نور والرسالة الخاصة

[almoslima]

رد: نور والرسالة الخاصة

سبحان الله ع نور دي مش عارفة بصراحة هي عايزة يحصل إيه تاني عشان تفوق بأة؟؟؟؟؟؟
شخصية غريبة بجد
شوية نقول طيبة
وشوية نقول مش بتحرم
وشوية نقول مش مستقرة ع حال
ربنا يهديها يا رب هي وكل نور زيها في بنات المسلمين يا رب....
وماشاء الله أسلوبك في الحكاية راااائع وممتع وجذاب يا اختي نور الله يبارك فيكي حبيبتي ويوفقكك..

[العزة فى طاعة الله]

رد: نور والرسالة الخاصة

جزاكِ الله خيراً أختى الغالية نور
ونفع الله بكِ وثبت على الحق خطاكِ
وجعل ما كتبت مثقلاً لموازين حسناتك
(أرجوكى لا تنسينى من الدعاء بظهر الغيب )

متابعة معكِ بإذن الله
على أحر من الجمر

[*نداء الجنة*]

رد: نور والرسالة الخاصة

جزاكم الله خيرا قصة رائعة جدا ونحن فى انتظار الباقى

[امة الرحمن/فاطمة]

رد: نور والرسالة الخاصة

نور من فضلك لا تتأخري

متابعة معاكِ بشوق

[ابورزان]

رد: نور والرسالة الخاصة

قصه جميله جدااا


معانيها جميله وهادفه

[nor elhoda]

رد: نور والرسالة الخاصة

الحلقة الرابعة عشر
السلام عليكم ورحمة الله وبركاته
يالانصلى ع حبيبنا النبى محمد عليه افضل الصلاة والسلام
يالا نكمل الحكاية
احنا وقفنا لما نور راحت الامتحان
خرجت نور من الامتحان ومكنتش حلت كويس
بس اول اما خرجت اتصلت بمحمد
لانه كان مأكد عليها
تتصل تطمنه
اتصلت
وقالتله الامتحان كان كويس
وعدت الامتحانات
ومكنتش نور بتحل كويس
بس كانت بتقوله كويس
ودخلت الاجازة
ونور حالتها النفسية ذى الزفت
ليييييييييييييييييييييييه
خايفة
من ايييييييييييييه يانور
من النتيجة
ومن ضياع محمد منها
ومن اكتشاف اهلها انها بتكلمه
ومن اكتشاف حد من صحباتها انها بتكلمه
مهى الشريفة العفيفة بين صحباتها
اللى كلهم مش ملتزمات
اللى كلهم اصحاب سوء
فضلت ف قلق
عارفين لييييييييييييييه
لانها بتغضب ربنا
مهو اللى بيعمل حاجة غلط
بيخاف انه يتفضح
بيخاف انه يتكلم

وكانت المفاجأة ليها



ف مرة من المرات بتقلب ف قنوات التليفزيون
لقت الشيح حازم شومان بيقول
"لسة خايفة تقربى من ربنا حد بيخاف من طريق ربنا لسة بتحبيه وعاوزة تكلميه ليييييييييييييه خايف تسيبيه صدقينى كان غيرك خايف ودخل الطريق ومندمش يالا حالا اهو اقطعى علاقتك بيه غيرى رقم تليفونك متكلمهوش يالا لطريق ربنا يالا حبى ربنا دا ربنا احن علينا من امهاتنا
دا ربنا اقرب لينا من حبل الوريد دا ربنا بيحبك انك سمعتى الكلام ده"

فجاة وقفت وقعدت تعيط
الكلام ده ليا انا انا المقصودة بالكلام ده
فعلا ربنا بيحبنى
انا هفوق امتى
بس انا مش هقدر اسيبه
دا انا هموووت لو سيبته
دا انا لو عدى عليا يوم من غير مااكلمه
بحس انى هموت
يارب ااقف جنبى
يارب انا بحبه
وبحبك

>>>>>>>>> اخص عليكى يانور
هو حب ربنا وحب محمد محتاج مقارنة
اخص عليكى يانور
لييييييييييييه تقولى مش قادرة وتدى الفرصة للشيطان ونفسك
يدخلوا من الطريق ده


