قوة التركيز ... بمناسة اقتراب الإمتحانات (كلام جامد جدا)

[ابو مالك محمد المصرى]

السلام عليكم ورحمة الله وبركاته


الإمتحانات قربت طبعا

لازم نستعد

لازم نبدأ من دلوقتى

لأنك مسلم .. لازم تكون متفوق .. وعشان تكون متفوق .. لازم تكون متميز

واحنا هنا بنبحث على التميز وبنوصل مع بعض ليه باذن الله تعالى ::

تعالوا معانا جووووولة حول الإمتحانات

مش هنتكلم عن السلبيات زي :
القلق .. التوتر .. النوم .. الأكل ..

وانما هنتكلم عن الإيجابيات زي :
قوة التركيز ازاى اقدر اوصلها ؟ .. تحصيل كل اللى فات ولم المنهج بالكامل .. أصول التفوق والوصول إليه .. النشاط الذهني .. وتنشيط الذكاء والدماغ

كلنا محتاجين الموضوع ده

وفي الوقت ده بالذات ...

يالا نبدأ ... ؟؟؟


يالا نبدأ

والله المستعاااان



منقول للفائده

[ابو مالك محمد المصرى]

رد: قوة التركيز ... بمناسة اقتراب الإمتحانات (كلام جامد جدا)

(1)
::: قوة التركيز :::

اعلم ان مخ الانسان يقدر يستوعب 60 فكرة جديدة في ال24 ساعة
كمان كل واحد فينا يقدر ينتج ويفكر ويبدع ويكز


ناس كتير تقول ان المخ لا يستطيع التركيز اكتر من 7 دقائق !!


ودي حيقية لكن ناقصة كلمة وهى (( متواصة))
اى 7 دقائق متواصلة تماما .. والمخ بيفصل ثانية ولا 2 او اكتر ونكمل ..


رجل صحي من النوم .. بيشرب فنجان القهوة زي كل يوم .. بيبص ف الجريدة .. يوم روتيني ممل جدا .. فتح التلفزيون يشوف الأخبار ..

وجد رجل يرفع سيارة بقوته !!!
استغرب جداااا

ازاى ؟؟

ولما سألوه عن ذلك قال :: قوة تركيزي وليس قوتى هى التى وصلتني لذلك

لا انظر حولى ولا لمن يصورني وانما وضعت كل تركيزي فى ان ارفعها فرفعتها !!!



هنا هنقف وقفة جامدة ..
كل واحد فينا جواه عملااااااااق ودي حقيقة



بس مين اللى هيطلع العملاق ده ؟؟

ومين هيدفنه ويدوس عليه لحد ما يقل يقل يقل .. ويحدث له ضمور ؟؟


ابدأ .. وحدد هدفك .. واشتغل على اساسه .. سيب كل المؤثرات الخارجية التى حولك وركز فقط في المحاضرة او الدرس الذي امامك .



هي دي النقطة الإساسية

لازم يكون عندك ثقة في النفس لأن هي دي اللى هتكبر العملاق اللى جوانا وتخليه يطلع



ابعد تماما عن الإيحاءات السلبية ..

اوعى تقول مش هقدر .. انا قدراتي قليلة .. انا ولا حاجة .. انا فاشل .. مش بقدر اركز



لااااا

انت عندك قدرات كتير جدا وقوية جدا وتقدر تنميها .. كل الموضوع انها مدفونة جوة .. المفتاح هنا .. ازاى تقدر تطلعها ؟؟



عايزين نعمل تمرين مهم جدااا وهيأثر معانا جدا

اعمله كل فترة وبالذات قبل ما تذاكر ..




تمرين التنفس

للأسف كلنا بنتنفس غلط ..


جربوا كده وعيشوا التنفس الصح ::
1/ قوم بفرد ظهرك
2/ اخرج كل الهواء الذي بداخلك (زفييييير)
3/ استنشق هوااء لمدة 3 ثوانى متواصل او بمعني اصح (4 عدات) (مقدار قبض الاصبع او بسطه)
4/ احبس الهواء بداخلك لمدة عدتين
5/ خرج الزفير (كل الهواء) في 8 عدات
يبقى الخطة كدة 4 ......2 .....8
6/ كررها كذا مرة


استعن بالله .. وابدأ ....

