Tweet
هى الاحلام بفلوس..؟؟!! طيب يلا نغير احلامنا..!
الحمد لله وكفى..
وصلاة وسلاما على عبده الذين اصطفى..
ثم أما بعد..
إزيكو يا شباب؟؟
عاملين أيه؟؟
الأخبار أيه سبع ولا سبع؟؟
معندناش احتمال تالت؟؟
يا جماعه معندناش حاجه تالته يا سبع يا سبع مفيش أي احتمال تاني بإذن الله..
روى الإمام أحمد في مسنده والترمذي وإبن ماجه عن رسول الله صل الله عليه وسلم بسند صحيح
"إنما الدنيا لأربعة نفر عبد رزقه الله مالا وعلما فهو يتقي فيه ربه ويصل فيه رحمه ويعلم لله فيه حقا فهذا بأفضل المنازل وعبد رزقه الله علما ولم يرزقه مالا فهو صادق النية يقول لو أن لي مالا لعملت بعمل فلان فهو بنيته فأجرهما سواء وعبد رزقه الله مالا ولم يرزقه علما يخبط في ماله بغير علم ولا يتقي فيه ربه ولا يصل فيه رحمه ولا يعلم لله فيه حقا فهذا بأخبث المنازل وعبد لم يرزقه الله مالا ولا علما فهو يقول لو أن لي مالا لعملت فيه بعمل فلان فهو بنيته فوزرهما سواء"
يا شباب إنما الدنيا لأربع
شاب أتاه الله..
عربيه لانسر
وموبايل أحدث موديل
مديلو أب بيدلو فلوس بلا حساب
فهو يركب العربية ويلف بيها ويركب أصحابه ويشغل أغاني أجنبية لا هو ولا أصحابه فاهمين فيها حاجه!
وبيلفو يعكسو البنات في الشوارع ..
ويلفو في الشوارع بلا هدف..
وشاب لا مديله ربنا عربيه لانسر ولا موبايل أحدث موديل ولا أب بيدلو بلا حساب
تلاقيه بيبص للتاني وهو معدي بالعربية والله العظيم عينه فيها كلمة النبي لو أن لي مالا لو أن لي عربيه لو أن لي موبايل زيه لعملت فيه بعمل فلان فهما في الوزر سواء..!!
يارب ده مركبش عربيه وشغل أغاني تملا شارعين!!
فهما في الوزر سواء..!
يارب ده مركبش معاه بنات وولاد!!
فهما في الوزر سواء..!
يارب ده معملش المعاصي واح يعاكس إلي رايحه وإلي جايه!!
فهما في الوزر سواء..!
ليه يارب عشان قلبه بيتمنى المعصيه!
لو إتمنيت المعصية تلاقي نفسك مع إلي عملها يوم القيامة
الراجل ده معملش حاجه
الشاب ده معملش معاصي
ولكن بقى مع إلي عملها لأنه كان في قلبه حبها وتمنيها
إنما الدنيا لأربع..
بنت أتاها الله وش جميل..
وشعر جميل..
وأب بيديها فلوس كوفير وفلوس لبس و ماكياج
كل إللي هي عايزه تعمله..
ولم يأتيها الله حب ليه ولا خشيه منه وتقوى ليه ولا رغبه إليه
لا هي عارفاه ولا هي مقبله عليه
سبحان الملك الجليل
فهي تذهب إلي الكوافير كل يومين تلاته
وتذهب إلى أكبر محلات الموضه تنقي أضيق ما في المحلات
وتذهب لأحدث محلات البرفانات والمكياجات تجيب إلي هي عايزه
وتذهب لمحلات الأحذيه تلبس أعلى كعب
وبنت لم يؤتيها الله درجه من الجمال
فهي تنظر إليها تلاقي في عينها
لو أن لي جمال مثل فلانه لعملت فيه بعمل فلانه
فهما في الوزر سواء..
يارب دا أنا مخرجتش أفتن الشباب في الشارع!!
فهما في الوزر سواء..!
يارب دا مرحتش للكوافير بـ 50- 60 جنيه كل يومين تلاته!!
فهما في الوزر سواء..!
يارب دا أنا محطيتش برفان ومكياج وعملت شعري وصبغته!!
