°°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

[رحيق الزهره]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

رااااااااااائعه جدا
جزاكي الله خيرا
متابعيييين

[مسلمة معتزة بدينها]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

جزانا الله و إياكى غاليتى

يشرفنى متابعتك

[مسلمة معتزة بدينها]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

( الحلقة الخامسة )



وصلنا فى المرة اللى فاتت لحد اما " أنيسة " سألت مامتها ( تفتكرى ربنا بيحبنى ؟؟ )

مامتها استغربت جداااا من السؤال و فضلت ساكتة شوية لحد اما " أنيسة " اعادت عليها السؤال " يا ماما ردى تفتكرى ربنا بيحبنى ؟؟ "

الام : طيب انا هرد عليكى بسؤال مش بإجابة " انتى عملتى ايه علسان ربنا يحبك ؟؟؟؟"

انا معنديش اجابة لسؤالك يا " أنيسة " انتى اللى المفروض يبقا عندك الاجابة اصل الحاجات دى يا بنتى
( بتتحــس ) ...

و خرجت الام و سابت أنيسة غرقااانة فى حيرتها !!! و مازاااال سؤالها يتردد على مسامعها( انتى عملتى ايه علشان ربنا يحبك ؟؟ )

حاولت أنيسة تلاقى جواب مش عارفة ... تعصر فى دماغها برضو مش عارفة ...

أنيسة : صلاة ( لأ ) ده انا بصلى بالعافية و أيام كتييييييرة مبصليش فيها ولا فرض ,
" صوم " بصوم رمضان بالعافية ده انا حتى عمرى ما ختمت ختمة واحده على بعضها فيه ولا بصلى التراويح حتى ... اممممم بس بحافظ فيه على الصلاة ( الفرض ) ...

ايييييييه ده !!! هو انا مبعملش اى حاجة كده تخلى ربنا يحبنى ؟؟؟

تررررررررن ,,, تررررررن ....

أنيسة ترد على " هانى " و تقفل الباب عليها ( علشان طبعا محدش يسمع ) - لكن ربنا سميع بصير -
و فضلوا يتكلموا مع بعض ييجى ساعة كمان و بعد اما خلصت أنيسة المكالمة نسيت الموضوع اللى كان شاغلها

" الشيطان خلاها تتلهى عن الموضوع تماماااا "

راحت اتفرجت شوية على التلفزيون على افلام ( كوميدية ) علشان تضحك شوية و تنسى :) و بعد كده دخلت ناااامت " احلام سعيدة يا ستى "



و على الساعة 4 الفجر كده ...

الام : يا أنيسة اصحى علشان تصلى الفجر .....

أنيسة : يووووووه يا ماما بقا عاوزة انام شوية اليوم امبارح كان متعب اووووى ...

الام : يا بنتى قومى ربنا يرضى عنك ده انتى كنتى هتموتى امبارح لولا ربنا بفضله و رحمته نجاكى مش عاوزة تقومى الشوية دول تصلى الفجر و بعديت تنامى ؟؟!!



يا ترى " أنيسة " هتصحى تصلى الفجر ولا لأ ....

و امتى هتبدأ تتغير ؟؟؟

تاااابعونا لتعرفوا .......

[العاءدة لمولاها]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

متـــــــــــــــــــــــــــابعينك
الحكاية بدأت تدخل في الجد
ربنا يرضى عنك ويهدي بناتنا وبنات المسلمين للطريق المستقيم

[مسلمة معتزة بدينها]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

( الحلقة السادسة )



أنيسة : حاااااضر يا ماما ادينى قايمة اهوااا ... روحى انتى بس صلى و متشغليش بالك بيا :(

الام : ربنا يهديكى يا بنتى ..

و بعد الشروق طبعاااااا أنيسة قامت بس منظلمهاش هى قامت المرة دى على الساعة ( 7 الصبح ) مش زى كل مرة العصر يعنى ..

صلت أنيسة الصبح فى دقيقتين تقريبا و يمكن اقل ... " مستعجلة بقا نعمل ايه وراها اختراع الذرة ؟؟ "


و لقت نفسها مش جايلها نوم قالت اما اقوم افتح التلفزيون شوية ..

