علي طول زهقانة ومش لاقياه حاجة اعملها!!

[طالبة الحب فى الله]

علي طول زهقانة ومش لاقياه حاجة اعملها!!

مسلسل حواري بين سارة وسلمي

طالبتين في الجامعة وجيران وكل يوم رايحين جاين من الكلية مع بعض

الحلقة الأولي

تدور الحلقة من أول ما اتقابلوا وركبوا الترام لحد ما وصلوا الكلية

نتعرف علي الأبطال

سارة: هي اللي بتشتكي من إنها زهقانة

سلمي:حتقولها حل للمشكلة دي بإذن الله.

انتظروا الحلقة الأولي في المشاركة القادمة بإذن الله...

[باحثة]

رد: علي طول زهقانة ومش لاقياه حاجة اعملها!!

بسم الله الرحمن الرحيم

السلام عليكم ورحمة الله وبركاته


شيء حلوو وطييب ,,

في الانتظار ,,

:)

[طالبة الحب فى الله]

رد: علي طول زهقانة ومش لاقياه حاجة اعملها!!

الحلقة الأولي

سلمي:السلام عليكم ورحمة الله وبركاته..اذيك يا سارة صباح الخير اخبارك ايه النهاردة؟

سارة-بنبرة حزن-:وعليكم السلام ورحمة الله وبركاته الحمد لله يا سلمي.

سلمي-وحست إن سارة زعلانة-:ايه يا مالك مكشرة كده ليه ع الصبح وشكلك زعلان فضفضي طول عمرنا مبنخبيش علي بعض حاجة.

سارة:مفيش يا سلمي بس علي طول زهقانة كده ومش لاقياه حاجة اعملها.

سلمي: ليه بس ما احنا اهو كل يوم بنروح محاضرتنا ومشغولين بالدراسة.

سارة: ايوه يا سلمي بس برده حاسة بملل ومفيش جديد خااالص ودايما عندي وقت فراغ مع إني

يا إما في الكلية يا إما علي الكمبيوتر يا إما بتفرج علي التلفزيون.

سلمي:اممممم طيب ما تشغلي نفسك بحاجة مفيدة وتستغلي وقت الفراغ ده.

سارة:وحستغله في إيه يا ستي ما أنا قلتلك مفيش حاجة اعملها ومفيش أي حاجة جديدة وكل يوم زي اللي قبله.

ويجي الترام ويركبوا هما الاتنين وبعد ما يدفعوا التذاكر ويقعدوا هما الاتنين ويكملوا حوارهم

سلمي: يا سارة في حاجات كتير قوووي نستغل وقتنا فيها وحاجات مفيدة كمان ويمكن لما تبدأي فيها متلاقيش وقت فاضي كمان.

سارة – باندهاش-: ودي ايه الحاجات دي بقي إن شاء الله!

سلمي:ليه منفكرش نخدم دينا ونقدم أي حاجة ولو بسيطة لدينا وللشباب والبنات اللي لسه معرفوش طريق ربنا وتايهين في السكة الغلط.

سارة:واحنا حنعمل ايه يعني ؟ونخدم دينا إزاي ؟ وهي ايه الحاجات دي اللي حتشغل وقتي وفي نفس الوقت تخدم ديني ؟

سلمي:حنعمل حاجات كتير قوي يا سارة بس احنا اللي مش واخدين بالنا ومشغولين في الدنيا ومشغولين في النهادرة حذاكر امتي وحرغي شوية علي الشات مع فلانة وفلانة وبالليل اتفرج علي المسلسل ويا تري ام دلال حتتطلق ولا لا؟؟

وأكلت وشربت ونمت وصحيت

وطول النهار علي الفيس بوك خارجة داخلة علي الجروبات وألف في النت وخلاص علي كده.

