يوميات شاب عادي ..مسلسل جديد..تابعونا ..

[ابا فارس]

رد: يوميات شاب عادي ..مسلسل جديد..تابعونا ..

متابع باذن الله

[انا بحبك يا رب]

رد: يوميات شاب عادي ..مسلسل جديد..تابعونا ..

متابع يا دكتور بس انا زعلان منك اوووووووووى

[Dr_Mostafa]

رد: يوميات شاب عادي ..مسلسل جديد..تابعونا ..

الحلقة الرابعه والأربعون




::.بتحبها؟؟؟.::






عاد عبد الرحمن الى المنزل..

وقام معاذ بارسال الدرس اليه..

قام عبد الرحمن بتحميله..

ثم وضع السماعة فى اذنيه ..واخذ يصغي لما يقوله الشيخ..


بتحبها ؟؟

بتحبها بجد ؟؟؟؟؟

لو بتحبها خاف عليها ...انت كده هتوديها جهنم!!!

ترضى تكون انت السبب أن قبرها يولع عليها نارا؟؟

ترضى تكون انت السبب أن رجليها تقع من على الصراط فى النار ؟؟

ترضى تكون انت السبب إنها تتعذب فى جهنم؟؟

تذكر...كما تدين تدان...

زوجتك فى المستقبل قاعدة دلوقتى مع واحد تانى فى مكان ما بيقولها نفس الكلام اللى بتقوله للبنت دى!!!...وبيعمل معاها زى ما انت بتعمل!!

كل نظرة بتنظرها ليها دين هيترد من عرض زوجتك !!

كل كلمة بتقولها ليها دين هيترد من عرض زوجتك !!

كل مسكة إيد دين هيترد من عرض زوجتك !!

مش عايز تتعاقب فى عرض زوجتك ؟؟...توب دلوقتى وسيبها فورا ..

احذر...إن بسبب هذه العلاقة ربنا بيقول للملائكة يوم القيامة عليك "خُذُوهُ فَغُلُّوهُ"

فتلاقي 70 ألف ملك ينقضوا عليك لينفذوا حكم الملك ...فتصرخ ... ياخدونى فين يارب ؟

ده مكنتش بتحمل عود كبريت مشتعل فى الدنيا ...أتحبس فى تابوت جمر إزاى يارب ؟

ده مكنتش بتحمل شوية ميه سخنين يشوى جلدى فى الدنيا ... أصبح وأنام أشرب من الحميم والمهل ...إزاى يارب ؟؟

...فتسمع النداء الأخير "خُذُوهُ فَغُلُّوهُ"

مش إنت اللى مشيت معاها وإنت عارف إنك كده بتغضبنى؟؟

" كنت بحبها "... حب حـــرام...قائم على أساس حرام ...هى دى عاقبته يوم القيامة ...

تخيل نفسك لحظة البعث ...الكفن يتمزق من حول جسمك..بتتنفض من تحت التراب...

صراخ من حولك من كل جهة لكنك مش شايف أى شئ ...وإذ بيد على كتفك من الجانبين ..

فتصرخ بكل فزع...مين؟؟...سائق وشهيد...ستساق للعرض على الله...

عاوز تمشى معاها؟...امشى معاها...لكن لو هتنجيك يومها من العذاب الرهيب...

تخيل يوم القيامة ينادى عليك...فلان بن فلان...استدعاء للتحقيق معك...

وانت ذاهب كل شعرة فيك بتتنفض...يا ترى أى مصيبة من المصائب اللى عملتها ؟!!

تنظر من بعيد فتراها ...يا للمصيبة...تحاول إنك تهرب منها ... وهى تبحث عنك بجنون فى أرض المحشر ...أول ما تراك تتعلق فى رقبتك وتصرخ ...يارب هو اللى ضحك عليا !!

"وَلَن يَنفَعَكُمُ الْيَوْمَ إِذ ظَّلَمْتُمْ أَنَّكُمْ فِي الْعَذَابِ مُشْتَرِكُونَ "


احذر...أن ينظر الله لك وأنت تقول لها كلام الحب الحرام ...فينظر لك نظرة غضب..

ولو نظر الله لك نظرة غضب فقد ضعت وضاع كل شئ فى دنيتك وآخرتك ...وهتفضل غارق فى غضب الله عز وجل لو لم تتب

لسة بتقول بتحبها ؟

...لو بتحبها سيبها ...أنت كده سبب فتنتها فى دينها ...والله يقول :

"إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ"

خليك فاكر..

من ترك شيئا لله عوضه الله خيرا منه..

لوسيبتها لأجل الله.. لو هى الخير إليك ربنا هيجبهالك فى الحلال ولو مش الخير ليك هيديك من هى خيرا منها.. دى اختيارك لنفسك.. ما تسيب ربنا يختار ليك!


أنت مستعد تموت وأنت معها دلوقتى ؟؟...وتقابل ربنا على الخاتمة دي!!

