قفل و مفتاح يا عم عبد الفتاح...

[مجاهد الشام]

السلام عليكم ورحمة الله وبركاته
إزيكم يا حبايب إن شاء الله بخير
والله إني بحبكم في الله ومشتاقلكم أوي إن شاء الله تكونوا مثلي
المهم إحنا اليوم جايين هنا علشان نقرب من بعض شوية إزاي يا عم وإنتا تقلي مفتاح وقفل وعبد الفتاح هو القصة إيه ؟؟ ما تخفوش
من باب قوله صلي الله عليه وسلم ((الدين النصيحة قلنا : لمن ؟ قال : لله ولكتابه ولرسوله ولأئمة المسلمين وعامتهم .))
الراوي: تميم الداري المحدث: مسلم - المصدر: صحيح مسلم - الصفحة أو الرقم: 55
خلاصة الدرجة: صحيح
فإحنا جايين علشان نحل مشاكلنا مع بعض
إزاي بقي حطرح مشكلة كل أسبوع ودور كل عضو فيكم يحط رأيه والعلاج المناسب للمشكلة
بس الموضوع ده هيكون مخصوص ليكم يعني ما بيفهش غير إنتو والمشرفين بتوع القسم يعني إيه
خاص × خاص بالعامية شباب × شباب
طبعا كل شئ وله ضوابطه
شروط الموضوع :-
1) يمنع وضع أي مشكلة بواسطة الأعضاء وأي عضو يريد طرح مشكلة يمكنه فتح موضوع في الإقتراحات والشكاوي كي يتم الرد عليه ووضعها في الموضوع
2) يسمح بوضع حلول للمشاكل التي تطرح بواسطة الأعضاء وهنا المفأجاة وهي أن العضو صاحب أفضل حل سيحصل علي وسام جديد لن أكشفه حتي يتم إختيار عضو ليحمله
3) سيتم وضع حل لكل مشكلة بواسطة المشرف في آخر الأسبوع

[مجاهد الشام]

رد: قفل و مفتاح يا عم عبد الفتاح...

المشكلة الأولي كتالي
أنا شاب إمتحناتي كمان كم من يوم وعندي مشاكل وهي :-
1)بحب وحدة ومش عارف أعمل معاه إيه عاوزاني نطلع ونطش وأنا لسا ما خلصتش حاجة من المنهج
2) أبويه وأمي إزاي أتعامل معاهم في فترة الإمتحانات ديه أسيبهم يعملو ويشتغلو ولا أساعدهم بس لو سعدتهم ممكن وقتي يضيع
3) أنا عليا إمتحانات وكل ساعة أنا محتاج ليه طيب والصلاة في المسجد وصلاة الليل أعمل بيهم إيه إزاي أتعامل معاهم في الجو ده
أنا مش عاوز نكتر نشوف رأيكم إيه ونرجع

[M_S_A]

رد: قفل و مفتاح يا عم عبد الفتاح...

ماشاء الله اخى عاشق فداء الرسول موضوع رائع حقاً
فين الشباب اين الحلول وفين الهمم عايزين نشوف مين اللى ها يأخذ
الوسام
بس مش كوبى وبيست عايزين حلول واقعية مش نظرية الهمه ياشباب

[فارس جباره]

رد: قفل و مفتاح يا عم عبد الفتاح...

بارك الله فيكم موضوع ممتاز و احنا محتاجينه من زمااااااااان اوى
المهم خلينا فى حل المشكلة دى

