نور والرسالة الخاصة

[ملاك حائر]

رد: نور والرسالة الخاصة

ماشاء الله القصه جميله جدا
جزاك الله خيرا

[nor elhoda]

رد: نور والرسالة الخاصة

الحلقة السادسة عشر
السلام عليكم ورحمة الله وبركاته
يالا
نصلى ع حبيبنا النبى
محمد
عليه افضل الصلاة والسلام
يالا نكمل الحكاية
احنا وقفنا عند
وبقيت نور شهر اخر بس ف الشهر ده مكنتش بتتصل عليه خالص
طول المدة دى
نور كانت ف حالة نفسيئة سيئة جدا
ذى ما عرفنا انها طول الشهر الاول كانت بتتصل عليه كتتتتتتتتتتتير
وتبعتله ف رسايل كتتتتتتتتتتتتتير
اما الشهر التانى فمعدتش بتتصل
ولا حتى تبعت رسايل
بس كانت نفسيتها وحشة اووووووووى
ديما توهم نفسها انه وحشها
انها نفسها تسمع صوته
انها مش هتقدر تعيش من غيره
وكانت تصحى بليل وتقعد تعيط وتدعى يارب رجعه ليا
كانت اغلب الوقت تحب تقعد لوحدها
وتشغل اغانى حزينة عن الفراق
وهكذا حياتها طول الشهرين
لحد اما جه يوم وحلمت حلم غريب
حلمت انها كلمته تانى
صحيت من النوم فرحت اوووووووووى
قالت خلاص هانت هيرجع ونتكلم
قعدت تستناه يومين علشان يتصل ميتصلش
قامت هى راحة طلباه
وطول ما هى راحة عمالة تقول يارب نرجع نتكلم
تانى يارب دا وحشنى اوووووووووى
يارب ميكسفنيش ويرضى يرجعلى
>>>>>>>>>> يااااااااااااااااااه يانور هانت عليكى نفسك وكرامتك للدرجة دى
قد كدة مرخصة نفسك وانتى ربنا كاتبلك حد هيكون نصيبك من يوم ما اتولدتى


راحت نور كلمته وبعد الحاح منها وافق انهم يرجعوا لبعض
لما قالتله انا ع استعداد هستناك عمرى كله

>>>> ياه يانور واهلك ايه ذنبهم ليه تكونى انانية
ليه تربطى حياتك بوهم انتى مش عاوزة تفوقى منه
ليه تربطى اخواتك وهما عندهم ف الريف
مينفعش الصغيرة تتخطب قبل الكبيرة
تعرفى ان كدة ظلم
ليكى ولاهلك ولاخواتك
طبعا ده كله غير الحرمانية
تتوقعى لو هو هيتزوجك هيقدرك بعد كدة
هيحترمك ازاى وانتى محترمتيش نفسك
هيقدرك ازاى وانتى رخصتى نفسك لدرجة فوق الحدود


المهم رجعت نور لمحمد
وابتدت حكايتهم تانى ذى ما ابتدت
بس مع اختلاف
ان نور ديما اللى تسأل عليه
نور هى ديما اللى تطمن عليه
نور لو زعلت من حاجة هى اللى ديما تصالح نفسها
نور بتخاف ع زعله لحسن يبعد تانى
نور نور نووووووووور
جت ف مرة فاضت بيها الحياة
حاسة انها تعبانة نفسيا
يالا نشوف الحوار المهم ده
نور : اهئ اهئ اهئ
نفسها : بتعيطى ليه
نور : انا تعبانة اووووووووووى
نفسيتى مدمرة
نفسها : ليه طيب
نور : مش عارفة
انا مالى
حاسة انى ف هم ع طول
ع الرغم ان محمد معايا
حاسة انى مخنوقة
قرفانة نفسى اعيط
مش قادرة خلاص تعبت
وتسيبها نفسها ونور نفسيتها بتسوء يوم بعد يوم

ف مرة من الايام نور راحت مسجد الكلية
ومش لقت حد ف المسجد
دخلت مش لقت حد ف المسجد
ابتدت تبص لجدران المسجد
وتقول >>>> يااااااااااااه
انا بقالى قد ايه مدخلتش المسجد ده
وتقعد نور ف ركن من اركان المسجد وتعيط عياط رهيب

وفجأ دخلت ليلى المسجد
مين ليلى دى
تعالوا نعرف مين ليلى

ليلى دى بنت ذى اى بنت
بس الفرق انها ملتزمة بتخاف ربنا بتحب ربنا
ده سبب بعد البنات عنها
البنات كلها مش بتحبها !!!!!!!!!!!!!!
بيقولوا عليها العو
بيقولوا عليها الارهابية
بيقولوا عليها انها متعصبة ومتذمتة وراجعية
عاوزة تدفن نفسها بدرى


بدأ الكل يبعد عن المنتقبة ليلى
بدأ الكل يبعد عن المنتقبة ليلى

عارفين ليه
علشان مش بتكلم شباب
علشان لما بتلاقى صوت عالى وضحكات عالية
بتقولهم يابنات اتقوا الله انتم ف جامعة مختلطة هتفتنوا الشباب
وتاخدوا ذنبهم

