هنا " عيادة الباطنة " .. نسأل الله الشفاء للجميـــــــــــــــــع ..

[ايمان رحمة]

رد: هنا " عيادة الباطنة " .. نسأل الله الشفاء للجميـــــــــــــــــع ..

السلام عليكم

انا عندى مشكالة هو انى نحيييفة جدا

شهيتى للاكل قليلة بس يعنى عادى

من فترة كنت تحت ضغط عصبى جامد وجالى اسهال

من بعدها انا ليس عندى قابلية للاكل ابدا مش باكل الا النواشف

فقط والحلويات مخاصماها خالص

بالله عايزة حاجة لعلاج سدة النفس دى

[الذليلة لله وحده]

رد: هنا " عيادة الباطنة " .. نسأل الله الشفاء للجميـــــــــــــــــع ..

لو سمحتى أختى انا شغلى صعب ساعات أثناء الشغل او بعده بحس ان جسمى كله بيرتعش وساعات بحس انى شوية مصدعة او راسى مش مظبوطة واحيانا ضغطى بيوطى بس الرعشة بتبقى فى جسمى كله

ومن يومين بعد العشا مباشرة جالى هبوط قاومت للصبح وكنت صايمة بس بقى حسيت ان دماغى شوية مصدعة واحساس بnausea وقست الضغط لقيته 90على اقل من50

عامة انا ماحسيتش انه هبوط الا لما قست الضغط وكمان بيبقى فيه دوخة وجزاكِ الله خيرا

[الذليلة لله وحده]

رد: هنا " عيادة الباطنة " .. نسأل الله الشفاء للجميـــــــــــــــــع ..

اختى اود ان اخبرك ان نسبة الهيموجلوبين 11.5 وايضا أعانى من القولون العصبى

[تلميذة حازم شومان .]

رد: هنا " عيادة الباطنة " .. نسأل الله الشفاء للجميـــــــــــــــــع ..

جزاكم الله خير
رااااااااااااااااااائع جدااااااااااااااا
بارك الله فيك اختى محبة السلف

[moslma lillah]

رد: هنا " عيادة الباطنة " .. نسأل الله الشفاء للجميـــــــــــــــــع ..

اين انتي اختنا محبة ؟؟؟؟؟
لعل المانع خيــــــــــر

[محبة السلف]

رد: هنا " عيادة الباطنة " .. نسأل الله الشفاء للجميـــــــــــــــــع ..

عذرا -أخواتي الفاضلات - لتأخري في الرد لظروف خاصة ..
سيتم الرد على استفساراتكم إن شاء الله

السلام عليكم

انا عندى مشكالة هو انى نحيييفة جدا

شهيتى للاكل قليلة بس يعنى عادى

من فترة كنت تحت ضغط عصبى جامد وجالى اسهال

من بعدها انا ليس عندى قابلية للاكل ابدا مش باكل الا النواشف

فقط والحلويات مخاصماها خالص

بالله عايزة حاجة لعلاج سدة النفس دى

وعليكم السلام
حياكِ الله أختي الفاضلة
أمر النحافة أهون بكثير من السمنة ولله الحمد لكن يحتاج صبر معه ..

بالنسبة للنحافة مبدئيا بنحسبها طبيا بقانون معين بنقوم فيه بعمل قسمة الوزن بالكيلو جرام على مربع الطول بالمتر ( مش السنتميتر )
والطبيعي يكون ما بين 18.5- 24 تقريبا
أقل من 18 نحيف
أكتر من 24-29 زيادة في الوزن ( بالعامية مليان شوية )
أكتر من 29: سمين ( بالعامية تخين )
ياريتك تجربي الموضوع معاكِ وتشوفي نسبة النحافة عندك شديدة جدا ولا بسيطة ده أولا
بالنسبة لأسباب النحافة فهي ممكن تكون لها أسباب عضوية زي سوء التغذية ( مش بكمية الأكل لكن المهم يكون فيه وجبة متكاملة ) وسوء الامتصاص أو ديدان في بطنك أو زيادة نشاط الغدة الدرقية ( بس دي مستبعدة لأن المريض يباكل كتير ومفيش زيادة في الوزن ) أو ربنا يعافيكِ سرطان في الجسم
غير الأسباب العضوية ممكن يكون بسبب الضغط النفسي والتوتر لأنه بيأثر على الوزن ده غير إنك ممكن تنسد نفسك ومتاكليش كويس ( وهذ ما لاحظته في كلامك ) .
الشيئ الأخير من أسباب النحافة ممكن يكون مفيش سبب عضوي ولانفسي وإنما دي حاجة طبيعية في الجسم ووراثية في العيلة .