فهما في الوزر سواء..!
ملبستش كعب 11 سم ومشيت في الشارع!!
فهما في الوزر سواء..!
يارب دي ملبستش إلي دي لبسته!!
فهما في الوزر سواء..!
ليه علشان قلبها كان بيتمنى المعصيه
إنما الدنيا لأربع..
شاب أتاه الله عربيه لانسر وموبايل أحدث موديل وأب بيديلو فلوس زي ما هو عايز
فهو عبد ولكن ربنا إدالو حب ليه وخوف منه وتقوى ليه
فهو يركب أصحابه معاه في العربيه وهما رايحين يصلو
ويفوت عليهم الفجر يخدهم معاه يصلو الفجر في مسجد من المساجد
وكل ما يكون فيه درس ديني يفوت يخدهم معاه
والمحمول بتاعه علطول بيبعت مسيدات يصحي أصحابه الفجر
ويبعت رسايل دنيه يذكرهم بالله سبحانه وتعالى
وماشي في العربيه مشغل قرآن أو شرايط دينيه
ومركب طقم صوت علشان القرآن يطلع في الشارع كله
ومعاه شرايط علشان أي شاب جنبه معدي بعربيه مشغل أغاني يديلو CD أو شريط
سبحان الله
وشاب لم يؤتيه الله عربيه لانسر ولا سوزكي
يبص كده ويقول لو أنني أملك مالا مثل فلان لعملت فيه بعمل فلان
فهما في الأجر سواء
يارب ده مخلصشي رصيد الموبايل بتاعه كله على إنه يبعت لأصحابه رسايل دينيه وإن هو يدي مسيدات لصحابه!!
دا مصرفشي على البنزين مرحشي بالعربيه يلف علشان يجيب الناس يحضرو الدروس!!
فهما في الأجر سواء
ليه علشان قلبه كان بيتمنى الطاعه..
قلبك فين؟؟ قلبـِك فين؟؟
قلبي !!
والله أنا بعمل معاصي خفيفه كده شوية مسيدات على رحلات على مكالمات على علاقات على.....
بس والله قلبي أبيض!!
وأنا كلى معصيه خفيفه خالص مكياج خفيف على لبس خفيف..!!
ولكن أنا قلبي جوه أبيض!!
قلبك فين؟؟ قلوبكو فين يا جماعه؟؟
ياشباب مينفعش يقول لا إله إلا الله عند الموت مش لسانه إلي بينطق قلبك إلا لو الكلمه دي فيه تطلع على لسانك !!
يا شباب إنت فكرك وإنت داخل القبر بيقولك من ربك بتقول ربي الله إلي هي بتفتكر مش الذاكره !
قلبك إلي لو جوه كلمة هينطق وإلا مش هتعرف تجاوب أسئلة القبر ولا مش هتقولي لا إله إلا الله عند الموت!
يوم تبلى السرائر العرض على الله عرض قلوب ربنا بيقرا قلبك ويشوف فيه أيه طاهر قد أيه يعني الواحد ممكن يسقط في إمتحان العرض على الله إللى قلبه مش طاهر يا شباب !
دا كل حاجه بالموازين.. ثقلت موازينه مش ميزانه موازينه العمل بيتوزن والقلب بيتوزن..!!
تخيلو حديث البطاقه إلي فيها لا إله إلا الله لما إتحطت قبال 99 سجل سيئات طاشيت السيئات ليه طب ما كل واحد فينا له بطاقه..؟؟ لا قلبه هو بيقولها كان فيه أيه ؟؟ياترى بتسبيحه من قلبك تطير كم سيئه؟؟ يا ترى الركعه من قلبك تطيش كم سيئه ؟؟يا ترى أيه القرآن من قلبك تطيش كم سيئه؟؟
قلوبنا يا جماعة قاتل المائه إلي خالى ربنا يقبل توبته كلمة إنه جاء مقبل على الله بقلبه ..جاي بقلبه مش برجليه قلوبنا يا شباب قلوبنا يا جماعة فين هنعمل أيه بقلوبنا فيها أيه الناس دلوقتي عدت
بتحاول تخدع الملك الجليل وبتحاول مش تعمل الفهلوه في الدنيا بس لا بقت في الدين كمان
المصيبه إلي بيحاول يخدع ربنا..
