*^* سنــة أولــي جــواز *^*

[dr_karmen]

بسم الله الرحمن الرحيم
السلام عليكم ورحمة الله وبركاته

الحمد لله وكفي وصلاة وسلاما على عباده الذين اصطفي
ثم أما بعد
إن شاء الله يا أخواتي هنبدأ مع بعض سلسلة جديدة
السلسة مهمة أوي لكل الأخوات
المتزوج منهم والمخطوبات

وخصوصا أنا شايفة حركات زواج لأخوات كتي رمن منتدانا في هذه الأيام
أسأل الله العظيم أن يرزق كل الأخوات ((اللي لسة طبعا)) بالأزواج الصالحين
اللهم آآمين

طبعا الحياة الزوجية حياة مختلفة اختلاف جذري وكلي عن الحياة قبل الزواج
البنت في بيتها قبل الزوج غالبا ما بتكون مش متحملة للمسؤليات
- والدتها أو أختها الكبيرة المسؤولة عن علاقتها بالمجتمع
- بتكون محفوظة ومحاطة برعاية واهتمام
- طلباتها شبه ماتكون أوامر
- بإختصار احتكاكها بالمجتمع الخارجي شبه مايكون محدود ومقصور علي الناس اللى بتعرفهم فى المسجد أو الكلية والمدرسة وبس
وعلاقتها بأصحابها خلاف ما تكون علاقتها مع زوج وأسرة وأهل الزوج

طيب ان شاء الله السلسلة بتاعتنا هتتضمن نقاط
نتناولها حتي نفرغ من النقاش حولها تماما
ونلخصها بقدر المستطاع
وبعدين ننتقل للنقطة التالية لها

أسأل الله التوفيق في جعل هذا الموضوع ملف يعين المتزوجات واللى لسة هيتزوجوا في المرحلة الإنتقالية الأولي من زواجهم

وعلي فكرة المرحلة ديه أهم مرحلة فى الحياة الزوجية
فيها حاجات كتيرة أوي بتتغير وعلى حسب ما هتستقر الأمور- إن شاء الله - هيستقر الوضع في حياتهم بعد كدة إن شاء الله تعالي

هنتناول في الموضوع نقاط حول:
- الهدف من الزواج وكيفية الحفاظ علي القيام بالهدف ده علي قدر المستطاع
- علاقتها بالأشخاص قبل الزواج وبعد الزواج
- دور الزوجة وأهميته فى الأسرة ((مسؤلياتها وواجباتها))

[dr_karmen]

رد: *^* سنــة أولــي جــواز *^*

نتكلم أول نقطة عن:
الهدف من الزواج

طبعا الزواج سُنة كونية شرعها الله للإنسان وهي وسيلة للحفاظ علي نشر الدين وعلي تواجد وتكاثر المسلمين
ومننساش أن النبي صلي الله عليه وسلم مباهي بينا الأمم يوم القيامة بعدد المسلمين((الصح))

فالهدف الأول الأساسي من الزواج هو بناء الأسرة المسلمة وتجهيز أسرة تعبد الله وتنشر الإسلام والدين في الأرض


الهدف التانى عندنا من الزواج هو العفة
أن تعف الزوجة زوجها عن الحرام وأن تعف نفسها عن الحرام فتحمي المجتمع الإسلامي من الفساد أو الإنحلال الوارد حدوثه بوقوع الزوج أو نفسها في الحرام

الهدف الثالث إيجاد السعادة الدنيوية
ففي الزواج يسعد الزوج بزوجته وتسعد الزوجة بزوجها سواء في قضاء الوطر أو بما يكون من مودة ورحمة بينهما فيكون كل منهما للآخر سكن له ورحمة ومصدر للعطاء والحب

وطبعا النقطة الأولي واضحة إن شاء الله
لكن النقطتين الثانية والثالثة سيتم شرحهم ضمنياً مع دور الزوجة لنعلم كيف تكون الزوجة مصدر عفة لزوجها وكيف تتواجد السعادة بينهم إن شاء الله تعالي
وجزاكن الله خيراً

