إعـــــــلان

تقليص
لا يوجد إعلان حتى الآن.

الجمعية الشرعيه أم معهد اعداد الدعاه؟

تقليص
X
تقليص
 
  • الصفحة لـ 2
  • تصفية - فلترة
  • الوقت
  • عرض
إلغاء تحديد الكل
مشاركات جديدة
السابق 1 2 template التالي
  • #1

    الجمعية الشرعيه أم معهد اعداد الدعاه؟

    السلام عليكم ورحمة الله وبركاته

    أرجو ممن لدية معلومات من الافضل فى دراسه العلم الشرعى .. الجمعية الشرعية أم معهد اعداد الدعاة .. ؟ لا أعيب على احد منهم لان كل منهما بقدم علم شرعى ولكن مالفرق بينهم ...؟

    وهل التقديم مازال موجود ولا انتهى التقديم ... ؟!
    وجزاكم الله خيرا
    اللهم أرنا الحق حقا ... وارزقنا اتباعه , اللهم أرنا الباطل باطلا ... وارزقنا اجتنابه


    الكلمات الدلالية (Tags): لا يوجد
  • #2
    رد: الجمعية الشرعيه أم معهد اعداد الدعاه؟

    السلام عليكم ورحمة الله وبركاته

    لا يوجد أحد هنا يعرف ..؟
    اللهم أرنا الحق حقا ... وارزقنا اتباعه , اللهم أرنا الباطل باطلا ... وارزقنا اجتنابه


    تعليق

    • #3
      رد: الجمعية الشرعيه أم معهد اعداد الدعاه؟

      وعليكم السلام ورحمه الله وبركاته
      عذرا اختى على التأخير فى الرد
      سالت اخت من قبلك مثل هذا السؤال وكان الرد الاخت غفرانك ربى عليها كالتالى

      المشاركة الأصلية بواسطة غفرانك ربي
      وعليكم السلام ورحمة الله وبركاته


      ان كنتى تقصدي معاهد المنصورة
      فبالطبع معهد انصار السنة المحمدية بمسجد التوحيد افضل بكتير جدا
      العلوم الشرعيه قوية جدا ورائعه وبيديها شيوخ افاضل جداا مثل الشيخ ايمن خليل والشيخ محمد جبر والشيخ على قاسم وغيرهم من افاضل افاضل الشيوخ
      بتدرسي منهج عقيدة كامل لكتاب معارج القبول فى سنتين
      السيرة الرحيق المختوم فى سنتين
      المصطلح كتاب الباعث الحثيث فى سنتين
      لغة عربية ( نحو ) وبيعطيها شيخ اسأل الله أن يبارك فى عمره وعلمه هتحبي النحو جدا جدا من طريقة شرحه المبسطة الرائعة
      فقه الطهارة والصلاة والصوم والزكاة والحج والبيوع فى سنتين (( طبعا فقه السنة بتاخدي كل المذاهب واستدلوا بايه وايه الصحيح وايه الضعيف والمذهب الراجح فيهم ))
      تفسير لبعض السور القصيرة مع تفسير سورة النور فى سنتين
      مع تجويد وقرآن ايضا ومادة الدعوة والخطابة مادة رائعة لأى داعية كيف تكون داعية

      فى خلال سنتين تكوني اخذتى كل ده وممكن تكتفى بكده
      أو تكملى تالته ورابعه
      وفيهم بقى بتتعلمى تخرجي الأحاديث وبتاخدي فقه المواريث وعقيدة الشيعة وسيرة الخلفاء الراشدين على مااتذكر
      وبيبقي السنتين دول اغلبهم بحوث بتتعمل بطلب من شيوخنا الافاضل
      طيب بنقعد ازاى
      الشيخ مع الرجال واحنا ياما وراء ستار او فى مسجد النساء والشيخ بيتحدث بالمايك
      يعني الحمد لله بيننا حاجز لا نراهم ولا يرونا
      ولو عاوزين نسأل ونشارك بيكون بالورق نكتب ونحدف لهم والشيخ يجاوب علينا