يااااااااااااااارب اعمل اييييييييييييه


لالالالالا
مش هقدر اسيبه
مش هقدر
هصبر عليه


وقعدت تعيط
وتعيط
كتتتتتتتتتتتتتتتتتتتتتتتتير


ويجى ليها صديقها اللى بيحبها
وخايف عليها
اكيد عرفتوه
واكيد بتقولوا حالا
ميييييييييييييييين



ضميرها

يالا نشوف الحوار اللى دار بينها وبين ضميرها
ضميرها : اخص عليكى يانور
نور: لييييييييييه
ضميرها : تفضلى محمد ع ربنا
نور : لا طبعا انا مفضلتش محمد ع ربنا
ضميرها : امااااااااااااااال هتفوقى امتى
نور : هفوق من ايييييييييييييه
هو انا بعمل حاجة غلط
ولا بقابله
ولا بكلمه
الا قليل اووووووووووى

ضميرها : ياسلام يعنى مبتفكريش فيه
نور : ودى فيها ايه بقى ان شاء الله

ضميرها : عيبك انك عارفة انك غلط
وبتتمادى ومش هتفوقى غير لما يحصلك كارثة
نور : كارثة !!!!!!!!
طيب ملكش دعوة انا اللى فيا مكفينى


نور>>>>>>>>>> والله عندك حق بس غصب عنى بحبه
ولو اديتك الفرصة هتبعدنى عنه وانا من غيره هموت
دا انا مجرد التفكير انى هسيبه بحس ان روحى هتتطلع منى
تقوم تقولى اسيبه انا
لا لا (وتعيط نور)



وفجأة لقت نور ماما قاعدة لوحدها
راحت اترمت ف حضنها وتعيط وتعيط اوووووووى
وتقولها >> بحبك اوووووووى ياماما

ويالا نشوف الحوار اللى هيحصل
ماما : مالك يانور ياحبيبتى فيكى ايييييييه
نور : لا ابدا ياماما مفيش حاجة
ماما : هو انا هتوه عن بنتى حبيبتى
نور عنيا اللى هى الكبيرة
بتاعتى
اللى مراضيانى ديما
نور : ربنا يخليكى ياماما
ادعيلى اووووووووووووى ياماما
ماما : ربنا يرضى عليكى
ويهديكى ليه يارب

وتزيد نور ف عياطها

ماما : مالك ياحبيبتى اتكلمى
نور : انا هقولك ياماما بس من غير ماتزعقى
ولا تزعلى
ماما(بقلق واضطراب) : خير !!!!!!!!
نور : لا متخفيش
دا موضوع قلقنى بس وعاوزة اخد رايك فيه
ماما : ماشى قولى
وانا اكتر واحدة بخاف عليكى
وعمرى ما هضرك
نور : ماشى ياماما
بصى انا ف شخص اتعرف عليا
وبنكلم بعض
ماما(باستغراب): مين ده ومعاه اييييييييييييه؟
>>>>> ليييييييييييييييييييه كدة ياماما
نور : اسمه محمد ومهندس
ماما : عرفتيه منين
نور: قريب واحدة صحبتى
وشافنى ف الكلية
وكدة يعنى
>>>>>>>ليه يانور مش قولتى ليها انك عرفتيه
عن طريق النت
ماما : وبعدين ايه اخره
نور: دا بيحبنى والله ياماما
وهيجى يخطبنى
ماما : هو منين
نور : من الفيوم
ماما : يانهار ابيض دا بعيد اوووووووى
نور : مش مهم ياماما
ماما : اوعى يكون بيضحك عليكى
نور : لا ياماما دا بيحبنى
ماما : طيب اما يجى يخطبك دلوقتى
هو مش مخلص دراسة
نور : اه مخلص
بس شوية كدة ع ما يثبت ف شغله
ماما : انا مش مرتاحة للموضوع ده
لاما يجى لاما خلاص
انا مستغربة انتى تكلمى حد
من امتى الكلام ده ؟
نور : من شهر وشوية
ماما : ده كله ذى ما قولتلك
لاما يجى لاما خلاص
لان ف عريس جايلك
نور: نعم عريس اييييييييييييه
ماما لا مش دلوقتى
ماما : مش عارفة بقى
انتى حرة انتى وابوكى
نور : ماشى هحاول اتصرف




