( فكّر ، ركّز و خليك زيهم ) ..؟؟ مفاجأة رمضان الجديدة إن شاء الله

[دامت لمين]

رد: ( فكّر ، ركّز و خليك زيهم ) ..؟؟ مفاجأة رمضان الجديدة إن شاء الله

ربنا يبارك فى حضرتكم ويعلى همتكم طبعا الحلقات كتيره عليا انا لسه يدوب بدخل المنتدى من كام يوم لانه الاشتراك القديم نسيت الرقم السرى يا خساره فاتتنى حاجات كتيره

ربنا يبارك فى فخامتكم ويزودكم كمان وكمان اللهم ءامين

وبلغكم الله ليله القدر

وفى انتظار باقى الحلقات وابداع جديد

[سارة سامى]

رد: ( فكّر ، ركّز و خليك زيهم ) ..؟؟ مفاجأة رمضان الجديدة إن شاء الله

جـــــــــــــزاكم الله خيـــــــــــــــــراً

[A_E_B]

رد: ( فكّر ، ركّز و خليك زيهم ) ..؟؟ مفاجأة رمضان الجديدة إن شاء الله

الحمد لله وحده والصلاة والسلام على من لا نبى بعده

ومع الحلقة التاسعة

من سلسلة

" فكّر ، ركّز و خليك زيهم "

______________________________________________

1- فكّر

زي متفقنا حيكون شعارنا :

( سأكون أجود بالخير من الريح المرسلة )

احنا لسه في موضوع الذكر .. لأنه موضوع عظيم جدا وثوابه عظيم جدا

عايزين نفكّر ايه أسهل طريقة تُفتح لينا بيها أبواب الجنة الثمانية ؟؟

طبعا احنا كلنا الحمد لله بنصلي الصلوات الخمس .. والحمد لله كمان في رمضان بنصلي التراويح والتهجد والنوافل

واكييييد كلنا بنتوضأ قبل منصلي .. ولا حد عنده رأي تانى ؟؟

لو حد عنده رأي تانى يقفل الكمبيوتر ويقوم أحسن

كلنا بنتوضأ لكن عايزين نفكّر ازاى بوضوءنا ده تتفتح لينا أبواب الجنة الثمانية ؟؟

قال رسول الله صلى الله عليه وسلم : ( ما منكم من أحد يتوضأ فيبلغ ( أو فيسبغ ) الوضوء ثم يقول :أشهد أن لا إله إلا الله وحده لا شريك له وأشهد أن محمدا عبده ورسوله، إلا فتحت له أبواب الجنة الثمانية ، يدخل من أيها شاء )ا

شوف الثواب العظيم !! فتحت له أبواب الجنة الثمانية ، يدخل من أيها شاء

بذكر بسيييييييييط جداااااا على اللسان .. لكنه ثقيييييييييل جداااااااا في الميزان

يبقى نعمل ايه :

1- نحسن الوضوء.. نسمي الله قبل الوضوء و بلاش كروته

2- نقول بعد الوضوء : أشهد أن لا إله إلا الله وحده لا شريك له وأشهد أن محمدا عبده ورسوله

بس كده

نفتكرها دايما واحنا بنتوضا

______________________________________

2- ركّز

الحمد لله عرفنا فضل الله علينا .. فهل شكرناه ؟؟

قال الله عزّ وجلّ : ( وَإِنَّ رَبَّكَ لَذُو فَضْلٍ عَلَى النَّاسِ وَلَكِنَّ أَكْثَرَهُمْ لَا يَشْكُرُونَ )ا

فهل من شُكْر لنعم الله علينا لنكون ممن يشكرون نعم ربهم ؟؟

فاكرين نعمة البصر ??

عايزك تركّز و تبص لفوق كده .. شايف ايه ؟؟ طيب بص يمينك وشمالك وقدامك ووراك .. شايف ايه ؟؟

شايف سقف فوقيك ؟؟ شايف حيطه يمينك وشمالك وقدامك ووراك ؟؟

لما الدنيا بتمطر بره فوقيك سقف بيحميك من المطر وبيحمى حاجتك انها تتغرق ؟؟ لما الشمس بتبقى حامية جدا والدنيا حررر بتلاقى سقف وحيطة تحميك من الشمس ؟؟

لما بتيجي تنام بتعرف تقفل عليك بابك ومحدش يشوفك ؟؟
بتعرف بليل لما تيجى تنام تلاقى بيت تنام فيه مش بتلف في الشوارع مش عارف تنام فين ؟؟

انت عارف ان فيه كثييييييييييييييير جداااااااااااااااا

مش كثير جدا بس !! ده 75% من سكان العالم معندهومش بيت يؤويهم ولا مكان يناموا فيه !!ا


انت عارف ان 75% من سكان العالم نفسهم في اوضه صغيره 2 متر في 2 متر يقفلوها عليهم بس بليل ويعرفوا يناموا فيها وتحميهم من المطر او الناس او الحيوانات !!

