نقطة ومن أول السطر ... ( متجدد بإذن الله)

[بداية جديدة]

جربتي قبل كده تكتبي مذكراتك؟

جربتي كده تجيبي اجندة وتسجلي فيها يومياتك

تكتبي فيها كل صغيرة وكبيرة حصلت لك في يومك ، عملتي ايه وخرجتي فين وقابلتي مين واتصرفتي ازاي لما حصلك مش عارفة ايه وهكذا


مش عارفة اقول للاسف ام لحسن الحظ اني جربت الحكاية دي

في البداية كنت متحمسة وحاسة باثارة كده ومغامرة وبدأت اتخيل بئى ان الاجندة اللي بدات اكتب فيها بقت اجندات

ولما اولادي يكبروا هيقرأوها ويعرفوا مامتهم اكتر ويعرفوا قد ايه كنت بحبهم وقد ايه تعبت في تربيتهم

او اتخيل نفسي بعد ما بقيت عجوزة كركوبة لابسة نضارة كعب كوباية وماسكة الاجندات دي بقرأها واقلب صفحاتها وكأنها شريط فيديو شغال قدامي.

وبدل ما اتوجه الى الورقة والقلم قلت خليني اواكب عصر التكنولوجيا اللي احنا فيه وتوجهت الى صديقي اللاب توب وفتحت ملف ورد وسميته صفحات من حياتي

وتوكلت على الله وبدأت اليوميات

كنت كل ليلة افتح اللاب توب واكتب كل حاجة عملتها في اليوم ده ايه اللي ضايقني وايه اللي فرحني ايه اللي عملته صح وايه اللي عملته غلط وهكذا وبعدين اقفل الجهاز وخلاص

وبعد عدة ايام انتابتني رغبة قوية في اني اقرا الملف من اوله لاخره وفعلا عملت كده

ولاقيت نفسي شوية اضحك على الموقف ده وابتسم للكلمة دي واضايق من رد فعلي في موقف تاني

وحسيت ان الفكرة كانت حلوة

لحد ما جاه في بالي خاطر زلزلني وشقلب كياني وخلاني اعيد القراءة مرة واتنين وتلاتة

عارفين ايه هو الخاطر ده ؟

افتكرت ان حياتي كلها لاخر لحظة فيها مكتوبة في كتاب هستلمه يومه القيامة

وهتحاسب على كل شيء ورد مني ومسجل في هذا الكتاب

وافتكرت قوله تعالى :""فأما من أوتي كتابه بيمنه فيقول هاؤم اقرأوا كتابيه * إني ظننت أني ملاق حسابيه * فهو في عيشة راضية * في جنة عالية * قطوفها دانية * كلوا واشربوا هنيئا بما أسلفتم في الأيام الخالية * وأما من أوتي كتابه بشماله فيقول ياليتني لم اوتى كتابيه * ولم أدري ما حسابيه * ياليتها كانت القاضية * ما أغنى عني ماليه * هلك عني سلطانيه * خذوه فغلوه * ...."

ورجعت ليومياتي تاني

حسيت باحساس فظيع ، مزيج من عدم الرضا وخيبة الامل والحسرة

الحسرة على وقت كبير بيضيع وانا مش حاسة

عن عمر بيفوت هتحاسب عليه وانا سايباه يتسرق مني

وهنا قررت اني ابدأ يومياتي من جديد

واتخيل انها كتابي اللي هقابل بيه ربنا يوم القيامة

وابدأ صفحة جديدة خالص اتمنى انها تفرحني وتشرفني يوم القيامة

ووقعدت افكر في خطة للتغير


يا ترى بئى في حد يحب يبدأ معايا ؟

[بداية جديدة]

رد: نقطة ومن أول السطر ... ( متجدد بإذن الله)

قبل البداية في خطوة مهمة جدا جدا جدا

الا وهي

الصفحات اللي فاتت هنعمل فيها ايه ؟

اللي فات من حياتنا ، صفاحتنا القديمة اللي مليانة ذنوب ومعاصي وغفلة ، هنتعامل معاها ازاي؟

