*^* سنــة أولــي جــواز *^*

[dr_karmen]

رد: *^* سنــة أولــي جــواز *^*

جزاك الله مثله
أخيتى الكريمة

[أسماء9729]

رد: *^* سنــة أولــي جــواز *^*

بارك الله فيك غاليتي د.كارمن
ووالذي نفسي بيده لو أن كل متزوجة اتبعت هذه الدرر وحفظتها لخلت حياتها من المشاكل
وفعلا كما قلت إن تدخل الأهل في حياة البنت يسبب المشاكل
ولقد رأيت نموذجا من هذا وكيف ان البنت قد انقسمت نصفين وأصبحت لا تدري ماتفعل
والله المستعان

دمتي بمحبة...

[طريق الجنه]

رد: *^* سنــة أولــي جــواز *^*

[dr_karmen]

رد: *^* سنــة أولــي جــواز *^*

جزاك الله مثله أخيتى أسماء
أسأل الله أن يرزق المسلمين جميعا السعادة فى الدنيا والآخرة

وجزيتى مثله أخيتى الفاضلة طريق الجنة

[dr_karmen]

رد: *^* سنــة أولــي جــواز *^*

نتناقش الآن مع أصعب جزء وهو
أشخاص تبدأ علاقتها بيهم بعد الزواج:
ودول هنقسمهم لعدة مجموعات:
1- أهل الزوج
2- معارف الزوج
3- زملاء الزوج وأصحابه
4- الجيران فى السكن الجديد الذى به ستعيش الزوجة
5- طبعا ده أهم حاجة لكن فى الآخر عشان الختام مسك ((الزوج))


ومع أول نقطة اليوم وهى
1- أهل الزوج

الأول الأم:

يعنى حماتك
طبعا الرعب هيشتغل وهيدب فى نفوسكم اخواتى التساؤلات
بصوا يابنات
حماتك مهما كانت وحشة معاكى فهي أم
شوفى أمك بتحبك وبتخاف عليكى أد ايه وده اللى هى بتكون فيه
هى فى تفكيرها انها مش بتعمل كدة إلا بدافع حبها لإبنها
للحق يقال فى أمهات بتتعامل بعند وتغيظ مع زوجة الإبن
وفى لأ وبتحاول تعاملها زى بنتها
وانا مش هقول بنتها
هقول زى بنتها ((لأنك مهما عملتى فلن تكونى بنتها))
أولا فى مشاعر غيرة قوية جدا فى بعض الحالات:
*الولد الوحيد
*المعتمد عليه فى البيت ((الكبير مثلا))
*الصغير واللى أخد دلال كتير ووقت فراغ واهتمام

فتراعى ان فى مشاعر بينكم هتتضارب
الأحسن مع الموضوع ده انك تطنشيها ومتفكريش فيها وتتعبى نفسك
لأن ده لا اراديا منها وانتى فكرى فيها بإيجابية
يعنى مثلا :
هي بتغيير من انه بقى بياكل وبيشرب فى بيت تانى
قامت عاملاله كل الأكل اللى بيحبه وعزمته مثلا
انتى لا تتغاظى ولا تتفرسى
تفكرى فيها
((ريحتنى من المجهود وأهو اكل اللى فى نفسه))
هتلاقيكى ارتحتى وهديتى
ده مثال طبعا
ومع الوقت يمكن شهر ويمكن اتنين ويمكن اكتر والمشاعر ديه بتبدأ تقل تدريجيا

تانى مشاعر بتقابليها مع أم زوجك:
هى الخوف والقلق
بيكون عادة الولد فى البيت كل حاجة الأم اللى بتعملهاله أكله وشربه وغسيله والمكوة وكل طلباته وكدة
فلو وجدته خاسس تحس انه مأكلش كويس فتلاقيها فى نفسها منك حاجة انك قصرتى فى حقه
ولو لقت هدومه عليها مثلا تراب ولا مكسرة ممكن تتكلم وتلومك وهكذا
يبقى الحل لتفادى اغضابها انك تخلى زوجك دايما فى أحسن صورة على الأقل لو هيحتك بأهله فى مكان ما
وتلفتى نظره لهذا لو هو مش عايز

