Tweet
هــــات ايـــــدك
حاسس إن الدنيا سودا في وشك ؟؟؟
خلاص الحياة بالنسبة لك مبقتش تفرق كتير عن الموت ؟؟؟
زهقت من نفسك ونفسك تتغير بس مش قادر ؟؟؟
عملت كل الذنوب والمعاصي ومش قادر تبطلها ؟؟؟
حياتك كلها غلط × غلط ومش قادر تعمل الصح أبدا ؟؟؟
حاولت تقرب من ربنا ولكن كل مرة بتبتعد وترجع أسوأ من الأول ؟؟؟
وصل بيك التفكير إنك تفكر في الإنتحار ؟؟؟
لو ده احساسك ..
يبقى لازم تكمل الموضوع ..
وأول حاجة هقولهالك ..
إوعى تيأس ..
الأمل موجود طول ما انت قلبك بينبض ولسه فيك نفس ..
هتقولي :
أمل؟! أمل مين يا عم انت؟! انت جاي من أنهي كوكب بالظبط ؟!!
ما تفوق يا حبيبي انت وبطل اللي بتشربه دة وتعيش الواقع اللي إحنا عايشينه !!!
أمل دي كانت زمان وانقرضت خلاص ما عادشي لها وجود!
شوف يا أخ انت يا بتاع الأمل ؛
أنا حاولت أتغير بعدد شعر راسي ..!!
وكنت بقول زيك كده ان فيه أمل وعمر والكلام الفاضي ده ..
ولكن اتضح ان الامل ده وهم وان مستحيل الواحد يتغير في الزمن ده !!
وبقيت بهرب من ذنب للتاني ومن معصية للتانية ..
وخلاص العملية مبقتش فارقة مع الواحد كتير ..
يومين وبنقضيهم في الدنيا وبكرة ربنا يشوينا في جهنم وناخد اللي فيه النصيب !
هقولك :
يآآآآآآآآآآآآآآآآآآآآآه ..
للدرجة دي اليأس إتمكن من قلبك ؟؟؟؟!!
مين قالك إن الامل معدش ليه وجود ؟؟؟؟؟؟؟؟؟؟
الأمل موجود ودوافعه كتييييييييير اووووووي ..
ولكن الشيطان عمال يدفن أي أثر للأمل في حياتك علشان متحسش إنه موجود ؛ إما بالنسيان أو بتضخيم عوامل اليأس في حياتك ؛ فتشوفها قدامك زي الجبال اللي مش ممكن تتزحزح من مكانها أبداااااااااااا !!
وفي نفس الوقت بيلغي كل عوامل الأمل من حياتك ويصغرها ويحقرها في نظرك ويحسسك إنها محتاجة قرون علشان تتحق ؛ ده لو اتحقت أصلا !!!!
أو يقنعك بطريقة أو بأخرى أنك ملكش حول ولا قوة وإنك عمرك مش هتقدر تتغير لإن عوامل التغيير مش بإيدك ، إنما بإيد الحكومة أو الأهل أو الجيران أو واحد لسه ما اتولدش ويمكن مش هيتولد !!!!
المهم يقنعك إن مفيش حاجة بإيدك تقدر تعملها وبالتالي تقعد زي الباشا متعملش أي حاجة وتفضل زي ما انت !!
وبالتالي يزيد اليأس والفشل والتعب والإنتكاس والبعد عن الله أكتر وأكتر !!!
يا اخى يا اختى لازم تتيقن وتتيقنى إن الامل في الله موجود ولا ينقطع ابداااااااااااااا ..
اسمع ربنا وهو بيقول :
(وَلَا تَيْأَسُوا مِنْ رَوْحِ اللَّهِ إِنَّهُ لَا يَيْأَسُ مِنْ رَوْحِ اللَّهِ إِلَّا الْقَوْمُ الْكَافِرُونَ)
إوعى تسمع .. إوعى تسمع للشيطان والنفس ، إوعى يتسرب لقلبك ذرة يأس !
إوعى !!!