خلاصة الأمر :
اللي ظاهر من كلامك إنك كان عندك إسهال وده هيأثر شوية ع الوزن وخصوصا لو طول لأن الجسم بيفقد من خلاله عناصر مهمة للجسم
فيرجى علاج الاسهال في أوله لأنه له مشاكل كتير ممكن توصل للوفاة لو كان شديد وطول
حضرتك ذكرتي إنك تعرضتي لضغط عصبي وده بيأثر برضو ع الوزن بشكل كبير لأن التوتر والزهق ممكن يجعلك متاكليش خالص وهيخليك تفقدي سعرات حرارية من الجسم وغالبا ده اللي مأثر عليكِ هذه الأيام ,, والله أعلم
العلاج إن شاء الله
هو محتاج صبر شوية :
أولا : علاج الاسهال لو لسه موجود والتقليل من التوتر بقدر الامكان ( ممكن تاخدي فيتامين د ممكن تلاقيه في اللبن الرائب مثلا وهو كويس للأعصاب ) والتأكد إنه مفيش ديدان .

ثانيا :بالنسبة للنظام الغذائي :
* هتاكلي 3 وجبات رئيسية زي المعتاد ومتفوتيش وجبة الافطار وجربي صدقيني لو أكلت الصبح وضغطي على نفسك ولو نصف رغيف هتحسي بالجوع بعدها بكام ساعة ,
* 3 وجبات صغيرة سريعة كده بين الوجبات سندوتشات مثلا
*فيه أكلات مليانة بالطاقة زي العسل الأبيض ( يقال إنه فيه فوائد كثيرة جدا لو معلقة ع الأقل كل يوم الصبح مفيد جدا ) والتمر به فوائد كتيرة اللهم بارك و اللبن ( ممكن تشربي كل يوم كوب منه ) وكوكتيل فواكه زي العنب والموز .
* حاولي تعملي أكلات بطريقة تفتح النفس .
* تمضغي الأكل كويس علشان المعدة تهضمه كويس وتستفادي بأكبر قد منه .
*تاكلي فواكه وخضار كتير علشان الفيتامينات . بس خلي السلطة في نهاية الأكل .
أخيرا ياريت لو تعملي شوية رياضة كل يوم ( رياضة بسيطة ) .
شفاكِ الله وعافاكِ أختي الفاضلة

[ايمان رحمة]

رد: هنا " عيادة الباطنة " .. نسأل الله الشفاء للجميـــــــــــــــــع ..

السلام عليكم

شكرا جزيلا اختى محبة السلف على الرد الوافى

لو تذكرى لى اسم فاتح للشهية

وجزاك الله خيرا

[moslma lillah]

رد: هنا " عيادة الباطنة " .. نسأل الله الشفاء للجميـــــــــــــــــع ..

اختنا محبة
استشارة عاجلة جدا
امي ضغظها مرتفع جدا قستهولها دلوقت لاقيته 180 \ 110 وعندها دوخة ,
هي المفروض كانت بتخد دواء " ناتريلكس " ولكنها مش منتظمة فيه وبقالها فترة متوقفة عنه
هل لو اخدت 2 او 3 منه مرة واحدة عشان ينزل الضغط غلط ؟؟؟؟؟؟؟؟؟؟؟؟

[~باغية الجنان العلى~]

رد: هنا " عيادة الباطنة " .. نسأل الله الشفاء للجميـــــــــــــــــع ..

لا حول ولا قوة الا بالله
نسأل الله ان يشفيها شفاءا لا يغادر سقما
وفي انتظار دكتورتنا الفاضلة

[محبة السلف]

رد: هنا " عيادة الباطنة " .. نسأل الله الشفاء للجميـــــــــــــــــع ..

