علي طول زهقانة ومش لاقياه حاجة اعملها!!

[طالبة الحب فى الله]

رد: علي طول زهقانة ومش لاقياه حاجة اعملها!!

جزاكى الله كل خير
وفى انتظار الباقيه

متابعين باذن الله

لا زلنا معك على الخط
موضوع مشوق
جعله الله في ميزان حسناتك

متابعه معاكى ان شاء الله
منتظراااااااااااااااااااكى

جزاكم الله خير الجزاء

[طالبة الحب فى الله]

رد: علي طول زهقانة ومش لاقياه حاجة اعملها!!

الحلقة الثانية





من مسلسل





علي طول زهقانة ومش لاقياه حاجة اعملها!!

وقفنا عند سارة وسلمي لما وصلوا الكلية ودخلوا المحاضرة واتفقوا يكملوا كلامهم بعد المحاضرة.

وتخلص المحاضرة وبعد خروجهم من المدرج بأعجوبة – وده طبعا لأن دااااااايما المدرج زحمة وكله ما بيصدق يخلص ويجري-

ويبدأ الحوار

سارة:المحاضرة النهاردة كانت طويلة قوي ومش عارفة ايه الزحمة دي الله المستعان.

سلمي:الله المستعان ربنا يوفقنا كلنا.








سارة: يااارب...ها يا سلمي يلا نكمل كلامنا بقي عشان أنا اتحمست قوي .








سلمي:ماشي يا جميل بس تعالي بقي نسلم علي البنات ونمشي.








سارة: نمشي ؟! نمشي نروح فين يا سلمي أنتي نسيتي ولا ايه إحنا لسه الساعة 12 الظهر ولسه عندنا محاضرة كمان الساعة 2 ولا أنتي وراكي مشوار ولا ايه؟؟








سلمي: ما هو لسه عندنا وقت ساعتين ما أنتي بقالك أسبوع مبتيجيش الكلية يا ستي وأنا مقلتلكيش علي آخر الأخبار بس كنت حابة إني اعملهالك مفاجأة وسبحان الله كلامك النهاردة جه في وقته.








سارة: ما أنا كنت تعبانة شوية زي ما قلت لك بس أخبار ايه؟؟


ويسلموا علي صحباتهم ويتجهوا للمكان اللي سلمي عايزة تاخد سارة فيه وسارة لسه مش عارفة؟

وفي طريقهم للمكان اللي لسه مجهول بالنسبة لسارة

سلمي : أقولك يا سارة الأسبوع اللي فات كده اللي أنتي مجيتيش فيه ده كنت في الكلية روحت يا ستي أصلي الظهر في مسجد تاني غير اللي احنا دايما نصلي فيه وبعد ما خلصت صلاة لقيت بنات قاعدين في المسجد وبيدوا درس وعجبني الكلام قووي اللهم بارك ربنا يكرمهم يااارب ويجعله في ميزان حسناتهم.

سارة:درس!! درس ايه ده وبيقولوا فيه ايه؟

سلمي:كانوا متجمعين وبيتكلموا عن الصلاة والخشوع وأول لما الصلاة تخلص تلاقي واحدة تقوم علي طول وتقول نصيحة بسيطة للبنات اللي في المسجد وعرفت أنهم دايما بيدوا دروس هناك في المسجد ده فقلت بقي ابقي اصلي هناك علي طول وآخدك معايا طبعا.

سارة: ماشي يا سلمي يلا بينا

ويدخلوا سارة وسلمي المسجد ويصلوا تحية المسجد ويلاقوا بنت في المسجد تقول

"السلام عليكم ورحمة الله وبركاته..في درس إن شاء الله يا أخوات الساعة 1 بعد صلاة الظهر وحنتكلم فيه النهاردة عن الدعوة إن شاء الله تستفيدوا معنا"

سلمي:إن شاء الله نحضر الدرس وبعدين نروح نحضر محاضرتنا.

سارة: ربنا ييسر إن شاء الله.

سلمي:إن شاء الله المهم بقي تعالي نكمل كلامنا قبل ما الدرس يبدأ.

سارة:آآه يلا يا سلمي عشان انا عايزة اشوف حل في الزهق والملل اللي انا دايما فيه ده.

سلمي:بصي يا سارة زي ما قلت لك أحنا لازم نكمل الطريق اللي بدأناه ونخدم دينا ونسعي لرضا الله في كل وقتنا ومنضيعيش وقتنا في كلام فارغ

سارة:حنعمل ايه؟

سلمي: شايفة النهاردة أهو ادينا جينا المسجد ولقينا درس وحنحضره ونستفيد بإذن الله وأنا حقولك حنغير يومنا إزاي وايه الأساسيات اللي حنعملها وإزاي حنخدم دينا ونفيد الدعوة.