عارف ان فيه غيرك كثيييير جداااا بيناموا بليل في العراء كده وهما خايفين ان حد ييجي يؤذيهم وهما نايمين ؟؟

ركّزتوا وعرفتوا ايه النعمة العظييييييمة اللى بنتكلم عنها ؟؟

نعمة المسكن .. نعمة البيت

نعمة ان عندك بيت ترجع ليه وانت تعبان ترتاح فيه .. بيت تنام فيه في اى وقت براحتك .. ساعة مالدنيا تكون برد ومطر تقدر تقعد جوه البيت في الدفا .. لما الجو يكون حر تقدر تقعد جوه بعيد عن الشمس .. .. بيت انت مستور فيه محدش شايفك .. محدش شايف والدتك وزوجتك وبناتك

عايز تحس بالنعمة ديه .. قول في يوم كده انك مش حتبات في بيتك اليوم ده وحتشوف مكان تانى تبات فيه ومتاخدش معاك فلوس

شوف ازاى حتحس انك عمّال تلف مش عارف تروح فين ولا تيجي منين ومش عارف حتنام ازاى وفين

طيب لو ركّزنا ازاى نشكر النعمة العظيمة ديه ؟؟

بالقول :- اشكر نعمة المسكن وان لك بيت تبيت فيه وتؤوي اليه وترتاح فيه ومستور فيه محدش شايفك ولا شايف زوجتك ولا والدتك ولا بناتك وانك افضل من ثلاث اربع سكان العالم .. وادع الله ان يديم عليك هذه النعمة العظيمه

بالفعل :- لا تستخدم البيت وستر الله عليك وانك رزقك مكان انت فيه مستور في انك تنتهك الستر ده وتعصى الله لانك مستور وعارف ان محدش شايفك .. افتكر ان ممكن تتحرم من النعمة ديه بسبب المعصية وتلاقى نفسك في الشارع قدام الناس كلها .. اتقى الله في البيت ده متشغلش فيه الحرام .. متشغلش فيه الاغاني المحرمه .. متشغلش فيه الافلام المحرمه .. متمنعش الملائكة انهم يدخلوه بتعليق الصور والتماثيل وتربية الكلاب جوه البيت

حافظ على البيت بانك متجعلوش كالقبر .. اقرأ فيه القرآن .. شغل فيه القرآن .. صلي فيه النوافل

احذر انك تحوّل نعمة الله الى معصية لله

وتذكر قول الله عزّ وجلّ واحذر ان تكون منهم : ( أَلَمْ تَرَى إِلَى الَّذِينَ بَدَّلُوا نِعْمَةَ اللَّهِ كُفْرًا )ا

ربنا يرزقنا شكر نعمه

___________________________________________

3- خليك زيهم

في رمضان كلنا بفضل الله بنقرأ القرآن .. فيه مننا كثير بيسبق جامد وبيقرأ كثير اللهم بارك .. وغالبا بيبقوا مع المصحف معظم الوقت

المشكلة ان كثير لو حد سأل صاحبنا :انت في الجزء الكام دلوقتى ؟؟

في الجزء الكام !! ياعم ده في انا في الختمة العاشرة دلوقتى انت مش شايف انى مبسيبش المصحف

ويمكن هو نفسه اصلا تلاقيه رايح يحكي للناس انه ختم كذا مره وفي الجزء الفلانى وقاعد قدام الناس طول الوقت بالمصحف

وبيبقى فرحان انه ماسك المصحف قدام الناس طول الوقت

ده حال كثير مننا .. لكن ايه كان حال السلف ؟؟

قال الأعمش: كنت عند إبراهيم النخعي وهو يقـرأ في المصحف، فاستأذن عليه رجل فغطّى المصحف وقال: لا يراني هذا أنِّي أقرأ فيه كل ساعة.

سبحان الله !!

