لا لتشدد فى الدين

[أسد الدعوة الاسلامية]

رد: لا لتشدد فى الدين

جزاك الله خيرا الدين المعاملة

[ابو شدا]

رد: لا لتشدد فى الدين

السلام عليكم ورحمة الله وبركاتة

اخوانى الاحباء اشهد الله انى احبكم فى الله
ولكن لى تعليق لتضح لصورة
الاخ الحبيب كتب هذا الموضوع بسببى انا او بسبب هذا الموضوع
وهذا هو الموضوع وارجو من الاخوة الدخول للموضوع للتعليق على ما فية
وان كونت على خطأ فاخوة هنا ما شاء الله عليهم توضح لنا الصورة
وان كان فى مشدة منى فلا يسمحنى اخى

الاحتفال بما يسمة شم النسيم

[ابو شدا]

رد: لا لتشدد فى الدين

أرجو اخى الحبيب قراءة هذا الموضوع
لشيخنا الفاضل د/مسلم

متشدد أيه ياعم ................

[انا بحبك يا رب]

رد: لا لتشدد فى الدين

ازيك يا اخ ابو حمزه انا اسف لانى سبتك و مشيت بس كان ورايا تدريب و الله.
المهم:انا بجد و الله استفدت منك و من كلامك قوى

فى نهاية مداخلتى بوجه للأخوة نصيحة من مُحب والله
يا أخوة اتقوا الله فى أنفسكم ... وانصحوا لله بهدوء وبدون عصبية أو استعجال .. اللى يقدر يفيد يكتب لكن الكلام المنقول والعصبية والأسلوب القاسى ممكن يضيع كل شىء ... النبي صلى الله عليه وسلم كان بيبتسم فى وجه الكفار وبيعاملهم بالحسنى وبيتحمل أذاهم وبيغفر لهم أخطائهم فى حقه وكان بيدعيلهم بالهداية ... ياريت يكون لينا فيه أسوة حسنة ... والكلام بدون علم كارثة الكوارث ... لازم يكون المُتكلم ملم بالموضوع اللى هو بيتكلم فيه ولو مكنش مُلم يقول بصراحة ده أخرى كده وهسأل فى الموضوع عشان ميقلش فى عين القراء

و الكلام ده عجبنى قوى.
ثانيا:عايزك تقولى براحه انا انهى نوع من الناس الى بتتكلم.

[عمر إسماعيل]

رد: لا لتشدد فى الدين

هتكلم بصراحه بقى و بدون زعل فى ناس هنا فى الموقع و مواقع تانيه و لا داعى لذكر الاسماء بتشدد فى دينها زياده على اللزوم
و قال الله فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظّاً غَلِيظَ الْقَلْبِ لاَنفَضُّواْ مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الأَمْرِ فَإِذَا عَزَمْتَ فَتَوَكَّلْ عَلَى اللّهِ إِنَّ اللّهَ يُحِبُّ الْمُتَوَكِّلِينَ{159} ال عمران
ثانيا:فى ناس عماله تنقل كلام الشيوخ و خلاص من غير متفهمه و احب اقولهم عيب عليكو كدا.
لقد كان رسول الله طيب القلب و طيب الكلام فلا يجرح احد بكلامه و لا يؤذى احد ويتكلم معهم بالين و الموعظه الحسنه.
يا شباب لقد جعلتم غيرتكم على دينكم ,جعلتم الشباب يفرون من حولكم كما يفر الكلاب من الصيادون.
عيب يا جماعه الدين الاسلام دين معامله ,و ليس دين تشدد و عافيه,لو كان تشدد و عافيه كان زمان العالم كله منتشر فيه الاسلام.
انا مش عايز حد يزعل منى ,انا لاحظت التشدد فى المعامله انا و بعض الاخوه فى المنتدى بعض المنتديات الاخرى,علشان كده قولت اطرح الموضوع ده لانى بحبكم فى الله.

والله يا حبيبي في الله اظن انني اعلم وجهة نظرك واعلم انك لماذا طرحت هذا الموضوع وطرحك لهذا الموضوع في هذا التوقيت المناسب يبين لنا لماذا وضعته ومن الأعضاء الذين تقصدهم ولكنني لن أوضح شئ ولعلك وضعت هذا الموضوع بسبب الحديث عن بدعة **** مش هكمل
المهم ..
في الحقيقة أخي الكريم ممكن ناس تفهم التشدد غلط يعني مثلاً واحد بيشرب خمر ويخرج مع بنات ويلعب قمار ويتعاطى مخدرات جاء له شيخ وقال له حرام عليك فعل هذا وهذا وهذا ... فقال إن الشيوخ متشديدين والدين يسر ومش عارف إيه طب مانت الي عملت الحرام وعدلت عن المباح يكون صاحب هذه الدعوى كاذب لأنه ليس متشدد على الإطلاق
ثم إنه من يتكلم في شئ يتكلم بحجة ويقول قال الله تعالى قال الرسول صلى الله عليه وسلم إن وافق كلامه الواقع فهو ليس متشدد وإنما يكون متشدد عندما يجعل المكروه حرام او يصل إلى المباح ويحرمه
من الناس من يريد ان يوافق الشرع هواه وإن لم يوافق هواه يقول التشدد التشدد كيت وكيت وبعدين اخي الحبيب انت ممكن تذكر لنا موقف واحد تظن انه فيه تشدد وسنبين لك إن شاء الله انه ليس فيه تشدد فأنت قلت