اول ما فتحت التلفزيون لقت فى وشها كده علطوول

( الشيخ حازم شومان ) و هو بيقول

( لو تقدر عليه اعصيه ... لو تقدرى عليه اعصيه ... لو تقدرى على نار الدنيا اعصيه ... لو تقدرى على نار الآخرة اللى هى ضعف نار الدنيا ب 70 مرة اعصيـــه )

قلبت أنيسة التلفزيون علطول و الظاهر كده انها خافت من كلام الشيخ حازم ..

قعدت تتفرج على روتانا شوية و ميلودى شويتين ... " ربنا يهدى " و بعديت قالت " اما اقوم افطر بقا "



دخلت المطبخ علشان ( تقلى شوية بطاطس ) حطت الزيت على النار و سابته لحد اما سخن ...وقعت منها السكينة على الارض ....


وطت راسها علشان تجيبها ...

هووووب خبطت فى دراع الطاسة الزيت اندلق على الارض و شويه على رجلها ... " يا حراااام :( "

فضلت تصوووووت لحد اما البيت كله صحى جريووووا كلهم يشوفوا فى ايييه ؟؟

لقوا أنيسة رجلها شكلها يخض ... عملولها الاسعافات الاولية و فضلت راقده فى السرير مش بتمشى على رجلها خاالص ...

و مبطلتش كلمة ( آآآآه يا رجلى مش قااااادرة خلااااص هموت )

و من هنا افتكرت كلمة الشيح حازم
( لو تقدرى على نار الدنيا اعصيه ... )

حست بخوف و رهبه نسوها ألم رجلها تماما ... و من هنا جه بقا دور ( شوشو ) عدونا كلنا ...

بيقولها " يا بنتى انتى بتعملى ايه بس ؟؟ علشان تدخلى النار ؟؟ ما انتى مؤمنة و موحده بالله و النار دى للمشركين اللى مش بيؤمنوا بربنا ...و بعدين ربنا غفور رحيم و رؤوف بيكى اوووى و عمره ما هيدخلك النار "

سمعت أنيسة لكلام الشيطان و صدقته او اقنعت نفسها بيها لأنها عاوزة تصدقه .. و عاوزة اى حد يقنعها ان اللى بتعمله ده مش غلط ...






و مرررررررت الايام سريعا ... و جااائت الدراسة ...

طبعااا أنيسة راحت و اشترت طقم جديد للجامعة

( بنطلون و بادى و فست ) " اومال عاوزينها تروح


بطقم قديم ؟؟ تؤ تؤ مينفعش "

اول ما دخلت ( السيكشن ) وقعت عينها على حاجة غرررريبة اووووى

خلتها مبحلقة عنيها و فاتحة

بؤها كده هو لحد اما زمايلها افتكروها ( هبله )



تااااااااابعونا فى الحلقة القاااادمة لأنها مشوووقة جدا و هتحصل فيها احداث كتيرة :)


هدية الحلقة


لو تقدر عليه ... اعصيه !! للشيخ حازم شومان

[لؤلؤ ومرجان]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

ما شاء الله
جزاكِ الله خيرااااا

إسلوب مميز وشيق
أعانكِ الله لتوصيل ما تريدين لمن تقصدين
تقبل الله منكِ

متاابعة
بإذن الله

[مسلمة معتزة بدينها]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

جزانا الله و إياااكِ يا اختى ..

تشرفنى متابعتك جداااا

[مسلمة معتزة بدينها]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

( الحلقة الرابعة )

وقفنا فى الحلقة اللى فاتت لما أنيسة دخلت ( السيكشن ) و وقعت عينها على

حاجة مكنتش على البال ولا على الخاطر ...

أنيسة : الحقى يا بت يا " كريمة " البت " شيرى " عاملة فى نفسها كده ليه ؟؟؟!!

كريمة : يا نهاااااارها مدوووحس ... البت دى مالها ؟؟ ايه اللى جرالها ؟؟

مش يمكن ماتلها ميت منظلمهاش ياختى ؟؟



أنيسة : يمكن ... تعالى نسأل و نتطأس على الحداد ده ...



ازيك يا بت يا " شيرى " فينك و ايه اخبارك ؟؟



شيرين ( شيرى ) : ماتقولى ( سلام عليكم ) احسن :)



أنيسة : هااه طيب يا ستى ( سلام عليكم ) ...