غطى المصحف وكأنه مكانش بيقرأ وخبي المصحف .. علشان الناس متقولش انه قاعد طول الوقت بيقرأ القرآن وماسك المصحف

احنا كمان لازم نحاول نخفي أعمالنا علشان نحقق الاخلاص .. اقرأ كثير على قد متقدر وزيادة كمان

بس مش لازم الناس تعرف انك بتقرأ ومش لازم يعرفوا انت في الجزء الكام ولّا ختمت كام مره

مش لازم كل متخلص جزء تكتب في الستاتس بتاعتك على الفيس بوك انك خلصت الجزء الفلاني

خلى الحاجات ديه بينك وبين ربنا علشان الاخلاص والبعد عن الرياء

متفرحش ان الناس تقول عليك انك عابد ومجتهد في العباده .. لان ده ممكن يؤثر على قلبك انت

وحاول تخفي عملك .. ربنا يرزقنا الاخلاص

صحيح انت في الجزء الكام دلوقتى ؟؟

___________________

بكده خلصت الحلقة التاسعة .. يارب متكونوش زهقتوا

وبكره إن شاء الله نلتقى في الحلقة العاشره إن شاء الله

وجزاكم الله خيرا

ابسط ما تساهم به نشر الحلقات ولو بالايميل

______________________________________________

[خديجة أحمد]

رد: ( فكّر ، ركّز و خليك زيهم ) ..؟؟ مفاجأة رمضان الجديدة إن شاء الله

جزاكم الله خيرا و نفع بكم

[MusliM4EveR2]

رد: ( فكّر ، ركّز و خليك زيهم ) ..؟؟ مفاجأة رمضان الجديدة إن شاء الله

جزاكم الله خيرا و نفع الله بكم

[راجي الحور العين]

رد: ( فكّر ، ركّز و خليك زيهم ) ..؟؟ مفاجأة رمضان الجديدة إن شاء الله

ربنا يحبك ويدخلك الجنة وأسالك الدعاء لي بالتوبة

[A_E_B]

رد: ( فكّر ، ركّز و خليك زيهم ) ..؟؟ مفاجأة رمضان الجديدة إن شاء الله

الحمد لله وحده والصلاة والسلام على من لا نبى بعده

ومع الحلقة العاشرة

من سلسلة

" فكّر ، ركّز و خليك زيهم "

______________________________________________

1- فكّر

زي متفقنا حيكون شعارنا :

( سأكون أجود بالخير من الريح المرسلة )

في الحلقة السابقة كان ذكر سهل جدا يكون ثوابه ان تُفتح لك أبواب الجنة الثمانية

طيب لو فكّرنا في حاجه تانية سهله جدا برضه تزيد الفرصة ديه وتزيد فرصة ان تُفتح لنا ابواب الجنة لندخل بفضل الله من أيها نشاء

مش بس كده ده كمان من ثوابه دخول الجنة على ما كان من العمل

فكّرتوا ؟؟

قال رسول الله صلى الله عليه وسلم : ( من قال : أشهد أن لا إله إلا الله وحده لا شريك له ، وأن محمدا عبده ورسوله ، وأن عيسى عبد الله وابن أمته وكلمته ألقاها إلى مريم وروح منه ، وأن الجنة حق ، وأن النار حق ، أدخله الله من أي أبواب الجنة الثمانية شاء . وفي رواية : لأدخله الله الجنة على ما كان من عمل " )

شوف الثواب ايه :

أدخله الله من أي أبواب الجنة الثمانية شاء

وفي رواية تانية :

لأدخله الله الجنة على ما كان من عمل

طبعا الثواب عظييييييم جدااااااااا

سهل جدا انك تقول الذكر .. نحفظه ونقوله كثير ومش بس نقوله نتفكر فيه ونتدبره ونقوله بإيمان

أشهد أن لا إله إلا الله وحده لا شريك له ، وأن محمدا عبده ورسوله ، وأن عيسى عبد الله وابن أمته وكلمته ألقاها إلى مريم وروح منه ، وأن الجنة حق ، وأن النار حق

يلّا نحفظ ونقول

____________________________________

2- ركّز

عايز اسألك سؤال .. نمت بالامس كويس ؟؟

نمت وانت مش خايف حد يدخل عليك بيتك يؤذيك ؟؟

كنت عايز تصلي التهجد بعد منتصف الليل ونزلت مشيت في الشارع عادي وحاسس بأمان وانت رايح تصلي مش خايف حد يضربك او يعذبك ؟؟

قاعد مع اصدقائك جنب البيت مش خايفين صاروخ يتحدف عليكم او طلقات تضرب عليكم او دورية تقبض عليكم او تعتقلكم ؟؟