فى ناس هنا فى الموقع و مواقع تانيه و لا داعى لذكر الاسماء بتشدد فى دينها زياده على اللزوم

هذا يعني انك عاينت من الكثير من التشدد في الدين فأنت ممكن تذكر لنا موقف واحد فقط من هذه المواقف بدون ذكر أسماء يعني مثلاً ممكن تقول ده كان في واحد كلمه واحد في المسألة الفلانية وقيل كذا وكذا يعني لا تنسب القصة إلى نفسك واجعل القصة مبهمة بدون ذكر شخوص وبين لنا موقف عن التشدد وبارك الله في عمرك

[انا بحبك يا رب]

رد: لا لتشدد فى الدين

لا داعى للاحراج اخى فاذا قلت مواقف سوف يعرفه الكل لان الموقف مازال مطروح فى المنتدى

[عمر إسماعيل]

رد: لا لتشدد فى الدين

لا داعى للاحراج اخى فاذا قلت مواقف سوف يعرفه الكل لان الموقف مازال مطروح فى المنتدى

جزاكم الله خيراً حبيبي انا فاهم قصدك وافهم الموقف الذي تتحدث عنه لكن يجب أن تعلم أن هذا الأمر بدعة ويمكنك لو تسمع الشيخ مسعد أنور لقد تحدث في هذا الموضوع والحقيقة الأخوة لم يشددوا عليك إطلاقاً بارك الله فيك

[انا بحبك يا رب]

رد: لا لتشدد فى الدين

يا اخى يا عزيز انا شاب و اعرف دينى كما يعرفون,و لكن انا انظر الى دينى بجميع الاتجاهات ,ولكن هم ينظرون باتجاه واحد فقط,و انا معك انهم لم يشدوا ولكنهم اساءوا فهمى,لقد اساءوا الفهم مع شخص يعرف الدين مثلهم,فما بالك بالذى لا يعرف,هل سيضربوه؟؟؟؟؟؟؟؟؟؟؟؟؟

[انا بحبك يا رب]

رد: لا لتشدد فى الدين

أرجو اخى الحبيب قراءة هذا الموضوع
لشيخنا الفاضل د/مسلم


متشدد أيه ياعم ................

يا اخى لقد قرات الموضوع و موضوع جميل و لكن الدكتور يقد شى اخر ارجو قراه الموضوع بعنايه

[أبوحمزة]

رد: لا لتشدد فى الدين

ثانيا:عايزك تقولى براحه انا انهى نوع من الناس الى بتتكلم.

الحمد لله إنك قريت كلامى كويس وأفادك ... واعذرنى لو قلتلك إنك من النوع اللى عايز يتعلم لكن بطريقة مختلفة ... بمعنى إنك ومن خلال متابعتى لمواضيعك بتصعب على نفسك الدنيا أوى .. بعيداً عن موضوع شم النسيم ... أنا بتكلم فى مجمل حواراتك ... انت عايز تتعلم الدين كله فى يوم واحد وبتدور دايماً فى دماغك على تعارضات بين الدين والدنيا ... وده ظهر فى كلامك عن التبرج وعن البدلة وعن الكلب وحاجات تانية كتير ... ولو انت فاكر إنى سبق وقلتلك شوف شيخ كويس اتعلم منه وخليه يتابعك عشان يفهمك الدين بهدوء ... فإنت بتوقع نفسك فى متاهات لو بحثت فى الدين بس هتلاقيلها إجابة لكن انت بتسيب المتاهات دى تتوهك الأول وبعدين تتكلم فيها بدليل إنك قل دلوقتى