سارة: الدعوة؟!! هو إحنا حنبقي داعيات ولا ايه؟؟ احنا مش دارسين علوم شرعية عشان ندي دروس.

سلمي: وليه منكونش داعيات لله ومش شرط تكوني دارسة علم شرعي عشان تفيدي الناس يعني أبسط شيء لما تدخلي المسجد كده وتلاقي واحدة بتصلي وعندها أخطاء في الصلاة مثلا بتصلي بسرعة مش بتطمئن في الركوع والسجود وأنتي تقولي لها الصح وصفة صلاة النبي صلى الله عليه وسلم هو مش كده تبقي خدمتي دينك.

سارة: صح عندك حق

سلمي: أهم حاجة يا سارة أن احنا نبقي عارفين حنعمل ايه ولازم نحدد أهدافنا اللي نمشي عليها مش نعيش كده والسلام وزي ما تيجي تيجي واليوم يمشي بالبركة واهي حياة ونقضيها.

سارة:طيب ازاي اشغل وقتي؟وبعدين اكيد مش حفضل طول النهار والليل في المسجد!

سلمي:اكيد طبعا .. بس ممكن تفيدي الدين برده وتشغلي وقتك حتي وأنتي قاعدة علي النت في بيتك.

سارة:إزاي؟؟؟

سلمي:شوفي يا ستي مش الشيوخ لهم برامج وحلقات في التلفزيون وفي المساجد والحاجات دي بتتسجل وبتتنشر علي النت في المنتديات والمواقع والفيس بوك وماااالين النت.

سارة: ايوه طبعا.

سلمي:طيب ليه إحنا بقي منستغلش النقطة دي في صالحنا

سارة: قصدك نسمع الدروس دي يعني؟

سلمي: مش ده بس إحنا كمان ممكن نشترك في مشروعات علي المنتديات ونفرغ الدروس دي ونعملها تصميمات وهكذا

ده في منتديات كتيييييير ملتزمة وفيها صحبة صالحة تقدري تشتركي في المشروعات دي وتشغلي وقتك

سارة:وايه المشروعات دي؟

سلمي: ده في كتير قوي زي مثلا مجموعة بتفرغ دروس الشيوخ وتكتبها عشان في ناس بتحب تقرأ أكتر ما تسمع يبقي الحاجاتين متوفرين

ومجموعات تانية تنشر الدروس دي تاخدي درس الشيخ فلان تنشريه في المنتديات تنشري بقي المحاضرة الصوتية أو المكتوبة وكمان ممكن انتي تشتركي وتفرغي الدروس دي وكمان توزعي مطويات في الجامعة.

سارة:آآآآه انا شفت الحاجات دي قبل كده في منتديات بس بصراحة قلت لنفسي اني مشغولة في الدراسة ومعنديش وقت.

سلمي:واديكي اهو دلوقتي بتقولي انك زهقانة وادينا بنضيع وقت علي الفاضي ومبنعملش حآآآجة.

سارة:طيب وايه كمان ممكن يشغل وقتي ويخدم ديني.

سلمي:تشغلي وقتك وتخدمي دينك وتاخدي كمان ثواب ممكن كمان تتعلمي حاجة جديدة زي الفوتوشوب مثلا وتستخدميه في خدمة الدين تعملي تصميمات ويتكتب عليها أحاديث نبوية أو سنة مهجورة الناس نسياها وهكذا.

سارة:أنا نفسي من زمان اتعلم فوتوشوب بس مش عارفة فين وإزاي ؟؟؟

سلمي: حتلاقي علي المنتديات برده كورسات تعليم فوتوشوب .

سارة:تمام ايه تاني؟

سلمي:كمان ممكن تنشري موضوعات مفيدة

تكتبي موضوع فيه حديث أو تفسير آية أو علي الأقل تنقلي موضوع مفيد هاادف ويكون طبعا الكلام اللي في صحيح مش أي كلام.

سارة: كل ده يا سلمي لا أنا كده اتلغبط وتوهت ومش عارفة أحدد حعمل ايه بالضبط قولي لي كده كل الحاجات دي في نقط وقولي لي الخطوات

سلمي:حكتب لك في ورقة الخطوات بالترتيب وإزاي تبدأي يومك صح من أوله لآخرة إن شاء الله

وتكتب سلمي في الورقة الكلام ده

- الكلام اللي بالأسود سلمي بتكتبه في الورقة واللي باللون الأحمر بتقولوا لسارة وهي بتكتب-

بسم الله

(1) المحافظة علي الصلاة في أول وقتها

وخصوصا صلاة الفجر

(2)ورد يومي للقرآن

ولازم تحددي وقت معين تقرأي فيه عشان طبعا منكسلش ووقت بعد صلاة الفجر فيه بركة.