تذكر قبل ما تمشى خطوة واحدة معها ...أنت ماشي فى طريق آخره جهنم!!

جهنم...يعنى شعرة شعرة فى جسمك هتولع

جهنم يعنى عضو عضو فيك هتولع

إيه اللى يستاهل ؟

متقولش "دى مجرد علاقة بريئة ...وإحنا مبنعملش حاجة حرام "...بالله عليـــك قف مع نفسك واسألها :

·فيه ملك يمين وملك شمال بيكتبوا كل شئ...وقفتك معاها...نظراتك لها...

كل (مسد)..وكل (مسيج) بعته لها ...هيكتبها ملك اليمين ولا ملك الشمال ؟؟؟

·الأرض اللى انت واقف عليها معاها...هتشهد ليك ولا عليك ؟؟

·لو رسول الله صلى الله عليه وسلم جاء الآن وأنت بتكلمها هتقوله إيه ؟؟...صاحبتى ؟؟

·لو ملك الموت جالك الآن وأنت بتكلمها هتقول لربنا إيه ؟؟...حبيبتى ؟؟

لو البنت دى انت أول واحد فى حياتها فكل سيئاتها فى ميزانك لأنك أول واحد عرفتها الطريق ده

تذكر...إنها علشان تقابلك دلوقتى او تكلمك فى التليفون 6 ساعات...

خانت أبوها وخانت أخوها وخانت أمها وقبل ده خانت ربها ودينها...تتوقع أنها مش هتخونك فى يوم من الايام ؟

وأخيرا ...دى رسالة ليك من ربنا ...وربنا بيقول "وَمَا كُنَّا مُعَذِّبِينَ حَتَّى نَبْعَثَ رَسُولاً "

وممكن تكون دى آخر رسالة توصلك قبل الموت
الآن حالا ...

خذ قرار أنك تسيبها...اختار ...هى أم الله ؟؟

.. قول لها لو عيطت علشان ترجع ليها ...

أنا مستعد أضحى عشانك بأى شئ...إلا ربنا...أنا مستعد أخسر عشانك أى شئ ...إلا ربنا

صفقة :

تسيبها...وتنجو من عذاب القبر ؟؟

تسيبها..ومتقعش من الصراط فى جهنم ؟؟

تسيبها...وربنا يعوضك أحسن منها ؟؟

تسيبها ...وميولعش قبرك عليك نارا ؟؟

تسيبها...وتفوز بحب الله ؟


توصيات عملية :

1.استعين بالدعاء فالله قادر أن يرزقك أحسن زوجة فى الدنيا تحبك وتحبها وأن يرزقك السعادة

2.حتى يلتئم الجرح لابد أن يغلق عليه تماما ...غير رقم تليفونك وتخلص من كل هداياهاومن رقم تليفونها

3.ابعد عن أى مكان ممكن تقابلها فيه

4.اسمع كل يوم شريط دينى يذكرك بأعظم حبيب وهو الله عز وجل

5.نصيحة مجرب / أول أسبوع هتحس إنك معذب ، ثانى أسبوع هتحس إنك ندمان إنك سبتها ،ثالث أسبوع من الدعاء وصحبة الملتزمين وحضور الدروس والدعاء هتحزن لما تفتكرها , وبالتدريج هتندم على كل يوم خليتها جدار بينك وبين ربنا سبحانه وتعالى ..


يا ترى خدت القرار ولا لسه ؟؟؟



تابعونا ..

= = =
==
جميع الحقوق محفوظه..
أحلى حياة فى طاعة الله..

[Dr_Mostafa]

رد: يوميات شاب عادي ..مسلسل جديد..تابعونا ..

متابع يا دكتور بس انا زعلان منك اوووووووووى

والله انا زعلان من نفسى ..

اعذرنى والله يا اخى..اخوك تعبان جامد..

وصدق اللى قال (باب النجار مخلع)

[Dr_Mostafa]

رد: يوميات شاب عادي ..مسلسل جديد..تابعونا ..

الحلقة الخامسه والأربعون




::.رضا الله قبل كل شئ.::





وفي صباح اليوم التالي..


قابل معاذ عبد الرحمن فى الكليه..




معاذ: السلام عليكم ورحمة الله وبركاته..




عبد الرحمن: وعليكم السلام ورحمة الله وبركاته..




معاذ: ايه الاخبار ؟؟

سمعت الشريط ولا كبرت دماغك؟؟





عبد الرحمن: سمعته ..والصراحه الكلام كان شديد شويه ..

بس هى دى الحقيقه والواحد مينفعش ياخد الدنيا بالطول والعرض وفى الاخر يرجع يتبهدل فى الاخره ..

بس المشكله الكبرى دلوقتى فيها هى ..هتصرف معاها ازاى؟؟





معاذ: ايه رأيك تديها الدرس تسمعه؟؟





عبد الرحمن: درس مين يا عم الحاج؟؟!!

صحيح..اصلك متعرفهاش..!

واحده جايه من انجلترا وانت تقولى درس وشويخ وبتاع..!!