مهما عملت من الذنوب والمعاصي .. إوعى تيأس أبداً..
حتى لو سرقت وقتلت وزنيت وشربت مخدرات وعملت اللي محدش عمله،
إوعى تيأس ..
باب التوبة مفتوح وربنا رحمته فوق ما يتصور أي بشر..إسمع ربك بينادي عليك ويقولك :
(قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ)
شوفت ربنا بيقول إيه
(إِنَّ اللَّهَ يَغْفِرُ الذُّنُوبَ جَمِيعًا)
يعني لو عملت كل الذنوب ، بس توبت ورجعت لربنا ؛ ربنا هيغفرهالك.. ده ربنا هو الغفور الرحيم ..
بس إنت إرجع وقول يارب .. وتأكد مليون % إنك مجرد ما هتحاول تهرب من المعاصي وتقرب من ربنا .. هتلاقي الرحمن الرحيم
بيقولك :
( وَهُوَ الَّذِي يَقْبَلُ التَّوْبَةَ عَنْ عِبَادِهِ وَيَعْفُو عَنِ السَّيِّئَاتِ وَيَعْلَمُ مَا تَفْعَلُونَ)
إوعى تيـــــــأس
هتلاقي الملك الكريم بيقولك في الحديث القدسي :
(من جاء بالحسنة فله عشر أمثالها وأزيد ، ومن جاء بالسيئة فجزاء سيئة مثلها أو أغفر ، ومن تقرب مني شبراً تقربت منه ذراعاً ، ومن تقرب مني ذراعاً تقربت منه باعاً ، ومن أتاني يمشي أتيته هرولة)
وفي حديث تاني ، قال الله :
( يا ابن آدم إنك ما دعوتني ورجوتني غفرت لك على ما كان منك ولا أبالي! يا ابن آدم لو بلغت ذنوبك عنان السماء ثم استغفرتني غفرت لك ولا أبالي ، يا ابن آدم لو أنك أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة)
يآآآآآآآآآآآآآآآآآآآآآآآآآآآآآآآه ..
شوفت رحمة أكتر من كده ؟؟
إوعى تيأس أبداً .. إنت ممكن تكون عملت ذنووووب عظيييييمة ؛
بس الذنب الأعظم إنك تفتكر إنك لو تبت ورجعت إن ربنا مش هيغفرلك !!!
ده إنت لو رجعلته مش هيغفرلك وبس ؛ ده سيئاتك كلها هتتبدل لحسنات !!
قال الله تعالى :
( إِلَّا مَنْ تَابَ وَآمَنَ وَعَمِلَ عَمَلًا صَالِحًا فَأُولَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَحِيمًا )
يعني سجلاتك السودا وملفاتك كلها هتتمحي .. ويتحط بدلها أطهر وأحسن سجلات ....
مستني إيه بقى ؟؟؟!!
مستنية ايه اختى ؟
ربنا بيقول :
{وَاللَّهُ يُرِيدُ أَنْ يَتُوبَ عَلَيْكُمْ}
إزاي تقول إنه مش هيقبلك؟
إيه سوء الظن بالله ده؟!
أحسن الظن بالله يا حبيب قلبي ..
قال الله في الحديث القدسي :
(أنا عند ظن عبدي بي فليظن بي ما شاء)
والنبي أمرنا بحسن الظن بالله فقال :
(لا يموتن أحدكم إلا وهو يحسن الظن بربه)
وبعدين هو ربنا مش هيقبلك ليه ؟؟؟؟
ده ربنا بيقول :
{ مَا يَفْعَلُ اللَّهُ بِعَذَابِكُمْ إِنْ شَكَرْتُمْ وَآمَنْتُمْ وَكَانَ اللَّهُ شَاكِرًا عَلِيمًا }
ولو ربنا مش هيقبلك كان ليه جعلك مسلم ؟؟
ليه مطلعتش نصراني أو يهودي أو مجوسي بتعبد النار أو بتعبد البقر ؟؟
ربنا أنعم عليك وجعلك مسلم ، وكمان مسلم بيدور على طريقه وبيدور على التوبة ..
