مش مكسوفه منه ؟؟ يا قلبك الجامد !!! .

[ام اُبى]

نفترض انك بتحب حد

وانك ضايقت حبيبك وزعلته
طبعا ضميرك هيأنبك

و تقعد تلوم نفسك انا ازاى عملت كده ويمكن متعرفش تنام

وتتخنق وتبكى وتبقى تعبان ومهموم

و تفكر و تحتارو تفكر مليون مرة ازاى تصالحه و تقوله انا آسف!!

وتزعل لو ضايقته او لو هو ضايقك وتقول ازاى انا هنت عليه

تعرفوا مين ده اللى انتوا زعلانين على... زعله و ميهونش عليكم زعله؟؟؟!!
ده.. عبد الله او امة الله


وهنا يجى السؤال

يا ترى كام مرة هان عليك ربنا؟؟؟!!؟؟؟!!!
كام مره نمت و انت مش فار ق معاك انك أغضبته ؟؟!!!
كام مره نمت و انت فيتك صلاة واجبة؟؟!!!

كام مره نمت و انت مكلفتش نفسك تقول ... أستغفر الله!!!
عشان يسامحك


سألت نفسك كام مرة بكيت عشانه ؟؟!!!

مهانش عليك؟؟!!
طب محسيتش انه حبيب ليك وانت أغضبته ونفسك تصالحه؟؟؟!!!

محسيتش انك قصرت فى حقه؟؟!!!
متألمتش ومسألتش نفسك وانت فى الموقف الفلانى . . . . . يا ترى هو غضبان عليا ولا ؟؟!!!!

طب مفكرتش انه هو كمان بيفكر فيك
ليه تخلى ربنا يكون أهون الناظرين ليك
ليـــــــــــــــــــــــــه

طب مسألتش نفسك كام مره نمت و انت عاصيه؟؟!!
طب قلتله أنا آسف متزعلش منى يا رب ؟؟
طب مش نفسك تتكلم معاه؟؟؟!!

هتقولى هتكلم معاه ازاى؟؟!!
عن طريق سجدتك و انت بين ايديه ده اقرب ما يكون العبد إلى ربه وهو ساجد..

نفسك يرد عليك يقولك انا سمعك؟؟!!!!
اقرأ القران ايوه اقرأ القران..
إذا أردت أن تكلم الله فعليــك بالصــــلاة
وإذا أردت أن يكلمك الله فاقرأ القرآن ...

طب محسيتش فى مرة انه حبيبك
هو اللى عالم كل اسرارك قبل ما تعلمها


مفكرتش تطلب منه المعونة و يقف جنبك بصلاة استخارة؟؟!!

طب محبتش تشكى همومك ليه ؟؟
طب مسألتش نفسك لو حبيبك سابك

و كل صحابك و جيرانك و اهلك متخانقين معاك
وبقيت لوحدك بتبكى و الدنيا متقفلة فى وشك


هتعمل ايه مين هيسمعك مين هيطبطب عليك

محبتش يكون فيه واحد جنبك يحس بيك وشايف كل حزنك ودموعك,
معاك و بيناديك وبيقويك تنديه
عشان يرد عليك ويقولك

لبيك عبدى لبيك


يا اللٌــــــــــــــــــــــه


ربنا بيقولك

تعالى انا عايز اسمعلك ..تعالى اسعدك احللك مشاكلك ..
ربنا عايز يريحك وانت مش بتطيعه ..
للدرجة دى هان عليك ؟؟؟!!!!

تخيل وانت بتعمل ذنب كبير
ربنا شايفك ومع ذلك بينجينا و يحفظنا

ويبقى مستنينا نرجعله
وبعد ده كله تنام عادى كده ولا همك غضبه


مفكرتش ان بأخذة عزيز مقتدر يقبض روحك اللى انت فرحان بيها فى لحظه
و يقولك خلاص آن الأوان
مفكرتش هتقله ايه

هتقله يا رب انا كنت بزعل على زعل حبيبى وانت لا ؟؟!!!
محسيتش فى مرة أنه
الوحيد اللى عنده قدرة رهيبة على المسامحة

و مهما تعمل و ترجعله بيغفر لك عشان بيحبك بجد

وفى الاخر انا هسبكم تفكروا وتسألوا نفسكم
انا ازى هان عليا غضب ربنا ازااااااااااااااى؟؟!!!ـ


يلا كلنا قبل منام نتوب
ونرجع لربنا حبيبنا

ونقله سامحنا يا رب


سامحنــــــــــــــــــــــا


أستغفر الله الذى لا اله الا هو الحى القيوم واتوب اليه

[محبة حبيب الله]

رد: مش مكسوفه منه ؟؟ يا قلبك الجامد !!! .