الأتنين الولد والبنت إلي في الجامعه إلي بيحاولوا يخدعو ربنا ويقولو إحنا حبنا حب طاهر وبرئ ومش زي أي حب ومش زي أي حاجه إحنا حبنا محترم من النوع المحترم هنوقف في الجامعه وقفه محترمه وبعد الجامعه هنخرج نتمشى بره في الشارع ونتقابل مقابله محترمه ونقعد على الكازينو قاعده محترمه في كازينو محترم ونتكلم أخر الليل 5 ساعات مكالمه محترمه هسألك عن التروايح وإنت تسأليني عن التهجد قاعدين ينصبو في الدين هما الاتين!!!
كل ده نصب وكل ده حرام
وكل ده لا يزيدهم إلا بعدا عن الله سبحانه وتعالى
يا جماعه إحنا قلوبنا فين؟؟
يا اخوانا إنت لو دخلت محل جزاره لقيت واحد لابس أبيض في أبيض هتقول أيه جزار!
ولو دخلت مستشفى ولقيت واحد لابس أبيض في أبيض هتقول أيه دكتور!
يبقى القضيه مش شكل واحد
ولكن القضيه إلي جوه أيه؟؟
يبقى إذن يا جماعه يبقى إذن يإخونا
إنت جواك أيه؟؟
إنتي جواكي أيه؟؟
إلي جوانا أيه؟؟
ما الكل من بره كويس
ما الكل من بره بفته بيضه
ما الكل من بره لسانه جميل
ولكن جوه قلوبنا يا جماعه؟؟
أنا الموضوع ده صيحة تحذير ضدد خطر تمني المعصيه في قلوبنا
أوعى تتمنى المعصيه..!!!
أوعي تتمني المعصيه..!!!
الشاب ألي بيشرب مخدرات وبيعمل الموبيقات ويقولك إن الله يغفر الذنوب جميعا
يا حبيبي طب ما إلي قال إن الله يغفر الذنوب جميعا قاللك إن ربنا أدخل إمرأه النار بسبب هره
إلي قال إن الله يغفر الذنوب جميعا قال إن ربنا عذب إتنين في القبر بسبب إن واحد مستبرئشي من بوله وواحد كان نمام
ما إلي قاللك إن الله يغفلر الذنوب جميعا قاللك إن الله عذب واحد في قبره علشان حتة قماش غلها إن الشمله التي إشتملها لتستعر عليه نار في قبره
ياخونا أنا خايف عليكو من المعاصي
خايف عليك
وليست التوبه للذين يعملون السيئات حتى إذا حضر أحدهم الموت قال إني تبت الأن
بعد أيه عمرك كله متبتش فيه ليه
مكنش يقدر المعاصي منعته
عرفين لما الاسمنت يجي عليه ميه ويبقى خلاص تمثال معدش القلب يبقى كده
صدى يا جماعه
معدش عارف يتحرك
معدش قادر يغير حاجه
سبحان الله القلب يبقى عامل زي الحجر ده كده
أنا خايف إن قلبك يشرب المعصيه
يا جماعه نخاف على قلوبنا شويه
يا جماعه نخاف على قلوبنا إلي في صدورنا
دهه أنا عايز أسألك أنا عايز أسألك أنا عايز تفتح قلبك وتشقه وطلع إلي جوه وتبص فيه وتشوف أيه إلي جوه قلبك!!
أنا عايزيك تفتحي قلبك وتشوفي أيه إلي جوه
أنا عايز نشوف إلي جوه قلوبنا ياجماعه
أنا عايز أسئلكو أسئله
قلوبنا ياخونا أخبارها أيه؟؟
المعاصي عملت في قلوبنا أيه.؟؟
زي الرسول عليه أفضل الصلاة والسلام بيقول تعرض الفتن على القلوب عودا عودا الفتن تعرض على أيه على القلوب
يعني فلانه إللي أنا بصتلها البصه متعرضتش على عيني بل على قلبي!!
يعني السيجاره إلي بنشربها إتعرضت على بقه وعلى قلبه!!
يعني الأغنية إلي بنسمعها مش عرضت على ودنه عرضت على قلبه!!