اكيد عرفتوا ليلى دخلت ليلى المسجد

طبعا نور واخدة فكرة وحشة ع ليلى
اول ما شافتها مسحت دموعها
وقعدت ساكتة
دخلت ليلى القت السلام ع نور
وقعدت تصلى
وبعد ما خلصت قعدت تقرأ قرآن مدة طويلة
جدا
استغربت نور
وتقول لنفسها
>> هى مملتش من القراءة
ده كله بتقرأ
وعمالة تبص لوجه ليلى بكل استغراب
حاسة انها ملاك مش انسان
وتقول ف وشها نور غريب
مش ظاهر ع وشها الزعل
ايه الفرق
وف ظل ما هى سرحانة وبتبص لليلى
باستغراب



لقت الموبايل بيرن
بأغنية
طبعا ميييييييييييين محمد
يعنى عارفة ان الاغانى حرام
وحاطة اغنية
وكمان داخلة المسجد
ومعملتيش الموبايل صامت
المفروض الموبايل سواء اغنية او انشودة او دعاء
او اى نغمة اول ما تدخلى المسجد
تعمليه صامت
صح ولا لا

فاقت نور ع الرنة قامت جرى عملاه صامت
وفجأة جت ليلى جنب نور
ويالا نشوف الحوار اللى بينهم
ليلى : ازيك يانور
ايه اخبارك حبيبتى
نور : الحمد لله تمام
ليلى : نور طيب انا عاوزاكى ممكن حبيبتى
نور : اتفضلى
ليلى : انت عارفة ان المسجد للعبادة
صح ؟
نور : ايوة فعلا
ليلى : يعنى اللى يدخله حبيبتى يبقى لاما للصلاة
او قراءة القرآن او الذكر مظبوط
نور : ايوة مظبوط
ليلى : اما ليه ياحبيبتى مش ماسكة المصحف وبتقرأى
قرآن ليه تسيبى نفسك للفراغ
وكمان ظاهر عليكى انك معيطة
هونى ع نفسك حبيبتى
نور : كلامك صحيح ياليلى
بس انا كن لسة داخلة من شوية
ليلى : خير حبيبتى
ربنا يجمعنا سوا ف الفردوس الاعلى
مع امهات المؤمنين
نور : اللهم امين بعد اذنك هقوم علشان البنات
مستنينى
ليلى : ربنا يوفقك حبيبتى
اتفضلى

وتستغرب ليلى من نور



قامت نور وسابت ليلى
وفجأ جه صديق ليلى
طبعا عرفتوه
هو مييييييييييييييين
"ضميرها"
يالا نشوف الحوار اللى حصل مابينهم
ضميرها : قومتى ليه يانور
نور : مش عارفة
بس خايفة اتكلم معاها
ضميرها : خايفة من ايه ؟
نور : ما انت عارف انها شديدة
وفجأة
رن التليفون مرة اخرى
وردت نور
ع محمد واتفقوا انها هتكلموا نت انهاردة
روحت نور
وقعدت كالعادة تستنى محمد
>>>> يعنى يانور لسة برده متغيرتيش
ربنا عمال يبعتلك ف رسايل وبرده متغيرتيش
شكلك مستنية مشكلة تحصلك علشان تفوقى

وجه محمد وقعدت تكلمه

ويالا نشوف الحوار
نور : ازيك يامحمد
محمد : الحمد لله
وانتى ايه اخبارك
نور : الحمد لله تمام
بص عوزاك ف حاجة
محمد : خير
نور : ادخل المنتدى وادخل ع صفحتى
وشوف الصور اللى ع الصفحة
وقولى رايك
محمد : حاضر

وبعد فترة

محمد : ميييييييييين العسل دى
نور: اختى الصغيرة امورة صح
محمد : طبعا مش اختك اكيد لزما تكون حلوة
نور : لا علفكرة هى اجمل منى كتتتتتتتتتتتتتير
محمد : طيب ما تدعينى احكم
نور : ازاى ؟
محمد : عاوز اشوفك
نور: هههههههه
طيب هتشوفنى ازاى بقى
تعالى شوفنى
محمد : متعمليش نفسك غبية وانتى ذكية جدا
نور : ههههههههههه
لا غبية فهمنى
محمد : ورينى صورتك
نور : ههههههههههههههههه
للاسف معنديش صور ع الجهاز
والريدر بايظ
محمد : انتى لو عاوزة تورينى
هتتصرفى وتورينى
نور : صدقنى انا بقولك
مش عندى ع الجهاز
محمد : ماشى خلاص
نور : متزعلش
لو عندى ع الجهاز كنت وريتك
محمد : انا عمرى ما هزعل منك ابدا

ويتدخل الشيطان

وبعد كام يوم من الحاح محمد ع نور انه يشوفها
تبعتله صور ليها

وهى جميلة جدا
جماااااااال فوق الوصف
ذات عيون ملونة (سماوى)

وبعدها طلبت منه طلب


واكلكم المرة الجاية ايه هو الطلب
ادعوووووووووووولى كتتتتتتتتتتتتتتتتتتتتير
فأنا ف حاجة للدعــــــاء

[امة الرحمن/فاطمة]