بتعرف تروح الجامع تؤدي العباده عادي ومش خايف وانت رايح حد يجري وراك ويتهمك انك بتخرق قوانين حظر التجول ؟؟

عارف انك لو مش خايف من كل ده وبخرج براحتك وبتروح وتيجي وتصلي من غير متخاف من اعتقال او ضرب او قتل او تعذيب او اتهام او اصابات او تضييق او تحرش بزوجتك أو أمك أو اخواتك

انت واحد من نصف سكان العالم فقط اللى ممكن يبقوا كده

اكثر من 3 مليار معندهومش النعمة ديه

ركّزت وعرفت ايه هى النعمة العظييييمة ؟؟

نعمة الأمن

النعمة العظيمة اللى قدّمها سيدنا ابراهيم على الأكل والشرب فقال : ( ربِّ اجْعَلْ هَـَذَا بَلَداً آمِناً وارزق أهله من الثمرات)ا

قدّم الأمن على الثمرات والطعام

نعمة أمتن الله بها على المؤمنين : ( وَاذْكُرُواْ إِذْ أَنتُمْ قَلِيلٌ مُّسْتَضْعَفُونَ فِي الأَرْضِ تَخَافُونَ أَن يَتَخَطَّفَكُمُ النَّاسُ فَآوَاكُمْ وَأَيَّدَكُمْ بِنَصْرِهِ )ا

طيب لو ركّزنا ازاى نشكر النعمة العظيمة ديه ازاى ؟

بالقول :- نحمد الله ونشكره على نعمة الأمن وانك آمن في سربك تخرج في الوقت اللى عايزه وترجع في الوقت اللى عايزه بتروح تصلي وتروح شغلك ومشاويرك في أمان .. ادع ربنا ان يديم عليك هذه النعمة

بالفعل :- اذا كنت تعيش في أمن فاحرص انك متحولش حياة غيرك لفزع وخوف .. بلاش تظلم حد وتخليه قاعد خايف ومرعوب من بطشك وظلمك .. امّن الخائف .. لا تروّع مؤمن .. متخضش مسلم .. استغل النعمة ديه في الذهاب للصلاة في المسجد .. غيرك في خوف وفزع وتحت الاحتلال وبيصمم انه يصلي في المسجد .. وانت في أمن وبتصلي في بيتك !!ا

بلاش حد ينتقم منى بقه علشان طولت

______________________________

3- خليك زيهم

الحمد لله بقينا بنصلي التراويح ونسمع القرآن في الصلاة .. وبقينا بنذكر الله كثيرا بفضل الله وبنسمع كلام يذكّرنا بالله .. وبرضه بقينا ممكن نصلي مع نفسنا في خلوه او نذكر الله في خلوه او نقرأ القرآن في خلوه

بتحس بايه في المواطن ديه ( سماع القرآن - الذكر - أوقات الخلوه ) ؟؟

حسيت بحضور قلبك في اى مره ؟؟

قال ابن القيم رحمه الله :

( اطلب قلبك في ثلاث :-
عند سماع القرآن وفي حلق الذكر وفي أوقات الخلوة ، فإن لم تجده في هذه المواطن
فأسأل الله أن يرزقك قلباً ، فإنه لا قلب لك ! )

!!

الله المستعان

لو فعلا ملقيتش حضور قلبك في اى موطن من دول في كل الايام اللى فاتت

اكثر من الدعاء ان يرزقك الله قلبا خاشعا .. واسال الله بصدق انك نفسك تحس بالخشوع .. اساله ان يرزقك الخشوع وحضور القلب واخلص اعمالك لله حتى تشعر بلذة الطاعة

وظبط نيتك وانت رايح تصلي ووانت بتذكر انك بتعمل ده عباده خالصه لله

وربنا يرزقنا حضور القلب والخشوع

آمين

__________________

بكده خلصت الحلقة العاشرة .. يارب متكونوش زهقتوا

وبكره إن شاء الله نلتقى في الحلقة الحادية عشر إن شاء الله

وجزاكم الله خيرا

ابسط ما تساهم به نشر الحلقات ولو بالايميل

______________________________________________

[الراجيه عفو ربها]

رد: ( فكّر ، ركّز و خليك زيهم ) ..؟؟ مفاجأة رمضان الجديدة إن شاء الله

جزاكم الله خيرا

[السيدلاشين]