وتقوم نور من جنب ماما

وتقوم تتصل بمحمد
ويرد عليها بس بعد كام مرة كالعادة
وحصل حوار بينها وبينه
يالا نشوفه
محمد : السلام عليكم
نور : وعليكم السلام
اموت واعرف انت
ليه مش بترد ع طول
محمد : معلش كان الموبايل صامت
نور : ف موضوع عوزاك فيه
محمد : خير ؟
نور : ماما بتقولى ف عريس جاى
واضطريت انى اقولها ع موضوعنا


واكملكم المرة الجاية ايييييييييييييييييييييييييه رد فعله
وايه اللى حصل

[nor elhoda]

رد: نور والرسالة الخاصة

ربنا يبارك فيكوا يارب
ع المتابعة
اسعدنى مروركم الطيب

بعتذر عن وضع الحلقة متأخر

دعواتكم

[العزة فى طاعة الله]

رد: نور والرسالة الخاصة

جزاكِ الله خيراً
ونفع الله بكِ
متااااااااااااااااااااااابعة معكِ بإذن الله
شوقتينا للنهاية

[امة الرحمن/فاطمة]

رد: نور والرسالة الخاصة

جزاكِ الله خيرااا

وبارك الله فيكِ

متابعة بإذن الله

[nor elhoda]

رد: نور والرسالة الخاصة

الحلقة الخامسة عشر
السلام عليكم ورحمة الله وبركاته
يالا
نصلى ع حبيبنا النبى
محمد
عليه افضل الصلاة والسلام
يالا نكمل الحكاية
نور : ف موضوع عوزاك فيه
محمد : خير ؟
نور : ماما بتقولى ف عريس جاى
واضطريت انى اقولها ع موضوعنا
سكت محمد ومش يرد عليها
(مع العلم ان محمد مسافر برة بلده للعمل بس ف مصر برده وبيرجع كل اسبوع )
نور : سكت يعنى ليه مش بترد
محمد : طيب وهتعملى ايه ؟
نور : مش عارفة انت لزما تكلم اهلك
محمد : ماشى ان شاء الله
اما انزل البلد هكلمهم
نور : انت هتنزل امتى؟
محمد : يوم الخميس
نور : طيب علشان الموضوع مهم
متستهونش بيه
>> كان اليوم اللى بيتكلموا فيه الاحد كانت كل يوم تكلمه وتأكد عليه
واغلبية الوقت تعيط مع نفسها
حست ان امها شادة عليها وكل اما تشوفها بتكلمه تزعئلها
وفجأ اخوها جه
من السفر