رد: نور والرسالة الخاصة

ربنا يبارك فيكِ يا نور

يلا متابعين معاكِ بشوق

ربنا ييسرلك كل خير يارب

ويكرمك في الدنيا والآخرة..اللهم آمين

[المهاجرة طالبة علم]

رد: نور والرسالة الخاصة

ابردوا كدا يا نور تبعتله صورتك

الله يهديك

اخيتى نور الهدى اسأل الله ان ينير دربك ويوفق خطوك

[امة الرحمن/فاطمة]

رد: نور والرسالة الخاصة

نور منتظرييييين

بارك الله فيكِ

وجزاكِ الله خيرا

ويسر الله لكِ كل خير

[nor elhoda]

رد: نور والرسالة الخاصة

الحلقة السابعة عشر
السلام عليكم ورحمة الله وبركاته
يالا نصلى ع حبيبنا النبى محمد عليه افضل الصلاة والسلام
يالا نكمل الحكاية
احنا وقفنا عند لما نور اعطت محمد صورها
ولا تخف
كانت ف البداية رافضة ليس خوف منه
بل هى كانت عندها ثقة كاملة به
لم تخف منه ابدا
ولكنها كانت تتمنى انه يراها حقيقى
لا يراها عبر الصور


وتوقفنا عند انها طلبت منه طلب
الطلب هو
انه يجى يقابلها
يااااااااااااه يانور
يالها من جراءة ووقاحة
يالا نشوف طريقتها ف الطلب ازاى
نور : علفكرة انا مكنتش عاوزة اديك الصور بتاعتى
محمد : ليه يعنى اد كدة مش بتثقى فيا
نور : لا والله ربنا اللى عالم اد ايه بثق فيك
ثقة عمياء كمان
محمد : امال مكنتش عاوزة ليه ؟
نور : عاوزاك اول ما تشوفنى
تشوفنى صورة كان نفسى تشوفنى حقيقى
محمد : اه ماشى عادى ياستى مش فارقة
انتى ف اللى الاتنين عجبانى
نور : ياسلام بس مليش دعوة انا مش بقتنع بحكاية
رؤية الصور دى ما يمكن بضحك عليك وبعتالك صورة
حلوة من صورى متفبرك فيها حاجات يعنى
محمد : لا متوقعش انا واثق فيكى وملكيش دعوة
انتى ف نظرى حلوة ف اى حالة
نور : لا برده مليش دعوة
محمد : حاضر ان شاء الله
وتنتظر نور الوقت اللى هيجى فيه محمد
ولم ياتى محمد
ولكن بعد مدة الحت عليه
حتى اتى وهنا كانت سعادة نور
انها تراه
اعرف وارى ف عيونكم تقولون ما هذه البلهاء
ولكن لم تعرفوا ما التى كانت تريده نور من وراء هذه الزيارة
لو تعلموا ما هو سبب اصرارها لذلك لعلمتم كم هى تسعى للخير
ولكنها اختارت الطريق الخاطئ حتى تصل للخير
انها كانت تريد ذلك حتى تأخذ القرار الاخير
وهو ان تتركه
وترى ما هى الخطوة التى سيتخذها عند تركه لها
هل سيتقدم لخطبتها ام كان يتسلى بها
هل كان يحبها حقا ام كان يقضى وقته فقط
يستغل فراغه بالطريقة الخاطئة باللعب بمشاعر الفتيات
ام كان يريدها ف الحلال
"ما الذى سيفعله عندما يرانى
هل حقا يحبنى
ياااااااااااربى هقعد معاه ازاى دا انا خجولة جدا
بس مضطرة"
كل هذا دار ف ذاكرة نور ليلة المقابلة
استيقظت نور ف صباح المقابلة
واستعدت ف احضار اشيك الملابس التى لديها
الى جانب انها ذهبت للكوافير ليلة الزيارة
ونمصت
ياااااااااااه لماذا كل هذا هل ذلك لكى تعجبه
وذهبت نور الى الجامعة
وتركت المحاضرات كلها ف ذلك اليوم
يالها من حماقة
اتخدعين اهلك يانور
تذهبين ع انك ذاهبة الى الجامعة
وتذهبين لمقابلة محرمة من وراء اهلك
وبدون محرم ايضا
اهذا هو الاسلام
ماذا ان رات مسيحية هذا المنظر وتعلم انكى مسلمة
ماذا تقول
ستقول ما هما ذينا اهو ايه الفرق

صحيت نور ف اليوم اللى هتقابل فيه محمد
وكانت ف قمة السعادة والقلق
لكنها حضرت اشيك الملابس
وطبعا لفت الطرحة ع احدث موضه
الى جانب الالوان الملفته بملابسها
وكانت وهى تختار الوان الملابس حريصة ع لبس الالوان التى يحبها محمد
ليلة المقابلة اتصلت بمحمد كى تتأكد هيجى ولا ذى كل مرة
يقول هيجى وميجيش
ولكنه قال هيجى
نامت نور ولكن نوم مضطرب
صحيت نور وخرجت للكلية ولكن قبل ان تخرج اتصلت بصديقتان لها
حتى يذهبوا معاها
ذهبت نور الى الكلية وكانت كل مدة تتصل بمحمد حتى تعرف وصل لفين
لحد اما جه محمد زاد قلقها
وخرجت الى حيث منتظرها
ولكنه طلب منها الا يأتى احد معاها
وهى ذاهبة اليه
صديقاتها ينتظروها ف مكان ما وهو وهى يروحوا عندهم
وده بسبب انه لا يعرف رد فعله عندما يراها
ولا يعرف رد فعلها عندما تراه
حيث انها اول مرة يشوفوا بعض
حتى لا يتعرضا للاحراج
ذهبت نور الى حيث يقف محمد
وقفا مدة تصل الى 10 دقائق لا يتكلموا ينظروا لبعض فقط