[الشهد]

رد: *^* سنــة أولــي جــواز *^*

شكرا حبيبتى
موضوع مهم
بوركتِ

[غفرانك ربي]

رد: *^* سنــة أولــي جــواز *^*

كما تعودنا منك دايما ياكارمن مش جديد عليكي مواضيعك الرائعه

ربنا يكرمك ويجازيكي بكل حرف كتبتيه ويجعله في ميزان حسناتك

اسجل متابعتي (( للي لسه ماتخطبوش )) (ابتسامه )

[أسماء9729]

رد: *^* سنــة أولــي جــواز *^*

بارك الله فيك أخيتي الغالية د.كارمن
وجزاك الله الجنة العلياء فهذا الموضوع والله انه مهم للكل سواء متزوجات والمخطوبات أو التي لم ياتها النصيب بعد
ففي طرحك الرائع فائدة للجميع

دمتي بمحبة...

[dr_karmen]

رد: *^* سنــة أولــي جــواز *^*

جزاكن الله خيرا أخواتى الكريمات
الشهد - غفرانك ربي - أسماء
ربنا يبارك فيكم

يارب اللى لسة متخطبتش تتخطب
واللى لسة متجوزتش تتجوز
وأخلص منكم جميعا
اللهم آآمين

[dr_karmen]

رد: *^* سنــة أولــي جــواز *^*

كيفية الحفاظ على أداء الهدف
الأهداف كانت:
1- بناء الأسرة المسلمة
وده ليس بالأمر اليسير على الزوجة
وهي أن تحافظ على زوجها وعلى نفسها وأولادها من الفتن الدنيوية ومغريات الحياة

*أول حاجة الدعــــــــــــــاء
وديه أهم نقطة أن تدعي الله ييسر لك الأمر ويعينك على حسن التربية القويمة للأولاد وحسن التعامل مع الزوج

*الإتفاقات مع الزوج من أول الخطوبة على ما نيته من الزواج وعلى أى منهج يريد أن يكون أولاده هل ييريد صلاح الدين؟؟؟ أم المطرب الفلانى واللاعب الفلاني؟؟؟
وإذا حاد الأب عن الطريق الذي اتفقتم عليه - تبدأى فى تذكيره وتحاولي ارجاعه بالرفق والرحمة والحنان وأيضا مع الدعاء

*بحسن استيعاب للأمور وكيفية معالجتها يعني مثلا :
طفلك بيري أصحابه يشاهدون الكرتون الفلانى والفلاني فى التلفاز وهو يريد مشاهدته مثلهم فما تصرفك فى هذا الموقف؟؟
- الضرب والمنع!
- الشرح للطفل بقدر سنه حتى يستوعب ما الخطأ وما الصواب!
- التجاهل وكأنك لم تسمعي!
- تنفيذ ما يطلبه حتي لا يكون محروما منه!

لو كان ده أول مرة طفلك يطلبها منك فهتفهميه وتشرحيله
لو كررها تانى تغيرى اسلوب الشرح وبرده تفهميه
لأن الضرب مش حل للأمر
بالعكس الطفل بيفهمها ان الأقوى بيستعمل سلطته حتى لو كان موقفه ضعيف

ده مثال من الحياة اللى كتير من الأمهات بتلاقيه فى حياتها

يعنى بإختصار دورك كأم وكزوجة محتاج عقل كبير ووزن للأمور وقبل ده كله زى ما قلنا الدعاء بأن يعينك الله على تنشئة الطفل على مايرضى الله

