لا لتشدد فى الدين

[انا بحبك يا رب]

رد: لا لتشدد فى الدين

عارف يا اخى و الله و تم تحميلها فعلا و انا بسمع دلوقتى و لكن مش كل واحد هيخش هيحمل السلسله علشان اكتب الى تعرفه و انا هكتب لانى عايز اوصل لحاجه معينه من الردود

[مسلم & وافتخر]

رد: لا لتشدد فى الدين

حبيب قلبى دينا دين وسط

يعنى لا تشدد اوى ولا لين اوى

وزى مانتو شايفين بالله عليكو الدين البحبحاوى الا موجود فى كثير من الفضائيات وغيرة وغيرة

شوفو بيعمل اية

جاء النقاب قلك مش من الاسلام وانتو متشديدين والمراءة له حرية وغير من التفهات المعروفة

جاء اعياد النصارى قالو عادى لازم نشركهوم دى وحدة وطنية وشوية شوية ----------ولا بلاش--------

وغيرة وغير من الكثير من الامور الا نزلت تحت بند
لا لتشدد


اما ان كان اخى الحبيب موضوعك عن التشدد فى الاسلوب والدعوة الا الله
قال الله تعالى
ادْعُ إِلِى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُم بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ وَهُوَ أَعْلَمُ بِالْمُهْتَدِينَ{125} سورة النحل

وقال رسول الله
ما كان الرفق في شيء إلا زانه ، و لا نزع من شيء إلا شانه

الراوي: عائشة و أنس بن مالك المحدث: الألباني - المصدر: صحيح الجامع - الصفحة أو الرقم: 5654
خلاصة حكم المحدث: صحيح

اسئل الله العظيم ان يهدينا ويهدى بنا ويجعلنا سبب لمن اهتدى

ولفتة اخير عندما نرا مثلا هذا يجب علين الانتقاض حتى نراى وجهت نظر اخونا هذا

احبكم فى الله



اسوووووووووووود ما شاء الله عليكو
قاااااااادمون اليك ياربى وعلى عبادتك محافظون وطائعون وسنة نبيك متطبقون

لا اله الا انت سبحانك انى كنت من الظالمين

[انا بحبك يا رب]

رد: لا لتشدد فى الدين

يا شباب ليه كل حاجه جايه من الغرب بنقول عليها حرام ,
للاسف الغرب بردو زى مخدو حلو ادونا حلو و لكن احنا استعملنا الحلو ده غلط.

[مسلم & وافتخر]

رد: لا لتشدد فى الدين

يا شباب ليه كل حاجه جايه من الغرب بنقول عليها حرام ,

من قال هذا اخى الحبيب وياريت توضيح ما الذى اخذناه حتى نعلم اهو حرام ام حلال


للاسف الغرب بردو زى مخدو حلو ادونا حلو و لكن احنا استعملنا الحلو ده غلط

زى اية ياريت التوضيح

احبك فى الله
.

[أبو بكر مح ـمد المصرى]

رد: لا لتشدد فى الدين

أخى الحبيب
يمكن هذا الحبيب يوضح لك شيئا


قال رسول الله صلى الله عليه وسلم

( يوشك الأمم أن تداعى عليكم كما تداعى الأكلة إلى قصعتها . فقال قائل : ومن قلة نحن يومئذ ؟ قال : بل أنتم يومئذ كثير ، ولكنكم غثاء كغثاء السيل ، ولينزعن الله من صدور عدوكم المهابة منكم ، وليقذفن الله في قلوبكم الوهن . فقال قائل : يا رسول الله ! وما الوهن ؟ قال : حب الدنيا وكراهية الموت )
الراوي: ثوبان مولى رسول الله المحدث: أبو داود - المصدر: سنن أبي داود - الصفحة أو الرقم: 4297

[انا بحبك يا رب]

رد: لا لتشدد فى الدين

يا اخى الحبيب الغرب ادونا حاجات كثير زى:
1_الحريه:احنا كنا عايشين من غير حريه و لكن الغرب عرفونا معنى الحريه و لكن للاسف احنا استعملنا الحريه ديه غلط يعنى تلاقى البنت لابسه من غير هدوم و تقولك حريه,تلاقى الشاب لابس سبايكى و يقولك ديه ديمقراطيه.
2_التكنولوجيا:انت عندك النت مثلا فى ناس كثير بتستعمله غلط صح ,تلاقى الشاب قاعد طول النهار بيكلم بنات او ........,قليل قوى الى بيخشوا على مواقع اسلاميه و كده.
كفايه كده