>> ياالله كيف تجرئين ع ذلك يانور
الم تخشى غضب الرحمن؟؟؟
ماذا لو متى ف تلك اللحظات ؟
ماذا كنتى ستقولين لله ؟؟
عندما يسألك
أما استحييتى تعصينى


مع العلم بأن نور كانت خايفة جدا ان حد يشوفها معاه
لحسن يقول لباباها
اتخافى من والدك ولا تخافى من ربك
اما استحييتى من نفسك
الم تعلمى بان كل هذا لذة فائتة
الم تسمعى لحديث الرسول صلى الله عليه وسلم

عَنْ أَنَسِ بْنِ مَالِكٍ رَضِيَ الله عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "يُؤْتَى بِأَنْعَمِ أَهْلِ الدُّنْيَا مِنْ أَهْلِ النَّارِ يَوْمَ الْقِيَامَةِ فَيُصْبَغُ فِي النَّارِ صَبْغَةً ثُمَّ يُقَالُ: يَا ابْنَ آدَمَ هَلْ رَأَيْتَ خَيْرًا قَطُّ؟ هَلْ مَرَّ بِكَ نَعِيمٌ قَطُّ؟ فَيَقُولُ: لَا وَاللَّهِ يَا رَبِّ وَيُؤْتَى بِأَشَدِّ النَّاسِ بُؤْسًا فِي الدُّنْيَا مِنْ أَهْلِ الْجَنَّةِ فَيُصْبَغُ صَبْغَةً فِي الْجَنَّةِ فَيُقَالُ: لَهُ يَا ابْنَ آدَمَ هَلْ رَأَيْتَ بُؤْسًا قَطُّ؟ هَلْ مَرَّ بِكَ شِدَّةٌ قَطُّ؟ فَيَقُولُ لَا وَاللَّهِ يَا رَبِّ مَا مَرَّ بِي بُؤْسٌ قَطُّ وَلَا رَأَيْتُ شِدَّةً قَطُّ". أخرجه أحمد (3/203 ، رقم 13134)

ياالله
هل ترى ف اى شئ يستاهل كل المعاصى


يالا نكمل
اتكلما معا بعد فترة ثم ذهبا لصديقتها منى وندى
وذهبا معا الى حديقة ف غاية الجمال

تقول نور >> كانت دى اول مرة ادخل الحديقة ولكن كنت اسمع بجمالها
ولكن لم اشعر بجمالها معه لم اشعر باى شئ حتى لم أشعر
بنفسى كنت اعتقد انه سيكون كذلك ولا يستطيع الكلام
كعادته ولكن انا لم استطيع التحدث بحرف واحد وهى كان
يتحدث وحدثت مواقف كثيرة تضايقت منها ولكنى تجاهلتها
لانى احبه من هذه المواقف انه خبط رجلى من تحت الطربيزة
انا من طبعى الخجل الشديد سحبتها سريعا وايضا عند عودته
طلب منى ان اسلم عليه ومد يده ولكنى رفضت ليس لانه حرام
فأنا اسلم ع اولاد عمى واولا خالتى عادى واسلم ع الرجال
ولكنى كنت اشعر بالخجل الشديد تجاهه فاذا كنت سلمت عليه
ممكن كان يغمى علي

>> كيف ذلك يانوركيف تقولين تخجلين (الخجل) انتى عارفة يعنى خجل
اللى هو الحياء اللى الرسول وصانا بيه

**عن عمران بن حصين رضي الله عنه قال : قال النبي صلى الله عليه وسلم : ((الحياء لا يأتي إلا بخير )) ((أخرجاه في الصحيحين ))
**وقال : ((الحياء كله خير )) ((صحيح مسلم ))
**قال الرسول صلى الله عليه وسلم :(( إنَّ الله حيي سِتِّير يحب الستر والحياء )) ((سنن أبي داود والنسائي))
**عن أبي هريرة رضي الله عنه عن النبي صلى الله عليه وسلم ((الإيمان بضع وسبعون شعبة ، أفضلها قول لا إله إلا الله ، وأدناها إماطة الأذى عن الطريق ، والحياء شعبة من الإيمان)) ((أخرجاه في الصحيحين ))
**عن ابن عمر رضي الله عنهما : أن النبي صلى الله عليه وسلم مرَّ على رجل من الأنصار وهو يعظ أخاه في الحياء فقال رسول الله صلى الله عليه وسلم :((دعه فإن الحياء من الإيمان)) ((أخرجاه في الصحيحين))
**قال سيِّد الأنام عليه الصلاة والسلام : (( إنَّ لكل دين خلقاً ، وخلق الإسلام الحياء )) ((موطأ مالك ، وسنن ابن ماجه))
**قال نبينا صلى الله عليه وسلم : ((إن مما أدرك الناس من كلام النبوة الأولى إذا لم تستح فافعل ما شئت)) ((صحيح البخاري ))
**عن أبي هريرة رضي الله عنه قال : قال رسول الله صلى الله عليه وسلم :((الحياء من الإيمان والإيمان في الجنة ، والبذاء من الجفاء والجفاء في النار)) ((الترمذي))