شيرين : و عليكم السلام ورحمة الله و بركاته انا تمااام يا أنيسه بفضل الله

و اخبارى ميه ميه الحمد لله :)



كريمة : ايه اللبس اللى انتى لابساه ده يا " شيرى " ؟؟!!



شيرين : مـــاله ؟؟ وحش ؟؟ :( دى عباية سوداء و خمار ... حلوين صح ؟؟ :)



أنيسة : طب و انتى لابسة كده ليه ؟؟ ...



شيرين : علشان ده اللبس اللى يرضى ربنا يا أنيسة ...و قريب النقاب ان شاء الله :)




كريمة : يعنى هتفضلى لابسة كده علطوووول ؟؟



شيرين : ان شاء الله تعالى بندعى ربنا يثبتنا :)



أنيسة بتهمس لكريمة : تعالى نمشى من هنا .... طب مع السلامة يا " شيرى "


نشوفك بين المحاضرتين .



شيرين : ان شاء الله يا قمرات :) سلام عليكم



أنيسة : و عليكم السلام يا ستى ...






أنيسة : ايه اللى غير البت " شيرى " كده تفتركى يا كريمة ؟؟

بقا شيــــرى اللى كانت واخدة لقب




" برنسيســـة الجااااامعة " بلبسها و شكلها و مكياجها و برفاناتها تلبس


اللبس ده ؟؟؟!! .



لا ولاحظتى كمان انها مش مخلية حد من الولاد يقعد جمبها خاالص فى المدرج


؟؟ الله يرحم ايام ما كان



مفيش ولا واحد فى الجماعة مش معاه نمرتها ...



كريمة : بس اكيييييد فى حاجة كبيييرة اوى غيرتها و عملت فيها ده كله ..



أنيسة : طيب تعالى نبقا نسألها فى ( البريك ) و نقعد معاها و نكلمها .



كريمة : ماشى اتفقنا :)





و فجـــــأة وسط المحاضرة ......



شيرين : يا دكتور الولد اللى ورايا ده مش محترم و بيقل ادبه , ياريت


حضرتك تنادى امن الجامعه ..



الدكتور : ايه اللى حصل بس يا شيرين ؟؟



شيرين و هى بتبكى : ارجوك يا دكتور لو سمحت ..



الدكتور " انت يا " وليد " تعالى اقعد هنا و ملكش دعوة بشيرين تانى فاهم


ولا لأ ؟؟



وليد : يا دكتور هى اللى عملالى فيها محترمة اوووى و نسيت ايام ما كانت


بتجرى ورايا علشان اكلمها او ابصلها حتى ...



" وليد " ملحقش يكمل كلامه ........ فجأه لاقى ايد شيرين نازله على وشه

و طبعااا ( ضربته بالقلم )



وزعقت فيه جاااامد و قالتله : شيرين بتاعة زمان خلاااااص ماتت و مش

هترجع تانى فاهم ولا لأ ؟؟؟



انا إنسانة جديدة تمااااما غير اللى عرفتوها كلكم و الكلام مش ليك انتى بس



, ده لكل اللى هنا واحد

واحد و واحدة واحدة و اللى هيكلمنى نص كلمه حسابه عسير معايا ,,,



>>> هو ده الكلام <<<




نكمل الحلقة اللى جاية ان شاء الله و نشوف نع بعض ردود الفعل على كلام

" شيرين " ....



و ياترى ايييييه حكايتها و ايه اللى غيرها كده 180 درجه ؟؟؟

تاااابعونا لتعرفواااا

[لؤلؤ ومرجان]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

سبحان مقلب القلوب
فهي بين إصبعيه يقلبها سبحانه كيفما يشااااء

جزاكِ الله خيرا

متابعون بإذن الله

[مسلمة معتزة بدينها]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

جزانا الله و إيااكِ اخيتى ( لؤلؤ و مرجان )

تشرفنى متابعتك ..

[مسلمة معتزة بدينها]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

( الحلقة الثامنة )

وصلنا فى المرة اللى فاتت لحد اما شيرين ادت " وليد " درس محترم خليته مينطقش بكلمة واحده معاها تانى

.... و أخرست جمييييع الألسنة بتاعة ( القيل و القال )

بعد اما خلصت المحاضرة راحت أنيسة و كريمة على شيرين و قالولها ..

