يوميات شاب عادي ..مسلسل جديد..تابعونا ..

[Dr_Mostafa]

رد: يوميات شاب عادي ..مسلسل جديد..تابعونا ..

الحلقة السادسه و الثلاثون




أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا؟؟؟؟




بدات اللقاءات تتكرر بين عبد الرحمن وعبد الله..



وقام عبد الرحمن بالاستماع للاسطوانه والسلسله التى نصحه بها عبدالله..




والتى كانت بفضل الله سببا فى علو همته واقباله على الله..




وكان عبد الله فعلا نعم الرفيق والاخ والصديق..




لايترك عبد الرحمن..




يسأل عليه باستمراره ..




ويتابعه فى اوراده..




ويلبى له اى طلب يطلبه ..




ولا يبخل عليه بالنصح والارشاد..


وبدا عبد الرحمن فى حفظ كتاب الله..




وفى اسبوع واحد بفضل الله كان قد اتم حفظ سورة البقرة وتعلم احكام التجويد..




وبدأ يحافظ على حضور الدروس الايمانيه مع عبد الله ..ويتعرف على بعض الاخوه الجدد..




تغيرت حياة عبد الرحمن بالكامل..

من اصغر شئ فيها الى اكبر شئ..


كل شئ..مأكله وملبسه ونمط نومه واستيقاظه وتعامله مع والديه..الخ




كان والديه فى قمة السعاده ان يروا عبد الرحمن بهذه الاخلاق وهذا الالتزام..



على الاقل تجاههم ..


فقد اصبح عبد الرحمن شديد البر بوالديه..


لا يُسمع له صوتا وهما فى المنزل..


يساعد والدته فى امور المنزل..


ولا ينام قبل تقبيل ايديهما..


أصبح من رواد المسجد فى كل الصلوات ..

خاصة صلاة الفجر..


بل اصبح هو الذى يوقظ والديه واخته للصلاه..





وهاهى امه تدخل عليه منذ يومين قبيل الفجر ..فتجده قائما يصلى لله..


فدعت الله ان يثبته..


وان يبعد عنه شياطين الجن والانس..





مضى ثلاث اسابيع ..


وعبد الرحمن من طاعة لطاعة..


بدأ يشعر بلذة الطاعه..


وحلاوة الايمان..


..



ولكن ..


وفى احدى الليلي..



كان عبد الرحمن جالسا قبل الفجر ..



يستغفر الله ..



ويطلب من فيض عطاياه..




اذ بصوت الهاتف المحمول يعلن عن وصول رساله..



وبعدما انتهى ...


قام وفتح الرساله..



فوجدها رساله فارغه من رقم غير مسجل..



تعجب كثيرا..



من الذى يرسل رساله فارغه فى هذا الوقت..



اتصل بالرقم ..

ولكن (عفوا ..رصيدك الحالى لا يكفى لاتمام هذه المكالمه) ..



لم يكن مع عبد الرحمن رصيد ..



فتجاهل الامر..




نزل لصلاة الفجر..




وبعد عودته..


دخل غرفته..




واخذ يقرأ أذكار الصباح..




ولكن قاطعه صوت المحمول ..




انه نفس الرقم الغير مسجل ..




ولكنه يتصل هذه المره..!




ضغط عبد الرحمن على الزر الخاص بالرد ولم يبدأ هو بالسلام..




جلس الطرفان برهه فى انتظار من يبدأ الحديث..



المتصل : ألو


( كاد عبد الرحمن يُغشى عليه من رقة الصوت!! )





تذكر عبد الرحمن انه أصبح انسانا جديدا..



فقال بصوت خشن:

وعليكم السلام ورحمة الله..

مين حضرتك؟؟




المتصل : أنا .........





تابعونا ..

= = =
==
جميع الحقوق محفوظه..
أحلى حياة فى طاعة الله..
goodwayinlife.com

[قائل الحق]

رد: يوميات شاب عادي ..مسلسل جديد..تابعونا ..

بوركت أخى الحبيب تسلم الأياد
متابع إن شاء الله

[M_Eldegwy]

رد: يوميات شاب عادي ..مسلسل جديد..تابعونا ..

جزاك الله الخير كل الخير
القصة تزداد إثارة وتشويقا
ما شاء الله
اللهم ثبتنا

[ابا فارس]

رد: يوميات شاب عادي ..مسلسل جديد..تابعونا ..