شوفى يانور كل دى احاديث وكمان بتقولى بتخجلى منه انتى مش عارفة
ان الاحق بالحياء هو الله عز وجل
انتى مش سمعتى حديث الرسول صلى الله عليه وسلم

**قال النبي صلى الله عليه وسلم :((فالله أحق أن يُستحيا منه )) ((الترمذي))
**عن عبد الله بن مسعود رضي الله عنه قال : قال رسول الله صلى الله عليه وسلم :((استحيوا من الله حق الحياء)). قلنا : يا نبي الله إنا لنستحي والحمد لله . قال :((ليس ذلك ولكن الاستحياء من الله حق الحياء أن تحفظ الرأس وما وعى وتحفظ البطن وما حوى ولتذكر الموت والبلى ومن أراد الآخرة ترك زينة الدنيا فمن فعل ذلك فقد استحيا من الله حق الحياء)). ((الترمذي))


شوفتى يانور احاديث كتير عن الحياء
ياالله خلى بالك دى هتبقى حجة عليكى يوم القيامة
انك عرفتى الاحاديث دى كلها ومش سمعتى الكلام
بس خلى بالك الكلام مش لنور بس لا دا لمحمد كمان
الحياء للرجل كمان انت متعرفش يامحمد حاجة عن الحياء ولا ايه
متعرفش اى ادلة عن وجوب الحياء انت مسمعتش قول الله تعالى
** قال الله تعالى في ذكر قصة آدم عليه السلام :{ فَدَلاَّهُمَا بِغُرُورٍ فَلَمَّا ذَاقَا الشَّجَرَةَ بَدَتْ لَهُمَا سَوْءَاتُهُمَا وَطَفِقَا يَخْصِفَانِ عَلَيْهِمَا مِن وَرَقِ الْجَنَّةِ وَنَادَاهُمَا رَبُّهُمَا أَلَمْ أَنْهَكُمَا عَن تِلْكُمَا الشَّجَرَةِ وَأَقُل لَّكُمَا إِنَّ الشَّيْطَآنَ لَكُمَا عَدُوٌّ مُّبِينٌ } (الأعراف: 22)
ده مش عارف تقصد ايه الاية دى
ومش شوفت وصف الرسول صلى الله عليه وسلم لنبى الله موسى
**((كان رجلاً حيياً ستيراً لا يُرى من جلده شيء ؛ استحياءً منه)). ((صحيح البخاري))

**والنبي صلى الله عليه وسلم لما دخل عليه عثمان وكان بعضُ فخذيه بادياً سوَّى ثيابه((أخرجه مسلم))


يالا نكمل
روحت نور كانت فرحانة جدا وزاد اتصالها بمحمد اكثر من الاول
حست انه حبها اكتر حست بحبه ليها لما شافها

بعد كام يوم كانت نور قاعدة قدام المدرج ومحدش قاعد معاها
فجأة لقت حد بيحط ايده ع كتفها اتخضت وبتبص وراها
لقت ليلى
فاكرين ليلى اوعى حد يكون نسيها
البنت المنتقبة اللى ف وشها نور
اللى نصحت نور بانها تعمل الموبايل صامت ف المسجد
يالا نشوف الحوار اللى بينهم
ليلى : ازيك يانور
نور : الحمد لله حرام عليكى خضتينى
ليلى : معلش حبيبتى بس سرحانه ف ايه
نور : لا ابدا مش سرحانة ف حاجة
ليلى : ور انا عاوزة اتكلم معاكى ممكن ياقمر
نور : اتفضلى ياليلى لسة بدرى ع المحاضرة
ليلى : انا حلمت بيكى حلم غريب كدة امبارح
نور(بابتسامة): بيا انا خير اللهم اجعله خير احكى
ليلى: انا حلمت انك جاية من مكان بعيد اووووى بتجرى
وفجاءة لقيتك راكبة معايا العربية وقعدنا نتكلم كتير
مع بعض كأننا اصحاب اووووووى
نور:وده ايه اللى غريب فيه ياليلى
ليلى: اولا احنا مش صحاب ومتكلمناش مع بعض غير قليل اوى
ثانيا انا سألت ع تفسيره واللى فسرتلى الحلم قالتلى انتوا هتقربوا
من بعض اوووووى