2- العفة
ازاى تكون الزوجة مصدر لعفة الزوج ولعفة نفسها؟؟
طبعا الزوج فى الغالب بيخرج للعمل وبيحتك بالعالم الخارجي أكثر من الزوجة
يعنى بيشوف أشكال وألوان وأصناف من النساء
ومنهم المتبرج ومنهم اللى غير مسلم
ومنهم الفاتنات و و و و
يعنى لو حتى الرجل بيغض البصر وفتح الجريدة أو المجلة هيجد نساء
وزى ما الشيخ محمود المصري بيقول لو اشترى حاجة ساقعة هيلاقي عليها صور نساء
وطبعا الزوجة لازم تكون لزوجها مصدر العفة
*لازم تكون جميلة زي النساء دول بترتدي ملابس زيهم وأحلى منهم
بتضع العطور والزينة زيهم وأحسن منهم
تتغنج فى الكلمات زيهم وأحسن منهم
دول بيعملوا الحاجات دى فى الحرام
انتى بتعمليها لزوجك فى الحلال
واحتسبى النية والأجر عند الله وإن شاء الله هيكون ليكى الأجر والثواب
مش لازم تستخدمى أغلى الأشياء
كفاية تستخدمى أحلى الأشياء
يعنى لو بتضعى عطر من أغلى أنواع العطور وأنتى لا ترتدي ملابس نظيفة أو لا تهتمى بالنظافة الشخصية
هل هيكون لها تأثير؟؟
طبعا لأ
والعكس صحيح

تانى حاجة وهي حاجة مهمة برده
*البيت
لازم زوجك يجد من بيته مصدر راحته
نظيف مرتب ترتاح عينه عندما تقع عل اى ركن فى المنزل
شوفى الركن اللى بيحب الجلوس فيه واهتمى بتنظيفه وتجديده باستمرار
مكان راحته يكون نظيف ومعد باستمرار
خلى بيته جنة
يحب دخولها دايما
مش لازم برده اغلى الأشياء كفاية نظافتها
يعنى باختصار عايزين الراجل يحب البيت واللى فى البيت
*متنكشيش عن الزعل بإبرة وتتخانقى معاه باستمرار
لو طلبك زوجك للفراش فى اى وقت فاحتسبى الأجر عند الله ولبى رغبته
انتى بكدة بتكونى مصدر عفة لزوجك ولنفسك
وأيضا مع الدعـــــــــأء باستمرار أن يجعلك الله لزوجك قرة عين وأن يجعله لكِ قرة عين

3- السعادة
طبعا السعادة الحقيقية فى الجنة رزقنا الله إياها أجمعين
لكن السعادة بالمفهوم الدنيوي وهى الحياة الكريمة والتى لا توجد فيها ما ينغصها
وللزوجة دور كبير فى أن تجعل البيت حريقة أو تجعلها رماد بعد النار
وأهم أمر فى الموضوع إن مهما كان فى البيت من مشاكل لا تخرج برة الباب لا أب ولا أم ولا صديق
لأن المشكلة لو خرجت برة الباب معدتش هتتقفل عليها أبدا ومهما هدأت النفوس جوة البيت هتظل فى رواسب فى نفوس اللى برة
فقط استعيذى بالله من الشيطان الرجيم واتركي الحجرة حتى تهدأوا
وبعدين تناقشوا بهدوء
وأسأل الله أن يملأ بيوت المسلمين بالود والرحمة
السعادة كأمر معنوي لا يمكن التعبير عنه بيسر
قد تتحقق ببعض الماديات لكنها ليست كافية دوما لأن المعنويات هى التى تغلب فى تحقيق السعادة
يعنى مثلا لو لدى شخص أموال طائلة وحياة رغدة كريمة ولكن زوجته سليطة اللسان لا تعرف معنى للمشاعر ولا تلفظ إلا بالقبيح فهل سيجد السعادة؟؟
وهكذا

وبكدة نكون أتممنا الهدف من الزواج وكيفية تحقيقه والحفاظ عليه على قدر ما أشاء الله لنا
ولو لأي من أخواتى آراء تشاركنا بها فنرحب بها جدا جدا
جزاكم الله خيرا جميعا

[aya]

رد: *^* سنــة أولــي جــواز *^*

موضوع هااااااااام جدا بارك الله فيكي

انا مع غفرانك ربي ومسلمة مصرية

جزاكن الله خيرااااااااااااا


ساتغيب عن المنتدى فترة لا يعلمها الا الله

فادعولى ان يوفقنى الله في دراستى

[dr_karmen]