و لكن انا انظر الى دينى بجميع الاتجاهات ,ولكن هم ينظرون باتجاه واحد فقط,

أنا أفهم من كلامك إنك ممكن تنظر للدين من نظرة مُخالف أو من نظرة نصرانى أو من نظرة ملحد ؟! ... عموماً أياً كانت نظرتك فإنت بتتعب نفسك .. انت بتسأل السؤال عشان تتعلم دينك وف نفس الوقت بتُسقط على الدين رأى تانى والدين لا يؤخذ بالرأى ... ليه ؟؟ ... لأن عقلك ممكن يختلف مع عقلى وعاداتك ممكن تختلف مع عاداتى فأنا لو أخدت الدين ونظرتله من خلال عقلى هيبقى دينى غير دينك ... ولو كان الدين بالرأى لكان مسح الخف من أسفله أولى من أعلاه ... لكن ربنا سبحانه وتعالى إدانا اللى يريحنا من التفكير بالأسلوب ده وقالنا {يَا أَيُّهَا الَّذِينَ آمَنُواْ أَطِيعُواْ اللّهَ وَأَطِيعُواْ الرَّسُولَ وَأُوْلِي الأَمْرِ مِنكُمْ فَإِن تَنَازَعْتُمْ فِي شَيْءٍ فَرُدُّوهُ إِلَى اللّهِ وَالرَّسُولِ إِن كُنتُمْ تُؤْمِنُونَ بِاللّهِ وَالْيَوْمِ الآخِرِ ذَلِكَ خَيْرٌ وَأَحْسَنُ تَأْوِيلاً }النساء59 ، فيا أخى لو عايز تفهم دينك صح ترده لله وللرسول علطول ... وهضرب ليك مثال بسيط ... عمرك سمعت عن واحد مريض بمرض فى الكبد مثلاً ربنا يعافينا ويعافيك وكل القراء والمسلمين آمين فراح لدكتور عيون ؟؟ ... لا طبعاً لأن دكتور العيون ملوش دعوة بالكبد ... طيب عمرك سمعت عن واحد عايز يبنى عمارة فجاب مدرس إنجليزى يبنيها ؟؟ .. لا طبعاً لأنها تخصصات ... طيب أنا لما بتعب مثلاً بشوية سخونية ولا حاجة مبروحش لأى دكتور وخلاص ... لا دنا بروح لأحسن دكتور عشان حاجة بسيطة زى دى ... لأنه أكتر حد يفهم فى المجال ده ... طيب ليه بنستغرب لما بنرد الدين لله للرسول ؟؟؟ .... فنظرتك للدين يا أخى تكون من خلال نظرة الكتاب والسنة ... لأن ربنا سبحانه وتعالى هو اللى ارتضى لينا الدين ده كما هو هو زى ما هو بكل اللى فيه والنبي صلى الله عليه وسلم هو اللى علمنا الدين ده وعلمنا إزاى نعبد ربنا سبحانه وتعالى من خلال وحى الله ليه .... وفى نهاية كلامى بكرر كلامى ونصيحتى ليك وبقولك تااااااابع شيييييخ كوييييييييس ومعرووووف عنه العقيدة السليمة والأخلاق الحميدة .... وربنا يصلحا أحوالنا جميعاً يا أخى ... ولو فى أى حاجة تانية قول جزر بس

[انا بحبك يا رب]

رد: لا لتشدد فى الدين

يا اخى ديننا دين تسامح وربنا خلق لينا عقل علشان نفكر الناس كلها تفكر بيه مش واحد يفكر و الباقى يقول امين,
طيب معلش استفسار تانى
ربنا خلق لينا الدنيا لنعبده فيها صح,و بردو نشوف اجزاء و لو واحد فى ميه من الجنه,
معلش هكمل كلامى بعدين لانى رايح للدكتور دلوقتى.
اسف

[أبوحمزة]

رد: لا لتشدد فى الدين

يا اخى ديننا دين تسامح وربنا خلق لينا عقل علشان نفكر الناس كلها تفكر بيه مش واحد يفكر و الباقى يقول امين,