      مصاريف المعهد ده خمسين جنية بس مع الصور الشخصية وصورة المؤهل والبطاقة تقريبا

      اما معهد الجمعية الشرعية بقي

      أولا العلوم الشرعية مش قوية ابدا
      الفقه فقه المذهب الشافعي فقط
      العقيدة ودي المصيبة الكبرى بيدرسوا زي الأزهر عقيدة الأشاعرة ودي كفيلة انك متدخليش المعهد ده خالص
      نحو بردو بس مش بالكفاءة الي بناخدها فى التوحيد
      تجويد وقرآن وحديث

      مفيش حاجز بينك وبين الدكتور الي بيتكلم هو قاعد قدامك زي بالظبط الفصل الدراسي كده
      مصاريفه 210 تقريبا كانت كده من سنتين الله اعلم الوقتى بقت ايه

      انا كنت فيه وتركته بعد اول سنة ومكملتهاش كمان ودخلت التوحيد والحمد لله رائع جدا

      نصيحة اختى
      أولا اذا كنتى هتقدمي فقدمي فى التوحيد التقديم يكون فى 11 تقريبا
      ثانيا متبصيش هتاخدي شهادة ايه بصى هتتعلمى ايه لإن الهدف الأول هو طلب العلم اننا نتعلم شيء يفيدنا ونفيد بيه الناس
      وزي ماشيوخنا قالولنا الامتحانات والنظام ده مجرد تنظيم لكن يهمنا انكوا تتعلموا كويس ونخرج ناس تكمل ورانا المسيرة

      ربنا يوفقك ويعينك يارب واى استفسار تحت امرك

      ارجو ان يفيدك هذا الرد
      بارك الله فيكِ

      ـــــــــــــــ
      سبحان ربى العظيم وبحمده

      تعليق

      • #4
        رد: الجمعية الشرعيه أم معهد اعداد الدعاه؟

        جزاك الله خيرا على ردك .. وجعله الله فى ميزان حسناتك
        اللهم أرنا الحق حقا ... وارزقنا اتباعه , اللهم أرنا الباطل باطلا ... وارزقنا اجتنابه


        تعليق

        • #5
          رد: الجمعية الشرعيه أم معهد اعداد الدعاه؟

          نفع الله بكِ اختى زوزو
          اختى من انصار السنة لو فى اي سؤال انا تحت امرك
          اللهم ارزقني الشهادة في سبيلك يارب

          تعليق

          • #6
            رد: الجمعية الشرعيه أم معهد اعداد الدعاه؟

            جزاكم الله خيرا .. لقد انتفعت بالرد .. جعله الله فى ميزان حسناتكم
            التعديل الأخير تم بواسطة تاركة الدنيا; الساعة 23-09-2010, 02:37 AM. سبب آخر: يمنع تبادل المعلومات الشخصيه ....بارك الله فيكِ
            اللهم أرنا الحق حقا ... وارزقنا اتباعه , اللهم أرنا الباطل باطلا ... وارزقنا اجتنابه


            تعليق

            • #7
              رد: الجمعية الشرعيه أم معهد اعداد الدعاه؟

              السلام عليكم اختي
              والله سبحان الله اول ما قرات كلامك كنت هرد عليكي على طول بمعاهد اعداد الدعاة بتاعت انصار السنة ولسا هرد لقيت ماشاء الله اختنا الكريمة جابتلك الخلاصة ومفيش بعدها كلام وفعلا انا درست في معهد اعداد الدعاة واخدت فيه سنتين وهو ماشاء الله
              فتوكلي على الله وربنا يعينك على طاعته
              { فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً{10} يُرْسِلِ السَّمَاء عَلَيْكُم مِّدْرَاراً{11} وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً{12} مَّا لَكُمْ لَا تَرْجُونَ لِلَّهِ وَقَاراً{13} وَقَدْ خَلَقَكُمْ أَطْوَاراً }

              تعليق

              • #8
                رد: الجمعية الشرعيه أم معهد اعداد الدعاه؟

                وعليكم السلام ورحمة الله وبركاته

                كما قالت أختنا غفرانك ربي ...
                معهد أنصار السنة المحمدية بمسجدالتوحيد لا يختلف عليه إثنان
                إنما الجمعية الشرعية ..!!