رد: *^* سنــة أولــي جــواز *^*

وفقك الله يا آية ياحبيبتى

[dr_karmen]

رد: *^* سنــة أولــي جــواز *^*

السلام عليكم ورحمة الله وبركاته
نعود أخواتى الكرام لنواصل سلسلة سنة أولى جواز
ومعنا اليوم تانى محور فى الحوار وهو

علاقة الزوجة بالأشخاص قبل الزواج وبعد الزواج

وهنقسمها إلى:
_ أشخاص على علاقة بيهم من قبل الزواج وحتى بعد الزواج
_ وأشخاص علاقتها بيهم بتبدأ بالزواج

[المشتاقة للجنة]

رد: *^* سنــة أولــي جــواز *^*

نصايح هايلة
هنتابع معاكى باعتبار ماسيكون
جزاكى الله خيرا وجعله الله فى ميزان حسناتك

[الحقني بالصالحين]

رد: *^* سنــة أولــي جــواز *^*

بارك ربي فيكي أختي
فعلا نصائح هااااااامة جدااااااااااااااا
اللهم ارزق جميع بنات المسلمين بالازواج الصالحة

[dr_karmen]

رد: *^* سنــة أولــي جــواز *^*

جزاكن الله خيرا أخيتى الكريمة المشتاقة
وأخيتى الحقنى بالصالحين
ورزق الله جميع المسلمات الأزواج الصالحة اللهم آآمين

[طريق الجنه]

رد: *^* سنــة أولــي جــواز *^*

اختى فى الله حفظكى الله

ورعاكى وجعل جنه الفردوس

ان شــــــــــــــاء الله ماؤاكى

[dr_karmen]

رد: *^* سنــة أولــي جــواز *^*

نبدأ بإذن الله تعالي مع:
أشخاص على علاقة بيهم قبل الزواج وتستمر حياتها معهم بعد الزواج
وهنقسمها أيضا:
-الأسرة ((الأب والأم والأخوة والأخوات))
-العائلة((الجد والجد والخال والخالة والعم والعمة وأولادهم))
-الأصحاب والاخوات فى الله
-العمل وزملاء العمل أو الدراسة

أولا الأسرة :
1- طبعا البنت لما كانت فى بيت أبوها وأمها كان اللى ليه كلمة عليها واللى بتستأذنه وتأخذ رأيه ومشورته هو الأب أو الأم
والآن بعد زواجها تسقط هذه السلطة عن الأب والأم ((تماما))والرأى الأوحد للزوج والإستئذان الأوحد للزوج
وده للأسف الشديد بنجده فى كثير من مجتماعتنا فيه خلل بين إفراط أو تفريط
مش معنى انى بقولك ملهمش كلمة عليكى بعد زواجك انك تفقدى احترامك ليهم
ومش معنى انى بقولك انك تحترميهم ان كلامهم ماشى ولو كان فى عكس أوامر الزوج
نفسر أكتر
أولا وآخرا القاعدة اللى بتحرك الموضوع
((لا طاعة لمخلوق في معصية الخالق))
يعنى لا الزوج ولا الأهل عليكى طاعتهم فى معصية ربنا
يقولولك اخلعى الحجاب فى فرحك يقولولك اعملى فرح يحكى عنه طبعا طاعة الله أوجب
ويقولك زوجك عايزك متبرجة أمام اخواتى وأصحابى مش شرط فى الشارع على الاقل لما يجوا البيت
مفيش طاعة لمخلوق فى معصية الخالق

لكن ما أتحدث عنه:
أن فى أول زواجك الإنفصال التام عن أهلك وعن طاعتهم بيكون صعب عيكى وعلى أهلك
وبيبدأو دون شعور منهم يقولوا رأيهم فيما يخصك أنتى وزوجك بالعمية كدة
((صورة من التدخل فى حياتكم))
يبقى الحل انك بتسمعى لهم وتردى عليهم رأيهم بأدب وتذكري أمك وأبوك انها لو كانت مسمعتش كلام زوجها فى الاول وسمعت كلام الأهل كان هيكون بينهم مشاكل وهكذا بكل أدب وإحترام
وان غضبوا منك قليلا انتى بتعملى مايرضى الله وهو طاعة الزوج بعد طاعة ربنا مباشرة

