جمعية المخنوقين المحدودة .... بادر بالاشتراك

[مجاهد الشام]

جمعية المخنوقين المحدودة

زهقت..اتخنقت..متضايق..قرفان
خايف من مواجهة مشاكلك..
انضم لجمعية المخنوقين المحدوده
ده بجد مش هزار

*مشاكل كتير وبتتعملها عملية تجميل..وتبقي سهلة وبسيطة
جمعية المخنوقين المحدودة .. ممنوع اي عمليات تجميل
*حاجات كتير بنخاف نواجهها..
جمعية المخنوقين المحدوة مافيش حاجة اسمها خوف من المواجهة
*الحياة مش لونها بمبي.. لأ كحلي .. زهقنا من التفاؤل الغير مجدي
والإسبرين والنوم معدش يجيب همه

جمعية المخنوقين المحدودة
جمعية يقوم اعضائها بالتعبير عن اي وكل ما يخنقهم
ويشعرهم بأي نوع من انواع الضيق
وذلك بنظام خاص
لا نوعد بتقديم كل العلاج
أقل شيء سنقدمه هو نصف العلاج
-اليس التحدث هو نصف العلاج-

هدف الجمعية
ارساء اسلوب خاص موحد في حياتنا
خاص بأعضاء الجمعية
وان تكن لنا النظرة الخاصة في الأمور
ببساطة تتحول الجمعية من عدة اعضاء الي عضو واحد
يستطيع التكيف مع كافة الظروف
هذا ما سنحاول القيام به مع الأيام
بإذن الله

شروط الإنضمام للجمعية

1- ببساطة تكون مخنوق ..من ايه ماتفرقش
2- سيبك من نغمة التفاؤل وان الدنيا لسه بخير..
ممنوع استخدام مثل تلك العبارات
وهذا بغرض ان احنا نتعمق في المشكلة علشان نفرغ طاقتنا المخنوقة كأحسن ما يكون
واما نوصل لأكتر من نص العلاج او نوصل لنص العلاج..انما طلوع برة الموضوع مش مستحب
3- ممنوع ذكر اللون البمبى
4- المتفائلون يمتنعون - يرحب بهم كزاور فقط -

ازاى تنضم للجمعية
ببساطة هتكتب مشاركة فى الموضوع
تقول فيها انك موافق على الشروط وتقول أنا منضم للفريق
طبعاً ده لو انت عضو جديد او معملتش حسابك من الأول
علشان في ناس عارفهم..كدة كدة حاجزين مكان في الجمعية
كوسة بقي ..هي جت علي الجمعية وحمضت يعني

نشاط الجمعية

1- هنقترح موضوع من الموضوعات اللي هيقترحها الأعضاء
ونناقشه من اسبوع الي اسبوعين حسب قوة الموضوع نفسه
والمواضيع هيقترحها الأعضاء فقط
ولازم علي الجمعية تحطها في قايمة الأختيار
واختيار الموضوع
هيكون بالتصويت بين اعضاء الجمعية علي كل فكرة
مثلا الأسبوع الجاي هناقش ايه؟
يبقي الاعضاء كل عضو يختار موضوع واكتر موضوع اخد اصوات هنتكلم فيه

2-جميع انشطة الجمعية هنا
واي تغيير سيتم الإبلاغ عنه بإذن الله هنا

3-ممكن عمل موضوعات فردية عن الموضوع الأصلي صاحب المناقشة
ويحق للعضو ان يفصل الموضوع عن الجمعية في موضوع منفصل ان اراد
لكن يجب عليه ان ينسخ الموضوع هنا في مقر الجمعية

5- اى موضوع هينزله اعضاء الجمعية فى اى قسم هيكتبوا بجواره
- جميعة المخنوقين المحدوة -

المناصب المنوط بها العمل داخل الجمعية

1- رئيس الجمعية ( الريس شهريار ) .

2- وزير التوكتوك .

3- وزير الفول والطعمية .

4- وزير الرشاوى والابتزاز .

5- وزير البلطجة السياسية .

6- وزير انابيب الغاز .

اقتراح الموضوعات

كل عضو في الفريق ليه يقترح اي موضوع في اي وقت
طالما مستوفي الشروط..
وعليا ادرجه في قايمة الإنتظار
علشان نختار من بينهم

كيفية التعيين داخل الوزارات

من حق كل عضو انه يرشح نفسه لاى وزارة وكذلك منصب الرئيس
وفى حالة تساوى الاصوات سيتم تداول الاراء بين مشرفى ساحة الاخوه لاختيار المناصب
وسيتم عمل عضويات خاصة بالوزارات
مثلا عضوية خاصة بالرئيس شهريار وهكذا
وفى نهاية كل دورة برلمانية للجمعية سيتم عمل حفل مهيب لتقييم الوزارة ورئيسها وكذلك محاكمتهم محاكمة شعبية عادلة امام الشعب ( الاعضاء )
وذلك فى احدى الغرف الصوتيه

هاه لسه هتفكر
باب الإشتراك مفتوح
رشح نفسك للانضمام لاى وزارة من الوزارات
سارع بالاشتراك

[ابو مالك محمد المصرى]

رد: ~~جمــ،عيــ،ة المخــــ،نوقـــ،ين المـــــــ،حدودة~~

موافق على الشروط

[قائل الحق]

رد: ~~جمــ،عيــ،ة المخــــ،نوقـــ،ين المـــــــ،حدودة~~

أيوه أنا بقى من الناس الى حجزين كوسة والى مش عجبه يقول
أنا موافق على الشروط حد عنده أعتراض