[مسلم & وافتخر]

رد: لا لتشدد فى الدين

لى عودة ان شاء الله
المغرب اذن

[أبوحمزة]

رد: لا لتشدد فى الدين

شوف يا أخى ... كلام حضرتك جميل جداً جداً ... ونا فهمت كده إن موضوعك ده بخصوص موضوع شم النسيم اللى اتفتح فيه حواااااار طويل .. لدرجة إنه أنا تهت فى الموضوع لأن الموضوع أخد أكبر من حقه .. عموماً أنا مش هتعرض للموضوع ده لكن هتكلم فى موضوعك هنا وبإذن الله تفهمنى ... أنا عايزك تصلى على الحبيب صلى الله عليه وسلم وتركز معايا كويس جداااااااااااااااا ...
أولاً : يعنى إيه تشدد ؟؟ ...
التشدد لغة هو التعصب لفكرة معينة أو مبدأ معين أو موقف معين بدون محاولة للتغيير ... التشدد شرعاً هو الإتيان بما لم ينزل الله به سلطاناً لا فى كتاب ولا فى سنة والتمسك به كما لو أنه جزء من الدين .. وحديث الثلاثة اللى استقلوا عبادة النبي صلى الله عليه وسلم مشهور
جاء ثلاث رهط إلى بيوت أزواج النبي صلى الله عليه وسلم ، يسألون عن عبادة النبي صلى الله عليه وسلم ، فلما أخبروا كأنهم تقالوها ، فقالوا : أين نحن من النبي صلى الله عليه وسلم ؟ قد غفر الله له ما تقدم من ذنبه وما تأخر ، قال أحدهم : أما أنا فإني أصلي الليل أبدا ، وقال آخر : أنا أصوم الدهر ولا أفطر ، وقال آخر : أنا أعتزل النساء فلا أتزوج أبدا ، فجاء رسول الله صلى الله عليه وسلم فقال : ( أنتم الذين قلتم كذا وكذا ؟ أما والله إني لأخشاكم لله وأتقاكم له ، لكني أصوم وأفطر ، وأصلي وأرقد ، وأتزوج النساء ، فمن رغب عن سنتي فليس مني ) .
الراوي: أنس بن مالك المحدث: البخاري - المصدر: صحيح البخاري - الصفحة أو الرقم: 5063
خلاصة حكم المحدث: [صحيح]
فالنبي صلى الله عليه وسلم هنا حذر من الابتداع والتشدد فى حاجة ظن الناس إنها من الدين ... فلما يجي واحد النهارة مثلاً يقولى أنا هصلى الظهر 5 ركعات عشان أنا بحب الصلاة أوى أقوله لا انت كده هتعمل بدعة .. لو تمسك بيها وقالى لا دى حاجة من الدين بمزاجك أن غصب عنك يبقى ده اسمه متشدد ... لأنه شايف إنه قادر يزود فى الدين ومقتنع بكده كمان ... ومن مظاهر التشدد جعل السنن فروض .. والشخص المتشدد عموماً لا يقبل نقاش ... يعنى كلمة متشدد دى خطيرة جداً ومينفعش نقولها على كل واحد اختلف معانا فى الرأى وإلا إحنا اللى هيبقى اسمنا متشددين !! ...
طيب ... سؤال مهم جداً ... هل من المعقول إن الدين يأمرنا بفعل وبعد كده نكتشف إن إحنا لو عملناه نبقى متشددين ؟؟؟ ... لا طبعاً ... إزاى النبي هيقولك اطلق لحيتك مثلاً وبعد كده يقولنا إن اللى هيطلق لحيته أو هيقول للناس اطلقوا اللحية هيبقى متشدد ؟؟!!!! ... مستحيل طبعاً يكون ده معقول ... ربنا سبحانه وتعالى بيقول ( إِنَّهُ لَقَوْلٌ فَصْلٌ{13} وَمَا هُوَ بِالْهَزْلِ{14} سورة الطارق ، آآه يعنى كل شخص حاجة عملناها على قول الكتاب والسنة مينفعش نسميها تشدد ، لا ده نسميه اتباع ... هل إحنا النهاردة نقدر نقول لواحد بيستاك بالسواك انت متشدد ؟؟؟ ... لا طبعاً .. ليه ؟؟ .. لأن هو معاه الدليل إن اللى بيعمله ده سنة عن النبي صلى الله عليه وسلم ... طيب نقدر نقول للمنتقبة انتى متشددة ؟؟؟ ... لا طبعاً .. ليه ؟؟ .. لأن معاها الدليل إن نقابها واجب على أرجح أقوال العلماء والدلائل فى الكتاب والسنة ... نقدر نقول لواحد بيصلى العصر 7 ركعات انت متشدد ؟؟؟ ... برضه لا ... ليه ؟؟ .. لأننا لازم نعلمه الأول ونعرفه إن اللى بيعمله ده بدعة ومثبتش فى الكتاب وفى السنة ولو أصر على فعله برضه منقولش عليه متشدد .. لأن الكلمة ده تقيلة زى كلمة كافر كده ميقولهاش إلا عالم موثوق فيه بعد ما يرفع كل الأعذار من على الشخص ده .... ولو ثبت لينا بعد كل ده إصرار الشخص ده على الصلاة بالطريقة دى يبقى ده متشدد ... أنا مش هطول أكتر من كده عشان عايزك تتابع معايا ولو فى حوار معين نتكلم فيه بطريقة جدية ونافعة بإذن الله ... لو النقطة دى واضحة معاك ياريت تقولى عشان أنتقل معاك لنقطة تانية .. ولو فى أسئلة ياريت تكتبها من غير كسوف مادام رضا الله غايتنا والرسول قدوتنا ... فى انتظارك أخى الحبيب