سارة:صحيح عندك حق هو ده فعلا يومي ومش بعمل غير الحاجات دي مع إنك أنتي يا سلمي ولا بتتفرجي علي مسلسلات ولا أفلام ولا بتحبي الفيس بوك أنا مش عارفة انتي ما شاء الله

مسمعتش منك شكوي زهق ولا سمعتك بتتكلمي عن مسلسلات

سلمي:ما أنا يااااما قلت لك بلاش تشغلي وقتك وتضيعه في المسلسلات والأفلام ده غير يا سارة ان انا قلتلك حكم المسلسلات من فترة فاكرة اول ما التزمت وقلت لك كل الحاجات الغلط اللي احنا بنعملها ومن ضمنها المسلسلات بس للأسف انتي مسمعتيش كلامي وبرده بتتفرجي عليها.

اقتباس:

حكم مشاهدة الأفلام والمسلسلات العربية والأجنبية ، وحكم سماع الأغاني

اقتباس:

السؤال: هل مشاهدة المسلسلات ، والأفلام حرام أم حلال ؟ وأيضا سماع الأغاني هل هو حرام أم حلال ؟ .

الجواب:
الحمد لله
أوجب الله تعالى على المسلم أن يحفظ جوارحه عن فعل المحرمات ، وهذا الحفظ لتلك الجوارح يدخل في شكر تلك النعَم الجليلة التي أنعم الله بها على عباده ، وقد توعَّد الله تعالى مصرِّف تلك النعم في المعاصي بالوعيد الشديد ، ومن أهم تلك الجوارح : سمعه ، وبصره ، وهما طريقاه إلى تلف قلبه ، وفعل الفواحش المنكرة ، والكبائر المُردية ، وأعلمنا تعالى أنه سائلنا عن ذلك يوم نلقاه ، فقال تعالى : ( إِنَّ السَّمْعَ وَالْبَصَرَ وَالْفُؤَادَ كُلُّ أُولئِكَ كَانَ عَنْهُ مَسْؤُولاً ) الإسراء/ 36 .
قال ابن القيم رحمه الله :
الجوارح السبعة وهي : العين ، والأذن ، والفم ، والفرج ، واليد ، والرِّجل : هي مراكب العطَب والنجاة ، فمنها عطبَ مَن عطبَ بإهمالها ، وعدم حفظها ، ونجا مَن نجا بحفظها ، ومراعتها ، فحِفْظها أساس كل خير ، وإهمالها أساس كل شر ، قال تعالى : ( قل للمؤمنين يغضوا من أبصارهم ويحفظوا فروجهم ) النور/ 30 ... .
" إغاثة اللهفان " ( 1 / 80 ) .
وفي الجمع في الآية الكريمة بين غض البصر وحفظ الفرج إشارة إلى أن غض البصر سبب لحفظ الفرج ، وأن إطلاق البصر ، سبب للوقوع في الفاحشة .
وعن أبي هُرَيْرَةَ رضي الله عنه عَنْ النَّبِيِّ صَلَّى اللَّهُ عَلَيْهِ وَسَلَّمَ قال : (فَزِنَا الْعَيْنِ النَّظَرُ ، وَزِنَا اللِّسَانِ الْمَنْطِقُ ، وَالنَّفْسُ تَمَنَّى وَتَشْتَهِي ، وَالْفَرْجُ يُصَدِّقُ ذَلِكَ كُلَّهُ وَيُكَذِّبُهُ ) .
وفي رواية لمسلم : ( فَالْعَيْنَانِ زِنَاهُمَا النَّظَرُ ، وَالأُذُنَانِ زِنَاهُمَا الاسْتِمَاعُ ، وَاللِّسَانُ زِنَاهُ الْكَلامُ ، وَالْيَدُ زِنَاهَا الْبَطْشُ ، وَالرِّجْلُ زِنَاهَا الْخُطَا ، وَالْقَلْبُ يَهْوَى وَيَتَمَنَّى ، وَيُصَدِّقُ ذَلِكَ الْفَرْجُ وَيُكَذِّبُهُ ) رواه البخاري ( 6243 ) ومسلم ( 2657 ) .
