[منقول] خوااطر اول يوم الدراسة

[(أم فارس)]

السلام عليكم ورحمة الله وبركاته

نزلت كليتك النهاردة ؟

نزلت مدرستك النهاردة ؟

طيب قول الحمد لله على النعمة دى


نعمة ؟!

نعمة إيه يا ستى ؟


دى الأجازة جريت
ده احنا ما لحقناش نرتاح
ده احنا زعلانين ان الدراسة بدأت
ده احنا نازلين متضايقين وصاحيين من النوم بالعافية

ما هو ده كان نفسى تفكيرى !

كنت زعلانة وحاسة انى لسة ما ارتاحتش وانى مش قادرة أرجع الدراسة دلوقتى ولا مستعدة
بس ما قولتش ( صايمين وتعبانين) الحمد لله


نرجع لموضوعنا

وأنا فى طريقى للكلية ... شوفت كذا موقف وكذا مشهد

كلهم خلونى أحس أد ايه احنا فى رفاهية ودلع ومش عاجبنا كمان !

الأتوبيس وقف فى محطة والمحطة دى مشهورة وهى دايماً زحمة وكدة

فأنا كنت قاعدة جنب الشباك وسرحت كدة شوية

شوفت ست شكلها غلبان ولابسة خمار وعباية عادى
وجنبها بنتها شكلها فى سن الابتدائية كدة مثلاً
بس بنتها مش واقفة جنبها !
البنت قاعدة ع السور
ليه ؟
لان عندها رجل واحدة ورجلها التانية مش موجودة
ولابسة دريل بناتى ولبس عادى متواضع ومش لبس مدرسة
بصرف النظر عن حالة البنت وبصرف النظر عن تصور حالتها وهى طفلة لكن مش زى كل الأطفال
البنت كانت بتبص للناس نظرة مش قادرة أنساها
عينيها كانت مليانة براءة فظيعة وحزن رهيب
كانت عمالة تبص على الأطفال دول اللى لابسين لبس المدرسة البنى وماشيين
ودول كمان اللى لابسين لبس المدرسة الرمادى وماشيين
ودول ... ودول ...

ياااااااااااااه

لو كل واحد سرح كدة شوية وكلم نفسه بصدق وسألها
لو أنا اللى عندى رجل واحدة ... كنت هصبر ؟
ما حدش يتسرع ويرد ... لان ردنا ده هيكون رد واحد قاعد ع الكمبيوتر فى أعلى حالات الرفاهية والاسترخاء !
لو ده حصل لى وأنا كبير .. هصبر ؟؟ فما بالك لو أنا صغير... طفل ؟؟
لو أنا شايفة كل الأطفال رايحة المدرسة ولابسين لبس المدرسة الجميل وشايلين الشنط الصغنونة اللى فيها الكتب وما شيين على رجلهم وبيضحكوا وفرحانين ببهجة أول يوم دراسة ... وأنا لأ ... أنا رايحة المستشفى ؟؟

مش عايزة أدخل فى تفاصيل أكتر وأكتر
مش الغرض انى أخليكم تحزنوا وتتضايقوا
بس فعلاً التفاصيل كتيييييرة وتخيلها صعب صعب ويتعب نفسية أى حد

بس أذكر نفسى وإياكم ان اللى عنده حاجة من دول - حاجة واحدة بس - يستشعر نعمة ربنا عليه ويقول الحمد لله ويؤدى شكر هذه النعمة

بعدها الأتوبيس مشى شوية ووقف فى محطة تانية
شوفت مشهد تانى
بنت برضه تانى
شكلها ييجى فى سن الابتدائية برضه أو الاعدادى
ونايمة
بس نايمة فين ؟
فى الشارع .... ع الرصيف .... أو ممكن نقول فى جنينة ع الرصيف برضه
ومتغطية ببطانية حالتها سيئة


طيب ايه ده ؟
احنا بننام فين ؟
وعلى ايه ؟
وراضيين ولا لأ ؟
وحاسين بنعمة ربنا ولا لأ ؟
ولو اتحطينا فى الظروف دى هنصبر ونرضى ولا لأ ؟



شوفت حاجات أكتر من كدة
بس كفاية كدة

شوفتوا ليه اللى نزل كليته أو مدرسته النهاردة لازم يقول الحمد لله ويحس بالنعمة دى ؟

الحمد لله اننا بكامل صحتنا من صغرنا
الحمد لله اننا عشنا طفولتنا واستمتعنا بيها
الحمد لله اننا دخلنا المدرسة واتعلمنا
الحمد لله اننا وصلنا للى احنا فيه دلوقتى وكبرنا
الحمد لله اننا بننام فى بيت مع أم وأب واخوات وعلى أحسن فرش
الحمد لله ...
الحمد لله ...
الحمد لله ...

( و إن تعدوا نعمة الله لا تحصوها )

والدكتور عمر عبد الكافى فى برنامج الطريق الجنة مع الشيخ وجدى غنيم والدكتور صلاح سلطان

أول امبارح تقريباً أو أول أول امبارح .. كان بيقول ان ربنا بيدينا مش بدعاءنا

ربنا نعمه علينا لا تعد ولا تحصى

احنا لما بنأكل مش بنقعد ندعى يارب ايدى توصل للقمة اللى فى الطبق .. يارب ايدى تحط اللقمة فى فمى ومش فى أنفى ولا فى عينى .. يارب أسنانى تعرف تدوس ع اللقمة وتمضغها .. يارب لسان المزمار يقفل عشان اللقمة ما تدخلش مكان غلط وأموت .. يارب الانزيمات تطلع فى معدتى عشان تهضم الأكل ..