وحصل الغير متوقع






>>>>>>>> ماما قالت لياسر اخوها
لما لقت مفيش فايدة فيها
>>> ياسر ذكى شوية مقلهاش انه عرف
بس كان بيعمل تصرفات غريبة
---- كان بيدخل حجرتها وهى قفلاها عليها فجأة
بدون استأذان
كانت وهى قاعدة ع الجهاز يتسحب من وراها ويشوفها بتكلم مين
وهكذا
فشكت نور ان ماما قالت لياسر اخوها فخافت اووووووى
ففمرة من المرات سمعته بيتكلم مع ماما
قامت داخلة ليه
ويالا نشوف الحوار اللى هيدور بينهم
نور (بتعيط) : لما تعوذ تعرف حاجة اسألنى انا محدش هيفيدك غيرى
ياسر : اسألك ايه ؟
نور : والله مش عارفة
ياسر : طيب تعالى اقعدى جنبى هنا
>> قعدت نور جنبه وهى بتعيط وياسر بيطبطب بحنية ع ظهرها
ياسر : يالا اتكلمى انتى
>> ملحوظة >> مش هو اللى ابتدى معاها بالكلام ف الموضوع
نور : ف حد عرفته وناوى يتقدملى
ياسر : عرفتيه منين
نور : قريب واحدة صحبتى ف الكلية
ياسر : صحبتك مين ؟
نور : واحدة صحبتى اسمها سها
ياسر : منين هو
نور : من الفيوم
ياسر : نور اتكلمى معايا بصراحة
حكاية صحبتك دى مش داخلة دماغى
نور : ليه وانا هكذب عليك ليه
منا قولتلك اهو وعلفكرة كنت ناوية اقولك
بس ماما بقى سبقت
ياسر : ماما مقلتش حاجة
نور : ياسلام والله هى اللى قايلة
ياسر : طيب اقولك ع حاجة وتسمعى كلامى
ومش تخسرى
نور : قول
ياسر : لو عوزاه يجى يتقدملك
متكلمهوش تانى
قولى له انت عرفت عنى كل شئ
ولما تعوز تتقدملى انا موجودة
صدقينى لو بيحبك هيجى يتقدملك
نور(لنفسها): ياسلام هو انا اقدر مكلمهوش يوم
نور : طيب معلش هسألك حاجة
ياسر : اسالى
نور : ما انت كنت بتحب مها
وكنت بتكلمها واتجوزتها اهو
ياسر : نور صوابعك مش ذى بعضها
انا كنت بخاف ربنا
ولما كلمتها ف الاول مكنتش عارف ان ده حرام
واما عرفت اتقدمت ليها ع طول
نور : مهو محمد انسان كويس
والله
ياسر : مين قالك ان هو كويس
نور : ما انا اتكلمت معاه
وعارفاه
ياسر : هو انتى عاشرتيه
يعنى عشتى معاه
نور : لا
ياسر : يبقى متعرفهوش
نور : لا ياياسر انا من كلامى معاه عرفته
ياسر : يعنى يابنتى عوزاه بيكلم واحدة
مفترض انها حبيبته
هيمسك ليها العصاية يعنى
نور (تضحك) : لا
ياسر : طيب اعملى اللى اتفقنا عليه
وشوفى ايه اللى هيحصل
نور (عاوزة تخلص) : حاضر

>>>>> وتقوم نور وتقعد تفكرهيحصل ايه
انهاردة الاربعاء ياترا ايه اللى هيحصل
واكنت كل يوم يعدى عليها تقعد تعيط وتعيط كتير
وجه يوم الخميس وكلمت محمد وعرفت انه هيكلم اهله الجمعة
واتفقوا انهم هيقعدوا ع النت ويتكلموا


جه يوم الجمعة ونور ع احر من الجمر
>> ياترا هيكلم اهله ولا لا
ياترا والده والدته هيوافقوا ولا لا
طيب ياترا لو موافقوش هيقولى ايه
ودماغ نور عمال يودى ويجيب
وجت بليل فتحت النت
وتنتظر محمد يفتح ميفتحش
ترن ع الموبايل ميردش
تبعت ف رسايل برده مفيش اى حاجة
ويالا نشوف الحوار اللى بينها وبين نفسها
نور(بتعيط) : ياترا ف ايه ؟
نفسها : متخفيش متقلقيش دا هو بيحبك
نور (بقلق) : منا عارفة ومتأكدة انه بيحبنى
بس فى ايه
نفسها : خير الغايب حجته معاه
وظلت نور ع الحال ده اسبوع كامل
تتصل عليه وتبعت ف رسايل
وتطلع ليه اعذار
لكن عمر ما جه ف دماغها انه بيهرب منها
جت قعدت مع اختها نهى مرة ف نهاية الاسبوع ده
ويالا نشوف الحوار اللى بينهم
نهى : مالك يانور
نور : مش عارفة بس قلقانة ع محمد اوووووووووى
نهى : نور خليكى صريحة مع نفسك
ما يمكن بيهرب منك
نور (مصدومة) : لا خالص يانهى
دا انا عرفاه اووووووووى
وبيحبنى
دا كان خايف عليا لما قولتله ان ياسر عرف
لا لا
وتقوم وتسيب اختها
وتقعد تعيط
وجه ليها صديقها
اكيد عرفته
ضميرها
يالا نشوف الحوار اللى بينها وبين ضميرها
نور : معقول يكون بيهرب منى
طيب ازاى دى مجتش ف دماغى
لا اكيد لا
ضميرها : لا ليه هو مش المفروض كان يكلمك من اسبوع
نور : اه بس هو بيحبنى
هو بيخاف عليا
ازاى يعنى
ازاى
وتنفتح نور ف العياط
معقول يكون معاه الموبايل وشايف رناتى دى
كلها ومش يرد
شايف رسايلى المليانة قلق عليه
ومش يطمنى
لا لا لا
ضميرها : هو ده اللى بيحصل فعلا
نور : لا انا متأكدة لا
وتنفتح نور ف العياط