(3) أذكار الصباح والمساء وذكر الله عموما سواء بالاستغفار والتسبيح علي مدار اليوم وفي أي وقت

حتي لو بتحضري فطار ولا غداء اذكري الله برده

دي الأساسيات اللي لازم نخافظ عليها يا سارة

سارة:تمام يا سلمي ربنا يجازيكي خير كملي

سلمي:ويجازيكي مثله نكمل

الهدف الأساسي

رضا الله وخدمة الدين

طبعا يا سارة مش حنسيب مذاكرتنا وحياتنا لازم يكون في توازن بين الاتنين ولازم يا سارة يكون عندي ثقة في الله وأكون متأكدة إن بإذن الله بحول الله وقوته حقدر أوازن بين الاتنين وربنا يبارك في الوقت

المشروعات اللي ممكن نشترك فيها

اللي تخدم الدين وتشغل وقتنا في رضا الله

(1) تفريغ دروس الشيوخ

اللي بتتكلم عن

التوبة مثلا والحجاب الشرعي وحب الله والثقة في الله وغيرها

الشيوخ المقترحين

الشيخ هاني حلمي – الشيخ محمد حسان – الشيخ يعقوب – الشيخ حازم شومان

وده علي سبيل المثال طبعا شيوخ أهل السنة كتير اللهم بارك وطبعا مننساش نحتسب الأجر والنية تكون خالصة لوجه الله مش عشان اشغل وقتي وخلاص ولازم انا كمان استفيد وأطبق اللي بسمعوا

(2) تعلم شيء جديد

فوتوشوب -زي ما قلت لك - برامج تقطيع الصوتيات

ودي ممكن نختار درس لشيخ معين والمقطع اللي يأثر فيكي وأنتي بتسمعيه ممكن تستخدمي البرامج دي وتقطعي المقطع ده وتنشريه علي النت

(3) نشر الدروس والمقاطع المفيدة في منتديات كتير

طبعا عشان الناس تستفيد بإذن الله ولنا الأجر والثواب

(4) كتابة الموضوعات

نصحية مفيدة- معلومة دينية – حديث نبوي – تفسير سورة وهكذا

وكمان انتي كمان تقرأي موضوعات مفيدة سواء دينية أو لا المهم تكون

مفيدة وكمان تساعدي غيرك وتردي عليهم وتشاركي برأيك

(5) توزيع المطويات

شوفي توزعي مطويات عن الحجاب الصحيح أو عن حكم الأغاني وهكذا

ودي يا سلمي النقط الأساسية اللي إن شاء الله تمشي عليها وطبعا في حاجات تانية كتير وكمان ممكن تتعلمي علم شرعي سواء في المساجد أو علي النت وأهم حاااااجة حفظ القرآن وفي منتديات كتير قوي فيها حلقات قرآن وفيها علم شرعي كتير ده غير طبعا المساجد وعليكي أنتي بقي الاختيار واديكي عرفتي ازاي تبدأي وتبدأي بإيه

هااا يا سارة حاسة انك حتبقي برده زهقانة لو عملتي كده ؟؟

سارة: إن شاء الله يا سلمي أبدأ وحاسة إن شاء الله مش حبقي زهقانة طالما حشغل وقتي بطاعة الله

سلمي:ربنا ينور بصيرتنا جميعا المهم النية والإخلاص والدعاء والصحبة الصالحة

سارة: مش عارفة اقول لك ايه يا سلمي ربنا يجازيكي خير أنا حبيت الكلام معاكي قوي مع إنك أول ما التزمتي ولبستي النقاب كلنا بعدنا عنك وقلنا بقيتي مشتددة ومتزمتة بس لما اقعدت معاكي اكتشفت العكس

سلمي: ويجازيكي مثله الحمد لله يا سارة الالتزام والنقاب مش تشدد وتزمت وتكشيرة دول أخلاق وعمل ومش مظاهر بس وكمان لازم يا سارة نتعلم إن إحنا نتعامل مع الناس كويس قوي ونتكلم معاهم الأول قبل ما نحكم عليهم ومش أول ما واحدة مننا تلتزم نبعد عنها واللي بيبعد غير الملتزمين عن الملتزمين أن الملتزم أول ما بيعرف الطريق الصح بيحب ينصح اللي حاوليه عشان جرب الاتنين وحس بقيمة الالتزام وحب الله ولذة الطاعة وكره المعصية واللي ينصحك ويكلمك في دينك ويحاول يصحح لك أخطاءك هما دول الصحبة الصالحة

وطبعا محدش معصوم من الخطأ حتي الملتزمين المهم ان احنا كلنا نعين بعض ونبقي زي المرايا اللي بتكشف عيوب ومزايا اللي واقف قدامها

سارة: صح يا سلمي ربنا يعينا علي طاعته

الله أكبر الله أكبر.... الله أكبر الله أكبر

أشهد أن لا إله إلا الله

سارة: الظهر بيأذن

سلمي: آه يا سارة رددي الآذان وإن شاء الله نصلي معاهم ونحضر الدرس

وبعد ترديد الآذان وصلاة سنن الظهر وفرض الظهر يبدأ درس المسجد وتتجمع الأخوات

هدية المسلسل

حوار مع داعية للشيخ مسعد أنور

فن الدعوة للشيخ حازم شومان

أختي المسلمة أين تقضين وقتك

[طالبة الحب فى الله]

رد: علي طول زهقانة ومش لاقياه حاجة اعملها!!