كلامك مظبوط طبعاً ... لكن انت مفهمتش أنا أقصد إيه ... أنا شرحتلك قاعدة شرعية بتقول : إذا تعارض العقل مع النقل فيُقدم النقل على العقل ... يعنى الدين ممنعش استخدام العقل .. بالعكس ... ده أمر بإننا نستخدم عقلنا كتير جداً ... بل إن ذكر العقل لفظاً فى القرآن أكثر من أربعين مرة ... والتفكر مذكور فى القرآن كتير جداً ... يعنى الدين مقلكش الغى عقلك عشان تبقى كويس لا طبعاً ... لكن لكل نعمة ربنا أنعم علينا بيها حدود .. يعنى مثلاً ... البصر ... ليه حدود وقيود وقدرة معينة .. فى الضوء الشديد مش بنعرف نشوف وفى الظلام الشديد مش بنعرف نشوف لأن قدرة العين محددة بنسبة إضاءة معينة ... السمع .. نقدر نسمع بحد معين لكن لما حد يوطى صوته أوى منقدرش نسمع صوته على عكس بعض الكائنات التانية .. لو فى 3 بيتكلموا فى نفس الوقت مش بنقدر نعرف هما عايزين إيه .. ليه ؟؟ .. لأن سمعنا مُقيد ومُحدد بقدرات مُعينة ... ونفس الموضوع فى العقل ... عقلنا مُقيد بقيود معينة وقدرات معينة ... يعنى إحنا لا نتخيل مثلاً قدرات الله سبحانه وتعالى بعقلنا .. إزاى ربنا يسمع كل شخص فينا برغم اختلاف اللغات والأدعية ليل نهار .. منقدرش نتخيل بعقلنا .. عشان كده بنقدم النقل ونقول قدرة الله غير محدودة وقد أخبرنا جل وعلا أنه يسمع كل شىء ويرى كل شىء فلا نستخدم عقلنا ونكتفى بالإيمان ... لأنك لو فكرت وعصرت مخ وفضلت طول حياتك تفكر بعقلك فى قدرات الله يا إما هتكفر يا إما هتجنن ... وعلى القياس ده قيس مثلاً موضوع زى موضوع الروح ... ربنا سبحانه وتعالى رد على أى حد عايز يتخطى حدود عقله فى مسألة الروح فقال {وَيَسْأَلُونَكَ عَنِ الرُّوحِ قُلِ الرُّوحُ مِنْ أَمْرِ رَبِّي وَمَا أُوتِيتُم مِّن الْعِلْمِ إِلاَّ قَلِيلاً }الإسراء85 ، يبقى احنا كده ارتحنا إننا مش هنقدر نوصل لفهم الروح لحد يوم الدين .. وفى نهاية الآية وما أوتيتم من العلم إلا قليلا والقليل ده اللى هو يناسب عقلنا ورغم التقدم وزيادة الوعى والمعرفة إلا إن معرفتنا هتفضل بالنسبة لكل العلم قليلة لأن دى قدرات عقلنا .. وطبعاً القاعدة دى للمسلمين .. يعنى بعد ما أنا بدخل الإسلام ورضيت بالله ربا وبالإسلام دينا وبالنبي رسولا وبالقرآن كتاب من عند الله .. عشان كده بقولك إن نظرة المسلم للإسلام تنبع من إيمان لكن نظرة النصرانى مثلاً للإسلام تنبع من بحث عن الحقيقة ... فالمسلم أنا أقدر ألزمه بالقرآن وأقوله انت غلط عشان القرآن بيقول كذا والمسلم وقتها هيتعظ ويصدق لأنه مؤمن بالقرآن وهو ده تقديم النقل .. لكن النصرانى مقدرش أكتفى إنى أقوله إن كتابك مُحرف والدليل فى القرآن ( لو كنت بناقشه ) لأنه مش مؤمن بالقرآن أصلاً وبالتالى هيحتاج دلائل عقلية لكن فى نفس الوقت لا تختلف عن النقل من القرآن ... مش عارف أنا خايف لألخبطك .. بس أنا هديك مثال حدث مع واحد بس للأسف مش فاكر إسمه وهبينلك الفرق .. القصة دى أنا سمعتها من الشيخ الطرهونى فى درس من دروس العقيدة وكان بيتكلم عن القاعدة دى ( تقديم النقل على العقل فى التعارض ) وقال إن فى شخص بس مش فاكر إسمه كان بيقدم العقل دايماً على النقل ( علماً بإنه كان مسلم ) .. الشخص ده استخدم عقله فى كل كبيرة وصغيرة فى الدين لحد ما ترك الدين .. ففى موقف من المواقف كان بيناظر واحد مُلحد تقريباً ... فالملحد قاله هل ترى ربك .. الشخص ده قاله لا فقاله الملحد هل تسمع ربك قاله لا قاله تعبد رباً لا تسمعه ولا تراه فى الدنيا فكيف تراه وتسمعه فى الآخرة ؟؟ .. طبعاً الظاهر من الكلام إن الملحد على حق .. لكنها غلطة الشخص ده .. ليه ؟؟ .. لأنه قدم عقله لما تعارض مع النقل من الدين وتجاهل النقل تماماً ... لكنه فى نفس الوقت ميقدرش يقدمله دليل من القرآن لأنه مُلحد مش مؤمن بالقرآن ... فالإجابة المفروض تكون عقلية لكن لا تُخالف النقل .. يقول ربنا سبحانه وتعالى أجل وأعظم من أن يظهر فى الدنيا لأن الدنيا دار ابتلاء واختبار ولا تستحق هذا الفضل من الله بأن يظهر عياناً أمام المؤمن والكافر والمنافق .. فرؤية الله جائزة كبرى يسعى إليها كل مؤمن ليفوز بها فى الأخرة ... ولو ظهر الله لنا فى الدنيا لكان ذلك حسرة على من يكفر لأنه لو ظهر جل وعلا للكافر ورغم ذلك أصر على كفره فذلك معناه تضعيف العذاب أضعافاً مُضاعفة بل سيُعجل الله بعذاب الكافرين لأن حُجتهم داحضة فقد رأوا رب الأرباب ... ولو ظهر الله فى الدنيا لما كان للآخرة فائدة ولا نعيم .. إذ كل نعيم ليس بنعيم إذا وُزن برؤية الله جل وعلا ولهذا فالله لا يظهر فى الدنيا ... الإجابة كده إجابة عقلية لكن لا تُخالف النقل ... وبالتالى يا أخى مسألة إنك تنظر للدين من نظرات مُختلفة مينفعش لأنك كده هتتخلى عن مرجعك ( القرآن والسنة ) اللى عليه أنا لما أناقشك هردك ليه وأشوف كلامك موافق ليه ولا لا ...