جزاك الله خير

[اسلامي فخري]

رد: مش مكسوفه منه ؟؟ يا قلبك الجامد !!! .

أختى الكريمة
جزاكِ الله الفردوس الأعلى على هذه الكلمات الرقراقة
لكم يجهل الكثير منا هذه المعانى العذبة
بارك الله فيكِ

[تاركة الدنيا]

رد: مش مكسوفه منه ؟؟ يا قلبك الجامد !!! .

اختى الفاضله
جزاكِ الله خيرااا اطرح رائع لموضوع رائع
سلمت يمينك
اسأل الله ان يغفر لنا ذنوبنا واسرافنا فى امرنا
اسأل الله ان يرزقنا توبه قبل الممات وشهاده عند الموت وجنه ونعيم بعد الموت انه ولى ذلك والقادر عليه
بوركتِ
ـــــــــــــــــــ
اللهم صلِ وسلم وبارك على سيدنا محمد

[أبكتنى ذنوبى]

رد: مش مكسوفه منه ؟؟ يا قلبك الجامد !!! .

بارك الله فيكى اختى الكريمه وجزاكى الله وايانا الجنه


للحب سرا لازلت اجهله ***وكم سواى بسر الحب قد حاروا
اليس فى الليل للعباد اسرار***حمر محاجرهم ..بيض مدامعهم ..
وفى الشفاه ترتيل واذكار ***
فلكل قلب اذا ما حب اسرار***وكل حب لغير الله ينهار

[Mesk el gana]

رد: مش مكسوفه منه ؟؟ يا قلبك الجامد !!! .

بارك الله فيكى وجعلة الله فى ميزان حسناتك
استغفر الله العظيم الذى لا اله الا هوالحى القيوم واتوب الية
اسال الله العظيم ان يغفر لنا جميعا وان يرحمنا برحمتة

[شروق]

رد: مش مكسوفه منه ؟؟ يا قلبك الجامد !!! .

جزاكى الله خيرا على الكلمات الموثره وفيها العبر والمواعظ واسال الله ان يهدينى وان يصلح احوالنا وان يرضى عنى وعن جميع المسلمين

[ايمان محمد عبد القدوس]

رد: مش مكسوفه منه ؟؟ يا قلبك الجامد !!! .

كلام جمييييييييييييييييييل
ويلمس القلب
يارب اغفر ذنوبنا ولاتقبض ارواحنا الا وانت راضى عنا

[ام اُبى]

رد: مش مكسوفه منه ؟؟ يا قلبك الجامد !!! .

جزاكن الله خيرا اخواتى

اللهم يسر لنا امورنا واغفر لنا ذنوبنا ما تقدم منها وما تاخر

[النقاب حتى التراب]

رد: مش مكسوفه منه ؟؟ يا قلبك الجامد !!! .

جزاكى الله خيراً

كلام جميل جداً

اللهم اغفر لنا ذنوبنا

[النقاب حتى التراب]

رد: مش مكسوفه منه ؟؟ يا قلبك الجامد !!! .

ممكن انقل الموضوع لمنتدى اخر

[لؤلؤ ومرجان]

رد: مش مكسوفه منه ؟؟ يا قلبك الجامد !!! .

جزاكِ الله خيرااا
نفع الله بكِ

[ام اُبى]

رد: مش مكسوفه منه ؟؟ يا قلبك الجامد !!! .

ممكن انقل الموضوع لمنتدى اخر

نعم اختى و جزاكِ الله خيرا

وجعله الله فى ميزان حسناتك

[النقاب حتى التراب]

رد: مش مكسوفه منه ؟؟ يا قلبك الجامد !!! .

بارك الله فيكى

['أم حمزة']

رد: مش مكسوفه منه ؟؟ يا قلبك الجامد !!! .

جزاك الله خيرا أختي
أسأل الله أن يرضى عنا