1)بحب وحدة ومش عارف أعمل معاه إيه عاوزاني نطلع ونطش وأنا لسا ما خلصتش حاجة من المنهج
اولا : الحب مش حرام بس الحب ده يكون حب الله و الرسول و امك و ابوك لكن انك تحب واحدة و تخرجوا كدا ده بقى اللى حرام عشان دى متحلش ليك و الله اعلم
ثانيا : انت بالفعل وقعت ... خلينا نعيش الواقع .... بص البت دى ما تنفعكش عشان مش هتكون صالحة لو اتجوزتها عشان هى مش خايفة على مستقبلك دلوقتى و اللى كان هيكون مستقبل عيالها .... يبقى هتخاف عليه بعد كدا , المفروض انها تكون عندها شوية احساس انت عندك امتحانات اذى تسيب مذكرتك و ترحلها و المفروض انها تضحى عشان حبها , ذى اللى بيقولوا " الواحد لازم يضحى عشان اللى بيحبه " .......و اخيرا رئيي انك تنفض لها
2) أبويه وأمي إزاي أتعامل معاهم في فترة الإمتحانات ديه أسيبهم يعملو ويشتغلو ولا أساعدهم بس لو سعدتهم ممكن وقتي يضيع
بص هما مش هيخلوك تساعدهم .... انت ما تعرفهمش كويس , و لو احتاجوا لحاجة مش هتاخد معاك 5 دقائق , و انت المفروض ترضيهم الايام دى عشان ربنا ينجحك و يرضا عنك , انت هتقولى ايه الكلام ده هقولك ده مش كلامى ده كلام المصطفى صلى الله عليه و سلم حيث قال { رضا الرب في رضا الوالدين، وسخط الرب في سخط الوالدين } [رواه الترمذي وصححه إبن حبان والحاكم].
3) أنا عليا إمتحانات وكل ساعة أنا محتاج ليه طيب والصلاة في المسجد وصلاة الليل أعمل بيهم إيه إزاي أتعامل معاهم في الجو ده
الصلاة شئ اساسى فى حياتك لا يكتمل اى عمل الا بها و الصلاة عماد الدين .... قلى انت لو قصرت فى الصلاة هتدعى ربنا امتى انه يوفقك و ينجحك و" الرسول صلى الله عليه و سلم قال اقرب ما يكون العبد من ربه و هو ساجد فأكثروا من الدعاء " و لو كنت بتصلى قيام الليل كله ممكن تخفضه 4 ركعات مثلا او حسب و قتك , طبعا صلاة الفرض اوع تفاوتها فى المسجد و مع الجماعة و فى الصف الاول طبعا و بعد كدا اختم الصلاة و انت ماشى فى الطريق الى البيت و ابقى صلى السنة اللى بعد الصلوات المكتوبة فى البيت اول ما توصل
اخيرا ربنا يعينك و يوفقنا و يوفقك

[محمد السكندري]

رد: قفل و مفتاح يا عم عبد الفتاح...

بسم الله الرحمن الرحيم
السلام عليكم ورحمة الله وبركاته
( اخي لحل هذه المشكلة:قال صلى الله عليه و سلم;" إن تَصدقِ اللَّهَ يَصدقْكَ " أخرجه الألباني في أحكام الجنائز في رواية عن شداد بن الهاد الليثي;
هل فعلا انت صادق في ترك الفتاة لله ام لأجل الامتحانات؟؟اذا كانت الاولي فابشرك بان الحل في يدك انت>>> ستقول كيف؟! اقول لك يا من اكرمه الله بقيام الليل وصلاة المسجد سل الذي اخذ بقلبك لهذا الخير ان يصرف قلبك عن هذا الشر وتيقن اذا كنت صادق فلن يخذلك الله ابدا)(المشكلة الثانية:قال صلي الله عليه وسلم للصحابي الذي استأذنه في الجهاد وعنده أبوين قال له صلى الله عليه وسلم:" ففيهما فجاهد " صحيح البخاري عن عبد الله بن عمرو،
وجب عليك طاعة الوالدين واطمأن هما لن يكونا سببا لشغل وقتك فهم يخافون على وقتك أكثر منك بل ستجدهم يحملون عنك كثيرا من الأشياء ليفرغوا لك وقتك وعموما أصلح نيتك في مساعدتهم وسترى التوفيق باذن الله)

(اخواني هل توجد مشكلة في كتابة الردود ؟توجد عندي مشكلة في الكتابة علي الموقع!!)

[مجاهد الشام]

رد: قفل و مفتاح يا عم عبد الفتاح...

