي مش على الحق بسبب جهله

علشان كده عايزين مانبقاش عارفين أن ذنب معين ده معصية ويغضب ربنا ونعمله بردو..علشان مانجيش نندم ونقول مش عارفين نرجع تاني
ماهو علشان أنت دقت حلاوة الإيمان والحق وتركته عادي فبيبقى صعب أوي أنك ترجع
لكن لو واحدة مثلا بتتكلم على الناس(غيبة) وهي ماتعرفش..دي لما تعرف أن اللي بتعمله ده غلط هتسيبه لأنها كانت مش عارفة فربنا سبحانه وتعالى بيسهل عليها الرجوع للطريق إلى الله سبحانه وتعالى

(أَوْ كَصَيِّبٍ مِّنَ السَّمَاء فِيهِ ظُلُمَاتٌ وَرَعْدٌ وَبَرْقٌ يَجْعَلُونَ أَصَابِعَهُمْ فِي آذَانِهِم مِّنَ الصَّوَاعِقِ حَذَرَ الْمَوْتِ وَاللَّهُ مُحِيطٌ بِالْكَافِرِينَ*يَكَادُ الْبَرْقُ يَخْطَفُ أَبْصَارَهُمْ كُلَّمَا أَضَاء لَهُم مَّشَوْا فِيهِ وَإِذَا أَظْلَمَ عَلَيْهِمْ قَامُواْ وَلَوْ شَاء اللَّهُ لَذَهَبَ بِسَمْعِهِمْ وَأَبْصَارِهِمْ إِنَّ اللَّه عَلَى كُلِّ شَيْءٍ قَدِيرٌ )
يعني ربنا بيضرب مثال تاني وبيقول أنهم بردو زي اللي يبقوا ماشيين الدنيا بتمطر بغزارة وفي رعد وبرق ودي حاجة يكرهوها لكن هم ماشيين بسبب نور البرق ده وده نفس كرههم لسماع القرآن ووعيده وأوامره ونواهيه بيضعوا أصابعهم في آذانهم علشان مايسمعوش لكن لما الدنيا بتظلم بيقفوا مش بيمشوا
وده نفس اللي فهمناه من المثال الأول
أن هم أصلا آمنين بسبب الإيمان والقرآن اللي بيدعوا أنهم عليه لكنهم من غيره خائفين غير مطمئنين ولهم الجزاء..وربنا قادر على كل شيء فممكن يعاقبهم في الدنيا

نكمل بإذن الله المرة القادمة>>