استغربت نور اووووووووى وسكتت


وروحت نور وقعدت تتكلم مع محمد لحد اما نامت
وحلمت حلم غريب اووووووووى

ايه هو الحلم
"ان هى ماشية وفجأة بتبص قدامها لقت رجلها اتزهلقت ف حفرة فجأة لقت واحدة ماسكة ايديها وبتشدها علشان تتطلعها من الحفرة دى اما طلعت بتبص للبنت وبتطلعها لقتها ليلى وليلى قامت قالتلها انا مش قولتلك ان احنا هنقرب من بعض اوووووى "
وصحيت نور من الحلم واستغربت وقالت اكيد ده من عقلى الباطن علشان اللى ليلى قالته ليا

وبعدين وهى بتتكلم مع ماما
وبعدين ماما لمحت ليها ان فى عريس ليها طبعا نور اضايقت اوووى وقامت بعد اما قالت لماما انا مش عاوزة اتجوز دلوقتى
وقالت لها بكل جراءة وانتى عارفة انى بحب محمد ومش هتجوز غيره
وشدت مع ماما وقامت

>> ليه كدة يانور فين البر اللى ربنا امرك بيه طيب قوليلى ازاى ترفضى عصفور ف ايدك علشان عصفور ع الشجرة

وبعدين قامت نور وشغلت التليفزيون
والشيخ حازم شومان بيقول
"فى حاجة مستهلة تعصى ربنا علشانه دا يااااااه من حب ربنا بتحبيه !!! انتى عارفة انك كدة بتعرضيه لعذاب ربنا وبعدين قال جملة رنت ف ودانها اوووووى (من ترك حاجة لله عوضه الله خيرا منه) "

فردت ف نفسها وقالت : مش قادرة مقدرش اعيش من غيره

لقت الشيخ حازم بيقول
"هتقدرى خدى القرار حالا اقطعى كلامك معاه قطعى شريحة تليفونك حالا
علشان ربنا تعملى اى حاجة"

فردت ف نفسها وقالت : حاسة انى هرجعله تانى انا عارفة نفسى

لقت الشيخ حازم بيقول
"استعينى بربنا وهتمرى بمراحل كتتتتير انتى واستعانتك بربنا وجهادك"

فجأة قعدت تعيط اووووووووووى وتقول والله بحبك اوووووى يارب
بحبك اووووووووى ومش نفسى اعصيك بحبك اووووووى ونفسى ارضيك بس مش قادرة



اااااااااااه من الكلمة اللى الشيطان ما بيصدق تقوليها يانور
(مش قادرة)
شوفى الكلمة دى مشكلة وخيط للشيطان بيتعلق بيها

وفجأة نور لقت نفسها بتمسك التليفون وبتتصل بميييييييييين ؟؟؟؟؟؟

بتتصل بليلى

ويالا نشوف الحوار الى بينهم :

ليلى : السلام عليكم ورحمة الله وبركاته
نور : وعليكم السلام
ليلى : ازيك يانور عاملة ايه ياحبيبتى
نور : الحمد لله ياليلى وانتى؟؟
ليلى : الحمد لله كويسة اخبار المذاكرة ايه
خلاص الامتحانات كلها شهر
نور : ربنا يسترها بقى
المهم انا عوزة اسألك حاجة
ليلى : خير يانور
نور : انتى هتروحى الكلية امتى بكرة
ليلى : ليه؟؟ خير ان شاء الله
نور : عوزاكى ف حاجة
ليلى : ان شاء الله ع المحاضرة الساعة 10
نور : طيب ممكن تيجى بدرى علشان عاوزة اتكلم معاكى
ليلى : بصى ياقمر هنتكلم سوا باذن الله بين المحاضرتين
فى ساعتين فاصل
نور : ماشى


وقعدت نور تعيط كتتتتتتتتتتير واليوم ده قفلت الموبايل
بس مش قدرت وفتحته ع بليل قبل ما تنام بس مش لقت محمد
رن عليها واكملكم الى حصل المرة الجاية

هدية الحلقة

عارفين الحياء (الشيخ محمود المصرى)

[Noda Nada]

رد: نور والرسالة الخاصة

جزاكي الله خيرا يارب
القصه اكتر من رائعه
بس ممكن بعد اذنك اعرف هي كام حلقة ؟؟؟؟؟؟

[امة الرحمن/فاطمة]

رد: نور والرسالة الخاصة

متابعينك يا نور

ومش تتأخري في وضع الحلقات

ربنا يبارك فيكِ ويجعلها في ميزان حسناتك..اللهم آمين

[nor elhoda]

رد: نور والرسالة الخاصة

الحلقة الاخيرة
السلام عليكم ورحمة الله وبركاته
يالا
نصلى ع حبيبنا النبى عليه افضل الصلاة والسلام
يالا نكمل الحكاية
راحت تانى يوم نور الكلية وحضرت المحاضرة الاولى
وبعد اما خرجت دورت ع ليلى
لحد اما لقتها
ويالا نشوف الحوار اللى بينهم
ليلى : السلام عليكم ازيك يانور
نور : وعليكم السلام الحمد لله كويسة
وانتى ايه اخبارك
ليلى : الحمد لله تماااام مال عنيكى حمرا كدة ليه ؟
نور : ابدا مفيش مرهقة شوية بس
ليلى : طيب خير ياقمر كنتى عوزانى ف ايه
تقوم معيطة نور
ليلى : خير يانور ياحبيبتى
نور : طيب تعالى نقعد ف مكان هادى
علشان نتكلم براحتنا
ليلى : ماشى تعالى نقعد هناك
قوليلى بقى مالك
نور : انا هحكيلك ع حاجة عاوزة اخد رايك فيها
ليلى (بابتسامة) : اتفضلى يانور كلنا اذان صاغية
نور : انا مضايقة اووووووى مش عارفة ليه اخترتك انتى
اتكلم معاها بس انا هتكلم معاكى وقوليلى رايك
ليلى : اتفضلى يانور خير كدة قلقتينى عليكى
نور : بصى ياليلى ........