رد: ( فكّر ، ركّز و خليك زيهم ) ..؟؟ مفاجأة رمضان الجديدة إن شاء الله

وثانيا أحب أن أضيف أن من صلى التراويح فى كل ليله سيدرك ليلة القدر " وهذه الجلمة قالها فضيلة الشيخ * محمد حسان

[A_E_B]

رد: ( فكّر ، ركّز و خليك زيهم ) ..؟؟ مفاجأة رمضان الجديدة إن شاء الله

الحمد لله وحده والصلاة والسلام على من لا نبى بعده

بداية اعتذر عن التأخير .. بعض الظروف .. لكن ان شاء الله سأتابع معكم وأضاعف المجهود إن شاء الله .. نسألكم الدعاء بالتيسير

ومع الحلقة الحادية عشر

من سلسلة

" فكّر ، ركّز و خليك زيهم "

________________________________________________

1- فكّر

زي متفقنا حيكون شعارنا :

( سأكون أجود بالخير من الريح المرسلة )

كثير جداا ممكن الواحد يحصله مشاكل او يصيبه حاجه في اليوم أو في الليلة .. كثير بيتقاله أعمل حاجه حتبعد عنك اللى بيحصلك وحتحصنك

فكّرتوا ايه هي الحاجه ديه ؟؟

حاجه مهمه جدااااا وفعلا أثرها كبير جدااا وبيحسه اللى متعود يقولها وفي يوم مثلا نسي يقولها او اتشغل عنها

الحاجه ديه هي :

أذكار الصباح والمساء

أذكار الصباح والمساء عدة أذكار مش ذكر واحد.. بس فعلا لها آثار كثيرة جداا وفوائد عظيمة .. وبتحصن الإنسان من حاجات كثير جدا

أذكار الصباح : تتقال بعد الفجر لحد الشروق

أذكار المساء : فيها قولان مشهوران " بين العصر والمغرب " والثاني " من بعد الغروب "ا

طيب واللى في وقت نسي يقولها في ميعادها ؟؟

قال الشيخ ابن عثيمين رحمه الله : " وأما قضاؤها إذا نسيت فأرجو أن يكون مأجورا عليه. "ا

يعنى حتى لو حصل وخرج وقتها متكسلش وقلها وقت ما تفتكرها بس احر انها تكون في وقتها افضل

طيب اخيرا ايه هى أذكار الصباح والمساء الصحيحه ؟؟

فيه مطويات كثير بتتوزع وبتتباع فيها الاذكار .. واللى عايز يعرفها برضه هنا

حذكرها إن شاء الله في مشاركة منفردة بعد الحلقة على طول .. ونحاول نحفظها ونقولها ان شاء الله

واللى بينقل الحلقات في ايميلات ياريت ينقلها في ايميل

ونحافظ عليها ان شاء الله

___________________________________

2- ركّز

الحمد لله الذى أنعم علينا بالكثييير من النعم التى نتقلب فيها ليل نهار صباح مساء

ولو شكرنا نعم الله علينا .. فالله يرضى لنا هذا ويرتضيه لنا

قال الله عزّ وجلّ :( وَإِنْ تَشْكُرُوا يَرْضَهُ لَكُمْ )ا

عايزين نركّز في حاجه مهمه جدااا

انت انهارده اول مصحيت عملت ايه ؟؟

فتحت عينيك و قمت قعدت شوية كده لحد متفوق ؟؟ عرفت تقعد ؟؟ .. وقمت من السرير وقفت ؟؟ عرفت تقف ؟؟ .. ومشيت لحد مدخلت غسلت وشك ؟؟ عرفت تمشي ؟؟ وعرفت تغسل وشك بنفسك ؟؟ .. واتوضأت وصليت ؟؟ عرفت تتوضأ لوحدك ؟؟ عرفت تصلى واقف وتركع وتسجد ؟؟ .. لبست هدومك ونزلت ؟؟ عرفت تلبس هدومك لوحدك ؟؟ ونزلت لوحدك تروح مشاويرك ؟؟

سوقت عربيتك ورحت الشغل ؟؟ سقت العربية عادي ؟؟ .. حبيت تخرج مع صحابك وتلعبوا كوره او تروحى مع صاحباتك في اى مكان .. رحتوا عادي ؟؟