ما ينفعش نتاجاهالها كأنها لم تكن ، ماهي كده هتفضل في كتابنا

يبئى مافيش حل غير ان احنا حاول نمسح الصفحات دي ، ازاي؟

بالتوبة والاستغفار

ماهو ربنا قال في كتابه الكريم"وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ"

بس تفتكروا بعد الذنوب والخطايا اللي ارتكبناها اللي قد الجبال دي ممكن ربنا يغفر لنا ؟

اكيد

ولازم يكون عندنا يقين في ده ، ماهو ربنا العفو الغفور قال في كتابه :" قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا"

فاكرين قصة الرجل اللي قتل مائة نفس؟

عن أبي سعيد الخدري أن نبي الله صلى الله عليه وسلم قال كان فيمن كان قبلكم رجل قتل تسعة وتسعين نفسا فسأل عن أعلم أهل الأرض فدل على راهب فأتاه فقال إنه قتل تسعة وتسعين نفسا فهل له من توبة فقال لا فقتله فكمل به مائة ثم سأل عن أعلم أهل الأرض فدل على رجل عالم فقال إنه قتل مائة نفس فهل له من توبة فقال نعم ومن يحول بينه وبين التوبة انطلق إلى أرض كذا وكذا فإن بها أناسا يعبدون الله فاعبد الله معهم ولا ترجع إلى أرضك فإنها أرض سوء فانطلق حتى إذا نصف الطريق أتاه الموت فاختصمت فيه ملائكة الرحمة وملائكة العذاب فقالت ملائكة الرحمة جاء تائبا مقبلا بقلبه إلى الله وقالت ملائكة العذاب إنه لم يعمل خيرا قط فأتاهم ملك في صورة آدمي فجعلوه بينهم فقال قيسوا ما بين الأرضين فإلى أيتهما كان أدنى فهو له فقاسوه فوجدوه أدنى إلى الأرض التي أراد فقبضته ملائكة الرحمة

مااعتقدش ان في حد فينا وصلت ذنوبه الى هذه المرحلة

مرحلة القتل ومش نفس واحدة لا مائة نفس

وزي ما ربنا قبل توبته وغفر له ان شاء الله يقبل توبتنا ويغفرلنا

ممكن يجي في بال حد دلوقتي خاطر ويقول لنفسه ما انا يا ما تبت وحاولت اني اقرب من ربنا ودايما كنت بقع وارجع تاني زي الاول ، اعتقد ان مافيش فايدة فيا

وده اكبر غلط ممكن نقع فيه

واحب ابشرك بالحديث ده

إِنَّ عَبْدًا أَصَابَ ذَنْبًا -وَرُبَّمَا قَالَ: أَذْنَبَ ذَنْبًا- فَقَال:َ رَبِّ أَذْنَبْتُ -وَرُبَّمَا قَالَ: أَصَبْتُ فَاغْفِرْ لِي- فَقَالَ: رَبُّهُ أَعَلِمَ عَبْدِي أَنَّ لَهُ رَبًّا يَغْفِرُ الذَّنْبَ وَيَأْخُذُ بِهِ؟ غَفَرْتُ لِعَبْدِي, ثُمَّ مَكَثَ مَا شَاءَ اللَّهُ، ثُمَّ أَصَابَ ذَنْبًا -أَوْ أَذْنَبَ ذَنْبًا- فَقَالَ: رَبِّ أَذْنَبْتُ -أَوْ أَصَبْتُ- آخَرَ فَاغْفِرْهُ. فَقَالَ: أَعَلِمَ عَبْدِي أَنَّ لَهُ رَبًّا يَغْفِرُ الذَّنْبَ وَيَأْخُذُ بِهِ؟ غَفَرْتُ لِعَبْدِي: ثُمَّ مَكَثَ مَا شَاءَ اللَّهُ ثُمَّ أَذْنَبَ ذَنْبًا -وَرُبَّمَا قَالَ: أَصَابَ ذَنْبًا- قَالَ: قَالَ: رَبِّ أَصَبْتُ -أَوْ قَالَ: أَذْنَبْتُ- آخَرَ فَاغْفِرْهُ لِي. فَقَالَ: أَعَلِمَ عَبْدِي أَنَّ لَهُ رَبًّا يَغْفِرُ الذَّنْبَ وَيَأْخُذُ بِهِ؟ غَفَرْتُ لِعَبْدِي ثَلَاثًا فَلْيَعْمَلْ مَا شَاءَ )) .
وايضا حديث الرسول صلى الله عليه وسلم"(( إِنَّ إِبْلِيسَ قَالَ لِرَبِّهِ: بِعِزَّتِكَ وَجَلَالِكَ لَا أَبْرَحُ أُغْوِي بَنِي آدَمَ مَا دَامَتْ الْأَرْوَاحُ فِيهِمْ، فَقَالَ اللَّهُ: فَبِعِزَّتِي وَجَلَالِي لَا أَبْرَحُ أَغْفِرُ لَهُمْ مَا اسْتَغْفَرُونِي ))