اختنا محبة
استشارة عاجلة جدا
امي ضغظها مرتفع جدا قستهولها دلوقت لاقيته 180 \ 110 وعندها دوخة ,
هي المفروض كانت بتخد دواء " ناتريلكس " ولكنها مش منتظمة فيه وبقالها فترة متوقفة عنه
هل لو اخدت 2 او 3 منه مرة واحدة عشان ينزل الضغط غلط ؟؟؟؟؟؟؟؟؟؟؟؟

عذرا أختنا لم أرى المشاركة إلا الآن فلم أكن متواجدة والله المستعان ..
على كل حال كيف حال الوالدة الآن ؟ لعلها بخير ..

ما يهمنا الان أن نعرف كيف نتصرف عند حدوث هذا الأمر ثانية - لا قدر الله -..

أولا : طالما والدتك مريضة ضغط كما شخص ذلك الطبيب فلا بد أن تنتظم على أخذ العلاج بالجرعة التي حددها الطبيب وتتابع قياس الضغط فإن لم تسترح عليه رغم انتظامها عليه ترجع للطبيب المختص ليحدد لها نوع آخر أو يزيد الجرعة كما يرى هو ومتقللش ولا تزود هي من نفسها بارك الله فيكِ..

ثانيا : عند ارتفاع الضغط أكثر من 140 | 90 ( وإن كان البعض بيقول لو أكثر من 150 | 90 لأن حتى 150| 90 ممكن يكون علو بسيط لزهق مثلا أو توتر ) هنا يعتبر حالة حرجة ويتم التعامل معه كالتالي :

* هتعطيها أمبول لازكس وريد تركيزه 40 مجم .. وتدخل الحمام 3 مرات وبعدين نقيس الضغط تاني لو نزل 10 أو 20 ده معناه إن فيه تحسن للمريض وإن شاء الله هيقل ..
* لوملقناش تحسن بعد الأمبول هنعطيلها لازكس وريد تركيزه 40 مجم تاني ونفس الخطوات السابقة (تدخل الحمام 3 مرات وبعدين نقيس الضغط تاني لو نزل 10 أو 20 ده معناه إن فيه تحسن للمريض وإن شاء الله هيقل) ..
* لو لقيناه لسه عالي بعد الخطوتين اللي فاتوا يبقى نعطيها قرص كابوتين 25 مجم ..لو لسه عالي يبقى تروح لطبيب قلب يشوف الموضوع ..

ويرجى مراجعة الطبيب لمعرفة السبب زي ماقلنا لعلاجه ..

شفاها الله وعافاها .. سلامي لها أختي الفاضلة

[moslma lillah]

رد: هنا " عيادة الباطنة " .. نسأل الله الشفاء للجميـــــــــــــــــع ..

بارك الله فيك اختنا بالفعل عملت مثل ما قلتي ولكنها خدتها عضل مش وريد
ولكن الحمد لله ذهبنا بها للدكتور ع الفور
والحمد لله هي الان احسن بفضل الله

جزاكِ الله خيرا اختنا ونفع بك
____________-
جزاك الله خيرا اختنا باغية الجنان

[تاركة الدنيا]

رد: هنا " عيادة الباطنة " .. نسأل الله الشفاء للجميـــــــــــــــــع ..

السلام عليكم ورحمه الله وبركاته
حياكم الله وبياكم وجعل الله الجنه مثوانا ومثواكم
بارك الله فى القائمين على هذا الصرح الطبى الرائع
وبارك الله فى طبيبتنا الفاضله محبه السلف
احتاج اليكِ فى مشكله كنت قد عرضتها فى الخاص ولكنى سأضعها لكِ هنا لانى بحاجه الى رأى الطب فى هذا الامر
هذا رابط المشكله لا الا الا الله
وهذه المشكله بإختصار