أنتهت القصة غاليتى
هى قصة قصيرة
قامت بكتابتها أخت لنا فى الله
جزاها الله كل الخير

[حياتى هناءٌ مع السنةِ]

رد: علي طول زهقانة ومش لاقياه حاجة اعملها!!

جزاك الله خيرا
قصه جميله ومفيده

[malaz]

رد: علي طول زهقانة ومش لاقياه حاجة اعملها!!

متابعه معاكى انشاء الله
جزااااااك الله خير

[طالبة الحب فى الله]

رد: علي طول زهقانة ومش لاقياه حاجة اعملها!!

جزاك الله خيرا
قصه جميله ومفيده

جزاكِ الله خيراً

متابعه معاكى انشاء الله
جزااااااك الله خير

أنتهت القصة غاليتى
جزاكِ الله خيراً

[باحثة]

رد: علي طول زهقانة ومش لاقياه حاجة اعملها!!

بسم الله الرحمن الرحيم

السلام عليكم ورحمة الله وبركاته


جميلة القصة جداً ,’

أحببت مضمونها ,’

وَ تعلمتُ من هذه القصه التالي :~

1- تنظيم الوقت ,’

2- استغلال الوقت في كل ما يرضي الله ,’

3- نخدم ديننا بما نستطيع وحتى إن كان بسيطاً ,’

وهذا الذي وصلنيْ ,’

أحببتُ القصهْ وأحببتُ المضمونْ ,’

هنا استمتعتْ ,’

وأرجوا من الله أن أستفيد وأطبق ما كُتِبَ هنا ,’

بوركتْ أنامل كاتبة القصة ,’

جزاكِ الله كل خير على النقل يا غاليهْ ,’

ودي ومحبتي لكِ ,’

كُنتُ هُنا للحظاتْ ,’


|| سُبحان الله وبحمده سبحُان الله العظيم ||

,’- استغفر الله وأتوب إليه , استغفر الله , استغفر الله -,’

^^

[مؤمنة بالله2]

رد: علي طول زهقانة ومش لاقياه حاجة اعملها!!

بارك الله فيك متابعة معك

[سمـsmsmـية]

رد: علي طول زهقانة ومش لاقياه حاجة اعملها!!

اثابك الله وبارك فيك

[حلم النهضه]

رد: علي طول زهقانة ومش لاقياه حاجة اعملها!!

سبحان الله قصه قصيرة بس عظيمة فى الفائده ما شاء الله

جزاكى الله خيرا اختى

الحمد لله استفدت منها اوى القصه

[طالبة الحب فى الله]

رد: علي طول زهقانة ومش لاقياه حاجة اعملها!!

بسم الله الرحمن الرحيم

السلام عليكم ورحمة الله وبركاته


جميلة القصة جداً ,’

أحببت مضمونها ,’

وَ تعلمتُ من هذه القصه التالي :~

1- تنظيم الوقت ,’

2- استغلال الوقت في كل ما يرضي الله ,’

3- نخدم ديننا بما نستطيع وحتى إن كان بسيطاً ,’

وهذا الذي وصلنيْ ,’

أحببتُ القصهْ وأحببتُ المضمونْ ,’

هنا استمتعتْ ,’

وأرجوا من الله أن أستفيد وأطبق ما كُتِبَ هنا ,’

بوركتْ أنامل كاتبة القصة ,’

جزاكِ الله كل خير على النقل يا غاليهْ ,’

ودي ومحبتي لكِ ,’

كُنتُ هُنا للحظاتْ ,’


|| سُبحان الله وبحمده سبحُان الله العظيم ||

,’- استغفر الله وأتوب إليه , استغفر الله , استغفر الله -,’

^^

بارك الله فيك متابعة معك

اثابك الله وبارك فيك

سبحان الله قصه قصيرة بس عظيمة فى الفائده ما شاء الله

جزاكى الله خيرا اختى

الحمد لله استفدت منها اوى القصه

جزانا وجزاكم الله كل الخير

[التائبه راجيه الفردوس]

رد: علي طول زهقانة ومش لاقياه حاجة اعملها!!

جزاك الله خيرا
قصه جميله ومفيده