الخلاصة : المُسلم يُقدم النقل من الكتاب والسنة على عقله المحدود والمقيد بقدرات مُحددة إذا تعارض العقل من النقل فى مسائل كمسائل الشريعة والعقيدة التى لا يستطيع العقل إستيعابها .. لكن مادام العقل لا يتعارض مع النقل فعليه أن يستخدم عقله لأنه نعمة من الله كالتفكر فى خلق الله ...

ياريت أكون قدرت أفهمك وجهة نظرى ومكونش تقلت عليك وصعبت عليك كلامى ... معذرة للإطالة ... لو فى أى كلام عايز تقوله قوله ميهمكش ... أنا تحت أمرك يا جميل ... ونا منتظرك تكمل السؤال يا جميل

[انا بحبك يا رب]

رد: لا لتشدد فى الدين

سلام الله عليك اخى اسف لانى مش كملت سؤالك,انا لسه جاى من عند الدكتور لان ضلعى اليمين فيه ورم خفيف كده الحمد لله على كل شئ.
اخى بجد بجد انا بستفيد منك فى كل حاجه و ربنا يجزيك خيرا على كل شئ,و انا فعلا زى منت قولت عايز اعرف كل حاجه عن الدين,ولانى طبعا مش ليا صحاب ,فانتوا كل صحابى و هرخم عليكو شويه ههههههه صحاب بقى.
يا اخى الى انا عايز اعرفه ان الله خلقنا لتعبده صح و نصلى له و هذا السبب الرئيسى لخلق الانسان صح,
وبردو ربنا خلق جمال الطبيعه علشان نشوفها و نتفرج عليها,علشان يعرفنا ان الجمال ده كله جزء من جنته صح و لا ايه؟
طيب احنا ليه مش بنتمتع بدنيتنا فى اطار الدين,يعنى نخرج و نتفسح و نشوف الدنيا و فى نفس الوقت نعبد ربنا و نحبه,ليه كل حاجه لا لا و حرام و بدعه.
انتوا قولتوا ان شم النسيم بدعه و حرام و الحمد لله انا اقتنعت بالكلام و بل و جبت كتب و دخلت على النت علشان اتاكد,ولكن اخى ايه العيب اننا نخرج فى اليوم ايه الحرام اننا نتفسح حتى و نشوف زميلنا الى مش بنشوفها.
ثانيا: اخى العزيز انا اعرف ان لنا 3 اعياد عيد الفطر و عيد الاضحى و عيد الجمعه,يا اخى بالله عليك انزل الشوارع فى اى يوم من الايام ديه و شوف الناس بيعملوا ايه دلوقتى,و لا داعى للفسير.
يا اخى هل حرام علينا ان نستمتع بالدنيا فى اطار دينى؟

[أبوحمزة]

رد: لا لتشدد فى الدين

سلام الله عليك اخى اسف لانى مش كملت سؤالك,انا لسه جاى من عند الدكتور لان ضلعى اليمين فيه ورم خفيف كده الحمد لله على كل شئ.
اخى بجد بجد انا بستفيد منك فى كل حاجه و ربنا يجزيك خيرا على كل شئ,و انا فعلا زى منت قولت عايز اعرف كل حاجه عن الدين,ولانى طبعا مش ليا صحاب ,فانتوا كل صحابى و هرخم عليكو شويه ههههههه صحاب بقى.

وعليكم السلام ورحمة الله ... ربنا يشفيك يارب ويرفع عنك ... أبشر ده من حب الله للعبد ( مين قدك ياعم ) .... ورخم ياعم زى مانتا عايز ... عيونى لإلك ياالغلا ..

يا اخى الى انا عايز اعرفه ان الله خلقنا لتعبده صح و نصلى له و هذا السبب الرئيسى لخلق الانسان صح,

صح ...

وبردو ربنا خلق جمال الطبيعه علشان نشوفها و نتفرج عليها

تمام ..