جزيتم كل خير إخواني
بس إعلمو إن دي مشاكل متنوعة مش خاصة فيا ولكن أنا اضربها علي نفسي كي تكون الصورة أوضح
حلول جميلة ولكن لن أقول رأي في الحلول إلا بعدما نجمع حلول أكثر

[أبو بكر أشرف الشامي]

رد: قفل و مفتاح يا عم عبد الفتاح...

ما شاء الله ... الله يحييك أخوي أبو بكر عاشق فداء الرسول...

و تحياتي للشباب المشاركين... أكيد المشاكل الثلاثة تُصادفنا بهذه الأيام و سنرى كيفية تصرف الشباب حيالها... الله يعطيكم العافية...

[Abu-Saad]

رد: قفل و مفتاح يا عم عبد الفتاح...

ما شاء الله ... الله يحييك أخوي أبو بكر عاشق فداء الرسول...
لا يوجد كلام بكفى ان اقوله غير انى احبك فى الله
مميز جدا عاشق بموضوعاتك ... غلبتنى جدا
بارك الله فى عملك

[مجاهد الشام]

رد: قفل و مفتاح يا عم عبد الفتاح...

جزاكم الله كل خير علي مروركم يا عاطلين عن العمل
بديش شكر وردود بدي حلول للمشاكل
أحبك الذي أحببتني فيه ويعلم الله أن أحبك فيه

[محمد السكندري]

رد: قفل و مفتاح يا عم عبد الفتاح...

بسم الله الرحمن الرحيم
السلام عليكم ورحمة الله وبركاته

اخي الحبيب عاشق فداء الرسول

اعيذك بالله اخي ان تكون هذا الشاب ولكني كتبت الحل علي اساس التخيل
اني تخيلت ان شابا امامي اكلمه
وثبتنا الله واياكم علي طاعته

[مجاهد الشام]

رد: قفل و مفتاح يا عم عبد الفتاح...

هو انت يا عم محمد ما صدقت دحنا هنا إخوة نمزح ونتكلم ونتجاوز أي حدود إلا حدود الدين ونتعامل علي أساس حقوق الأخوة
أخ محمد نريد نشر الموضوع بوضعه في التوقيع ودعوة إليه ولقد قام أبو سعد بعمل توقيع يمكنك وضعه ووضع رابط الموضوع في توقيعك وبارك الله فيك

[M_S_A]

رد: قفل و مفتاح يا عم عبد الفتاح...

حيا الله الشباب
تفاعل جميل ونريد تفاعل اكثر
جزاكم الله خيراً اخواتى الاحباء ونفع الله بكم
عايزين نشوف مين اللى ها يخد الوسام

[مجاهد الشام]

رد: قفل و مفتاح يا عم عبد الفتاح...

أكيد مش إنتا لأنك ما قدمتش حل يا معلم

[الرااجي عفو ربه]

رد: قفل و مفتاح يا عم عبد الفتاح...

السلام عليكم ورحمه الله وبركاته


المشكله الاولي

)بحب وحدة ومش عارف أعمل معاه إيه عاوزاني نطلع ونطش وأنا لسا ما خلصتش حاجة من المنهج

اعلم اخي انها مادامت لا تحل لك فانت مأمور ب
عدم الكلام معها
عدم النظر اليها
وهذا كان من امر الله عز وجل لامهات المؤمنين في سوره الاحزاب لما امر الصحابه
الا يتكلموا مع امهات المؤمنين
ثم انزل الله بعدها في نفس السوره ايات الحجاب لامهات المؤمنين ونساء المؤمنين
فانظر اخي اذا كان هذا حال الصحابه وهم من هم
مع امهات المؤمنين وهم من هم
فماذا يكون حالك انت
المشكله الثانيه

أبويه وأمي إزاي أتعامل معاهم في فترة الإمتحانات ديه أسيبهم يعملو ويشتغلو ولا أساعدهم بس لو سعدتهم ممكن وقتي يضيع