[أبو جعفر محمد المصرى]

رد: لا لتشدد فى الدين

السلام عليكم ورحمه الله وبركاته
____________________
الحمد لله والصلاة والسلام على رسول الله . فان التشدد الذى نراه من اخوة ليس من الدين فالدين ليس الانغلاق والتكشير وان تكون الاسنان عورة . انا اسف فان هناك بعض الاخوة هكذا . وهناك جزء اخر مفرط تفريط كامل . بل وليس له اهتمام الا بمطشات الكورة ولا حول ولا قوة الا بالله . ولكن بفضل الله هناك اناس تراهم والهى يطيب يومك فانى اذكر اخوة اذكرهم فقط ولا اراهم حينما اتذكر وجوههم تطيب نفسى من لينهم وتواضعهم وحبهم لك فى الله . فهؤلاء نحسبهم على خير ولا نزكى على الله احد . وكما كان يقول اخى انا بحبك يارب لقد كان لكم فى رسول الله صلى الله عليه وسلم أسوة حسنة فقد كان كثالا فى الاخلاق الحميدة والتواضع واللين فهيا بنا نتأسى به .. ولا تبكوا على اللبن المسكوب . والدعاء هنا وسيلة فعالة جدا بان تسال الله ان يرقق قلوبنا وان يرزقنا اللين فى الاقوال والأفعال.
فرفقا رفقا أخوتى فى الله .

[MusliM4EveR2]