أنيسة : ايه اللى انتى عملتيه ده ؟؟؟ جبتى الجرأة دى كلها منيييييين ؟؟

شيرين : كان لازم اعمل كده علشان يعرفوا انى اتغيرت و مبقتش شيرين بتاعة زمااان ..

كريمة : طب بصى يا ستى بقا احنا دلوقتى مش عارفين راسنا من رجلينا و عاوزينك كده يا بنت الحلال

تحكيلنا ايييه اللى حصل و عمل فيكى ده كله من طأطأ لسلاموو عليكوو

شيرين : طب تعالوا نقعد فى الكافيتريا و انا احكيلكم على كل حاجة ..



أنيسة : و آدى قعـدة يا ستى يلااا احكى كلنا آذان صاغية ..

شيرين : ماشى :) طبعا انتوا عارفين انا كنت عاملة ازاااى ؟؟ و حياتى كان شكلها ايييه ؟؟

من اغانى لحب لموضة ... و هكذاا ... كنت فاكره انى بكده هبقا سعيدة و مبسوطة و مش هيبقا ناقصنى

اى حاجة , لكن كنت بتظاااهر بأنى فرحانه مع انى من جوايا كنت مليااااااانة
( حزن و ألم ) قلبى كان

بيوجعنى اووووى و مكنتش عارفة ليييييه ؟؟ دورت كتييير عن ( سعادة القلب ) ملقيتهاش فى الاغانى

ملقيتهاش فى الحب الحرام , ملقيتهاش فى اى حاجة انا كنت بعملها ....

سألت نفسى ( هى السعادة فييييييين ؟؟ السعادة الحقيقة و راحة البال فييييين ؟؟؟ )

و السؤال ده كان شاغلنى اوووى و فى نفس الوقت كنت بفتح الراديو على اذاعة ( الاف ام ) طبعا

كالعاده , و الراديو كان على اذاعة ( القرآن الكريم ) و الشيخ كان بيقرأ الآية دى ...

((وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى *

هزتنى اووووى اول لما سمعتها ... دى كانت البدايه أنى عاااااوزة الاقى السعادة

( و طلما اللى انا فيه من هم و غم و حزن ده بسبب اعراضى عن ربنا و بعدى عنه ... يبقا اكيييد

السعاده هلاقيها فى القرب منه , يبقا اكيد راحة البال هلاقيها فى حبه , يبقا اكيييد هرتاح طول ما انا
مستأنسة بيه )

حسيت بحاجة قويه جداااا بتقولى ان اللى انا فيه ده حراااااام فى حراااااام و غلط فى غلط و لو استمريت

على كده مش هلاقى غير الهم و النكد اكتر و اكتر ...

روحت على النت قولت يمكن الاقى حاجة تبرد النار اللى جوايا و سبحان الله فتحت الفيس لقيت فى

وشى كده علطوول درس لشيخ اسمه " حازم شومان " بعنوان ( مستنيه ايه ؟؟؟ )

و كان بيقول الآتى اسمعواااا كده :))

( تفريغ درس مستنية إيييية ؟؟ للدكتور حازم شومان )

أوصى بقرااءة التفريغ أخواتى ضرورووووى حتى نستطيع أن نصل إلى الهدف المرجو من القصة و جزاكم الله خيراً ..

و هذه الدرس صوتياً ..

مستنية إية ؟؟ للدكتور حازم شومان

[fatma22]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

السلام عليكم ورحمه الله وبركاته
ماشاء الله اللهم بارك
ربنا يحفظنا ويثبتنا على الحق ويكرمنا بالخير حيث كان
جزاكى الله كل الخير أختى الغاليه
أين اقى القصه عزيزتى
متابعه بإذن الله
فى آمان الله

[وداعا لدنيا فانيه]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

ماشـــــــاء الله طرحك ممــــــــــــيز اختى وكلمــــــــات معــــــبره
واتشوق لمعرفة القصه
جزاكى الله خيرا
نسأل الله الثبات

[مسلمة معتزة بدينها]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

الحلقة التاسعة


شيرين : بعد اما سمعت الدرس و دموعى مش راضية توقف ..حسيت انى

ولااااا حاجة انا ميييين علشان اعصيك ياربى !! انا حقيييرة اووى لأنى عصيتك



!! انا ابقا ايه علشان اقولك ( لأ ) مش هلبس الحجاب الشرعى ؟؟



( لأ ) انا هصاحب . ( لأ ) انا هسمع اغانى ؟؟ انا مييييييييين !!!