عرفت تمشي عادي ؟؟ عرفت تجري عادي ؟؟ عرفت تشيل حاجات عادي ؟؟ عرفت تتحرك عادي ؟؟

ركّزتوا وعرفتوا النعمة العظيمة اللى بنتكلم عنها ؟؟

نعمة الصحة .. نعمة المعافاة في البدن

نعمة ان ايدك سليمه .. ظهرك سليم .. رجلك سليمه .. جسمك سليم

بتعمل كل اعمالك بنفسك

عارف ان فيه ناس كثيييير جداااا ميعرفوش يقوموا من على السرير ؟! .. لو جه على وجهه ذبابه .. ميعرفش يهشها بعيد !! ميعرفش ياكل نفسه !! ميعرفش يروح الحمام لوحده !! ميعرفش يتوضأ لوحده !! ميعرفش يحرك رجله !! ميعرفش يمشي !! من غرفته لحد المطبخ !! ميعرفش يصلي غير بالاشاره .. ميعرفش يقف ولا يركع ولا يسجد !!ا

غيرك كثيييير جدا كل حركتهم فوق كرسي متحرك !!ا

المشكلة اننا غالبا مبنركّزش ولا نشعر الا بنعمة واحده وهى المال وفقط

مع اننا معنا من النعم اللى ممكن اغني الاغنياء بالمال يكون محروم من واحده منها ويدفع فلوسه كلها في العلاج علشان ترجعله النعمة ديه وكمان مش حتعمل بنفس الكفاءه اللى عندك وانت سليم .. وحيبقى مبسوط جدا

واحنا عندنا النعم ديه بس للاسف مش حاسين بقيمتها .. مبنحسش بقيمتها الا لو فقدناها

طيب نركّز ازاى نشكر هذه النعمة العظيمة .. نعمة المعافاة في البدن ؟؟

بالقول :- دائما افتكر انك تحمد الله وتشكره انه عافاه مما ابتلى به غيرك وفضلك على كثير ممن خلق تفضيلا .. لما تشوف حد ابتلى في صحته وفي جسده .. قول هذا الدعاء : الحمد لله الذى عافاني مما ابتلى به غيري وفضلى على كثير ممن خلق تفضيلا ..طبعا من غير متسمع المبتلى .. اشكر الله وقل يارب لك الحمد والشكر على نعمة العافية .. وادع الله أن يحفظ عليك النعمة وادع الله أن يعافيك في بدنك وأسأله العفو والعافية

بالفعل :- لا تستخدم النعمة التى أنعمها الله عليك في معصيته .. لا تستخدم القوة في بدنك بظلم غيرك .. بالبطش بغير حق ، بضرب الضعيف .. لا تسخر ممن حُرم هذه النعمة .. متتريقش على حد ماشي بطريقة مش سليمه وتقول الأعرج وتتريق .. متخليش استخدام الصحة اللى عندك دايما في المعصية .. ولو حد طلب منك تستخدمها في الطاعة متستخدمهاش

مش على طول بتستخدمها في الجرى وراء الحرام .. ولو اتقالك تعالى صلي في المسجد مترضاش .. ساعد غير القادر والمحتاج .. لو لقيت حد كبير في السن شايل حد قيله عليه شيل معاه وساعده .. لو حد كبير مش قادر يعدّى الشارع عدّيه .. .. مش علشان عندك صحة تضيعها بشرب السجاير والمخدرات

و احذر انك تبدل نعمة الله إلى نقمة فيأخذ الله منك هذه النعمة .. فتندم أشد الندم ولكن بعد فوات الأوان

احمد الله واشكره وتب من المعاصي التي تستعين فيها بنعمة الله على معصية الله

____________________________

3- خليك زيهم

كثير جدا نسئ استخدام نعمة اللسان والكلام بنتكلم بكلام ممكن يبقى فيه غلط كثير او اساءه لحد ومبنهتمش

كثير جدا نسئ استخدام نعمة البصر وننظر للحرام ونطلق بصرنا نتفحص بيه الحرام

كثير جدا نسئ استخدام نعمة الصحة والعافية .. فنظلم غيرنا ونسئ لهم

قال ابن دقيق العيد - رحمه الله - : ( ما تكلمت بكلمة منذ أربعين سنة إلا وأعددت لها بين يدي الله جوابا )ا

سبحان الله

لهذه الدرجة .. من 40 سنة مفيش كلمة واحده قالها الا وهو عارف لو اتسأل عنها بين يدي الله وقيل له : لماذا قلتها ؟؟ هو مجهز الجواب وعارف حيقول ايه

لهذه الدرجة السلف كان يحتاط لوقفه بين يدي الله .. ينصرف بعدها للجنة او للنار !!ا

حاول قبل متستخدم اللسان في معصية الله .. ان تقول لنفسك لما أتسأل عن اللى حقوله بين يدي الله .. حقول ايه !!ا