تالت مشاعر وهى:
افتقاد الحوار مع أحد
يعنى لو زوجك كان أعقل اخواته أو أطيبهم وأبرهم بأهله هتلاقيهم دايما عايزينه معاهم ويكلموه وحاجات من دى
فمتتغاظيش ولا حاجة
الموضوع برده شوية وبياخد وقته وبيعدى
هو نفسه بيبدأ ميعرفش يوفق بين طلبات بيته وأسرته وكدة

يعنى بإختصار الموضوع عايز منك شوية صبر
متخليش خلافاتكم على اهله توقف حياتكم لأنك بتحطيه فى اختيار صعب واعرفى ان مهما حصل انتى أهونهم
يعنى كونى عاقلة متخيريهوش بينك وبين أمه مثلا

علاقتك انتى بأم زوجك متكنش بإفراط ولا تفريط
يعنى متعرفش عنكم وعن خصوصياتكم شيئ
وده يبنتى لصالحكم كلكم لأن لو الأم عرفت عنكم وعن مشاكلكم هتشيل وهتزعل
وهتكون مفتاح للسؤال والتقصي عن اللى حاصل ؟؟وحصل ليه ؟؟ وبعدين؟
وأسئلة كتيرة
حتى لو انتى عايزة تتقربى لها مش على الخصوصيات بينك وبين زوجك أبدااااااا


علاقتك بيهم بدون افراط ولا تفريط
لا يعرفوا عنك كل حاجة
ولا تحرميهم من السؤال عنهم وعن احوال وتشاركيهم فرحهم وحزنهم
ولو زوجك نسي
انتى فكريه
واعرفى ان اللى بتعمليه ليهم من خير
هيكون لك اجر وهيكون فى أولادك ان شاء الله

ونكمل بعدين ان شاء الله

[أسماء9729]

رد: *^* سنــة أولــي جــواز *^*

نصائح عذبة رقراقة
بارك ربي فيك د.كارمن جزاك الله أعلى الجنان
في انتطار الباقي

دمتي بمحبة...

[sara2007]

رد: *^* سنــة أولــي جــواز *^*

السلام عليكم ورحمه الله وبركاااته
ماشاء الله د..كارمن
بجد موضوع رائع يارب يرزقني ويرزق كل بنات المنتدي وبنات المسلمين بالازواج الصالحه اللي نطبق عليهم النصائح الغاليه دي
بارك ربي فيكي وجزاااكي الله الجنه

[sara2007]

رد: *^* سنــة أولــي جــواز *^*

أولا الأسرة :
1- طبعا البنت لما كانت فى بيت أبوها وأمها كان اللى ليه كلمة عليها واللى بتستأذنه وتأخذ رأيه ومشورته هو الأب أو الأم


2- البنت وهى بنت بتحكى المشاكل لأمها أو لأختها
بتفضفض معاها وبتحاول توصل لحل من مامتها أو اختها او والدها
لكن بعد الزواج خلاص
الباب ده يبدأ يتقفل قطعيا وخصوصا مشاكل بينك وبين زوجك متخرجش برة باب الشقة
ولا يعرف عنها أحد شئ
لأنك بعد فترة بسيطة هتسامحى زوجك وهتصفى الأمور بينكما وهتبقى الرواسب فى نفس أهلك منه
وممكن يظلوا غضبانين منه ويعاملوه معاملة مش زى الأول لانه فى نظرهم مش مكرم ابنتهم او بيهينها او بيتعبها أو أو ..على حسب المشكلة

