إعـــــــلان

تقليص
لا يوجد إعلان حتى الآن.

سؤال هااااااااااااااااااام إلى وزير الداخلية !! إنت مين ياكابتن ؟

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • سؤال هااااااااااااااااااام إلى وزير الداخلية !! إنت مين ياكابتن ؟

    السلام عليكم ورحمة الله وبركاته

    أتقدم

    بطلب هااااااااااااااااااام إلى وزارة الداخلية !!



    طبعا سمعت الدنيا في الأيام السابقة عن الهجوم على المنتقبات وكانت الحجة القوية في ذلك اننا ( نعرف هويتهم منين ؟ )

    وقد يقول العقل ولو لدقيقة بينه وبين نفسه .


    صحيح عندهم حق انا اعرف منين دي راجل ولا ست

    أعرف منين شخصيتها


    وبعدها صعدوا الموضوع وقالوا مينفعش تكون ممرضة أو طبيبة عشان المريض مش هيكون عارف هوية الي بتكشف عليه ومش هيعرف يتعرف على شكلها لو عملت شيء غلط


    وبعدها قالوا بلاش نقاب في المدينة الجامعية عشان نبقا عارفين هوية الي بتدخل وتخرج


    وقالوا ممنوع في الامتحانات .. عشان نبقا شايفنها وهي بتغش ونمسكها عشان متغشش ..



    صح ؟


    طيب ومن باب المعاملة بالمثل ..

    نحن نطالب وزير الداخلية بوضع id ( كارنيه )

    لكل ظابط وأمين شرطة يقف في الشارع يكون فيها صورته واسمه ومكان الخدمة الخاص بيه

    نضع هذا الكارنيه على صدره


    لان ظابط الشرطة ده الي ممكن يدخل بيتك وياخدك من جنب زوجتك وانت مش عارف مين ده !

    ظابط الشرطة الي ممكن يوقفك في الشارع وياخدك وياخد بطاقتك

    بل سمعنا عن تحرش وسرقات من ظباط الشرطة بل سمعنا عن ان مواطن لما رد على ظابط شرطة إعتدى عليه ضرباً وأكثر من ذلك امام زوجته وسمعنا عن بلاوي أكثر بكثير من غش المنتقبات في الجامعات !


    إنت مين ياكابتن ؟


    زي ما المنتقبه زعماً تهدد حياة المجتمع لانها ممكن تكون شايله تحت النقاب خمسين طن متفجرات ..

    كذلك ضابط الشرطة الي معه صلاحيات يوقفني وياخدني وياخد بطاقتي او رخصة قيادتي وانا اعطيها له دون ان اتكلم

    بل ان الرشاوي العلني والاعتداء العلني لما اشوفه من ضابط شرطة في الشارع ! وعايز ابلغ عنه وعن فساده .. اروح اقوله لو سمحت يا ظبوطه ياظغنونه ممكن تديني اسمك ؟


    فضلاً يا وزير الداخلية نريد هوية لضباط الشرطة ..

    فكثيراً ما ارى المرتشين والمعتدين وقطـّاع الطرق منهم فكيف أبلغ عنهم إنهم بالفعل يسيروا إشمئزازي إنهم بالفعل يهددون الناس ففضلاً نريد كما حميتم أنفسكم من المنتقبات الارهابيات كذلك نريد أن نحمي انفسنا من هؤلاء !!

    ومحدش يقول ان وشه باين ! هعمل ايه بوشه

    هروح ابلغ عنه واقوله شوفت واحد عنده مناخير فيها فتحتين ؟

    اقل ما يقوله هيقول مش انا !!




    فمن أحق بإبراز الهوية ؟

    هل المنتقبة الإرهابية ؟
    أم الظابط زي الإيدي الناعمة ؟


    صحيح المجانين في راحة ..


    ( ياريت ننشر الموضوع ونصعده عشان نعرف الناس كلها ان في اشياء كتيره بتحتاج لكلمة إبرز أو

    إنت مين ياكابتن ؟

    برجاء نشر الموضوع



  • #2
    رد: سؤال هااااااااااااااااااام إلى وزير الداخلية !! إنت مين ياكابتن ؟

    هذا حق لنا كمواطنين
    وان كان هناك بديل لهذا
    فمن حقك عندما يتم توقيفك من قبل اى راجل امن
    ان تسأله عن كارنيه الضبطية القضائية
    وهو كارنيه يكون من حق القضاة والظباط وامناء الشرطة ان يحملوه
    ولا يحمله سواه من سلك الشرطة او القضاة
    ربنا يجعل كلامنا خفيف عليهم
    (^_^)
    التعديل الأخير تم بواسطة أبو السائب المصرى; الساعة 01-03-2010, 11:25 AM.