                يسر الله لنا ولكم أختنا ونفع بنا وبكم

                قال الإمام الشافعي :
                تعمدني بنصحك في انفراد ... وجنبني النصيحة في الجماعة
                فأن النصح بين الناس نوعٌ ... من التوبيخ لا أرضى سماعه
                فإن خالفتني وعصيت قولي ... فلا تجزع إذا لم تعط طاعة

                تعليق

                • #9
                  رد: الجمعية الشرعيه أم معهد اعداد الدعاه؟

                  السلام عليكم انا طالبه فى الجامعه ولهذا ذهبت لدراسه العلم الشرعى بمعهد اعداد دعاه تابع للجمعيه ولم اذهب للتوحيد لان الدراسه فيه يوميا والتانى 3 ايام فقط عشان دراستى فى الكليه
                  بس انا كده خفت اروح ولا لا انا بس قدمت ورقى ********
                  بس انا مش قادره اصبر عما اخلص الجامعه فاخترت حاجه مناسبه للدراسه ف الجامعه
                  مش عارفه بقى اكمل ولا اعمل ايه عشان انا عاوزه اتعلم علم نافع
                  التعديل الأخير تم بواسطة تاركة الدنيا; الساعة 25-09-2010, 06:49 AM. سبب آخر: يمنع ذكر بيانات شخصيه..بارك الله فيكِ

                  تعليق

                  • #10
                    رد: الجمعية الشرعيه أم معهد اعداد الدعاه؟

                    طب وفى القاهرة ايه المعاهد الافضل

                    تعليق

                    • #11
                      رد: الجمعية الشرعيه أم معهد اعداد الدعاه؟

                      المشاركة الأصلية بواسطة نقابى جنتى مشاهدة المشاركة
                      السلام عليكم انا طالبه فى الجامعه ولهذا ذهبت لدراسه العلم الشرعى بمعهد اعداد دعاه تابع للجمعيه ولم اذهب للتوحيد لان الدراسه فيه يوميا والتانى 3 ايام فقط عشان دراستى فى الكليه
                      بس انا كده خفت اروح ولا لا انا بس قدمت ورقى ********
                      بس انا مش قادره اصبر عما اخلص الجامعه فاخترت حاجه مناسبه للدراسه ف الجامعه
                      مش عارفه بقى اكمل ولا اعمل ايه عشان انا عاوزه اتعلم علم نافع
                      وعليكم السلام ورحمه الله وبركاته
                      بارك الله فيكِ اختى وفى حرصك
                      كما قالت لكى الاخوات الفاضلات وجميعهن اتفقن على ذلك ان الدراسه فى مسجد التوحيد افضل بكثير من الجمعيه الشرعيه ويومين من ثلاثه ايام مش هتفرق كتيير
                      المهم تعلم العلم الصحيح وانتى كما تقولين تريدين تعلم العلم النافع
                      لذلك فخذى بنصيحه الاخوات وتوكلى على الله وقدمى ورقك فى مسجد التوحيد
                      وان شاء الله ربنا هيعينك على المعهد ودراستك فى الكليه وهتقدرى بإذن الله توفقى بين الاتنين
                      بارك الرحمن فيكِ

                      ـــــــــــــــــــــــــــــــ
                      استغفر الله الذى لا اله الا هو الحى القيوم واتوب اليه

                      تعليق

                      • #12
                        رد: الجمعية الشرعيه أم معهد اعداد الدعاه؟

                        السلام عليكم ورحمة الله وبركاته
                        جزاكم الله خيرا .. أتصلت بالمعهد اللى فى المنصورة والدراسه هتبدأ فى شهر 11 ... يعنى الوقت الحمد لله متاح للى لسه بيفكر يقدم ...
                        اللهم أرنا الحق حقا ... وارزقنا اتباعه , اللهم أرنا الباطل باطلا ... وارزقنا اجتنابه