رد: لا لتشدد فى الدين

شوف يا أخى ... كلام حضرتك جميل جداً جداً ... ونا فهمت كده إن موضوعك ده بخصوص موضوع شم النسيم اللى اتفتح فيه حواااااار طويل .. لدرجة إنه أنا تهت فى الموضوع لأن الموضوع أخد أكبر من حقه .. عموماً أنا مش هتعرض للموضوع ده لكن هتكلم فى موضوعك هنا وبإذن الله تفهمنى ... أنا عايزك تصلى على الحبيب صلى الله عليه وسلم وتركز معايا كويس جداااااااااااااااا ...
أولاً : يعنى إيه تشدد ؟؟ ...
التشدد لغة هو التعصب لفكرة معينة أو مبدأ معين أو موقف معين بدون محاولة للتغيير ... التشدد شرعاً هو الإتيان بما لم ينزل الله به سلطاناً لا فى كتاب ولا فى سنة والتمسك به كما لو أنه جزء من الدين .. وحديث الثلاثة اللى استقلوا عبادة النبي صلى الله عليه وسلم مشهور
جاء ثلاث رهط إلى بيوت أزواج النبي صلى الله عليه وسلم ، يسألون عن عبادة النبي صلى الله عليه وسلم ، فلما أخبروا كأنهم تقالوها ، فقالوا : أين نحن من النبي صلى الله عليه وسلم ؟ قد غفر الله له ما تقدم من ذنبه وما تأخر ، قال أحدهم : أما أنا فإني أصلي الليل أبدا ، وقال آخر : أنا أصوم الدهر ولا أفطر ، وقال آخر : أنا أعتزل النساء فلا أتزوج أبدا ، فجاء رسول الله صلى الله عليه وسلم فقال : ( أنتم الذين قلتم كذا وكذا ؟ أما والله إني لأخشاكم لله وأتقاكم له ، لكني أصوم وأفطر ، وأصلي وأرقد ، وأتزوج النساء ، فمن رغب عن سنتي فليس مني ) .
الراوي: أنس بن مالك المحدث: البخاري - المصدر: صحيح البخاري - الصفحة أو الرقم: 5063
خلاصة حكم المحدث: [صحيح]
فالنبي صلى الله عليه وسلم هنا حذر من الابتداع والتشدد فى حاجة ظن الناس إنها من الدين ... فلما يجي واحد النهارة مثلاً يقولى أنا هصلى الظهر 5 ركعات عشان أنا بحب الصلاة أوى أقوله لا انت كده هتعمل بدعة .. لو تمسك بيها وقالى لا دى حاجة من الدين بمزاجك أن غصب عنك يبقى ده اسمه متشدد ... لأنه شايف إنه قادر يزود فى الدين ومقتنع بكده كمان ... ومن مظاهر التشدد جعل السنن فروض .. والشخص المتشدد عموماً لا يقبل نقاش ... يعنى كلمة متشدد دى خطيرة جداً ومينفعش نقولها على كل واحد اختلف معانا فى الرأى وإلا إحنا اللى هيبقى اسمنا متشددين !! ...
طيب ... سؤال مهم جداً ... هل من المعقول إن الدين يأمرنا بفعل وبعد كده نكتشف إن إحنا لو عملناه نبقى متشددين ؟؟؟ ... لا طبعاً ... إزاى النبي هيقولك اطلق لحيتك مثلاً وبعد كده يقولنا إن اللى هيطلق لحيته أو هيقول للناس اطلقوا اللحية هيبقى متشدد ؟؟!!!! ... مستحيل طبعاً يكون ده معقول ... ربنا سبحانه وتعالى بيقول ( إِنَّهُ لَقَوْلٌ فَصْلٌ{13} وَمَا هُوَ بِالْهَزْلِ{14} سورة الطارق ، آآه يعنى كل شخص حاجة عملناها على قول الكتاب والسنة مينفعش نسميها تشدد ، لا ده نسميه اتباع ... هل إحنا النهاردة نقدر نقول لواحد بيستاك بالسواك انت متشدد ؟؟؟ ... لا طبعاً .. ليه ؟؟ .. لأن هو معاه الدليل إن اللى بيعمله ده سنة عن النبي صلى الله عليه وسلم ... طيب نقدر نقول للمنتقبة انتى متشددة ؟؟؟ ... لا طبعاً .. ليه ؟؟ .. لأن معاها الدليل إن نقابها واجب على أرجح أقوال العلماء والدلائل فى الكتاب والسنة ... نقدر نقول لواحد بيصلى العصر 7 ركعات انت متشدد ؟؟؟ ... برضه لا ... ليه ؟؟ .. لأننا لازم نعلمه الأول ونعرفه إن اللى بيعمله ده بدعة ومثبتش فى الكتاب وفى السنة ولو أصر على فعله برضه منقولش عليه متشدد .. لأن الكلمة ده تقيلة زى كلمة كافر كده ميقولهاش إلا عالم موثوق فيه بعد ما يرفع كل الأعذار من على الشخص ده .... ولو ثبت لينا بعد كل ده إصرار الشخص ده على الصلاة بالطريقة دى يبقى ده متشدد ... أنا مش هطول أكتر من كده عشان عايزك تتابع معايا ولو فى حوار معين نتكلم فيه بطريقة جدية ونافعة بإذن الله ... لو النقطة دى واضحة معاك ياريت تقولى عشان أنتقل معاك لنقطة تانية .. ولو فى أسئلة ياريت تكتبها من غير كسوف مادام رضا الله غايتنا والرسول قدوتنا ... فى انتظارك أخى الحبيب

كلام جميل جدا وفقك الله و جزاك خيرا

[انا بحبك يا رب]