احنا مش بنعمل كل ده
ومع ذلك ربنا بييسر لنا كل ده
وكل لحظة بيحصل فيها حاجات مالهاش عدد فى جسمنا ربنا خلاها تحصل بسهولة ويسر وحتى من غير ما احنا نحس اننا محتاجين ندعى ربنا ييسر لنا كل ده

وقال كمان ان فيه نعم خاصة بكل انسان زى نعمة البصر عندى وعندك وعند كل حد
وفيه نعم عامة زى نعمة الشمس والهواء وغيرهم من نعم الكون

وما بيشكرش ربنا على النعم العامة غير مؤمن

مؤمن بيتأمل فى خلق الله فى الكون ويقول الحمد لله

والشيخ وجدى غنيم قال ان لو ربنا ابتلى حد بفقد بصره .. ده مبتلى وإن شاء الله ربنا هيعوضه الجنة
لكن تخيلوا بقى لو حد مولود أصلآ فاقد نعمة البصر !
فتقول له الشمس .. يقول لك يعنى ايه الشمس ؟ .. ما شافهاش قبل كدة .. ما يعرفش دى عبارة عن ايه !
تقول له اللون الأحمر .. يقول لك يعنى ايه اللون الأحمر ؟ .. ما شافهوش قبل كدة .. ما يعرفهوش !

يااااااااااه يا جماعة

أد إيه احنا بنتقلب فى نعم الله ومش حاسين !
أد ايه احنا مقصرين فى أداء شكر نعمة واحدة من النعم دى !
أد ايه احنا كمان مذنبين وعاصين ومش مكتفيين بعدم الشكر!

اللهم اهدنا واصلح حالنا وارض عنا
اللهم أعنا على ذكرك وشكرك وحسن عبادتك
للأمانة منقول

[مخلصة لرب العالمين]

رد: خوااطر اول يوم الدراسة

وعليكم السلام ورحمة الله تعالى وبركاته
----------------
جزاكِ الرحمن خيرا الجزاء وبارك فيكِ وتقبل منكِ ورضى عنكِ
وجعلكِ من السعداء فى الدارين
جعلنا الله واياكم ممن يستمعون القول فيتبعون أحسنه
ربنا يبارك فيكِ أخيتى
-------------
اللهم لك الحمد حتى ترضى .. ولك الحمد إذا رضيت .. ولك الحمد بعد الرضا
سبحانك ما شكرناك حق شكرك
أستغفر الله العلى العظيم وأتوب إليه
رب اغفر وارحم وأنت خير الراحمين

[يارب رضاك عني]

رد: خوااطر اول يوم الدراسة

جزاكي الله خيرآ اختي الغالية

[nor elhoda]

رد: خوااطر اول يوم الدراسة

جزاكى الله خيرا اختنا الكريمة
ع نقلك الطيب
فعلا نعم الله كثيرة لا تحصى
الحمد لله حمدا كثيرا مباركا فيه

[أميرة بإسلامي2]

رد: خوااطر اول يوم الدراسة

وعليكم السلام ورحمة الله تعالى وبركاته
----------------
جزاكِ الرحمن خيرا الجزاء وبارك فيكِ وتقبل منكِ ورضى عنكِ
وجعلكِ من السعداء فى الدارين
جعلنا الله واياكم ممن يستمعون القول فيتبعون أحسنه
ربنا يبارك فيكِ أخيتى
-------------
اللهم لك الحمد حتى ترضى .. ولك الحمد إذا رضيت .. ولك الحمد بعد الرضا
سبحانك ما شكرناك حق شكرك
أستغفر الله العلى العظيم وأتوب إليه
رب اغفر وارحم وأنت خير الراحمين

[بنقابى ارضى ربى 2]

رد: خوااطر اول يوم الدراسة

السلام عليكم ورحمة الله وبركاته

جزاكِ الله خير الجزاء أختاه

تباااااااارك الله جعله الله فى ميزان حسناتك

بارك الله فى حضرتك وأثابكِ ونفع الله فى حضرتك أحيتى الكريمة

بوركتِ وبورك جهدك

إن لله وإن إليه راجعون والله عندما أرى هذه المناظر يتمزق قلبى

الحمد لله على ما نحن عليه

[اميره بنقابى]

رد: خوااطر اول يوم الدراسة

وعليكم السلام ورحمة الله تعالى وبركاته
----------------
جزاكِ الرحمن خيرا الجزاء وبارك فيكِ وتقبل منكِ ورضى عنكِ
وجعلكِ من السعداء فى الدارين
جعلنا الله واياكم ممن يستمعون القول فيتبعون أحسنه
ربنا يبارك فيكِ أخيتى
-------------
اللهم لك الحمد حتى ترضى .. ولك الحمد إذا رضيت .. ولك الحمد بعد الرضا
سبحانك ما شكرناك حق شكرك
أستغفر الله العلى العظيم وأتوب إليه
رب اغفر وارحم وأنت خير الراحمين

[(أم فارس)]

رد: خوااطر اول يوم الدراسة

جزاكم الله خيرا
...
لا اله الا انت سبحانك اني كنت من الظالمين