                        تعليق

                        • #13
                          ازيكم يابنات انا قدمت في معهد اعداد الدعاة في القلويوبية عشان قريب مننا بس هو تقريبا تابع للجمعية الشرعية بس والله الدراسة كويسة وهو ثلاث مرات في الاسبوع وجمييل وبندرس فيه ثمانية مواد فقه وعقيدة وحديث وتفسير وسيرة ونحو وقران وتجويد وماشاء اله بيجيبوا شيوخ افاضل وانا روحت فيه عشان هو المعهد القريب مني واحسن من اني ما اروحش خالص فايه رايكم فيه وجزاكم الله خيرا

                          بس يابنات مسجد التوحيد في المنصورة وانا في ا**** مش عارفة اروحله ازاي فاحسن من اني ما اروحش خالص اني اروح في القليوبية كان نفسي طبعا يبقي زي اللي بتقولوا عليه بس معلش انا مش فاهمة هو تبع ايه يعني هو مش تبع الجمعية الشرعية ومش تبع الازهر طيب هو تبع ايه عشان انا مش فاهمة معلش ممكن توضحوا اكتر وهل ليه فروع في مصر وهل ليه فروع في القليوبية وجزاكم الله خيرا
                          التعديل الأخير تم بواسطة تاركة الدنيا; الساعة 27-09-2010, 07:55 PM. سبب آخر: دمج المشاركات

                          تعليق

                          • #14
                            رد: الجمعية الشرعيه أم معهد اعداد الدعاه؟

                            السلام عليكم
                            اختي نقابي جنتي....معهد اعداد الدعاه الي في التوحيد هو نعم كل الايام بس انتي مش لازم تروحي كل الايام حضور في المسجد انا كان معايا ماشاء الله جامعيات في كل الكليات وكان معانا دكتورة تحاليل وغيرهم كتير بفضل الله ومكنش فيه مشاكل كل واحده بتحضر على حسب ظروفها وكنا بنبيض محاضرات والي محضرتش تاخد المحاضرة فاذا مكنتيش لاقيه حد يديكي الي فاتك فالموقع بتاع المسجد ماشاء الله عليه كل المحاضرااات وعلى فكرة في بث مباشر لو عايزة وانتي اعده في بيتك يعني كل الامور ميسرة والحمد لله وفقك الله لما يحبه ويرضاه ورزقك العلم النافع

                            واي واحده عايزة تتعلم علم شرعي تتابع الموقع لو المسجد بعيد عنها والي تقدر تروح تمتحن يكون خير والي متقدرش يبقى مخسرتش برضه واستفادت علم نافع وهي في بيتها بارك الله فيكم

                            الموقع                             http://www.masjedaltawheed.com/

                            وعشان متقوليش ان الحضور مهم للتقدير كلنا بفضل الله جبنا تقديرات جيد جدا وامتياز ومكناش بنحضر في كل الايام اهم حاجة انك تاخدي المادة العلمية وتذاكريها كويس بس عن ظهر قلب
                            سبحان الله بفضل الله عز وجل انا في ايام مكنتش بحضر درس العقيده للشيخ علي حشيش بس كنت انا الي بفرغ محاضراته وبفضل الله كانت درجتي في العقيدةأعلى الدرجات بفضل الله ومنه عليه فشيدي حيلك كده وربنا معاكي ومعاكم كلكم
                            { فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً{10} يُرْسِلِ السَّمَاء عَلَيْكُم مِّدْرَاراً{11} وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً{12} مَّا لَكُمْ لَا تَرْجُونَ لِلَّهِ وَقَاراً{13} وَقَدْ خَلَقَكُمْ أَطْوَاراً }

                            تعليق

                            • #15
                              رد: الجمعية الشرعيه أم معهد اعداد الدعاه؟

                              ما شاء الله ربنا يوفقكم ياارب بس ما حدش رد علي سؤال ليه ومعلش يا زوز اني كتبت مشاركتين وما دمجتهمش

                              تعليق

                              السابق 1 2 template التالي
                              يعمل...
                              X