3

ممكن افضفض معااكوووا شويه ..الحقيقه الجزئيه اللي حضرتك قلتيها دي أثرت فيه جدا وبصراااحه انا مقتنعه بالكلام جدا وعارفه انه ده الصح وباذن الله هاعمل كده مع زوج المستقبل بس جايز لأن أنا لسه مبقتش زوجه لكن انا اختي اتجوزت وكانت اختي الوحيده يعني كانت حياتي كلها معاها وهي برده فلما مشت بجد حسيت ان انا لوحدي اوي وخلاص معدش ليه الحق ان انا اعرف حاجه عنها(((والله انا مقتنعه))بس ده كان صعب عليه اوي يعني عارفه بقيت بقول دي مكانتش عشره يعني 20 سنه مع بعض والله يعني اوقتات بقول يعني كان فين جوزها ده ولا كنا نعرفه منين ....انا عارفه انه كلام عبيط بس والله برجع ازعل من نفسي واقول ان انا فعلا لما ابقي اتجوزان شاء الله هابقي زيها وبحط نفسي مكانها واقول هي دي سنه الحياه ...وخصوصا انها سافرت كمان بره مصر وبقالها تقريبا 10 شهور يعني 10 شهور مشفتهاش واحنا اللي كنا مينفعش نقعد في اي حته ونبعد عن بعض اكتر من يوم كنا اصلا منقدرش ولا كنت اتخيل ان انا هاقعد مده طويييله زي دي مشوفهاش فهي دلوقتتيي فعلا وحشتنييييييي جداجدا جدا ربنا يرجعها بالف سلامه لينا يارب امييييييين...ويسعدها ويهنيها مع زوجها ويبارك لها في بنتها يارب امييييييييين
انا متاسفه ان انا كتبت الكلام ده وعارفه ان مش مجاله هنا بس والله انا حسيييت الكلام اوي فحبيت اتكلم معاااكوا وانا متاسفه مره تانيه
وربنا يبارك فيييكوا يارب.. وجزاااكوا جميييعا الجنه

[dr_karmen]

رد: *^* سنــة أولــي جــواز *^*

أكرمك الله وبارك الله فيكي أختى أسماء

[dr_karmen]

رد: *^* سنــة أولــي جــواز *^*

حبيبتى سارة
لا أبدا متقوليش كدة
أكيد الموضوع ده بيبقى صعب
على كل اللى قريبين من الزوج والزوجة
بتتحس لسة هتكلم عنها مع الأصحاب كمان اللى فى بينك وبينهم ود
وبتتحس لو الأم أول الأب أو الأخ أو الأخت قريبين ليكى
فعلا الموضوع بيكون محتاج تمهيد نفسى للجميع
علشان ميكونش الموضوع ده صدمة
شخصيا وكنت بجربها على نفسى
انى أتخيل انى مت أو حد منهم الأحباب القريبين ليا واتخيل حياتى بدونه وافكر فيها وارتب امورى عليها
عارفة والله ياسارة انا عمرى ما خرجت برة بيتنا لوحدى - عمرى ما قعدت عند خال اول خاله او جد او جدة لوحدى على الأقل معايا ماما فلما كنت هتزوج وبرده سافرت فكان الموضوع ممكن يبقى ليا انهيار عصبى فضلت أمهد لنفسى قبلها واتخيل((ربنا يحفظها يارب ويعطيها الصحة والعافية))انه حصل هعمل ايه؟؟ هعترض على قضاء ربنا؟؟؟ طبعا لا
بتتعودى وبعدين انتى على قدر زعلك انتى كمان فرحانة انها سعيدة صح؟
أنا عشت احساسك ده اختى الكبيرة والوحيدة وكنت احيانا بحس انها ام ليا لان فى فرق شوية فى السن
يوم فرحها سافرت علطول وفضلت 3 شهور مشوفهاش وايامها مكنش فى نت ولا غيره
كنت عاملة زى اليتيمة بس من يومها بدأت أمرن نفسى عارفة انه تمرين قاسى بس والله مفيد

(محدش يجربه ويجيله انهيار عصبى وأشيل ذنبه))


وانتى ان شاء الله بكرة تروحى لبيت زوجك وهتلاقى نفسك اتنشلتى من أحزانك تماما
ربنا يبارك فيكى يارب ونعمل لك فرحك قريب