عُودا عُودا وفي روايه عَودا عَودا
يعني الفتن مش هتسبنا
إحنا عايشين في زمان الفتن
هنهرب منها فين؟؟
لازم ننجح إمتحان ورا إمتحان
ولازم ننجح فيه
زي الطالب على ما بيخد شهاده الطب بيكون إمتحن كم إمتحات 6 إمتحانات في إبتدأئي و3 في إعدادي وكم أمتحان في ثانوي وكم إمتحان في الجامعه كل سنه كم إمتحان وكم ترم!!
لازم ياجماعه لازم ننجح في الإمتحانات دي كلها لازم
وقلبنا هو إلي هننجح بيه
بإذن الملك سبحانه وتعالى
تعرض الفتن يا ترى النقط السوده إلي دخلت قلوبنا من شفايفك قد أيه السيجاره الوحده فيها عشر تنفاس عشر نكت سوده في كل سيجاره؟؟
شعرك فيه حوالي 40000 شعره القصه بس إلي بينه دي تلاقيها 1000 شعره 1000 نقطه سوده في كل خارجه بس إلي كشفه شعرها 40000نقطه سوده في اليوم الواحد؟؟
رجليك كل مشوار مشيته وكل خطوه بنقطه سوده على القلب؟؟
طب وبعدين يا جماعه قلبنا زمانه أيه العين والثانيه في التلفزيون بـ 16 لقطه ف التصوير يعني الدقيقه 960 نقطه سوده يعني لو إتفرجت دقيقه على التلفزيون على مشهد حرام 960 نقطه سوده؟؟؟؟
يا جماعه ياخونا إيدينا دخلت لقلوبنا كم نقطه سوده؟؟
قد أيه كم مره إتكيت على المحمول تدي مسيد حرام؟؟
كم مره إتكيت على قناه مش إسلاميه؟؟
كم مره إتكيت على بيها على موقع مش إسلامي؟؟
كم نقطه سوده دخلت يا جماعه؟؟؟؟؟؟؟؟
كم كلمه حرام وكلمة معازف حرام وأغاني حرام دخلت قلوبنا من خلال ودنه؟؟
كل ده قاعد يدخل من هنا ومن هنا نقط سوده والقلب قاعد يسود يسود يسود!!!!!
كفايه قلبك في خطر
قلبـِك في خطر
عايزين يا خونا نفوق
حالك مع الشهوات ايه
دا لما قوم سيدنا موسى لما قارون تخسف بيه
قالو لولا أن منّ الله علينا لخسف بنا
ليه علشان قالو ياليت لنا مثل ما أوتي قارون
علشان إتمنو المعصيه علشان إتمنو معصية ربنا
يعني تمني المعصيه دي كارثه!!!
يعني تمني المعصيه دي هلكه في الدنيا والدين
تستاهل إن الواحد يتخسف بيه والعياذ بالله
عارفين عاملين زي أيه..
زي كرسي فيه مسمار كل ما الواحد يجي يقعد عليه البنطلون ينقطع يروح يخيطه ويجي يقعد عليه البنطلون ينقطع
هتفضل تتقطع بالشهوات إلي في قلبك طول ما هي موجوده!!
طول ما هي متنزعتش
طول ما هي متخلعتش
طول ما هي مطهريتش
لازم نطهر قلوبنا
عايزين حمله
عايزين يقظه
عايزين نفوق قلوبنا يا شباب
عايزين قلوبنا دي تبقى إهتمام حياتنا الأول
يا ترى قلبك عامل في الصلاه؟؟
أيه حال قلبك في الذكر وقراءة القرآن؟
قلبك إتحرك قد أيه السلف كان وشهم بيصفر لما يتوضو ويدخلو يصلو!!
أتدرون بين يدي من نقوم
ياترى حب ربنا في قلبك قد أيه؟؟
ياترى الشاب إلي بيقف مع البنت إلي بيحبها في الجامعه 5 ساعات رجليه دي مبترتعيش
ونص ساعه في التروايح رجليه تقف
يقولك أنا أمنية حياتي أبقى أنا وهي في مكان لوحدنا
طب والخلوه مع الله؟؟
يقولك أنا نفسي هي تطلب بس وأنا أنفذ لها أي طلب تطلبه وتتمناه!