2- البنت وهى بنت بتحكى المشاكل لأمها أو لأختها
بتفضفض معاها وبتحاول توصل لحل من مامتها أو اختها او والدها
لكن بعد الزواج خلاص
الباب ده يبدأ يتقفل قطعيا وخصوصا مشاكل بينك وبين زوجك متخرجش برة باب الشقة
ولا يعرف عنها أحد شئ
لأنك بعد فترة بسيطة هتسامحى زوجك وهتصفى الأمور بينكما وهتبقى الرواسب فى نفس أهلك منه
وممكن يظلوا غضبانين منه ويعاملوه معاملة مش زى الأول لانه فى نظرهم مش مكرم ابنتهم او بيهينها او بيتعبها أو أو ..على حسب المشكلة

3- المسؤولية فى البيت كاملة الآن عليكى
معدش ام تطبخ واخت تغسل واخرى تكوى لا
انتى الآن ربة المنزل ويجب الإعتماد على نفسك
وان كان فى امهات بيساعدوا بناتهم فى اول زواجهم لكن الموضوع المفروض ميستمرش
انتى اللى تساعدى أمك مش العكس

4- انتى فى بيت أبيكى كانت حاجتك الخاصة بيكى كنتى بتتصرفى فيها زى ما انتى عايزة
ومش هتفرق لو أخبرتيهم بانك مثلا انفقتيها لله
او اشتريتى بيها حاجة لأنها فلوسك أو حاجاتك الخاصة
فى بيت زوجك انتى الأن مسؤوله أمام الله انها امانة وانك لازم تستأذنيه فيها يعنى لو حتى ده طلب من الأهل بإنك تدخلى البيت او تخرجى منه شيئ بدون اذن زوجك
لا يجوز لكى شرعا وتعتبر انها خيانة امانة


ثانيا: العائلة:
العائلة علاقتك بيهم تظل كما هى صلة الرحم كما كانت قبل الزواج تستمر بعد الزواج بضوابطها الشرعية الكاملة مفيش اختلاط بينك وبين ابناء خالك وعمك أو ازواج البنات خالص وكمان لو كان معندهمش الإلتزام ده يبقى اقصرى علاقتك بيهم بالتليفون او تزوريها وحدك وزوجها فى شغله او ماشابه

ثالثا : الأخوات فى الله:
لا شك ان وقت المرأة بعد الزواج المفروض يكون لربها ولزوجها
ورعاية بيتها وأولادها
يعنى بعض الأخوات بتهمل فى بيتها وأولادها وتنشغل بالزيارات ولا تراعي أن الأولى هو البيت والزوج
وان عقدها مع زوجها كأنه عقد عمل لأن تؤدى حق بيتها كاملا ولو تفرغت منه وانهت عملها تشوف الأقل أهمية وهى الزيارات والخروج وكدة


رابعا : العمل وزملاء العمل:
طبعا لا يحق للمرأة المسلمة أن تحدث رجلا أجنبيا فى خلوة أو غير خلوة إلا لضرورة
يعنى مانجده من بعض الأخوات وأنها تتحدث مع زميلها فى العمل وكأنه أخويا ومواضيع تناقش خارج العمل تماما وتدخل فى الحياة العامة أو الشخصية أحيانا
فاتقى الله أخيتى فى نفسك وفى دينك
وان كان قبل الزواج حرام فهو بعد الزواج حرام وخيانة عظمى لأنك تخونين الرجل الذى به تدخلين الجنة أو النار
فلا يجب العمل إلا فى أماكن لا يحدث فيها خلوة برجل
أو أن يكون تقصيرا منها لبيتها ولحقوق زوجها


وإن شاء الله نكمل فى المرة القادمة
وجزاكن الله خيرا