علشان يعرفنا ان الجمال ده كله جزء من جنته صح و لا ايه؟

لا ... عشان يبين لينا فضله ونعمه علينا فيكون دافع قوى للسبب اللى انت ذكرته ( عبادة الله ) ... ويبين لينا قدرته وعظمته وإعجازه وفى نفس الوقت يسخر لينا كل الحاجات دى عشان تساعدنا على الحياة والمعيشة ... تخيل الجمل الضخم ده بينزل على ركبته عشان يركبه شخص صغير فى حجمه جداً بالنسبة للجمل ...ليه ؟؟ .. عشان الحيوان مسخر للإنسان ... يقول جل وعلا ... {وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَى كَثِيرٍ مِّمَّنْ خَلَقْنَا تَفْضِيلاً }الإسراء70 ... وبرغم الحاجات الحلوة دى كلها إلا إنها متساويش حاجة فى جنة الرحمن من نعيم ... النبي صلى الله عليه وسلم بيقولك إن فى الجنة ما لا عين رأت ولا أذن سمعت ولا خطر على قلب بشر وفى رواية على قلب أحد .. يعنى لا شوفت ولا سمعت ولا تقدر تتخيل زى اللى فى الجنة ... واوعى تكون فاكر إن ربنا سبحانه وتعالى لما قالنا {وَهُوَ الَّذِيَ أَنزَلَ مِنَ السَّمَاءِ مَاءً فَأَخْرَجْنَا بِهِ نَبَاتَ كُلِّ شَيْءٍ فَأَخْرَجْنَا مِنْهُ خَضِراً نُّخْرِجُ مِنْهُ حَبّاً مُّتَرَاكِباً وَمِنَ النَّخْلِ مِن طَلْعِهَا قِنْوَانٌ دَانِيَةٌ وَجَنَّاتٍ مِّنْ أَعْنَابٍ وَالزَّيْتُونَ وَالرُّمَّانَ مُشْتَبِهاً وَغَيْرَ مُتَشَابِهٍ انظُرُواْ إِلِى ثَمَرِهِ إِذَا أَثْمَرَ وَيَنْعِهِ إِنَّ فِي ذَلِكُمْ لآيَاتٍ لِّقَوْمٍ يُؤْمِنُونَ }الأنعام99 ... إن رمان الجنة مثلاً زى رمان الدنيا ... {فِيهِمَا فَاكِهَةٌ وَنَخْلٌ وَرُمَّانٌ }الرحمن68 ... لا لا لا ... هو تشابه بس فى الأسماء ... فى الجنة كل شىء متغير ... وده مثال على الحاجة اللى انت شوفتها .. يعنى لما أقولك رمان فى الجنة تقولى أه منا شفت رمان ( رغم الاختلاف الكبير بينهم ) فالنبي قالك ولا أذن سمعت يعنى انت بتقول إنك شفت رمان طيب فى الجنة حاجة انت مسمعتش عنها قبل كده .. تقولى أه .. أنا سمعت عن شلال جميل قوى معرفش فين كده ... أقولك سمعت عن أنهار لبن وعسل وخمر غير مُسكر ولذيذ الطعم ... يقول جل وعلا {مَثَلُ الْجَنَّةِ الَّتِي وُعِدَ الْمُتَّقُونَ فِيهَا أَنْهَارٌ مِّن مَّاء غَيْرِ آسِنٍ وَأَنْهَارٌ مِن لَّبَنٍ لَّمْ يَتَغَيَّرْ طَعْمُهُ وَأَنْهَارٌ مِّنْ خَمْرٍ لَّذَّةٍ لِّلشَّارِبِينَ وَأَنْهَارٌ مِّنْ عَسَلٍ مُّصَفًّى وَلَهُمْ فِيهَا مِن كُلِّ الثَّمَرَاتِ وَمَغْفِرَةٌ مِّن رَّبِّهِمْ كَمَنْ هُوَ خَالِدٌ فِي النَّارِ وَسُقُوا مَاء حَمِيماً فَقَطَّعَ أَمْعَاءهُمْ }محمد15 ... تقولى لا .. بس أقدر أتخيلها .. أقولك حاسب ده النبي صلى الله عليه وسلم قالك ولا خطر على قلب بشر .. يعنى لا اللى انت شوفته ولا سمعته ولا حتى تتخيله زى اللى فى الجنة ... يعنى إيه ؟؟ ... أقولك اقرأ قول الله {مُتَّكِئِينَ عَلَى فُرُشٍ بَطَائِنُهَا مِنْ إِسْتَبْرَقٍ وَجَنَى الْجَنَّتَيْنِ دَانٍ }الرحمن54 ... انت عارف البطانة ( الحشو ) اللى بيكون فى الأنتريه ... الراجل بيعمل فيه أى حاجة كده قديمة وشكلها وحش وناشفة لأنها مش هتظهر برة ... وبيهتم بالفرش اللى برة لأنه أهم من اللى جوة .. تخيل بقى لما يبقى حشو الفرش اللى فى الجنة من إستبرق ... يبقى الفرش نفسه إيه ؟؟؟؟ ... متقدرش تتخيل ولا يقدر عقلك ولا قلبك يستوعبها ... فمفيش أى مقياس بين الدنيا والجنة يا أخى ... الأكل والشرب والقوة والشكل والنساء والنعيم .. كل شىء .. كل شىء مختلف ....