اخت اوشكت على بلوغ العقد الثانى من عمرها اى ان عمرها الان 20 عام
ابتلاها الله بمرض التبول اللا ارداى نسأل الله ان يشفيها وجميع مرضى المسلمين
لم ينتبه والديها لخطوره هذه المشكله سوى مؤخرا فمنذ سنه فقط قررا الذهاب بها الى الطبيب وكما تقول انه طبيب مشهور جداااا وذا سمعه طيبه ومعروف بكفاته
طلب منها العديد من التحاليل
فقامت بعمل تحاليل بول واشعه على العمود الفقرى وكشف سونار على الرحم والمبايض
وجاءت نتيجه التحاليل ولله الحمد جميعها سليمه
اخبرها الدكتور انه لا يوجد مرض عضوى وانا ما يحدث هذا ما هو الا مرض نفسى وكتب لها علاج وهو انافرونيل وقال لها ان هذا هو العلاج الوحيد الذى يناسب حالتها
ظلت تتناول هذا العلاج لمده سنه مع المتابعه عند الدكتور بحد اقصى كل شهرين ولكن ....
حدثت لها انتكاسه فظلت فى بدايه الامر تتناول الدواء يوميا لمده شهر ولله الحمد كانت هناك نتيجه ايجابيه ثم لظروف انقطعت عن العلاج لمده عده ايام ففوجئت بعوده التبول مره اخرى اثناء الليل
اصابتها الحسره واجرت عده اختبارات لنفسها كانت نتيجتها انها طالما هى تتناول الدواء لم يحدث تبول اذا ما حدث يوما ونسيت اخذ الدواء تحدث الانتكاسه وتصاب بالتبول
اخبرت الدكتور بذلك الامر فأخبرها ان هذا العلاج لابد من الاستمرار عليه لمده طويله ليأتى بالمفعول ان شاء الله
وهى الان قربت على مرور اكثر من سنه على تناولها الدواء وبنفس الطريقه اذا اخذته لا تتبول واذا نسيت اخذه تتبول
اطلب مساعدتها وهل لديكن اى خبره فى هذا الامر سواء من الناحيه العلاجيه او من الناحيه النفسيه
و تفسير لما يحدث لها مع العلم انها غير مصابه بأى مرض عضوى وتقول ان حالاتها النفسه مطمأنه الى حد ما
وان تنصحوها بنصائح عامه فى هذا الامر وماذا عليها ان تفعل للتخلص منه

اريد الرد
اسأل الله ان يبارك فيكِ ويتقبل منكِ ويجعل عملك هذا خالصا لوجهه الكريم
ولا تنسى قول الحبيب المصطفى الله فى عون العبد ما كان العبد فى عون اخيه
بوركتِ
ــــــــــــــــــ
اللهم صلِ وسلم وبارك على سيدنا محمد

[محبة السلف]

رد: هنا " عيادة الباطنة " .. نسأل الله الشفاء للجميـــــــــــــــــع ..

السلام عليكم
عذرا أخواتنا لتأخري سيتم الرد عليكن إن شاء الله
شفاكن الله وعافاكن

[محبة السلف]

رد: هنا " عيادة الباطنة " .. نسأل الله الشفاء للجميـــــــــــــــــع ..

لو سمحتى أختى انا شغلى صعب ساعات أثناء الشغل او بعده بحس ان جسمى كله بيرتعش وساعات بحس انى شوية مصدعة او راسى مش مظبوطة واحيانا ضغطى بيوطى بس الرعشة بتبقى فى جسمى كله

ومن يومين بعد العشا مباشرة جالى هبوط قاومت للصبح وكنت صايمة بس بقى حسيت ان دماغى شوية مصدعة واحساس بnausea وقست الضغط لقيته 90على اقل من50

عامة انا ماحسيتش انه هبوط الا لما قست الضغط وكمان بيبقى فيه دوخة وجزاكِ الله خيرا