معاذ: انجلترا..!!

يعنى هما بنات مصر خلصوا رايح تتجوز من انجلترا..؟!



عبد الرحمن: أعمل ايه بس..؟؟!!





معاذ: يا عبد الرحمن الهدايه من عند الله..

مفيش حاجه مستحيله ..محدش عارف ..

يمكن يكون الشريط ده سبب هدايتها عموما..





عبد الرحمن: يا عم انا متأكد اصلا انها مش هتقبل انى اتناقش معاها حتى فى الموضوع ده ..!






معاذ: يبقى ابقى ابعد انت وانجو بنفسك..

وهى لما تلاقيك كده هتبعد هى كمان ..






عبد الرحمن: شكلها مفيش حل غير كده...!





معاذ: وزى ما انت عارف ..لازم تاخد خطوات بسرعه..

واولها غير رقم موبايلك..





عبد الرحمن: لأ ..كله الا ده..ده رقمى ده متعرفش انا تعبت قد ايه علشان اجيبه ..ده غير انه مع كل الناس اللى تعرفنى..هقعد اوزعه تانى على الناس كلها..!!


انا ممكن اقفل الموبايل اسبوع ولا اتنين مثلا وخلاص..





معاذ: يابنى اسمع الكلام..

هتقفل الموبايل واول ما تفتحه هتلاقى هجوم رسايل ومش هتسيبك..!

انت مش اول واحد يقول الكلام ده..!

وبعدين مستخسر تضحى برقم موبايل علشان رضا الله..؟؟!!






عبد الرحمن: والله مش مستخسر ولا حاجه ..بس ..





معاذ: بس ايه..؟؟






عبد الرحمن: اهو يا عم..وادى الشريحه..(ثم قام عبد الرحمن بتكسير الشريحه)





معاذ: ايوه كده يابطل..

ربنا يبارك فيك..





عبد الرحمن: بس انت فاكر انها كده هتسبنى..معتقدش..

ده مجرد ماهتلاقى الرقم غير متاح هتلاقيها نطالى هنا فى الكليه كل شويه..



معاذ: خلاص..بسيطه..

ايه رأيك الاسبوع ده تريح فى البيت شويه..وانا هكتب المحاضرات وابعتهالك ؟؟





عبد الرحمن: امرى الى الله..ماشى..




قاطع صوت المحمول الخاص بمعاذ الحديث ..

أخرج معاذ المحمول ونظر فيه ..ثم رد قائلا..





معاذ: السلام عليكم ..




المتصل : الحقنى يا معاذ...!!!!




ترى من المتصل وماذا حدث؟؟

وكيف سيتصرف عبد الرحمن مع نورهان؟؟

هذا ما ستعرفونه فى الحلقات القادمه باذن الله..


تابعونا ..

= = =
==
جميع الحقوق محفوظه..
أحلى حياة فى طاعة الله..

[ابو مالك محمد المصرى]

رد: يوميات شاب عادي ..مسلسل جديد..تابعونا ..

بارك الله فيك

تسجيل متابعة

ياريت لو ينفع تكلمنى حالا على الايميل

[M_Eldegwy]

رد: يوميات شاب عادي ..مسلسل جديد..تابعونا ..

جزاك الله كل خير

متابع بإذن الله

[mega byte]

رد: يوميات شاب عادي ..مسلسل جديد..تابعونا ..

جزاكم الله يا دكتور كل الخير وبورك فيك

[انا بحبك يا رب]

رد: يوميات شاب عادي ..مسلسل جديد..تابعونا ..

متابع دكتور باذن الله

[محمدسعيد ابراهيم]

رد: يوميات شاب عادي ..مسلسل جديد..تابعونا ..

اسال الله ان يقرأ هذه الرساله كل عضو فى هذا المنتدى وينتفع بها مثلنا
واسال الله ان يبارك اخى الحبيب د مصطفى

[محمدسعيد ابراهيم]

رد: يوميات شاب عادي ..مسلسل جديد..تابعونا ..

ويريت متاخرش علينا باقى الحلقات

[محمدسعيد ابراهيم]

رد: يوميات شاب عادي ..مسلسل جديد..تابعونا ..

اسال الله ان يجزيك خير الجزاء ويسكنك دار السعداء

[محمدسعيد ابراهيم]

رد: يوميات شاب عادي ..مسلسل جديد..تابعونا ..

كل ما بقرأ حلقه من القصة دى يزداد حبى لسك يا اخى الحبيب

[محمدسعيد ابراهيم]

رد: يوميات شاب عادي ..مسلسل جديد..تابعونا ..

جزاكم الله خيراً أخي ، القصة تزداد اشتياقا نفع الله بكم
وفي انتظار الحلقة القادمة بإذن الله

[انا بحبك يا رب]

رد: يوميات شاب عادي ..مسلسل جديد..تابعونا ..

يا ريت تدعو للدكتور لانى اعتقد انه فى مشكله