قال الشيخ محمد الأمين الشنقيطي رحمه الله :
ومحل الشاهد منه قوله صلى الله عليه وسلم ( فزنى العين النظر ) ، فإطلاق اسم الزنى على نظر العين إلى ما لا يحلّ : دليل واضح على تحريمه ، والتحذير منه ، والأحاديث بمثل هذا كثيرة معلومة .
ومعلوم أن النظر سبب الزنى ؛ فإنَّ مَن أكثر مِن النظر إلى جمال امرأة - مثلاً - : قد يتمكن بسببه حبّها من قلبه تمكّنًا يكون سبب هلاكه - والعياذ باللَّه - ، فالنظر بريد الزنى .
" أضواء البيان " ( 5 / 510 ) .
ثانياً:
ما يُشاهد في المسلسلات والأفلام والتمثيليات من تبرج النساء التبرج الفاضح ، ومن ميوعتهن ، وتكسرهن ، ورقصهن ، وغنائهن : كل ذلك من المحرمات في دين الله تعالى ، ومن أسهل الطرق لتربع الشيطان على قلب المشاهد ليسكن فيه ويفرِّخ ، ومن ثمَّ يستلم زمام القيادة ، ليوجهه وأعضاءه حيث يكون سخط الرب تعالى .
والحديث السابق في (أن زنى العين النظر ، وزنا الأذن الاستماع) ينطبق على هذه المشاهدات بلا ريب .
ولا ينبغي لأحدٍ أن يجادل في الآثار السيئة لتلك المسلسلات والأفلام على المجتمعات عموماً ، وعلى الشباب والشابات خصوصاً ، حتى إن الممثل ليفتن المرأة المتزوجة فتتعلق به ، وتهدم بيتها بيدها ، وحتى إن الشباب ليتعلقون بالممثلات الجميلات فيتركون لأجل ذلك الزواج الحلال للبحث عن المتعة الحرام ، أضف إلى ما قد يكون في تلك المعروضات من إخلال بالعقيدة الإسلامية ، وتعليم العنف ، وتسهيل الجريمة ، والجرأة على شرب الخمور ، وصحبة الأجنبيات ، وغير ذلك من الآثار السيئة .
وانظر أجوبة الأسئلة : ( 3633 ) و ( 3324 ) و ( 1107 ) و ( 13003 ) ، حول حكم مشاهدة التلفاز ، والأفلام العلمية ، وغيرها .
ومثل ما قلنا في المشاهَدات المحرمة نقول في المسموعات المحرَّمة ، فالأغاني والمعازف التي ملأت الدنيا بما فيها من منكرات ، ودعوة لفعل الفواحش ، من الغرام بالأجنبيات ، ومواعدتهن ، والتأوه على فراقهن لا شك في تحريمها .
وانظر في تحريم الاستماع للأغاني : جواب السؤال رقم ( 5000 ) .
وبما سبق يُعرف أن الحكم الشرعي لسماع الموسيقى ، ورؤية الأفلام ، والمسلسلات ، التي تعرض في القنوات العامة والخاصة : أنه لا شك في حرمة عرضها ، وحرمة مشاهدتها ، واستماعها .
ونسأل الله تعالى أن يصلح أحوال المسلمين .
والله أعلم

الإسلام سؤال وجواب

سارة: حعمل ايه بقي ما هو مش بلاقي حاجة قدامي غيرها ما أنتي عارفة اني بحافظ علي الصلاة وبقرأ قرآن واهو بطلت اسمع أغاني كمان والحمد لله حعمل ايه تاني بقي.

سلمي:شوفي يا سارة يا حبيبتي مش معني اني محافظة علي صلاتي وبقرأ قرآن ومبسمعش أغاني يبقي انا كده بقي أقف ومكملش الطريق لا أنا لازم أكمل.

