°°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

[مسلمة معتزة بدينها]

السلام عليكم ورحمة الله و بركاته

موعدنا اليوم مع المسلسل التلفزيونى : أنيسة و حياتها اللذيذة ,,, نبثه لكــم مباشرة من منتدى الطريق الى الله



( الحلقة الأولـــى )

الام : يا بت يا أنيـــسة .. انتى يابت قومى اصحى غلبتينى معاكى و تعبتى قلبى الساعة 2 الظهر ..

أنيسة : اييييييييه فى ايييه يا ماما ؟؟؟ حرااام عليكى هو الواحد ميعرفش ينام فى البيت ده شوية !!! اروح انام فييين يا ناس فى الشارع ؟؟

الام : يا بت انتى مش هتتعدلى بقا ؟ قالبة نهارك ليلك و ليلك نهارك ! حرااام عليكى ده انتى بتنامى بعد الفجر و ياريتك بتصليه و بتصحيلنا العصر كمان .

أنيسة : ما انا بصليه ( صبح ) و فيها ايييه لما اصحى العصر انا ورايا ايييه اعملة انا فى الاجازة .

الام : ربنا يهديكى يا بنتى قومى يلااا اتوضى و صلى الصبح و الظهر علشان العصر قرب يأذن .

أنيسة : حاضر حاضر اصبرى عليا شوية هروح اشوف ايه فى التلفزيون و افتح النت اشوف آخر الأخبار و بعدين ( اصلى )

فتحت أنيسة التلفزيون على ( روتانا ) و طبعااا " مش هتقدر تغمض عينيك "
اتفرجت على الفيلم و قامت طبعاااا كان العصر اذن من زماااان ...

أنيسة : اما اروح اشوف بقا النت ...

الام : يا بت يا أنيسة انتى يا بــــت ....

أنيسة : ايه يا ماما عاوزة ايه منى تاااانى ؟؟

الام : تعالى هنا ساعدينى فى شغل البيت انا تعبت بقا ارحمونى شوية ...

أنيسة : يعنى عوزانى اعمل اييييه ؟؟ ما انتى عارفة البير و غطاه انى مبعرفش اطبخ ولا اعمل حاجة فى البيت خاااالص ماااالص .

الام : طب ع الاقل روحى روقى الصالة علشان ابوكى لما ييجى ميقعدش يزعق زى كل يوم ..

أنيسة : اوووووفففف هو مفيش غير أنيسة فى البيت ده ولا اييييه ؟؟؟

الام : يا بنتى تعبتى قلبى روحى بقاااا ...

أنيسة : طيب ماتزقيش ادينى رايحة اهوا ..



و بعد اما خلصت أنيسة شغل البيت اقصد ( كروتة البيت ) راحت تشوف النت بقااا ...

تررررررررن .... تررررررن " التيلفون بيرن " ,,, أنيسة ردت .

أنيسة : ألـــوووو ... ازيك يا بت يا كوكو عاملة ايه ؟ مال صوتك مش عاجبنى ؟؟ ايه ده انتى بتعيطى !! فى ايييييه يا بنتى انطقى ؟؟؟!!

بتقووووولى ايييييييه ؟؟!!!


علشان تعرفوا ايه اللى حصل ؟ تابعونااااااا فى الحلقة اللى جاية .

[مسلمة معتزة بدينها]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

الحلقة القادمة غدا ان شاء الله

تاااابعوناااااا

[مسلمة معتزة بدينها]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

( الحلقة الثانية )



كريمة (كوكو ) : شوفتى اللى حصلى يا أنيسة ؟؟ الواد " وائل " ضحك عليا ..

أنيسة : "وائل" !! ليه يا بنتى عمل ايه ؟؟

كريمة : بعد قصة حبنا الطويلة اللى بقالها 3 سنين جيت اقوله " انت هتتقدم امتى لبابا ؟؟ " لقيته بيقولى " اتقدم !!!! انتى بتقولى ايه يا حلوة ؟؟؟ انا مش بتاع الكلام ده و بعدين انا يستحيل اتجوز واحدة مشيت معاها لأنها زى ما مشيت معايا هتمشى مع غيرى صح ولا ايييه ؟؟ "

أنيسة : و انتى قولتيله ايه يا موكوسة ؟؟

كريمة : انا مقولتش حاجة انا فضلت ساكتة و مبلمة من الصدمة حسيت احساس وحش اوووووى حسيت انى رخيصة جدااااا فى نظره بجد انا موجوعة اوووووى من جواه يا أنيسة و بعد كده قام سابنى و مشى و انا كنت غرقاااانه فى العياط ( ندل و جبـــان ) و ملقيتش غيرك يا أنيسة اكلمك تشوفيلى حل لأنك صاحبتى الوحيدة ...