هلا فيكِ أختي الفاضلة
بداية اعتذر لك جدا جدا لتأخري في الرد ..
لكن أحب أبشرك أن مرض الضغط المنخفض أفضل بكثيير من الضغط العالي وإن كان له مشاكله إلا أنه أهون بكثيير من الضغط العالي ..
ما تقولينه هو هبوط في الضغط ويؤكد ذلك قياسك للضغط ولتمام الفائدة لا يتم تفرقة الضغط العالي من المنخفض إلا بقياس الضغط فكلاهما سبب صداع .. فلا داعي للمجازفات والتعامل دون التثبت بقياسه
أختي الفاضلة أنتِ قلتي أن ضغطك ظهر90على اقل من 50 ..
- وهذا منخفض أختي ولا يجب إهمالك له فالضغط المنخفض صحيح أخف من العالي لكن لو أهمل قد يدخل المريض في صدمة والتي قد تصل به للموت -لا قدر الله
وعليه أختي الفاضلة عليكِ متابعة ضغطك دوما :
# فإن كان حالة مؤقتة (acute ) غير مزمنة فسيتم التعامل معه كالتالي :
*** لو كان الضغط 80|50 ما يمكنك عمله
^ أكل طعام مملح زي المخللات مثلا لرفع الضغط إلى حد ما .. كذلك تستلقي على ظهرك مع رفع رجليك الاتنين لأعلي وده بيحسن venous return فبيحسن الدم الواصل للأعضاء الحرجة كالمخ
^ هذا حل مشهور لو مش عايزة تبدأي بأدوية لو وجدتي نفسك تحسنتي فبها ونعمت أما لو لقيتي نفسك زي ما أنتي يبقى هتحتاجي تعلقي محلول رينجر مضاف له حقنة السوليكورتيف ويتاخد ببطئ ساعة ونصف بالتقريب
..
*** لو كان الضغط أقل من 80| 50 هنبدأ بمحلول ملح 500 سم ببطئ وبعدين ندخل بعدها محلول رينجر وطبعا هنضيف لهم برضو حقنة السوليكورتيف ..
الكلام ده لو الضغط بيأتي على فترات ..
# أما لو كان مزمن chronic ( كل ما تقيسيه تلاقيه واطي علطول ) فهنا نحتاج لعلاج له كـ:
* effortil إيفوريتيل أقراص أو نقط
الأقراص : على حسب الحالة وتحسنها ممكن مرة أو مرتين في اليوم
النقط: 15 نقطة على كوب ماء الصبح وبالليل أو الصبح بس
لو محصلش استجابة ممكن تستخدمي :
* كورتيلون أو فاسكول أو جاترون ونفس الجرعات


طبعا كأي مرض الافضل معرفة السبب لعلاجه : وأشهر أسباب الهبوط الانيميا وخصوصا أنيميا الحديد ,, أسباب في القلب , أسباب خاصة بالغدد ,, فقد كمية سوائل كتيرة زي في حالات الاسهال وفقد دم كتير زي في حالات النزيف الشديدة , والارهاق الشديد .. فيتم التعامل مع السبب وعلاجه هذا أفضل شئ ..

اختى اود ان اخبرك ان نسبة الهيموجلوبين 11.5

أختي عندك نسبة أنيميا بسيطة وهذا الأمر ممكن يحدث لنسبة كبيرة من النساء بسبب فقد الدم في فترة الحيض .. يمكنك استخدام دواء اسمه هيما كابس لمدة شهرين مرة يوميا وإن شاء الله تكون حالتك كويسة بعدها ..
الخلاصة : عندك انيميا بسيطة جدا لكن ممكن تستخدميلها هيماكابس
لا ترهقي نفسكِ كثيرا في الشغل
لو قل الضغط افعلي ما قلناه سابقا
ملحوظة : هناك بعض الناس بيكون ضغطهم واطي دايما لكن عاديين طالما مفيش شكوى ولا أعراض .. وهناك ضغط واطي بينشأ من طول الوقوف فقط .. هذه أنواع جانبية لتمام الفائدة ..
شفاكِ الله وعافاكِ
أكرر أعتذاري أختي الفاضلة
لا تنسيني من الدعاء بظهر الغيب

[الذليلة لله وحده]

رد: هنا " عيادة الباطنة " .. نسأل الله الشفاء للجميـــــــــــــــــع ..

جزاكِ الله خيرا دكتورتنا محبة السلف عندى سؤال تانى لو سمحتى أحيانا جسمى كله بيرتعش أثناء الشغل فيه ناس نصحتنى آخد فيتامينات خاصة د ايه هى نصيحتك ليا وجزاكِ الله خيرا ووفقك الله لما يحبه ويرضى