ليييييييه سوء الظن ده بالله ؟؟؟؟؟؟؟؟
مين اللي وقف على باب الكريم وطرده ..؟؟!!!
مين اللي لجأ اليه واستعان بيه وضيعه؟!
ميييييين ؟؟!!
ده ربنا أكرم مما نتصور وأرحم بينا من أي حد!
ده ربنا بيفرح بيك وبتوبتك ورجعوك إليه ..
ده ربنا فاتحلك باب التوبة 24 ساعة وبيقول في الحديث القدسي :
قال رسول الله صلى الله عليه وسلم:
ان الله عز وجل يبسط يده بالليل ليتوب مسىء النهار
ويبسط يده بالنها ليتوب مسىء الليل
حتى تطلع الشمس من مغربها
رواه مسلم
أنا جاي انهارده أمدلك ايدي واقولك هات ايدك ..
مش نفسك تفضفض لحد وتحكيله همومك ..؟؟؟
احنا هنا كلنا اخوانك .. ونفسنا تسجل معانا فى الطريق الى الله وتمدلنا ايدك علشان ناخد بإيد بعض للجنة بإذن الله ..
هتسأل وتقول :
هي الناس دي تاعبة نفسها معايا ومع غيري لييييه ؟
هقولك علشان إنت أخونا .. وعشان انتى اختنا
وخايفين عليك وبنحب ليك وليكى الخير زي ما بنحبه لنفسنا بالظبط ..
ده حتى إيمان العبد مش بيكتمل غير لما يحب أخوه ويخاف عليه زي نفسه ..
قال رسول الله :
(لا يؤمن أحدكم حتى يحب لأخيه ما يحب لنفسه)
وكلنا في مركب واحدة .. ولازم ناخد بإيد بعض..
ناخد بإيد بعض في الدنيا ، علشان في الآخرة نتقابل مع حبيبنا ونشرب من إيديه ونبقى معاه في الجنة ..
هتقول :
بس انا ماستحقش إني اكون عضو في المنتدى ده !!
او اكون وسطكم أو اكون أخ لناس زيكم !!!
انتو ناس طاهرة وعالم محترمة وبلاش توجعوا قلبكم مع العالم اللي زيي !!!
هقولك : مين قال كده ؟؟
كلنا اصحاب ذنوب ومعاصي ومفيش حد فينا معصوم .. كلنا بنغلط وبنتوب ..
وإنت بإذن الله بعد التوبة سيئاتك كلها بإذن الله هتتبدل حسنات وممكن تكون اطهر وأحسن مننا 100 مرة..
وملكش دعوة بالدوشة ووجع القلب ..
احنا يا سيدي عالم غاويين وجع قلب .. بس انت سجل وادوشنا واوجع قلبنا براحتك ..
وإن شاء الله هتتغير وتبقى احسن واحد في الدنيا ..
بس خلي عندك امل ويقين في الله ..
الصحابة كانوا بيقولوا إن سيدنا عمر بن الخطاب مستحيل هيدخل الاسلام ..
مستحييييييييييييييييل ده يحصل !!
لدرجة إنهم كانوا بيقولوا :
(لو أسلم حمار الخطاب ، ما أسلم عمر !!!)
يعني فيه امل ان الحمار ممكن يسلم إنما عمر لأ !!!
تخيل فقدان الامل وصل لمرحلة ايه ؟؟؟
ولكن زي ما قولتلك الأمل في الله موجود ولا ينقطع ..
وعُمر أسلم .. وبقى سيدنا عمر بن الخطاب .. الفاروق ..
أمير المؤمنين وثاني الخلفاء الراشدين ..
علشان كده بقولك اوعى تيأس ابداااااااااااااااااا..
وهـــــــات ايــــــــــدك
ومهما غلطت أو عملت ذنوب ومعاصي قوم واتوضا وصلي ركعتين توبة وتاكد إن ربنا هيقبل توبتك ..
تعليق