أنيسة : انتى على فكرة اللى غلطانه لأنك اخترتى غلط من الاول قولتلك الواد وائل ده بتاع بنات و ملوش امان انتى الى مصدقتنيش ... اديكى اتاخدتى على آفاكى تستاهلى اللى يجرالك بقا ...

كريمة : هو انا بتصل بيكى علشان تشوفيلى حل ؟؟؟ ولا علشان تقلبى علىّ المواجع و تفضلى تأنبى فيا ؟؟

أنيسة : يا ستى انا آسفة بس انتى غلطانة انك مديتلهوش بالقلم على وشه اول ما قالك الكلمتين دول و فرجتى عليه الشارع كله ..

كريمة : هوانا بطجية زيك ؟؟!!

أنيسة : ما علينا يا ستى بقيت انا خلاص الفتوة هنا ... خلاص بقا انسى و عيشى حياتك و اعتبريها فترة من حياتك و عدت و اديكى استفدتى منها و المرة اللى جاية تبقى تختارى صح علشان متجيش تندمى فى الآخر ..

كريمة : معرفش و الله حياتى هتبقا عاملة ازاااى ؟؟على الهموم هحاوووول...

أنيسة : طب ايه رأيك نغير جو و نروح بكره السينما انا و انتى نشوف الفيلم الجديد ؟؟ ايه رأيك ؟؟ و اهو بالمرة اتكلم معاكى شوية ..

كريمة : ماشى اتفقنا انا فعلا محتاجة اغير جو اشوفك بكره ... باااااى

أنيسة : ماشى يا جميل باى باى ...



انا نسيت اقولكم ان " أنيسة " فى سنة 2 جامعة و ع فكره هى كمان عيشالى فيها " جوليت " مع واحد زميلها من ايام المدرسة " روميو " وواخدة فكرة عنه انه غير كل الشباااب " ملااااااك يا ناس "



و هتشوووفوا ايه اللى هيحصل لها هى كماااان ؟؟؟



تااااااااااااابعونااااااااا

[الراحله إلى الله]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

رائع كل الشكر غاليتي
باأنتظااااار الجزء المتبقي

[مسلمة معتزة بدينها]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

رائع كل الشكر غاليتي
باأنتظااااار الجزء المتبقي

انتى الاروع غاليتى

ربنا يرضى عنكِ ... اسعدتنى متابعتك جداااا

[أنين قلب تائب]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

[راجية الانس بالله ورضاه]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

وعليكم سلام الله ورحمته وبركاته
------------------------------
ماشـــــــاء الله رااائع
واصلى أخيتى وفقكِ الله
أسأل الله أن يهدى بنات المسلمين وأن يرزقهن الطهر والعفاف
والاقتداء بأمهات المؤمنين فى القول والفعل
جزاكِ الرحمـــــــــــــــــن خير الجزاء غاليتى
بارك الله فيكِ
========================
الحساب بالدقـــــايق
http://www.youtube.com/watch?v=781ga...B3A1631CD6FE28

["رثاء الحياة"]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

جميله اوى
متابعين معاكِ
جزاكِ الله خيرا

[مسلمة معتزة بدينها]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

جزانا الله و إياكم كل الخير حبيباتى فى الله :)

شوفنى مروركم الطيب و اسعدتنى متابعتكم جدااا

[مسلمة معتزة بدينها]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

( الحلقة الثالثة )



الام : رايحة فين يا أنيسة ؟

أنيسة : رايحة عند واحدة صاحبتى " كريمة " ما انتى عرفاها يا ماما ... ( أنيسة كدبت على والدتها و هى اصلا رايحة السينما )

الام : و هتيجى امتى ؟؟

أنيسة : لا متقلقيش مش هتأخر ان شاء الله ..



أنيسة : ايه ده يا بت يا " كريمة " مال شكلك عامل كده ليه ؟؟يا بت فكيها بقا مكنتيش اول ولا آخر واحدة حد يضحك عليها ...

كريمة : خلاص بقا غيرى الموضوع يلاا ندخل نجيب التذاكر ..

أنيسة : يلاا بينا ,,, بس تعرفى اللى حصل ده أكدلى ان " هانى " بيحبنى جداااا و عمره ما هيتخلى عنى ولا هيخلف بوعده معايا ولا هيضحك عليا زى ما انتى انضحك عليكى ...