[ابو مالك محمد المصرى]

رد: قوة التركيز ... بمناسة اقتراب الإمتحانات (كلام جامد جدا)

(2)
::: تحصيل كل اللى فات ولم المنهج بالكامل :::

ازاى ؟؟

لا تضع في مخيلتك ان الدنيا انتهت

لا لسسسه

ادامك فرصة تنجح .. بل تتفوق .. بل تكون الاووول



ركز واستعن بالله


لما اقولك ركز في ايدك اليمين تنسي الشمال خالص

والعكس لو قلتلك ركزي في الشمال تنسي اليمين خالص

حط رأسك في المذاكرة وانسي كل اللى حولك ((حاول وهتوصل باذن الله)


شوف كل مادة اخدت فيها ايه

كام باب؟

شوف الباب ده كبير وده صغير

ليك مزاج تبدأ بايه؟

ابدأ ... اوعى تقف محتار ابدأ بده ولا ده .. لااااا

خشي ف الموضوع

وابدأ بأى حاجة لو محتار والعجلة هتمشي باذن الله


حدد اليوم هخلص كذا
قسم نفسك وباذن الله هتوصل ...



كذا مادة في كذا يوم ..
الاسبوع ده مثلا اخلص مادتين


اشتغل في مادة سهلة وكل يوم اخد جزء من مادة صعبة
وباذن الله ربنا ييسرهالك



تعاون من اصدقائك ::

انت فاهم حاجة وواحد عايزها اشرحهاله
وربنا هيسرلك مذاكرتك

ولو احتاجت حاجه اسأل يا جماعه مين فاهمة الحتة دي ويشرحوهالك .. تعانوا وربنا هيكرمكم والمهم هدفك يكون وااااااضح من الاول :: التفوق لله ..


يالا نبدأ .. والله المستعااااااان



انتظروا الحلقة الثالثة .....

[انا بحبك يا رب]

رد: قوة التركيز ... بمناسة اقتراب الإمتحانات (كلام جامد جدا)

والله يا محمد,طيب انا عندى زهيمر,هركز ازاى,وانا مش بضحك و الله,فعلا انا بنسى بسرعه جدا,
اعمل ايه؟؟؟؟؟؟؟؟؟ّّّ!!!!!!!!!!!!!!!!!!!!!

[ابا فارس]

رد: قوة التركيز ... بمناسة اقتراب الإمتحانات (كلام جامد جدا)

سلام عليكم ورحمه الله وبركاته
وجزاك الله كل خير على ما قدمت

والنبى يا محمد,طيب انا عندى زهيمر,هركز ازاى,وانا مش بضحك و الله,فعلا انا بنسى بسرعه جدا,
اعمل ايه؟؟؟؟؟؟؟؟؟ّّّ!!!!!!!!!!!!!!!!!!!!!

اشهد الله انى احبك فى الله
اذكرك واذكر نفسى بخطا نقع فيه كثيرا الا من رحم ربى
قال رسول الله صلى الله عليه وسلم
من حلف بغير الله فقد أشرك الراوي: - المحدث: ابن تيمية - المصدر: المستدرك على المجموع - الصفحة أو الرقم: 1/28
خلاصة حكم المحدث: صحيح

ثانيا موضوع الزهايمر ده انا كنت وصلتله بس وقفت لنفسى لان دى طريقه بنهرب بيها من الواقع
او بالطريقه الاسهل اننا ننسى
وصدقنى كن متيقن ان مفيش الموضوع ده عندك لانى

وافتكر ان من يتمارض يمرض

ف ركززززززززززززز
واستعن بالله

وانسى ان انت بتنسى

[انا بحبك يا رب]

رد: قوة التركيز ... بمناسة اقتراب الإمتحانات (كلام جامد جدا)

هههههههههههههههه,لا اله الا الله

[فارس جباره]

رد: قوة التركيز ... بمناسة اقتراب الإمتحانات (كلام جامد جدا)

ماشاء الله و لا قوة إلا بالله
ايه الحلوة دى ياعم محمد
بس انت كدا بتقفل علي و تخلى البرنامج بتاعى يهبط
الحلول الجامعات فى حَلحلة الامتحانات
خليها علي المرادى , بس المرة الجاية مش هتنزل أبدااااً
, بارك الله فيك و نفع بيك
فى إنتظار الحلقة القادمة

[تائب بإذن الله]

رد: قوة التركيز ... بمناسة اقتراب الإمتحانات (كلام جامد جدا)

اسال الله ان يوفقكم وان يجعلكم من الناجحين فى الدنيا والاخره
جزاك الله خير الجزاء اخى الحبيب موضوع طيب
ثبتك الله ونفع الله بك

[ابو مالك محمد المصرى]

رد: قوة التركيز ... بمناسة اقتراب الإمتحانات (كلام جامد جدا)

بارك الله فيكم