رد: لا لتشدد فى الدين

يا اخى انا ليس اقصد التشدد فى المعلومات كما تعتقد و لكنى اقصد التشد فى لغه الحوار,فلغه الحوار هيا اهم شئ.اعتقد انك متفق معى فى هذا النقطه.
فبعض الاخوه ينقلون الموضوع دون تفكير.
طيب هقول لحضرتك حاجه حصلت ليا فى الموقع,انا كنت بسال سوال صغير
هل لو كان رسول الله صلى الله عليه و سلم يعيش فى زمننا هذا اى فى القرن العشرين هل كان من الممكن ان يلبس بدله؟هل السوال ده فى سب لرسولى و حبيبى او مجرد اهانه حتى
ارجو الرد لو سمحت

[أبوحمزة]

رد: لا لتشدد فى الدين

طيب بداية أرجوا من الأخوة التوقف عن الرد عشان الأخ يركز مع واحد بس .. لأن كثرة الردود بتلخبط وبتشتت وفى الغالب بتخرج عن صلب الموضوع ... جارى تجهيز الرد

[انا بحبك يا رب]

رد: لا لتشدد فى الدين

يا اخى سبهم يشاركوا انا كده كده بكتب عندى كل واحد قال ايه

[انا بحبك يا رب]

رد: لا لتشدد فى الدين

معلش سامحونى انا نازل كمان 5 دقائق ورايا تدريب قولوا كل الى فى نفسكوا فى قعبال لما اجى

[أبوحمزة]

رد: لا لتشدد فى الدين

و لكنى اقصد التشد فى لغه الحوار,فلغه الحوار هيا اهم شئ.اعتقد انك متفق معى فى هذا النقطه.

أكيد طبعاً متفق معاك .. لكن عايز أقولك حاجة صغيرة ... أنا مش بشكر فى نفسى ولا برسم عليك لكن بفضل الله أنا من خلال خبرتى فى الحوار مع فئات وطوائف كتير سواء دينية زى شيعة وصوفية ونصارى وملاحدة أو طوائف علمية واجتماعية أقولك إن فى 3 أنوع للمناقشات
النوع الأول :واحد بيبقى داخل عشان يتعلم ويفهم وده بيبان من أسلوبه فى السؤال وطريقة وضعها وده طبعاً إحنا لازم نتكلم معاه بهدوء وبنحاول نفهمه الجزء اللى مش فاهمه ومن الغلط إننا نتعامل معاه بقسوة
النوع التانى : ده شخص مش عايز يفهم يعنى داخل يكتب كلمتين وبس ... داخل يحط كلام ناقله هو لقاه فى مكان ولو ناقشته فيه بتلافيه مش بيقتنع بكلامك ويبدأ يسألك أسئلة مش مفيدة بيحاول من خلالها اللف والدوران على الفاضى وده أنا شخصياً بحاول أتفاهم معاه لكن بعد كده بستخدم بعض الغلظة والقسوة لأنه ممكن يتسبب فى فتنة وهو مش دارى .. انت عارف يا أخى .. فى عهد عمر بن الخطاب كان فى واحد بيمشى بين المسلمين يسخر من القرآن ويقول للمسلمين يعنى إيه والذاريات ذروا ؟ .. وكل ما حد يجاوبه يسخر ويعيد سؤاله بكل تخلف .. فلما عرف عمر بن الخطاب جابه وأطاحه فى الهوا وقاله دى يعنى والذاريات ذروا ... والنوع ده تلاقى منه كتييييير أوى .. وهما من أكتر الناس المتعبين فى المناقشة بصراحة .. لأنه بيبقى حافظ كلام بيقوله وبس ومخلى فكرته تسيطر عليه ومعندوش قابلية للحوار والنقاش .. والنوع ده ممكن الغلظة معاه فى المعاملة عشان يفوق ويعرف هو بيعمل إيه بالضبط ..
النوع التالت : واحد بيسأل وبيجاوب فى نفس الوقت .. يعنى يسألك سؤال وهو محضر إجابة بيقولها بعد السؤال علطول بحيث إنه مش يديك فرصة تجاوب حتى ... لا هو بيقنعك بفكرته قبل ما انت تفكر تجاوب .. وده أنا شخصياً بتجنب الحوار معاهم لأن دى مش مناقشة ده اسمه إقناع بالعافية ... وده حصل مع النبي صلى الله عليه وسلم .. لما نزلت آية سورة البقرة ( لِّلَّهِ ما فِي السَّمَاواتِ وَمَا فِي الأَرْضِ وَإِن تُبْدُواْ مَا فِي أَنفُسِكُمْ أَوْ تُخْفُوهُ يُحَاسِبْكُم بِهِ اللّهُ فَيَغْفِرُ لِمَن يَشَاءُ وَيُعَذِّبُ مَن يَشَاءُ وَاللّهُ عَلَى كُلِّ شَيْءٍ قَدِيرٌ{284} ... فراح الصحابة للنبي صلى الله عليه وسلم وقالوا له حُملنا ما لا نُطيق يا رسول الله ... فغضب النبي صلى الله عليه وسلم ... لأنهم كانوا عايزين يقنعوه بفكرتهم .. وقالهم بل قولوا سمعنا وأطعنا غفرانك ربنا وإلينا المصير ... فلما قالوا كده من رحمة ربنا بيهم نزل العفو فوراً .. وده كان من أهم اختبارات الإيمان ... وبعدها علطول نقرا كلنا قول الله ( آمَنَ الرَّسُولُ بِمَا أُنزِلَ إِلَيْهِ مِن رَّبِّهِ وَالْمُؤْمِنُونَ كُلٌّ آمَنَ بِاللّهِ وَمَلآئِكَتِهِ وَكُتُبِهِ وَرُسُلِهِ لاَ نُفَرِّقُ بَيْنَ أَحَدٍ مِّن رُّسُلِهِ وَقَالُواْ سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ{285} لاَ يُكَلِّفُ اللّهُ نَفْساً إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ{286} ... ، مع العلم إن الصحابة بس كان فى قلبهم شوية ضعف وثقل شوية ورغم كده تغلب إيمانهم ... وعلى هذا فقس يا أخى .. يعنى واحد مثلاً جاى يقولك النهاردة والمفروض إنه محسوب على المسلمين وبيقولك إحنا عايزين نعمل كعبة فى سيناء ... ده تقوله إيه ؟؟؟؟؟ ... لازم يعصبك طبعاً ...