كريمة : يووووه بقا ... ماشى يا ستى ربنا يهنيكم ببعض ...

أنيسة : آمين يااارب ..

كريمة : ما تروحى تجبيلنا حاجة كده نتسلى بيها هاتى لب و سودانى و كده يعنى ...

أنيسة : امرى لله ماشى 10 دقايق و راجعة ,,,,,, يا نهار مش فاااااايت !!!

كريمة : فى ايييييه يا بنتى شوفتى عفريت ولا ايييه ؟؟

أنيسة : لا اكتر ده " مصطفى اخويا " ده ايه اللى جابه هنا ده ؟؟؟يا مصيبتى ليشوفنى هنا ... لااا يا كريمة انا لااااازم امشى دلوقتى ده لو شافنى هيبهدلنى ...

كريمة : كويس ان احنا مقطعناش التذاكر و إلا كنا اتدبسنا ... يلااا ياختى نروح ...

أنيسة : بس حاجة غريبة اوووى انى اشوف " مصطفى " هنا فى السينما !!

كريمة : هو كان معاه مين ؟؟

أنيسة : مركزتش اوى بس الظاهر مش معاه حده ...

كريمة : طب انا تعبت من المشى اووووى رجلى وجعتنى انا عاوزة اروح .

أنيسة : طول عمرك فرفورة كده ؟ يا بنتى اجمدى شوية ..

كريمة : يووووه بقا يا انيسة يا ستى تعبانة عاوزة اروح ..

أنيسة " طيب تعالى اما اركبك ...



و ركبت أنيسة كريمة و قالت اما تمشى هيا بقا تشترى شوية حاجات كده " هدوم مثلا "

و دخلت انيسة محل من المحلات و اشترت ( بنطلون جديد ) و كانت فرحااانة اوووى بيه ...

و فجااااااءة

طرااااااااااااااااااخ

ايييييه ده ؟؟؟ أنيسة واقفة متسمرة مكانها من الصدمة و مش قادرة تتكلم ..

لا حول ولا قوة إلا بالله .... انا لله و إنا إليه راجعون ...

واحد مش الشارع : هو ايه اللى حصل يا رجالة ؟؟

واحد يرد عليه : كان فى حتة عربيه ماشية بسرعة رهييييبة خبطت البنت الغلبانة دى و اديك شايفها غرقانة فى دمها ربنا يصبر اهلها ياااارب .... حسبى الله و نعم الوكيل ....



البنت اللى اتخبطت دى كانت ماشية جمب أنيسة بالظبط مفيش بينها و بين أنيسة كام سم و فجأة و على غفلة وقعت ( ميتة )

" أنيسة " فضلت مصدوومة و مش عارفة تتحرك و الناس جابولها ازازة مياة علشان تشرب و شوية على ما فاقت من الصدمة و قدرت تمشى على رجلها ...

بصت " أنيسة " بصى على وش البنت دى و كانت المفاااااااجأة ....



يا ترى ايه اللى هيحصل ؟؟؟ و ايه حكاية البنت دى ؟؟ و هتأثر فى " أنيسة " ازاااى ؟؟

علشان تعرفوا تاااابعوناااا فى الحلقة القادمة

[العاءدة لمولاها]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

مـــــــــــــــــــاشاء الله عليك يا أختي مسلمة
خيال خصب يستمد أفكاره من واقع مُعاش
حكايات للأسف من ارض الواقع
اللهم استر بناتنا وبنات المسلمين
فكرة رائعة هذه التي قمت بكتابتها
هي نصيحة غالية لكل البنات قدمتيها لهن بطريقة ممتازة
أسأل الله تعالى أن يجعلها في ميزان حسناتك

[جارة فاطمة]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

وعليكم سلام الله ورحمته وبركاته
ماشاء الله
اسلوبك لذيذ فى السرد
اكملى ربنا يباركلك

[مسلمة معتزة بدينها]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

مـــــــــــــــــــاشاء الله عليك يا أختي مسلمة
خيال خصب يستمد أفكاره من واقع مُعاش
حكايات للأسف من ارض الواقع
اللهم استر بناتنا وبنات المسلمين
فكرة رائعة هذه التي قمت بكتابتها
هي نصيحة غالية لكل البنات قدمتيها لهن بطريقة ممتازة
أسأل الله تعالى أن يجعلها في ميزان حسناتك

ربنا يرضى عنكِ غاليتى و يجازيكِ كل خير على كلامك المشجع ده ...

