مشروع العمل بالقرآن..ننطلق منه نحو الجنان((تم إضافة الحلقة التاسعة))

["راحلة عما قريب"]

رد: مشروع العمل بالقرآن..ننطلق منه نحو الجنان((تم إضافة الحلقة الأولى))

بارك الله فيكم
موضوع طيب
أسأل الله أن يستعملنا
تقبل الله منكم

[مباركة أينما كنتِ]

رد: مشروع العمل بالقرآن..ننطلق منه نحو الجنان((تم إضافة الحلقة الأولى))

السلام عليكم ورحمة الله وبركاته
جزاكِ الله خيرا
فعلا هذا الذى نتمنى الوصول إليه
أن نعمل بالقرآن
معاكِ بإذن الله
وربنا يجعله فى ميزان حسناتك

[قدوتي أمهات المؤمنين]

رد: مشروع العمل بالقرآن..ننطلق منه نحو الجنان((تم إضافة الحلقة الأولى))

جزاكم الله خيرا , وبارك الله فيكم
نتابع معكن إن شاء الله تعالي

سبحان الله وبحمده سبحان الله العظيم

[هدى القران]

رد: مشروع العمل بالقرآن..ننطلق منه نحو الجنان

والآن مع أولى حلقات المشروع

نبدأ بسورة الفاتحة بعد الاستعانة بالله سبحانه وتعالى

أول آية في سورة الفاتحة هي (بِسْمِ اللَّهِ الرَّحْمَنِ الرَّحِيمِ)
طبعا كلنا عارفين أن سورة الفاتحة هي اسمها كده لأنها فاتحة الكتاب
و(بِسْمِ اللَّهِ الرَّحْمَنِ الرَّحِيمِ) دي آية من ضمن الآيات في السورة دي على عكس باقي السور
ربنا سبحانه وتعالى بيعلمنا نبدأ بإيه

والرسول صلَّى اللهُ تعالَى عليه وسلم بدأ بالصَّفا والمروةِ وقال : "ابدءوا بما بدأ اللهُ به" الراوي: - المحدث:ابن الملقن - المصدر: خلاصة البدر المنير - الصفحة أو الرقم: 2/11
خلاصة حكم المحدث: إسناده صحيح
فاحنا منالحديث ده عايزين نبدأ بهذه الكلمات عند الشروع في أي عمل
وأكيد في كتير بيعملوا كده
بس عايزين نستشعر ده..ان ربنا بدأ كتابه الكريم بسم الله الرحمن الرحيم فاحنا كمان هنعمل كده

تاني آية (الْحَمْدُ لِلَّهِ رَبِّ الْعَالَمِينَ)
لو عدينا احنا ممكن نحمد ربنا على إيه أكيد مش هنعرف
لأننا عايشين في نعم دايما لاتعد ولا تحصى
هتقول الحمد لله على الهداية ولا الحمد لله على الصحة ولا الحمد لله على الإسلام ولا المأوى ولا المأكل ولا المشرب ولا الأهل ولا التعليم ولا البصر ولا السمع ولا الأقدام ولا الأيادي..ياااااه..كل دي نعم وكل يوم بنكتشف نعم أكتر وربنا بينعم علينا بنعم أكتر
وفي نعم معنوية زي الستر واستجابة الدعاء وإحساس القرب منه..حاجات كتير مش هتقدر تعدها
ياترى احنا بنحمد ربنا على النعم دي كلها؟؟
ولا بنستقبل هذا الكم الغزييييير من النعم على أنه حاجة عادية وأن هي دي حياتنا وده عندنا طبيعي والكلام ده؟
تقدر تتخيل لو نعمة واحدة بس من هذه النعم سُلبت منك ممكن حياتك تبقى عاملة ازاي؟
بصوا تاني على النعم اللي فوق دي واحذف واحدة منهم من حياتك وتخيل بقى هيبقى إيه وضعك..

الحاجة التانية بالنسبة للحمد بنتعلمها من السورة دي أن احنا بندعي ربنا في هذه السورة بنقول (اهدِنَا الصِّرَاطَ الْمُسْتَقِيمَ) يعني ده دعاء فعشان كده بدأنا بالحمد
ربنا بيعلمك لما تبدأ بالدعاء تحمده الأول

معلش أنا عارفة أني طولت عليكم
أتمنى نطبق الآيتين دول طول الأسبوع بإذن الله وأكيييييييد هنحس بأثرها جدا إن شاء الله
أستودعكم الله إلى أن ألقاكم في الحلقة الثانية بإذن الله
والسلام عليكم ورحمة الله وبركاته

جزاكى الله خيرا
جار التطبيق ان شاء الله

[سهير(بنت فلسطين)]

رد: مشروع العمل بالقرآن..ننطلق منه نحو الجنان((تم إضافة الحلقة الأولى))

السلام عليكم ورحمة الله وبركاته
ما زلت انتظر بشوق الحلقة الثانية لاتعلم واستفيد
بارك الله فيك واسعدك الله

[رضاك يارب ثم الجنه]

رد: مشروع العمل بالقرآن..ننطلق منه نحو الجنان((تم إضافة الحلقة الأولى))

فين الحلقه الثانيه ؟؟؟؟

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة الأولى))

قريبا إن شاء الله
كتبتها واتمسحت للأسف
قدر الله وماشاء فعل
انتظروها بإذن الله
بارك الله في حرصك

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة الأولى))