هما دول 3 أنواع اللى أنا أعرفهم فى المناقشات ... والتلاتة ممكن يكون سؤالهم واحد لكن أسلوبهم مختلف وعلى أساس الأسلوب بتتبنى الإجابة وبيعرف اللى بيناقشك شخصيتك وبيعرف إنت قصدك إيه من السؤال ... وممكن يكون السبب فى إنك ممكن تكون واجهت بعض الغلظة من بعض الأخوة إنك بتعمل سعات مواضيع تسأل فيها سؤال وبعد الإجابة عليه تسأل السؤال تانى !! .. وده أنا نفسى حسيته من أكتر من موضوع لحضرتك .. أو بتتنقل من أصل الموضوع لموضوع تانى ...

هل لو كان رسول الله صلى الله عليه و سلم يعيش فى زمننا هذا اى فى القرن العشرين هل كان من الممكن ان يلبس بدله؟هل السوال ده فى سب لرسولى و حبيبى او مجرد اهانه حتى
ارجو الرد لو سمحت

عايز رأيى بصراحة ... أى واحد يشوف السؤال ده يفتكر إنه إهانة فعلاً ... ليه ؟؟؟ ... لأنك جبت حاجة ليها علاقة بالدنيا وألصقتها فى شخص النبي صلى الله عليه وسلم ... يعنى جبت حاجة مُحدثة فى الدنيا وخلطتها بمحدثات الدين ...يعنى مينفعش أقولك مثلاً تفتكر لو عمر بن الخطاب كان عايز كان هيشترى عربية مرسيدس ولا بى إم دبليو ولا ناقة ؟؟؟ ... السؤال من ظاهره يبين إنى بهزر أو بستهزء لكن لأنى عارف صدق نيتك هحاول أبين ليك الأمر ... شوف يا أخى إحنا عندنا فى الدين .. حلال ، حرام ، مكروه ، مُستحب ، مُباح .. وبعد كده بيجي العرف .. الحلال بيّن والأصل فى كل شىء إنها حلال حتى يأتى نص التحريم أو علته .. يعنى الخمرة كانت حلال لحد ما نزل نص التحريم ... وبعد كده نزلت علة التحريم فى حديث النبي كل مسكر حرام ... فبقت الخمرة والمخدرات وكل مسكر حرام قياساً على أصل التحريم وعلته ... المكروه اللى هو بيبقى شبهة بين الحرام والحلال ويُفضل تركه خشية الوقوع فى الحرام ... المستحب ثابت عن النبي صلى الله عليه وسلم وغالباً ما بيكون فيه سعة وتفضيل وترجيح بين العلماء ... زى مسألة الوضوء على وضوء دون وجود صلاة بينهما .. بعضهم قال مُستحب وبعضهم قال مُباح والأمر فيه سعة ... إيه هو المُباح بقى ؟؟ ... هو أى فعل آخر خرج من الأقسام دى ولكنه لا يُخالف الشرع .. أكرر تانى ... لكنه لا يُخالف الشرع ... ولا يوافقه ... زى الأناشيد الإسلامية مثلاً ... قالك إنها مُباحة لكن الكترة منها مكروهة لئلا تشغل الإنسان عن القرآن ولئلا تُغنيه عن كتاب الله ... الأكل مُباح ( الحلال طبعاً ) مادام مفيهوش حاجة حرام أو مشبوهة ... والكترة منه مكروهة لأنها تُغلق القلب ولنهي الله فى آية الإسراف