>>> ويبتدى الشك يدخل ف دماغها
قررت انها مش هتتصل عليه يوم كامل
وبعد كدة تتصل من رقم غريب

وراحت الكلية وعقلها بيودى ويجيب
معقول كان بيخدعنى
معقول مصعبتش عليه
معقول !!!!!!!
وراحت اتصلت عليه من رقم غريب
وكانت بمثابة الصاعقة ليها
رد عليها
اول ما رد اتصدمت
ومكنتش تتوقع حاجة ذى دى

معقول الكل صح وهى اللى غلط
وهى اللى كانت مفكرة ان هى اللى صح
معقول القسوة تكون كدة
معقول ف ناس كدة
معقول معقول
ومكنتش قادرة تمسك نفسها من العياط
لقت نفسها بترد عليه وبتقوله (شكرا اوووى)
وقامت قافلة السكة
وهى مش قادرة تتكلم مش قادرة تنطق
ماشية ومش شايفة قدامها
فكرت ف كذا طريقة
جالها الشيطان ساعتها
ويقولها >>>>هتعيشى تعملى ايه
يالا ارمى نفسك تحت عربية
او ارمى نفسك من فوق الكوبرى
>>> كانت نفسيتها مدمرة ماشية بتعيط
وفجأة لقت نفسها بتتصل عليه
وتتصل وتعيط
ويزيد عياطها

وصلت البيت
وعنيها وارمة من كتر العياط
دخلت اوضتها وقفلت ع نفسها
وقعدت تعيط وتزيد ف عياطها
حاسة انها هتموت هتموت
ومش قادرة خلاص
خلاص خلاص
ويئست من الحياة
تمنت الموت ف كل لحظة
الله هو اللى كان اعلم بحالتها
ظلت هكذا شهر كامل
تتصل عليه
حاسة انها هتموت مت غيره
تروح تكلمه من سنترلات علشان يرد
كانت بتقول لنفسها : اتمنى اسمع صوته بس
وف مرة من المرات خلال الشهر ده
كلمته
ويالا نشوف الحوار
نور : السلام عليكم
محمد : وعليكم السلام
نور : ازيك يامحمد
محمد : الحمد لله
وتم الحوار
كله ومنها حست ان محمد بيحبها فعلا
بس هو مكلمش اهله ومش عاوز يظلها معاه
وبقيت نور شهر اخر بس ف الشهر ده مكنتش بتتصل عليه خالص
واكملكم اللى هيحصل المرة الجاية

[/center]

[امة الرحمن/فاطمة]

رد: نور والرسالة الخاصة

متابعة بإذن الله

جزاكِ الله خيرااااااا

وبارك الله فيكِ

ويسر لكِ كل خير ..اللهم آمين

[الامل من اجل البقاء]

رد: نور والرسالة الخاصة

جزاكى الله خير
متابعة باذن الله

[*نداء الجنة*]

رد: نور والرسالة الخاصة

جزاكى الله خيرا اختى على هذه القصة الرائعة وننتظر تكملتها ان شاء الله

[أم نورهان]

رد: نور والرسالة الخاصة

اللهم صلي علي سيدنا محمد النبي الأمي الذي علم المتعلمين وعلى آله وصحبه والتابعين بإحسان الي يوم
الدين
السلام عليكم ورحمة الله وبركاته
ماشاء الله أسلوبك في الحكاية راااائع وممتع وجذاب يا اختي نور الله يبارك فيكي ويوفقكك..

[المهاجرة طالبة علم]

رد: نور والرسالة الخاصة

متابعين الله يجزاك خير اخيتى

ومتشوقين كمان لنعرف اخرتها مع الست نور