    تعليق


    • #3
      رد: سؤال هااااااااااااااااااام إلى وزير الداخلية !! إنت مين ياكابتن ؟

      المشاركة الأصلية بواسطة أبو السائب المصرى مشاهدة المشاركة
      هذا حق لنا كمواطنين
      وان كان هناك بديل لهذا
      فمن حقك عندما يتم توقيفك من قبل اى راجل امن
      ان تسأله عن كارنيه الضبطية القضائية
      وهو كارنيه يكون من حق القضاة والظباط وامناء الشرطة ان يحملوه
      ولا يحمله سواه من سلك الشرطة او القضاة
      ربنا يجعل كلامنا خفيف عليهم
      (^_^)
      { فَأَمَّا الزَّبَدُ فَيَذْهَبُ جُفَاءً وَأَمَّا مَا يَنْفَعُ النَّاسَ فَيَمْكُثُ فِي الْأَرْضِ }
      سورة الرعد الآية 17

      تعليق


      • #4
        رد: سؤال هااااااااااااااااااام إلى وزير الداخلية !! إنت مين ياكابتن ؟

        هههههههههههه
        موضوعك أثار ضحكى على الرغم من حزنى مما يحدث للإخوات المنتقبات ...
        وندائنا مهما على لن يصل إلى أسماعهم ولا إلى قلوبهم
        لان قلوبهم ماتت أو أصبحت أشد من الحجر
        لا حول ولا قوه إلا بالله العلى العظيم

        تعليق


        • #5
          رد: سؤال هااااااااااااااااااام إلى وزير الداخلية !! إنت مين ياكابتن ؟

          موضوع جميل و الله بامانه و من غير ضرب على القفا الحكومه ديه عايزه تغير الرئيس بتاعنا مفكر ان حكومتنا حلوه و جميله لانهم بيقولوا ليه كلام غلط .
          هقولكوا حاجه حصلت ليا من كام يوم كنا راجعين من التدريب لقينا واحد زميلنا بيتصل بينا الحقوينى الحقونى اختى لسه مش رجعت البيت من ساعه مخرجت المهم استنانا و روحنا دورنا فى المستشفيات و كل حته بتروحا المهم قلتله لازم نقدم بلاغ فى القسم يبنى مش هينفع كده الساعه 4 الفجر مش ينفع
          و فعلا روحنا القسم شوفته يا شباب الى داخلين رايحين نقتلهم خد يبنى انت و هوا انتوا داخلين زريبه
          قولتله يا عمى انحنا رايحين نعمل بلاغ اختى زميلى ده مش رجعت من الصبح قال طيب مش هقولكوا يا شباب انا قولت الموضوع ده كام مره فى القسم ده غير طبعا المرمطه لا انتوا مش تبع القسم ده طيب اطلع فوق انزل مش عارف للظابط مين و فى الاخر بعد مقبلنا الظابط طبعا بعد مشوار طويل لقيته بيقول مش ينفع تعملوا بلاغ لازم يمر 24 او 48 ساعه على الاختفاء طبعا احنا اترفزنا و الواد زميله اتنرفز و كان...... طبعا مش هقولكوا الموضوع ده اتحل فى 5 دقائق مجرد ما اتصلت بواحد زميلى اخويا الكبير ظابط يعنى الموضوع كله كوسسسسسسسسسه

          تعليق


          • #6
            رد: سؤال هااااااااااااااااااام إلى وزير الداخلية !! إنت مين ياكابتن ؟

            للرفع


            تعليق


            • #7
              رد: سؤال هااااااااااااااااااام إلى وزير الداخلية !! إنت مين ياكابتن ؟


              تعليق


              • #8
                رد: سؤال هااااااااااااااااااام إلى وزير الداخلية !! إنت مين ياكابتن ؟

                ايوة كدا ياشباب هى دى المواضيع اللى تحبس
                بس بجد موضوع فى الجووووووووووون
                تسلم ايديك
                هناك اناس تحدثهم عن الالم فيحدثوك عن الامل ... ابقي بجوارهم ... فهؤلاء مثل شمعه فى طريق مظلم.

                تعليق


                • #9
                  رد: سؤال هااااااااااااااااااام إلى وزير الداخلية !! إنت مين ياكابتن ؟

                  جزانا الله واياك اخي الحبيب :)


                  تعليق


                  • #10
                    رد: سؤال هااااااااااااااااااام إلى وزير الداخلية !! إنت مين ياكابتن ؟

                    ايوة كدا ياشباب هى دى المواضيع اللى تحبس
                    وندائنا مهما على لن يصل إلى أسماعهم ولا إلى قلوبهم
                    ربنا يجعل كلامنا خفيف عليهم

                    (^_^)
                    اصدق الدعاء يا صاحبي دعوة الغائب للغائب
                    ............
                    فناشدتك الرحمن يا قارئا ان تسأل الغفران للكاتب

                    تعليق


                    • #11
                      رد: سؤال هااااااااااااااااااام إلى وزير الداخلية !! إنت مين ياكابتن ؟

                      عند....... يا أدهم
                      مين اللى اداك اذن تتكلم
                      انت هتفهم احسن منهم

                      يارب وفقنا للصواب
                      سبحان الله وبحمده سبحان الله العظيم


                      تعليق

                      يعمل...
                      X