وحكت نور لليلى كل حاجة

واتصدمت ليلى بعد اما سمعت كل حاجة من نور
وترد مع ابتسامة لنور
>> حبيبتى انتى ربنا بيحبك وبعتلك رسايل كتتتتتتير
انتى مش نفسك تحبى ربنا انتى مش نفسك تتحشرى
مع امهات المؤمنين بصى يانور اسمعينى كويس اوووووووى
ميل البنت للولد او ميل الولد للبنت دى سبحان الله فطرة ربنا خلقنا
بيها يعنى ولا انا ولا انتى ولا اى مخلوق يقدر يقول غير كدة
ولا يقدر يغيرها
اسمعينى يانور
وشوفى الكلام اللى هقولهولك ده كويس
طبيعة البنت بتميل الى انها تسمع كلام حلو حد حنين طيب معاها
ع عكس الولد بيميل لحاجة تانية
يعنى البنت لما بتحب بيبقى علشان حاجة ف دماغها وهى حنية الرجل
عليها على عكس الولد بيميل لشئ تانى واكيد انتى فهمانى كويس
يبقى ياحبيبتى اول حاجة واول قرار لزما تاخديه وفورى حالا
انك تقطعى كلامك بيه

نور: بجد حاولت ومش قدرت ياليلى
ليلى : لا يانور بلاش كلمة مش قادرة
حد يبقى بيعمل حاجة علشان خاطر ربنا
ويقول مش قادر
نور : طيب انا هقولك ع حاجة انا فعلا خلاص مش قادرة اكمل
ف المعصية دى انا هقوله لاما يكلم اهله لاما خلاص
ليلى : نووووووور!!! احنا ليه ياحبيبتى ندى للشيطان فرصة
يلعب بينا لزما ناخد القرار الشجاع قدامك لاما رضا ربنا
وتدخلى الجنة لاما ربنا يغضب عليكى وتدخلى النار
انتى متستهونيش بالنار دى ياااااااااااه اقرأى بس عن النار
نور : ما انتى معايا ياليلى الله يكرمك وخليكى جنبى
ليلى : باذن الله بس اهم حاجة اوعى تضعفى واستعينى بربنا
نور : ماشى ربنا يستر بقى



وكلمت نور محمد ع الموضوع ده واديته فرصة اسبوع
وكانت ع اتصال دائم بليلى
وكانت حالتها النفسية سيئة جدا ف الفترة دى
وانقطعت علاقتها فعلا بمحمد لانه مش كلم اهله
والى الان لم ترجعله


وكدة انتهت حكاية نور ومحمد واليكم بعض الملحقات الهامة



والان مع الملحقات المهمة

الملحق الاول

خلاص اما الشخص اللى بيحب حد قرر يسيبوا طاعة لله
بيمر بعدة مراحل
1- تصميم وعزم انه يتركه
2- الشيطان مش بيسكت ويقوله لا انت هتظلمه كدة دا بيحبك
3- لو مشيت وراه خلاص رجعت لورا وتعيد من الاول
4- لكن لو مش مشيت وراه هتدخل ع المرحلة اللى بعدها وهى
5- لا انا خايفة اظلم انسان تانى ده اللى كلمته وتدعى وتقولى يارب انا عرفة انى اذنبت سامحنى يارب واجعل الشخص ده من نصيبى علشان مش اظلم انسان تانى
6- وبعدين طبعا الشيطان ده عقبة كبيرة ف حياتنا يدخلنا ف مرحلة تانية وهى
7- مش هقدر اسيبه هموت من غيره تحس احساس غريب تحس بخنقة ومش قادر تاخد نفسك كل اما تفكر ف الموضوع ده وتقول لنفسك لما اكون مش سيبته وحسيت الاحساس ده امال لو سيبته هيحصل ايه طيب ما هو ده كله من الشيطان
8- لو سمعت كلامه هترجع من الاول لو مش سمعت هتدخل المرحلة اللى بعدها
9- خلاص قرار نهائى انك هتسيبه وفعلا تسيبه وتحس بحلاوة الايمان
10- بس ايه الشيطان مش سهل لا دا هيدخل معاه الهوى كمان ويوذ نفسك كمان امال ايه هيسيبك تفرح لا لايمكن يعمل ايه بعد مرور مدة
11- ترجع تحن ليه تانىوتفتكر كل كلمة كان بيقولها ليك لا وايه وتفرح كمان بالكلام ده
12- طبعا الشيطان شغال بيلف حوليك من كل الجهات مش هيسيبك مش هيسيبك
13- لو مشيت ورا هواك ونفسك اللى الشيطان بسيرهم يبقى عليه العوض ومنه العوض وترجع من اول نقطة تانى لكن لو قاومت وجاهدت نفسك بالاستعانة بالله عز وجل وده بالدعاء يبقى ربنا يسرلك كل شى
14- طبعا كل مدة الشيطان هيفكرك بالذى مضى