طيب احنا ليه مش بنتمتع بدنيتنا فى اطار الدين,يعنى نخرج و نتفسح و نشوف الدنيا و فى نفس الوقت نعبد ربنا و نحبه,ليه كل حاجه لا لا و حرام و بدعه.

لا طبعأً مش كل حاجة حرام وبدعة ... أنا سبق وقلتلك قبل كده إن الأصل فى كل شىء إنه حلال حتى يأتى نص التحريم أو علته ... يعنى الدين بين لينا الحرااااام واللى سكت عنه الدين فهو الحلال ... يعنى لو أنا ونتا قاعدين فى ساعة عصارى كده ممكن تعد الحاجات الحرام فى الدين ... لكن الحلال منقدرش نعده .. لأنه كتيييير ...لكن لأن نفسنا نفس بشرية دايماً بنحاول نقنع نفسنا إن المحظور أهم من الممكن والمخفى أفضل وأكتر من الواقع ... سيدنا آدم عليه السلام رغم إن ربنا قاله تنعم فى الجنة وكل زى منتا عايز لكن الشجرة دى بس متقربش منها ... شجرة واحدة بس ... رغم كده نفس آدم البشرية جبلته إنه ياكل من الشجرة .... فدى حاجة طبيعية فينا إننا نبحث عن المحظور ... ده أولاً ... ثانياً .. مين قالك متستمتعش ومتخرجش .؟؟ ... أخرج واتفسح وانبسط وكل حاجة ... لكن المشكلة يا صديقى إن الفتن فى زماننا بقت فى كل مكان ... فوق وتحت يمين وشمال ... عشان كده الملتزمين ميحبوش الخروج خصوصاً فى أماكن الفتنة الشديدة اللى نقدر نقرر فيها ... زى المصيف مثلاً ... أنا نفسى أروح البحر وأصيف وأتمتع بالجمال ... لكن الفتن اللى هناك بتمنعنى ... يبقى دينى ولا نفسى ... نفسى ولا دينى ... لا أقدم دينى على نفسى وأستحمل عشان ربنا ... وأقرر إنى مروحش البحر .. مش عشان أنا معقد .. ولا عشان أنا محرم على نفسى حاجة ربنا محرمهاش .. لكن لأنى عارف إنى لو رحت هعصى ربنا وممكن أموت على معصية ... فالملتزمين تلاقيهم ماشيين بمبدأ واحد .. دينى فوق كل شىء ... إيه يعنى لما أستحمل وأجى على نفسى شوية 60 سنة بالكتير لحد ما أموت وأكسب الجنة فى الآخرة ؟؟ ... ربنا سبحانه وتعالى بيقول فى سورة النازعات ( فَأَمَّا مَن طَغَى{37} وَآثَرَ الْحَيَاةَ الدُّنْيَا{38} فَإِنَّ الْجَحِيمَ هِيَ الْمَأْوَى{39} وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى{40} فَإِنَّ الْجَنَّةَ هِيَ الْمَأْوَى{41} ... ) .. فتلاقى المؤمن دايماً يقولك لا ياعم إيه يعنى شوية مية مملحة وجلد أسود وملح فى العينين وتعب فى العضم ... ولا يلزمنى ... إحنا مش بتوع دنيا ياعم ... إحنا بتوع جنة... دايماً المؤمن بيعمل ربط بين أمانية وبين الآخرة عشان كده ربنا بيرضيه وبيريح صدره ... {وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ }العنكبوت69 ، أمال هو اسمه جهاد إزاى ؟؟ ... لازم تجاهد نفسك وتشوف الحاجة دى توافق الشرع ولا لا .. توافقه أهلا وسهلاً .. لا توافقه بلاش .. فالموضوع أكبر منى ومنك .. الموضوع موضوع ياآخرتى يا دنيتى ... وهضرب ليك مثال بسيط ... تخيل لو انت فى أتوبيس وواحدة ست كبيرة ركبت الأتوبيس وطلبت منك تقوم من على الكرسى عشان تقعد هى لأن مفيش كراسى ونتا رفضت من غير سبب وخليتها واقفة ... الناس هتقول عليك إيه ؟؟ .. هيقولوا الولد ده مش كويس ومش بيعرف فى الذوق والجدعنة والرجولة ... ليه هما قالوا كده ؟؟ .. لأنك خالفت الذوق والعادات اللى الناس أخدت عليها وبتتمسك بيها ... وبالتالى إنت بالنسبة ليهم شاذ ومخالف ... يعنى إحنا متمسكين بالذوق وبنمشى عليه دون ضجر أو زهق ... يبقى ليه فى الدين بنقول ليه فلان ده مش بينبسط ومش بيعمل معرفش إيه ؟؟ .. رغم إن الدين والشرع أولى بالتمسك من العادات والتقاليد والذوق العام ....

