Tweet
السلام عليكم ورحمة الله وبركاته
منتقبة آآآآآه معقدة لأ
مبقتش تحوأ فينا ^_^
وعادي جدا كل الكلام ده ليه رد شرعي طبعا ممكن كنت تردي بيه عليهم بس احيانا بيبقي السكوت افضل لان احيانا الناس مش بتبقي عايز تقتنع فمينفعش معاهم غير الرد اللي ده ^_^
هم :كنتي ملكة (بوجه غاضب )ا
هي: وبقيت ايه؟؟؟ ^_^
هم: ضيعت نفسك
هي:متقلقوش ان شاء الله هلاقيها ^_^
هم: ايه الخيمة دي؟
هي: سبحان الله انا شيفاها شيك جدا (ده بجد والله )ا
ايه الناس الغريبه دي ^_^ ازاي مش شايفين شياكتها
هم:السلفيين غسلولك دماغك
هي : الحمد لله هي فعلا كانت محتاجه غسيل ^_^
(من يرد الله به خيرا يفقهه في الدين واسال الله ان يستعملنا قبل الموت)
هم: هتعنسي
هي: يعني هما اللي مش لابسينه معنسوش ابتسام جميل
وكمان الرزق بيد الله جل وعلا
هم : هبلغ عنك
هي: هتقوللهم ايه واحدة لابسه هدومها ؟ ^_^
(قل لن يصيبنا الا ما كتب الله لنا)ا
هم : دفنت نفسك
هي : طيب البقاء لله ^_^
هم : مين هيشوفك دلوقتي ويتقدم لك
هي : يعني اللي ماشيين بوشهم خلصوا خلاص وناقصني انا ابتسام جميل
هم: منتقبه ومهندسه او دكتورة او خريجه كليه يعني من اللي بيقولوا عليها عليا دي ؟؟؟؟
هي: ايه الغريب يعني هو انا لابسه النقاب علي عقلي
ولا النقاب عامل عقد مع الغباوة ^_^
هم: بتتعلمي ليه لما انتي هتلبس نقاب؟؟
هي: لا اله الا الله هو ربنا امرنا اننا ننتقب ونبقي امهات جهل ^_^
ولا كل ما احتاج اتعلم اكتر اشيل شويه من ملابسي ^_^
واكبر حاجة تضحك لما طفل يشوفك ويقول يا مااااااماااااااااا ...تبقي عايزة تقولي ياواد يا....... الله يهديك
وفي نفس الوقت تلاقي طفل تاني امه منتقبه زيك شبطاااااااان فيكي ويطهك لحد ما تبقي في الوقت ده عايزة تقلعيه علشان يبعد عنك شويه ^_^
فعلا الاطفال علي ما يتربوا ويشوفوا
*************************
لما بقي يتقدم عريس غير ملتزم والمنتقبه ترفض ^_^ ماسااااااه طبعا
*************************
هم :مش كفاية انه رضي بيكي بنقابك ده
هي: ليه هو انا عامله عمله ^_^
هم: يعني ايه عيزاه ملتزم ماهو بيصلي اهو
هي: امال يعني هاخدو كافر ما طبيعي اقل حاجة يكون بيصلي ابتسام جميل
هم: خلاص يعني لازم لحيه وتقصير ثياب ايه الشكليات دي
هي: سبحااااان الله ماهو هو كمان مدور اهو علي منتقبه يعني لو اعتبرنا ان اللحيه شكليات يبقي النقاب شكليات هو كمان
هم : تنازلي شوية علشان المركب تمشي
هي: مركب ايه يا جماعه وتمشي ليه ما انا قاعده اهو ومرتاحة ^_^
وبعدين اشمعنا دي اللي هتنازل فيها علي اساس
انه كامل الاوصاف ومفيهوش غير المشكله دي يعني ^_^
هم: حد لاقي راجل يرضي بالخيمة دي في الزمن ده
هي: الخيمة دي مش اي حد يفوز بيه
تعليق