قبل متستخدم نعمة البصر في النظر للحرام .. قل لنفسك لما يسألني الله لماذا نظرت .. حقول ايه !!ا

قبل متستخدم نعمة الصحة في الظلم والبطش .. قل لنفسك لما يسألني الله لماذا ظلمت .. حقول ايه !!ا

لو لقيت حاجه تقدر تجاوب بيها .. اعصى

لو ملقيتش وده الاكيد .. اعمل حساب للوقفه بين يدي الله

ربنا يرزقنا مراقبته وخشيته في السر والعلن

و قبل متغتابوني وتشتمونى علشان طولت واتأخرت عنكم

راجعوا نفسكم

__________________________________

بكده خلصت الحلقة الحادية عشر .. ومعلش استحملونى

وبكره إن شاء الله نلتقى في الحلقة الثانية عشر إن شاء الله

وجزاكم الله خيرا

ابسط ما تساهم به نشر الحلقات ولو بالايميل

______________________________________________

[A_E_B]

رد: ( فكّر ، ركّز و خليك زيهم ) ..؟؟ مفاجأة رمضان الجديدة إن شاء الله

الحمد لله وحده والصلاة والسلام على من لا نبى بعده

تابع جزء فكّر من الحلقة الحاديه عشر

من سلسلة

" فكّر ، ركّز و خليك زيهم "

صحيح أذكار الصباح والمساء

منقوله من صحيح أذكار الصباح والمساء للقحطاني بتحقيق الألباني

( 1 ) قراءة آية الكرسي

[ صحيح ] أعوذ بالله من الشيطان الرجيم ((اللَّهُ لا إِلَهَ إِلا هُوَ الْحَيُّ الْقَيُّومُ لا تَأْخُذُهُ سِنَةٌ وَلا نَوْمٌ لَهُ مَا فِي السَّمَاوَاتِ وَمَا فِي الأرْضِ مَنْ ذَا الَّذِي يَشْفَعُ عِنْدَهُ إِلا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلا يُحِيطُونَ بِشَيْءٍ مِنْ عِلْمِهِ إِلا بِمَا شَاءَ وَسِعَ كُرْسِيُّهُ السَّمَاوَاتِ وَالأَرْضَ وَلا يَؤُودُهُ حِفْظُهُمَا وَهُوَ الْعَلِيُّ الْعَظِيمُ)) (البقرة:255) .ا


( 2 ) قراءة سور الإخلاص والفلق والناس 3 مرات

[ حسن ] بسم الله الرحمن الرحيم ((قل هو الله أحد * الله الصمد * لم يلد ولم يولد * ولم يكن له كفواً أحد)) .
- بسم الله الرحمن الرحيم ((قل أعوذ برب الفلق * من شر ما خلق * ومن شر غاسق إذا وقب * ومن شر النفاثات في العقد * ومن شر حاسد إذا حسد)) .- بسم الله الرحمن الرحيم ((قل أعوذ برب الناس * ملك الناس * إله الناس * من شر الوسواس الخناس * الذي يوسوس في صدور الناس * من الجنة والناس)) (ثلاث مرات) ا

( 3 )

[ صحيح ] ((أصبحنا وأصبح الملك لله والحمد لله، لا إله إلا الله وحده لا شريك له، له الملك وله الحمد وهو على كل شيء قدير، رب أسألك خير ما في هذا اليوم وخير ما بعده وأعوذ بك من شر ما في هذا اليوم وشر ما بعده، رب أعوذ بك من الكسل، وسوء الكِبَرِ، رب أعوذ بك من عذاب في النار، وعذاب في القبر)) ا


( 4 )

[ صحيح ] ((اللهم بك أصبحنا، وبك أمسينا ، وبك نحيا، وبك نموت وإليك النشور)).ا


( 5 )

[ صحيح ] ((اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبُوُء لك بنعمتك علي، وأبوء بذنبي فاغفر لي فإنه لا يغفر الذنوب إلا أنت)) .ا

( 6 )

[ صحيح ] ((اللهم عافني في بدني، اللهم عافني في سمعي، اللهم عافني في بصري، لا إله إلا أنت. اللهم إني أعوذ بك من الكفر، والفقر، وأعوذب بك من عذاب في القبر، لا إله إلا أنت)) (ثلاث مرات).ا

( 7 )