انتوا قولتوا ان شم النسيم بدعه و حرام و الحمد لله انا اقتنعت بالكلام و بل و جبت كتب و دخلت على النت علشان اتاكد,ولكن اخى ايه العيب اننا نخرج فى اليوم ايه الحرام اننا نتفسح حتى و نشوف زميلنا الى مش بنشوفها.
ثانيا: اخى العزيز انا اعرف ان لنا 3 اعياد عيد الفطر و عيد الاضحى و عيد الجمعه,يا اخى بالله عليك انزل الشوارع فى اى يوم من الايام ديه و شوف الناس بيعملوا ايه دلوقتى,و لا داعى للفسير.

فى حاجة اسمها مخالفة اليهود والنصارى ... يعنى لو اليهود والنصارى بيقدسوا شىء معين المفروض إحنا نخالفهم فيه ... اليهود فى عهد النبي صلى الله عليه وسلم كانوا بيتعجبوا ويقولوا ما لمحمد ما يترك من أمرنا شيئاً إلا ويخالفنا فيه ؟؟؟ ... والنبي صلى الله عليه وسلم قال خالفوا اليهود والنصارى قال خالفوا المجوس وقال خالفوا المشركين ... من كل ده نفهم إن أى شىء مقدس عندهم المفروض إحنا نخالفهم فيه لأن ديننا مش محتاج زيادة ... يعنى لو أنا كل يوم كل يوم بتفسح وبخرج وبنبسط ... آجى يوم عيدهم أقعد فى بيتنا ... مش عشان أنا مش عايز أنبسط .. لكن عشان أنا مسلم ومعيدش بأعيادهم ... وأحتسب أجر مخالفتهم ... لأنها بالنسبة ليهم اعتقاد ودين ونا لو عملت زيهم هيفهموا إنى موافقهم على معتقاداتهم وشرائعهم ... أما بخصوص أعيادنا ... فإحنا زى ما قلت عندنا الفطر والأضحى والجمعة ... يعنى عندك عيد أسبوعى أهو عايز إيه تانى ؟؟ .. ومش معنى إن الفتن كتيرة إننا نزود على أعيادنا أعياد !!! ... يعنى لو أخدناها بالعقل يبقى لو إحنا خايفين من الفتنة يبقى نقعد فى أعيادنا إحنا كمان ... ولو مش خايفين من الفتنة يبقى لازمته إيه نزود أعياد على أعيادنا ؟؟ ... وبعدين اوعى تفكر إن السعادة والراحة بتكون بالخروج والفسح ... لا يا أخى والله .. ياما ناس بتخرج وتتفسح وتصرف فلوس وهما أبعد ما يكون عن السعادة ... وياما ناس مش بتشوف نور الشمس ورغم كده هم فى منتهى السعادة ... السعادة شىء قلبى يا أخى ... واوعى تتخيل إن الإنسان هيسعد أو قلبه هيفرح وهو بيعصى ربنا ... لا يا أخى ... القلب ده بتاع ربنا وكلام ربنا هو اللى يسعده {الَّذِينَ آمَنُواْ وَتَطْمَئِنُّ قُلُوبُهُم بِذِكْرِ اللّهِ أَلاَ بِذِكْرِ اللّهِ تَطْمَئِنُّ الْقُلُوبُ }الرعد28 ، والسعادة مسألة نسبية ... ممكن الشىء اللى يسعدك ميسعدنيش ... وممكن اللى يسعدنى ميسعدكش ...

يا اخى هل حرام علينا ان نستمتع بالدنيا فى اطار دينى؟

لا مش حرام ... وياريت تفضل فاكر إطار دينى ... إطاار دينى

[انا بحبك يا رب]

رد: لا لتشدد فى الدين

والله العظيم و الله العظيم يا اخى الى بيكلمك عن الخروج ده بيكره الخروج و مش بحب اخرج و لا اتفسح و لكنى اريد ان اعرف الصح لا اكثر .
و عايز طلب منك كمان بقى غتاته,انا عايز اميلك علشان عايز تساعدنى.