Tweet
أم الشهيد ؟؟؟؟؟
بلسان ام الشهيد تقول....
أنا مش قلبي حديد .... و راح مني ابني الوحيد
لكن عزائي إني ........ بقى أسمي أم الشهيد
يا أهلي و كل ناسي ...... تعالوا املولي كاسي
أشرب شربات نجاتي ..........من نار الجحيم
إبني شيفاه بعنيه..... بيشاور أهوه عليا
و يقولي ياما تعالي .... لجنة النعيم
و شوفي أبويا و أهلي..........أهم معايا عايشين
أصل يا أمي بشفاعتي........نجيت منهم سبعين
علشان كده انا ربيتوا.....على الصلاة و العبادة
و انه يعيش في الجنة......لو نال شرف الشهادة
دا في يوم لاقيته جاي ...... بجماله كالعادة
هالل عليا و وشه ....... فيه نور بزيادة
بيقولي يا ما أنا راجل ........ و بحب الحياة
و أزاي أقدر أعيشها........ و قهرني فيها الطغاة
و أنا عمري يا أمي ...... ما هكون في يوم جبان
وبروحي راح أفدي بلدي ....... مصر أم الأوطان
وأطرد منها نظام ....... عميل خاين جبان
أنا قلت روح يا أبني ....... و قلبي راضي عليك
و هات و شك أبوسه ... و كمان أيديك و رجليك
وأحمي يا حبيبي بلدي.... وطهر تراب الأرض
من حرامي خبيث ........ باع الضنى و العرض
و صحيت من النوم وقلبي.... للجنة مليان حنين
بصيت لقيت أبني جانبي..... يا دوب سبع سنين
كلمات د/منال الصاوي
منقولـــــة 
تعليق