كل ما عليك فعله ان تقوم كل يوم تصلي الفجر ثم بعد الصلاه تاتي اليهما وتقبل ايديهما
وتسالهما الدعاء لك
وحبذا لو كان هذا دابك معهما بعد كل صلاه
تنال رضاهما ورضا الرب كما
اخبر بذلك الرسول صلي الله عليه وسلم
واعلم ان اكثر ما يريدانه منك فتيقن انه لن يعطلك ابدا عن مذاكرتك
المشكله الثالثه

أنا عليا إمتحانات وكل ساعة أنا محتاج ليه طيب والصلاة في المسجد وصلاة الليل أعمل بيهم إيه إزاي أتعامل معاهم في الجو ده أنا مش عاوز نكتر نشوف رأيكم إيه ونرجع

اعلم ان الصلاه كانت علي المؤمنين كتابا موقوتا
كما اخبر بذلك الله عز وجل في كتابه الكريم فالصلاه الصلاه في مواعيدها وخاصه صلاه الفجر
وكانت هذه اخر وصيه لنبينا صلي الله عليه وسلم وهو في مرض الموت
فقال الصلاه الصلاه وما ملكت ايمانكم

وجزاكم الله خيرا

[محمد الزيدي]

رد: قفل و مفتاح يا عم عبد الفتاح...

1)بحب وحدة ومش عارف أعمل معاه إيه عاوزاني نطلع ونطش وأنا لسا ما خلصتش حاجة من المنهج

اخي في بداية الامر كيف تحب من لاتحل لك الا تعلم ما قاله الرسول ما تصلي عليه (صلي الله عليه وسلم)
[لأن يطعن في رأس أحدكم بمخيط من حديد خير له من أن يمس امرأة لا تحل له
الراوي: معقل بن يسار المحدث: المنذري - المصدر: الترغيب والترهيب - الصفحة أو الرقم:4/329 خلاصة الدرجة: رجال الطبراني ثقات رجال الصحيح).
ومن المعروف انك لما بتتطلعو مع بعض بتمسك ايديها وتبص في عينيها وتسرح وتدفع دم قلبك في الاخر هو ده ينفع يبقي خراب دنيا واخرة!!!!!!!!!!! هذا لا يجوز هدانا الله واياك.


2) أبويه وأمي إزاي أتعامل معاهم في فترة الإمتحانات ديه أسيبهم يعملو ويشتغلو ولا أساعدهم بس لو سعدتهم ممكن وقتي يضيع
مفيش حاجة اسمها وقتي يضيع لان كله عند ربنا وده وقت لو جددت النية فيه لله هتاخد ثواب كبير واول ما ترجع تذاكر تاني هتلاقي ربنا باركلك في الوقت وفتح عليك فتوحات لا يعلمها الا هو بسبب دعوة والدتك او ابيك وبعدين تعالي هنا قولي يعني الخمس او العشر دقايق دول هما اللي هيطلعوك عالم ولا هيخلوك معيد في الكلية خلي الطابق مستور.

3) أنا عليا إمتحانات وكل ساعة أنا محتاج ليه طيب والصلاة في المسجد وصلاة الليل أعمل بيهم إيه إزاي أتعامل معاهم في الجو ده
يعني انتا جاي في اكثر الاقات الواحد يبقي محتاج لربنا فيها وتقلي مش قادر اصلي في الجامع تيجي ازاي دي هو في احلي من انك تقوم تتوضأ حتي لو متوضأ جدد وضوئك وحس كده بالانتعاش وتفوق نفسك وتروح تصلي في اول الوقت وتصلي السنة القبلية وتقعد ما بين الاذان والاقامة تدعي لان زي ما قال حبيبك ما تصلي عليه[صلي الله عليه وسلم] (الدعاء بين الأذان والإقامة لا يرد
الراوي: أنس بن مالك المحدث: ابن حبان - المصدر: بلوغ المرام - الصفحة أو الرقم: 454
خلاصة الدرجة: صحيح)
وبعدين تصلي كدة في الصف الاول وتخشع من كلام ربنا وتعيش كدة مع الركوع والسجود احلي لحظات اكيد بعد ده كلوه هترجع البيت صدرك مشروح وذهنك صافي وهتذاكر احسن مذاكرة إن شاء الله .