طب ربنا وطلباته وأومره سبحانه وتعالى؟؟
يقولك أنا بقعد مشتاق المعاد وأول ما يجي المعاد الشوق بيزيد أكتر ولما أقابلها الشوق بيزيد!
ياترى حال قلوبنا مع خشية الله أيه؟؟
إفتح قلبك شويه طلع إلي فيه جوه قدامك
وإفضل بص فيه وشوف قلبك فيه أيه من دلوقتي
أحسن الموضوع خطر قوي يا جماعه
فهما في الأجر سواء
وهما في الوزر سواء
كلام خطير جدا يا جماعه
واعلمو أن الله يعلم ما في أنفسكم فاحذروه
أنا مش عايزيك تسيب المعصيه
أنا عايزك تكرهها
أنا مش عايزك تسيبي المعصيه
أنا عايزيك تشمئزي منها
تقرفي منها
ترفضي إنك ترجعلها حتى لو محطوطه قدامك
أصل أنا مش عايزها خلاص يارب
مش عايزه معاصي
وأنا قرفنه من المعاصي ياجماعه
إنت قرارتي إنك تبدائي صفحه جديده مع الله ولا لسه
طب إنت قرارتي تتصلحي مع ربنا وتوبي من كل إلي فات وتسيبي كل المعاصي إلي بتعمليها كلها لسه
طب إنت قرارت خلاص هتبدأ مع ربنا وهتسيب كل حاجه وتعمل الطاعات وهتعيش حياة الدين كامله لسه
يبقى لسه يا جماعه لو لسه مقرارنش يبقى لسه والعياذ بالله
يا جماعه الإحسان في العباده عايزين نعبد بقلب
عايزين نجيله بقلب
نقوله يارب بقلب
عايزين نقرأ القرآن
عايزين نصوم بقلب
عايزين نعيش دين نعيش صيام نعيش قيام نعيش كل معاني الدين يا جماعه
عايزين الاحساس في العباده يا جماعه
مش عايزين العباده بتاعت الجوارح
أنا مش عايز بطنك تصوم
أنا عايز عينك تصوم عن النظر الحرام
ودنك تصوم عن السمع الحرام
قلبك يصوم عن تمني الحرام
شعرك يصوم عن أي خصله شعر تبان
أنا عايز كل حاجه فيك تصوم
كل حاجه فيكي تبقى منقطعه ومتبتله إلى الله سبحانه وتعالى
قلبك عامل أيه ؟؟
قلبك عامل أيه؟؟
أيه بتخبطي في المعصيه لسه؟؟
لسه قلبك فيه شهوات؟؟
لسه قلبك لما يشوف منظر وإنت معدي في التليفزيون في الشارع ولا حاجه ولا تشوف صحبك راكب العربيه ومشغل أغاني لسه بتميل لأيام زمان؟؟؟؟؟
ولا خلاص ؟
خلاص ولا لسه؟؟
ياشباب عايزين نكره المعصيه منتمنش المعصيه
عايزين المعصيه دي بنا وبنها تبقى فيه كرهيه
عداء شديد بنا وبين أي معصيه لله
عايزين نتمنى الطاعه يا جماعه
هي الأحلام بفلوس هي الأحلام ؟؟
ولا الطموحات بفلوس؟؟
يابني أتمنى الطاعه!!!
أتمنى إن أنت ربنا يفتح الدنيا في العباده والدعوه
الدنيا كلها تتملى خير بسببك
إتمنى إنك تبقى بطل من أبطال الدين
إتمنى إنك تكون صحابي
ياخونا الأمنيات دي عباده
من أعظم العبادات إلي ربنا بيحبها
الطموحات الدينيه والأحلام الدينيه عباده
الرسول تعبد بها لله عليه الصلاة والسلام
الأحلام والأمنيات أحلامنا وأمنياتنا يا شباب
على فين يا شباب؟؟
إنما الدنيا لأربع
ياترى إنت بتعمل أيه في الدنيا؟؟
ياترى إنت في الدنيا ليه؟؟
سبحانك أللهم وبحمدك أشهد أن لا إله إلا أنت أستغفرك وأتوب إليك
جيم أوفر يا شباب..إنما الدنيا لأربع !!
جزاكم الله خيرا
تعليق