طبعا شوفتوا المراحل دى شوفتوا اد ايه ربنا رحيم بينا لما منع الاختلاط يعنى اللى مش هتعصى ربنا مش هتمر بده كله

ونخش ف الملحق التانى


الملحق التانى

وصف حالة نور ايام ماكانت بتكلم محمد وبعد ما تركت محمد

>>ايام ما كانت بتكلم محمد
حزن وعياط مستمر وزعيق من الاهل وقلق من انه ميكنش زوجها وقلق من انه يتركها الى جانب كرب شديد وده بسبب معصية الله

>>ايام بعد ما تركته
*حست بحلاوة الايمان التعب الوحيد هو ف جهاد نفسها ولكن طول ما هى شاغلة دماغها بحاجة تانية مش بتحس بأى الم
*ربنا من عليها بالصحبة الصالحة اللى تعينها ع الطاعة
*ربنا من عليها بالزى الشرعى





ولكن الشئ الوحيد اللى بيقابلها انها حاسة انها بسبب المعصية دى قلبها مش نقى مش عامر بالايمان ذى ما بتتمنى


وبكدة تكون حكاية نور مع محمد انتهت
ولكن دى راسلة موجهه لاى نور واى محمد
اتقوا الله ف شبابكم
اللى هتسئلوا عليه يوم القيامة
ومحدش يستعجل ع رزقه
الزواج ده رزق
ربنا كاتبه ليكم
واى حب قبل الزواج اسمه وهم
لان مفيش عشرة
وبعد الزواج حاجة تانية
واليكم هذا
((أثواب الحـب

من الظلم لنا و للحب أيضا أن نعتقد أن الحب يذهب و بموت بعد الزواج .
لأنها مقارنة غير منصفة في الوقت ذاته أن نقارن بين مشاعر ما قبل الزواج حيث اللا إشباع و اللا مسئولية و مشاعر بعد الزواج حيث الإشباع الكامل و المسئولية الكبيرة !

الحب موجود من قبل و من بعد و لكنه يبدل في أثوابه ! و الغالب الأعم منا يرفض أن يراه في ثوبه الجديد .
كان يرتدي ثوب الآهات والكلمات و الشموع والهدايا قبل الزواج .. و بعد الزواج بدل ثوبه بثوب جهود الحفاظ على ترابط الأسرة و سلامة مناخها و توفير حياة كريمة .
أليس هذا حبا؟
الحب لا يجب أن نحصره فقط في فترة الإهتياج العاطفي و لو كانت الأجمل ، ولا يجب أن نتوهم أن أي خفوت فيها يعني أنه في طريقه للموت !
الحب هو الحب لا يتغير و لكن يتغير طريقة التعبير عنه
و مع ذلـــك ؛ ستظل مشاعرنا مرهـونة بالكـلمة و اللمسـة و الحنـان و التقديـر .

مقتطفة من كتاب إنسجام))

هدانا الله لما يحب ويرضى ولا تنسونى من صالح دعائكم

[nor elhoda]

رد: نور والرسالة الخاصة

جزاكم الله خيرا ع المتابعة
وارجو من مشرفين ومراقبين القسم ان يوضع بانر
حتى تعم الاستفادة للجميع

[العزة فى طاعة الله]

رد: نور والرسالة الخاصة

جزاكِ الله خيراً أختنا ونفع الله بكِ
وثبتنا وإياكِ على الحق الذى لا ريب فيه
ما شاء الله عرض راااااااااااائع للموضوع
باااااااااارك الرحمن فيكِ
وجعله فى موازين حسناتك
وثبت الله الأخت التائبة نور
وهدى جميييييييييييييييييييييييع بنات وشباب الاسلام الى الحق وإلى ما يحبه الله ويرضاه

[*نداء الجنة*]

رد: نور والرسالة الخاصة

جزاكم الله خيرا
على هذه القصة الرائعة

[Noda Nada]

رد: نور والرسالة الخاصة

السلام عليكم ورحمة الله وبركاته
جزاكي الله خيرا يارب
القصه تحفة جدااا
ربنا يثبتنا يارب

[أم نورهان]

رد: نور والرسالة الخاصة

اللهم صلي علي سيدنا محمد النبي الأمي الذي علم المتعلمين وعلى آله وصحبه والتابعين بإحسان الي يوم
الدين
السلام عليكم ورحمة الله وبركاته
ماشاء الله أسلوبك في الحكاية راااائع وممتع وجذاب جزاك الله خيرا يا اختي نور الله يبارك فيكي حبيبتي ويوفقكك

وتقبلي مني هذة الورود احتفالاً بنهاية قصة نور والرسالة الخاصة نهاية ترضي الله ورسوله

[nor elhoda]

رد: نور والرسالة الخاصة

جزاكم الله خيييييييييرا ع المتابعة
ربنا يبارك فيكم يارب
اخواتى الكريمات