سارة: طيب وهو ايه باقي الطريق وانتي برده مقلتيش حشغل وقتي بإيه وايه اللي حخدم بيه الدين؟وإزاي بقي مش حيبقي عندي وقت فاضي هو أنا حخترع الذرة.

سلمي: لا يا ستي مش حنخترع الذرة ولا حاجة تعالي بس نستعد أحسن خلاص إحنا نازلين المحطة الجاية إن شاء الله وبعدين نبقي نكمل كلامنا.

سارة:يلا بينا فاضل ربع ساعة علي المحاضرة إن شاء الله ده احنا اتأخرنا النهاردة

يلا عشان نلحق مكان قبل الزحمة

وينزلوا سارة وسلمي من الترام ويدخلوا الكلية

ويسلموا علي بقية صحباتهم ويروحوا كلهم يقعدوا في المدرج عشان يلحقوا قبل الزحمة وانشغلوا واقعدوا واستعدوا للمحاضرة

وسلمي وسارة يتفقوا يكملوا كلامهم بعد المحاضرة.

انتظرونا في الحلقة الثانية

من مسلسل

علي طول زهقانة ومش لاقياه حاجة اعملها!!

وحنشوف سلمي حتقول لسارة ايه ؟

ويا تري ايه الحاجة اللي حتخلي سارة

تبطل كلمة((زهقانة))

[منايا الجنه]

رد: علي طول زهقانة ومش لاقياه حاجة اعملها!!

جزاك الله خيرا
متابعه معاكى ان شاء الله

[فاطمة سعد]

رد: علي طول زهقانة ومش لاقياه حاجة اعملها!!

جزااااااااااااااااكى الله خيرااا

[حلم النهضه]

رد: علي طول زهقانة ومش لاقياه حاجة اعملها!!

ما شاء الله ما اجمل الموهبه اللى تطلع فى شكل راقى ويخدم الدين

منتظراااااااااااااااااااكى

[زوجة الشهيد]

رد: علي طول زهقانة ومش لاقياه حاجة اعملها!!

متابعين ان شاء الله

[*حوراء*]

رد: علي طول زهقانة ومش لاقياه حاجة اعملها!!

جزاكِ الله خيراااااااا


متابعة إن شاء الله

[حياتى هناءٌ مع السنةِ]

رد: علي طول زهقانة ومش لاقياه حاجة اعملها!!

متابعه معكِ وننتظر البقيه
مسلسل رائع.
جزاك الله خيرا

[طالبة الحب فى الله]

رد: علي طول زهقانة ومش لاقياه حاجة اعملها!!

جزاك الله خيرا
متابعه معاكى ان شاء الله

جزااااااااااااااااكى الله خيرااا

ما شاء الله ما اجمل الموهبه اللى تطلع فى شكل راقى ويخدم الدين

منتظراااااااااااااااااااكى

متابعين ان شاء الله

جزاكِ الله خيراااااااا


متابعة إن شاء الله

جزاكم الله كل الخير

[طالبة الحب فى الله]

رد: علي طول زهقانة ومش لاقياه حاجة اعملها!!

متابعه معكِ وننتظر البقيه
مسلسل رائع.
جزاك الله خيرا

جزانا وإياكى غاليتى

[رحمتك ربى وغفرانك]

رد: علي طول زهقانة ومش لاقياه حاجة اعملها!!

جزاكى الله كل خير
وفى انتظار الباقيه

[مشتاقة للحرمين]

رد: علي طول زهقانة ومش لاقياه حاجة اعملها!!

متابعين باذن الله

[العاءدة لمولاها]

رد: علي طول زهقانة ومش لاقياه حاجة اعملها!!

لا زلنا معك على الخط
موضوع مشوق
جعله الله في ميزان حسناتك

[amato allah ada3ifa]

رد: علي طول زهقانة ومش لاقياه حاجة اعملها!!

متابعه معاكى ان شاء الله
منتظراااااااااااااااااااكى