[ صحيح ] ((اللهم إني أسألك العفو والعافية في الدنيا والآخرة، اللهم إني أسألك العفو والعافية في ديني ودنياي وأهلي، ومالي، اللهم استر عوراتي، وآمن روعاتي، اللهم احفظني من بين يدي، ومن خلفي، وعن يميني، وعن شمالي، ومن فوقي، وأعوذ بعظمتك أن أغتال من تحتي)) .ا


( 8 )

[ صحيح ] (( اللهم عالم الغيب والشهادة فاطر السماوات والأرض، رب كل شيء ومليكه، أشهد أن لا إله إلا أنت، أعوذ بك من شر نفسي، ومن شر الشيطان وشِرْكِهِ، وأن أقترف على نفسي سوءاً، أو أجره إلى مسلم )) .ا


( 9 )

[ صحيح ] (( بسم الله الذي لا يضر مع اسمه شيء في الأرض ولا في السماء وهو السميع العليم )) (ثلاث مرات) .ا


( 10 )

[ صحيح ] ((رضيت بالله رباً، وبالإسلام ديناً، وبمحمد نبياً )) (ثلاث مرات) .ا


( 11 )

[ حسن ] ((يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين )).ا


( 12 )

[ صحيح ] (( أصبحنا على فطرة الإسلام وعلى كلمة الإخلاص، وعلى دين نبينا محمد وعلى ملة أبينا إبراهيم،حنيفاً مسلماً وما كان من المشركين )) .ا


( 13 )

[ صحيح ] (( سبحان الله وبحمده )) (مائة مرة) .


( 14 )

[ صحيح ] (( لا إله إلا الله، وحده لا شريك له، له الملك وله الحمد وهو على كل شيء قدير )) (مائة مرة في اليوم) .


( 15 )

[ صحيح ] ((سبحان الله وبحمده: عدد خلقه، ورضا نفسه، وزنة عرشه ومداد كلماته )) (ثلاث مرات إذا أصبح) .


( 16 )

[ صحيح ] (( اللهم إني أسألك علما نافعاً، ورزقاً طيباً، وعملاً متقبلاً )) (إذا أصبح) .


( 17 )

[ صحيح ] (( أستغفر الله وأتوب إليه )) (مائة مرة في اليوم) .


( 18 )

[ صحيح ] (( أعوذ بكلمات الله التامات من شر ما خلق )) (ثلاث مرات) .

____________________________

ديه كانت صحيح أذكار الصباح والمساء

نحاول نحفظهم ونقول منهم على قد منقدر

ولا تنسونى من صالح دعائكم

وجزاكم الله خيرا

ابسط ما تساهم به نشر الحلقات ولو بالايميل

______________________________________________

[ولائى لدينى]

رد: ( فكّر ، ركّز و خليك زيهم ) ..؟؟ مفاجأة رمضان الجديدة إن شاء الله

جزاكم الله خيرا وبارك الله فيكم
اشتركتم فى المسابقة الرمضانية فلماذا لا تجيبون على
سؤال حلقة كل يوم انا لم ارى تجاوبكم إلا قليييييييييل جدا
والمسابقة تبدأ الساعة 11 بالضبط
بارك الله فيكم أخانا ولا تحرمنا من جديد مواضيعكم.

[A_E_B]

رد: ( فكّر ، ركّز و خليك زيهم ) ..؟؟ مفاجأة رمضان الجديدة إن شاء الله

جزاكم الله خيرا وبارك الله فيكم
اشتركتم فى المسابقة الرمضانية فلماذا لا تجيبون على
سؤال حلقة كل يوم انا لم ارى تجاوبكم إلا قليييييييييل جدا
والمسابقة تبدأ الساعة 11 بالضبط
بارك الله فيكم أخانا ولا تحرمنا من جديد مواضيعكم.

أختنا الفاضلة :
أولاً : جزاكم الله خيرا
وثانياً : أنا النت بيفصل عندى من بعد التراويح للفجر لما بفتح بيكون السؤال اتجاوب ...

[خديجة أحمد]

رد: ( فكّر ، ركّز و خليك زيهم ) ..؟؟ مفاجأة رمضان الجديدة إن شاء الله

جزاكم الله خيرا و نفع بكم

[ابو رياض سفير redsee]

رد: ( فكّر ، ركّز و خليك زيهم ) ..؟؟ مفاجأة رمضان الجديدة إن شاء الله

انا معكم ان شاء الله
جزاكم الله خير
ابو رياض