كرهت " شيرى " اوووى .. كرهتها من كل قلبى و قمت زى المجنونة







و على لسانى كلمة واحدة بس ( ســامحنى ياااااااااااارب )






روحت على الدولاب و جبت المقص و قطعت كل هدومى اللى مترضيش




ربنا و جريت على الموبايل و مسحت كل الاغانى اللى عليه و كسرت



الميمورى كمان و كل الحاجات دى كنت بعملها لا إرادياً .. والله زى ما




بقولكم كده يا بنات حسيت انى بتحرك لوحدى اى حاجة كنت حاسة انها




بتغضب ربنا كنت بكسرها و بقطعها ..



بقيت مش عايزة اى حاجة تفكرنى بالأيام الصعبة اللى انا عشتها دى ..




قطعت علاقتى بكل الولاد اللى كنت اعرفهم الأمر فى الأوزل كان صعب عليا




لكن والله لولا ذلك مكنتش عرفت معنى






( الإستعــــــانة بالله )







استعنت بالله اوووووى و بقيت اصلى و ادعى كتييير فى السجود ان ربنا


يقوينى و يعيينى على مواجهة الفتن دى كلها .. كنت بفضل الله بفضل ساجدة


و ادعى لربنا و اشكيله و احكيله همومى كلها لحد ما احس انى خلاااااص


ارتحت خاااالص .. كنت عايزة ربنا يغفر لى بأى شكل كنت وقتها محتاجة


اوووى لحنان رربنا و عطفه و رحمته بيا ..


بجد يا أنيسة و يا كريمة كنت عايشة حياة صعبة اووووووى لأنى كنت بعيده

عن ربنا سبحانه و تعالى ..
.
صدقوووووونى عمركم ما هتلاقوا الراحة فى معصية ابداااااا عمركم ما

هتدوقوا السعادة إلا فى طاعة الله و القرب منه سبحانه و تعالى ..

وبعد كده نزلت جبت عبايات و خمارات و عاهدت ربى حبيبى انى مش هلبس

غيرهم .. بس كده حكايتى حلوة صح :) ؟.



أنيسة و كريمة كانوا مبلمين و عاملين زى اللى واكلين كشرى ع الصبح

أنيسة : يااااااااه يا " شيرى " كل ده حصل فى الأجازة و انا معرفش !!


شيرين : أنيسة بالله عليكى بلاش " شيرى " دى خليها " شيرين " احسن :)

أنيسة : حاضر يا شيرين ... بس تعرفى انا ساعات برضو بحس من جوايا انى


مش سعيدة انى مهمومة و مخنوقة اوووى من جوايا .. و ساعات بحس انى


مبعملش حاجة غلط !! و إن كل البنات بتعمل زىّ !








شيرين : تعرفى يا " أنيسة " مادام انتى بتحسى الإحساس ده يبقا انتى صدقينى


جواكى خير و انتى مش مرتاحة لأنك بتعصى ربنا و فعلا عندك استعداد

علشان تتغيرى ..

و إحساسك انك مبتعمليش حاجة غلط فده بيكون ناتج عن انك متعرفيش




مين اللى بتعصيه متعرفيش ميييييين ( الله ) ؟؟! و ده ان شاء الله يكون علاجها


بسماع الدروس وا لمحاضرات عن الله و اسمائه الحسنى و صفااته ..

لأنك لو عرفتى ربنا بجد صدقينى عمرك ما ( هتعصيه ) تانى ابداااا ..


و هتندمى على كل دقيقة و ثانية عشتيها بعيدة عنه ..


نكمل الحلقة الجاية ان شاء الله ^^



هدية الحلقة :)

من هو الله للدكتور حازم شومان

هااااااام جداااا

[مسلمة معتزة بدينها]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

ربنا يبارك فيكم يا اخوات على المتابعة ويرضى عنكن دنيا وآخرة يارب