اللهم آمييين ربنا يسترهم و يرزقهم العفة و الهداية يااارب

بارك الله فيكِ على مرورك الطيب

[مسلمة معتزة بدينها]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

وعليكم سلام الله ورحمته وبركاته
ماشاء الله
اسلوبك لذيذ فى السرد
اكملى ربنا يباركلك

و يبارك ربى فيكِ غاليتى

ربنا يكرمك يااارب

[مسلمة معتزة بدينها]

رد: °°°•°°°°•.¸°مسلسل: أنيســة و حياتــها اللذيذة °•.¸¸.°°°•°°

( الحلقة الرابعة )


و شوية على ما " أنيسة " فاقت من الصدمة و بعد كهد بصت بصة على وش البنت دى و كانت المفاااااااجأة ....

إنــــها( مبتســمة ) .... ايوه كانت مبتسمة ابتسامة جميلة اوووووى كأن ( حد قالها خبر مفرح )

أنيسة : دى لسة عايشة ارجوكم هاتولها الإسعاف ...

واحد من المارة : عايشة ايه دى قاطعة النفس ..

أنيسة : لأ دى بتضحك اهى ...

واحد من المارة : ماشاء الله باين عليها ( ربنا بيحبها ) انه رزقها حسن الخاتمة بوجهها المبتسم ده ,, تلاقيها دلوقتى فى الجنة يابختها ..

أنيسة مفهمتش اى حاجة من الكلام الى قاله الراجل ده ... بس فضلت باصة عليها و مركزة اوووى فيها لاقت انها لابسة ( خمار و عباية ) مع ان شكلها صغير مش كبير و تقريبا هى فى نفس سنها ... و استغربت اوووى ان مفيش ولا حاجة من جسمها باينة رغم انها اتخبطت خبطة جااااااامدة لكناه فضلت ( مستورة )


روحت " أنيسة " البيت و كانت لسة آثار الخضة و الصدمة عليها ..

الام : ايه يا بنتى مالك وشك مصفر كده ليه ؟؟

أنيسة : ها بتقولى حاجة يا ماما ؟؟

الام : يا بت بقولك مااااالك ؟؟

أنيسة : حاضر حاضر هحكيلك كل حاجة ...

و حكت " أنيسة" لمامتها الحكايه كاملة و الام فضلت تعيط علشان اتأثرت اوووى بالحكاية و صعبت عليها البنت دى و فى نفس الوقت فضلت تحمد و تشكر ربنا إن أنيسة مش جرالها حاجة و اخدتاها فى حضنها و هى بتبكى ...

الام : الحمد لله يا حبيبتى الحمد لله ربنا نجاكى ( كان ممكن تكونى مكانها ) قومى يا أنيسة يا بنتى صلى ركعتين شكر لله انه نجاكى ده ربنا ( كريم اوووووى ) ....

" أنيسة " حست لأول مرة فى حياتها انها فعلا عاوزة تصلى و تشكر ربنا سبحانه و تعالى ....

راحت " أنيسة " اتوضت و كانت حاسة بإحساس غريب اوووى اول مره تحسة ... راحت و وقفت على المصليه و قالت ( الله أكبـــــر ) و كانت اول مرة تطلع من قلبها ...


الام : أنيسة يا حبيبتى يلااا علشان الغداء جاهز يلاا تعالى كلى و بعدين روحى استريحى و نامى شوية ..

أنيسة : حاضر يا ماما جايه اهوا ..

و بعد الغداء دخلت " أنيسة " اوضتها و كلمت " هانى " علشان تقوله على اللى حصل و فضلت ترغى فى التليفون ييجى ساعة معاه علشان يمكن يهديها شوية و يغيرلها جو الحزن و الكآبة اللى كانت فيه من أثر اللى حصل ...

و لكن بعد اما قفلت معاه حست انها مخنوقة اكتر من الاول ... حست انه زود المها و حزنها و فضلت تعيط و كانت الكلمة اللى الراجل قالها فى الشارع ( باين عليها ربنا بيحبــــها ) لسه عمالة تتردد فى دماغها ...

دخلت عليها مامتها لقيتها بتعيط و قعدت معاها ...

أنيسة : ماما عاوزة اسئلك سؤال ...

الام: اسئلى يا حبيبتى .

أنيسة : ماما " تفتكرى ربنا بيحبنى " ؟؟؟!!!



علشان تعرفوا رد مامتها عليه ايه ؟؟ تابعوناااااا فى الحلقة اللى جايه ....

و علشان تعرفوا كمان هل أنيسة هتبدأ تتغير ولا الشيطانه هيلعب فى دماغها من تانى ؟؟؟

تااااابعونا فى الحلقات القادمة ...