ونهي النبي صلى الله عليه وسلم فى حديث الأثلاث ... وعلى هذا فقس .. يعنى مينفعش تقولى الكباب مُباح ولا لا ... لأن الكلمة عامة ... يعنى لو الكباب ده عبارة عن لحم حلال أكله وذُبح بطريقة شرعية ولم يدخل فيه ما يضر الجسد فهو مُباح .. لكن لو كان غير ذلك فهو مكروه أو حرام على حسب ما تكون منه ... مينفعش أنا لما أقولك كده مثلاً تقولى تفتكر لو كان النبي صلى الله عليه وسلم عايش كان هياكل كباب ؟؟؟ ... أنا عندى قياس شرعى بقيس عليه وبفند من خلاله الأمر المُحدث ده .. والنبي صلى الله عليه وسلم بيّن الأمر ده لما قال من سيعش منكم بعدى فسيرى اختلافاً كثيراً طيب والحل ؟؟ .. فعليكم بسنتى وسنة الخلفاء الراشدين من بعدى عضوا عليها بالنواجذ ... يبقى هو ادانا المقياس اللى نقيس عليه الأمور الخاصة بالدين ... نفس الموضوع فى مسألة البدلة ... الأصل فى اللبس أن يكون ساتر العورة غير مُفتن وليس فيه بزخ أو إسراف أو حرير ... فالبدلة إن كانت توافق الشرع فإيه وجه الحرمة ؟؟ ... يعنى كانت من خامة غير الحرير وليس ضيقة مُجسمة للعورة ولا يظهر لابسها الخيلاء يبقى إيه المشكلة ؟؟؟ ... ومتقوليش لو كان النبي عايش كان هيعمل كذا ولا لا ؟؟ ... لأن النبي صلى الله عليه وسلم عايش معانا بسنته وبتعاليمه ... ولو إحنا ماشيين على الكتاب والسنة صح يبقى إحنا صح ... لأن الدين مُكتمل وأصول الدين وأساسياته بينت لينا إزاى نقدر نحكم على الحاجة دى إن كانت حلال أو حرام أو مكروهة ... إلخ ... ، يبقى وجود النبي صلى الله عليه وسلم بشخصه مش هيزود حاجة فى الدين لأن الدين اكتمل خلاص .. لكن وجوده بسنته هو ده المقياس والمرجع اللى بنرجعله دايماً ... ياريت أكون قدرت أوصلك فكرتى ويكون كلامى مش صعب وواضح ...لو عندك أسئلة ياريت تكتبها .... معذرة للإطالة

فى نهاية مداخلتى بوجه للأخوة نصيحة من مُحب والله
يا أخوة اتقوا الله فى أنفسكم ... وانصحوا لله بهدوء وبدون عصبية أو استعجال .. اللى يقدر يفيد يكتب لكن الكلام المنقول والعصبية والأسلوب القاسى ممكن يضيع كل شىء ... النبي صلى الله عليه وسلم كان بيبتسم فى وجه الكفار وبيعاملهم بالحسنى وبيتحمل أذاهم وبيغفر لهم أخطائهم فى حقه وكان بيدعيلهم بالهداية ... ياريت يكون لينا فيه أسوة حسنة ... والكلام بدون علم كارثة الكوارث ... لازم يكون المُتكلم ملم بالموضوع اللى هو بيتكلم فيه ولو مكنش مُلم يقول بصراحة ده أخرى كده وهسأل فى الموضوع عشان ميقلش فى عين القراء