عايزة بشرى اكتر من كده ايه ؟

بس هو الشيطان اللي بيأسنا علشان يبعدنا عن رحمة ربنا ومغفرته

فخلونا نستعيذ بالله من الشيطان الرجيم كده

ونستعين بالله ونطلب منه الهداية ونتوب ونستغفر ربنا

يا ريت كل واحدة فينا تقعد مع نفسها وتقلب في صفاحتها القديمة وتفكر في ذنوبها وتوب عنها وتستغفر ربنا

هي دي البداية الصح

عايزين نبدأ نضاف

وكلمتين لازم نحطهم في دماغنا ونقتنع بيهم

ان احنا بشر لازم في لحظة نضعف ومش معن ان احنا ناوينا الالتزام ان احنا في لحظة هنتحول الى ملائكة ما بتغلطش

ده عمره ما هيحصل

كل اللي مطلوب ان احنا نجاهد نفسنا ونتقي الله على قدر المستطاع ولو في لحظة ضعفنا وغلطنا نستفغر ونرجع بسرعة

عايزين نطبق قوله تعالي : " والذين إذا فعلوا فاحشة أو ظلموا أنفسهم ذكروا الله فاستغفروا لذنوبهم "

يا ريت كل واحدة تعمل وقفة مع النفس كده وتوب وتستغفر وهي دي بدايتنا باذن الله

يبئى اول حاجة نتفق عليها ان احنا نبدأ بالاستغفار والتوبة

نكثر من الاستغفار وندعي لبعض ان ربنا يتقبل توبتنا ويهدينا ويغفر لنا

وما تنسوش سيد الاستغفار

اللهم أنت ربي لا إله إلا أنت خلقتني و أنا عبدك وأنا على عهدك ووعدك ما استطعت ، أعوذ بك من شر ما صنعت ، أبوء لك بنعمتك على و أبوء لك بذنبي فاغفر لي فإنه لا يغفر الذنوب إلا أنت

[كونى قوية]

رد: نقطة ومن أول السطر ... ( متجدد بإذن الله)

ماشاء الله اقل ما يقال عن هذا الموضوع
انه روووووووووووعه

بس الفكره يا اختى هل قصدك اننا فعلا نكتب مذاكرتنا فاحاسنا ان اللى هنكتبه ف اخر اليوم هنتحاسب عليه فنبدا ف يومنا نقلل من المعاصى بحيث لما نييجى اخر اليوم نكتب كلللللللل اللى عملناه ف اليوم ده يبقى ف طاعات كتير

ده قصدك ولا قصدك حاجه تانيه
وجزاكى الله كلللللللل خير

[بداية جديدة]

رد: نقطة ومن أول السطر ... ( متجدد بإذن الله)

ماشاء الله اقل ما يقال عن هذا الموضوع
انه روووووووووووعه

بس الفكره يا اختى هل قصدك اننا فعلا نكتب مذاكرتنا فاحاسنا ان اللى هنكتبه ف اخر اليوم هنتحاسب عليه فنبدا ف يومنا نقلل من المعاصى بحيث لما نييجى اخر اليوم نكتب كلللللللل اللى عملناه ف اليوم ده يبقى ف طاعات كتير