الآن مع الحلقة الثانية

السلام عليكم ورحمة الله وبركاته

(الرَّحْمَنِ الرَّحِيمِ * مَالِكِ يَوْمِ الدِّينِ )

ربنا سبحانه وتعالى رحمته وسعت كل شيء..و لو نلاحظ في آيات كتير تيجي الرحمة قبل العذاب زي في الآية (نَبِّئْ عِبَادِي أَنِّي أَنَا الْغَفُورُ الرَّحِيمُ * وَأَنَّ عَذَابِي هُوَ الْعَذَابُ الأَلِيمُ )

يعني ذكر الرحمة قبل العذاب

وزي ما احنا عارفين أن الرحمة الموجودة في الكون ده كله جزء من 100 جزء من الرحمة
و99 جزء ليوم القيامة
نسأل الله أن يرحمنا جميعا

فكرت مرة لو ربنا مارحمش حد ممكن إيه يحصله؟
أنت بتخاف تتخيل حتى كده..لأن دي حاجة صعبة أوووووي

طيب مين ممكن ربنا مايرحموش؟ يطرده من رحمته؟
هوالملعون

في صحيح مسلم عن عبد الله بن مسعود قال: لعن الله الواشمات والمستوشمات والنامصات والمتنمصات والمتفلجات للحسن المغيرات خلق الله.

فطبعا كلنا محتاجين رحمة ربنا



مَالِكِ يَوْمِ الدِّينِ
المالك: هو من اتصف بصفة الملك التي من آثارها أنه يأمر وينهى, ويثيب ويعاقب, ويتصرف بمماليكه بجميع أنواع التصرفات, وأضاف الملك ليوم الدين, وهو يوم القيامة, يوم يدان الناس فيه بأعمالهم, خيرها وشرها, لأن في ذلك اليوم, يظهر للخلق تمام الظهور, كمال ملكه وعدله وحكمته, وانقطاع أملاك الخلائق. حتى [إنه] يستوي في ذلك اليوم, الملوك والرعايا والعبيد والأحرار.
كلهم مذعنون لعظمته, خاضعون لعزته, منتظرون لمجازاته, راجون ثوابه, خائفون من عقابه, فلذلك خصه بالذكر, وإلا فهو المالك ليوم الدين ولغيره من الأيام.



هو سبحانه اللي يملك أنه يرحمك أو لا
هو سبحانه اللي يملك أنه يدخلك الجنة أو لا
هو سبحانه اللي يملك أنه يوقفك للحساب أو لا


طيب احنا علينا إيه؟؟


إننا ننجي نفسنا من عذاب اليوم ده
يعني عايزين ننال من رحمة الله


طيب نعمل إيه علشان ربنا يرحمنا؟


قال الله تعالى : (وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاء بَعْضٍ يَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَيُقِيمُونَ الصَّلاَةَ وَيُؤْتُونَ الزَّكَاةَ وَيُطِيعُونَ اللّهَ وَرَسُولَهُ أُوْلَـئِكَ سَيَرْحَمُهُمُ اللّهُ إِنَّ اللّهَ عَزِيزٌ حَكِيمٌ ) التوبة


عرفنا كده نعمل إيه؟؟


هو صعب..لكن رحمة ربنا مش سهلة
ومفيش حد يستاهل رحمة ربنا
لو ربنا عاملنا بعدله محدش هيدخل الجنة بعمله ادام كل النعم اللي ربنا عطاهالنا
علشان كده هنحاول نتصف بالصفات اللي ذكرت في الآية دي عسى الله أن يرحمنا بإذن الله


بارك الله فيكم ونلتقي بإذن الله في الحلقة الثالثة الأسبوع القادم

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة الثانية))

أختي العفيفة
بارك الله فيكِ
جزانا الله وإياكِ
سعدت بمشاركتك

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة الثانية))

جزانا الله وإياكِ
بارك الله فيكِ

[سهير(بنت فلسطين)]

رد: مشروع العمل بالقرآن..ننطلق منه نحو الجنان((تم إضافة الحلقة الثانية))

السلام عليكم ورحمة الله وبركاته
جزاك الله خيرا اخيتي , وبارك الله فيكم
شكرا على اضافتك للحلقة الثانية , ما شاء الله رائعة
اخيتي عندي ملاحظة واتمنى ان لا تزعجك يا ريت تشكلي الايات لو سمحتي طبعا

[قدوتي أمهات المؤمنين]

رد: مشروع العمل بالقرآن..ننطلق منه نحو الجنان((تم إضافة الحلقة الثانية))

جزاكم الله خيرا
ربنا يتقبل منك يارب وينفعنا بدروسك الجميلة دي

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة الثانية))

ربنا يسعدكم يارب جميعا
حاضر ياسهير ربنا يبارك فيكِ
إن شاء الله أشكلهم دلوقتي
جزاكم الله خيرا

[سهير(بنت فلسطين)]

رد: مشروع العمل بالقرآن..ننطلق منه نحو الجنان((تم إضافة الحلقة الثانية))

هيك تمام, الله يسعدك يا رب , تسلميلي
صدقيني هكذا افضل ليكون الموضوع متكامل, بارك الله في عمرك

[مباركة أينما كنتِ]

رد: مشروع العمل بالقرآن..ننطلق منه نحو الجنان((تم إضافة الحلقة الثانية))

جزاكِ الله خيرا
ماشاء الله الفوائد حلوة أوى المستخرجة من الآيات
زادكِ الله من فضله
وربنا يرزقنا العمل بها