ده قصدك ولا قصدك حاجه تانيه
وجزاكى الله كلللللللل خير

اللهم امين

وجزاكي مثله اختي ،

كلامك مضبوط على المستوى الشخصي ، يعني ورد محاسبة بشكل مختلف وده هيبئى بين كل واحدة وربها مش هيتنشر على المنتدى اكيد

على المستوى العام بئى نبدأ نشوف الحاجات اللي عامة ممكن نكون كلنا مقصرين فيها ونبدأ نتناقش مع بعض نشوف ايه سبب التقصير وندور على حلول

ناخد بايد بعض يعني

واسفة على التاخير في الرد

[بداية جديدة]

رد: نقطة ومن أول السطر ... ( متجدد بإذن الله)

الصلاة اولا

اعتقد ان اول حاجة لازم نضبطها هي الصلاة

ولا اعني هنا مجرد ان احنا نصلي الصلوات الخمس وخلاص

يعني ايه ؟

يعني ما تبقاش الصلاة مجرد حركات بنئديها علشان تسقط عنا الفريضة ونسكت بيها ضميرنا ونقول احنا صلينا خلاص

لا مش هي دي الصلاة

الصلاة لقاء بينا وبين ربنا لازم نستعد له ونتهيأ له

ما ينفعش نكروت وننقر الصلاة وكأننا مش عايزين هذا اللقاء ونتمنى انه ينتهي باسرع وقت

لازم يبئى عندنا يقين ان احنا مجرد ما بنكبر تكبيرة الاحرام ونقول الله اكبر

بئينا واقفين بين يدي الرحمن بنناجيه وبيسمعنا

اعتقد ان الفكرة دي لو سيطرت علينا الصلاة هتبئى اسهل علينا من الاول

خلونا نمسك ورقة وقلم كده ونفكر ايه المشاكل اللي بتقابلنا في صلاتنا عامة ، ونناقشها م بعض وكل واحدة عندها حل تقوله

يمكن ربنا يكرمنا ونحل المشاكل دي ونضبط صلاتنا

وصدقوني اذا الصلاة اتضبطت الجاي هيبئى اسهل

واسمحولي ابدأ انا علشان ما صدقت البنت نامت وعرفت ادخل على النت

1- تأخير الصلاة وصلاتها في اخر الوقت

2- اداء الصلاة بسرعة دون تأني

3- غياب التركيز والسرحان وقلة الخشوع

4- وممكن تكون الواحدة اصلا ما بتعرفش تصلي صح

دي المشاكل اللي في بالي دلوقتي

يا ريت كل واحدة تشارك وتكتب ايه هي العقبات اللي بتقابلها او ممكن تقابل اي واحدة وتمنعها عن اداء الصلاة بشكل صحيح

علشان نجمعها ونبدا دور على حلول عملية واللي نتفق عليه نجمعه في جدول ونبدأ نمشي عليه

اسيبكم بئى واروح علشان ابدأ رحلة البحث

اللهم اجعل قرة عيني في صلاتي يارب

[(*أمة الله*)]

رد: نقطة ومن أول السطر ... ( متجدد بإذن الله)

اولا .... أود أن أسجل إعجابي بهذه الفكرة التي قد تغيب عن معظمنا
هنالك الالاف المؤلفة ممن يسجلون يومياتهم لكن... لا يعجبهم فيها الا التفاهات
فجزيتي الجنان غاليتي علي هذه اللمسة القيمة
ثانيا ..... بالنسبة لموضوع الصلاة
اري ان السبب الرئيسي في ضياع صلواتنا اننا لا نشعر بقيمة من نقف بين يديه
(( وما قدروا الله حق قدره ))
فنحن بحاجة إلي ان نقرا ونعرف من هو الله
بحاجة الي ان نشعر بعظمته -سبحانه وتعالي -
وإن شاء الله لي عودة لمتابعتك ومشاركتكِ غاليتي
فلا تحرمينا جديدك

[omousarah1]

رد: نقطة ومن أول السطر ... ( متجدد بإذن الله)

جزاك الله كل خيرعلى هذا الموضوع الصائب .
استمري بارك الله فيك. وبارك في ابنتك وجعلها الله من الداعيات المخلصات ومن اوليائه الصالحين.آمين


كيف تتلدد بالصلاة.... لشيخ مشاري الخراز.