هههههههه
ربنا يبارك فيك
بس نفسى اعرف مين اللى كلمته وعمل معاها ايه؟؟
ربنا يثبته ويقينا فتنه النساء
اصل فى ناس مع الصوت الرقيق بتنهار
اضحك الله سنك يا اخى

[Dr_Mostafa]

رد: يوميات شاب عادي ..مسلسل جديد..تابعونا ..

هههههههه
ربنا يبارك فيك
بس نفسى اعرف مين اللى كلمته وعمل معاها ايه؟؟
ربنا يثبته ويقينا فتنه النساء
اصل فى ناس مع الصوت الرقيق بتنهار
اضحك الله سنك يا اخى

ههههههههه
هى لسه قالت حاجه..؟؟
دى مجرد (الو) !!
ربنا يستر ..

[mega byte]

رد: يوميات شاب عادي ..مسلسل جديد..تابعونا ..

هههههههههه
ماهيا يا أخي بتبدأمن ( ألو ) دي
وبعد كده

ربنا يستر
ثبتنا الله وإياكم
وبارك الله فيك اخي الحبيب

[من تحب]

رد: يوميات شاب عادي ..مسلسل جديد..تابعونا ..

جزاكم الله خيرااااااااااااااااااااااااااااااااااااااااااااااا ااااااااااااااااا

[ابو مالك محمد المصرى]

رد: يوميات شاب عادي ..مسلسل جديد..تابعونا ..

تعرف انا متوقع مين اللى اتصل

اتوقع انها اخت معاذ

يعنى تكون اتصلت بيه عشان تقوله انه يساعد معاذ

وان شاء الله لو وصلت لاحتمال تانى هكتبه

[mega byte]

رد: يوميات شاب عادي ..مسلسل جديد..تابعونا ..

تصدق برده يا أخي ممكن تكون هيا

ربنا يسترها معاه

ومع معاذ

[Dr_Mostafa]

رد: يوميات شاب عادي ..مسلسل جديد..تابعونا ..

الحلقة السابعه و الثلاثون




::في مواجهة الفتن::






عبد الرحمن : مين حضرتِك؟



المتصل: انا.......

مش معقول معرفتش صوتى لسه...؟؟؟




عبد الرحمن : معلش اصلى اليومين دول بنسى بسرعه..




المتصل: الف سلامه عليك..



عبد الرحمن : مين حضرتك لو سمحتى؟؟




المتصل: انا .........

أنا نورهان ..




وما ان سمع صاحبنا الأسم حتى سرت رعشة فى جسده.. وازدادت ضربات قلبه..وتلعثم لسانه..ولم يعرف ماذا يقول..؟؟



انهى الاتصال ..وقام باغلاق الهاتف..



(نورهان.. زميلة عبد الرحمن..كانت فى احدى مدارس اللغات ولكنها كانت تحضر دروس اللغه الانجليزيه مع عبد الرحمن منذ الصغر...وكان عبد الرحمن معجبا بها كباقى زملائه وباقى الشباب ..فهى فتاة شديدة الرقه..فاتنة الجمال..من يراها يستولى عليه حسنها ورقتها..وكان الجميع يسعى الى كلمة او حتى نظرة منها..ومع ذلك فقد كانت لا تدع الفرصه لاحد ان يفعل ذلك..
حتى نجح عبد الرحمن فى الوصول اليها..ونشأت بينهما قصة حب كأغلب قصص الحب بين الشباب فى هذا السن..لكنها لم تستمر طويلا..نظرا لوفاة والدتها ..الأمر الذى جعل الوالد يأخذ نورهان لتكمل تعليمها فى انجلترا.. )



أخذ عبد الرحمن يحدث نفسه..


نورهان؟؟!!


مش معقول؟؟!!


ايه اللى فكرها بيا دلوقتى؟؟


وجابت رقمى منين؟؟


وعايزه منى ايه ؟؟


جلس عبد الرحمن فى سريره يحاول ان ينام فما استطاع حتى طلع الصبح..


وقبل ان يذهب الى الكليه..


فتح الموبايل..


وفور فتحه..


ظهر له وصول رساله جديده من نفس الرقم..


قام بفتحها..


[ أنا متاكده انك مقفلتش ..اكيد الموبايل فصل شحن..انا كنت عايزه اطمن عليك..ويارب تكون بخير........ نورهان ]



ازدادت ضربات قلب عبد الرحمن ثانية..

وتسارعت الاحداث فى رأسه تعيد له شريطا من الذكريات..


حاول ان يتغلب على تلك الوساوس..


استعاذ بالله من الشيطان الرجيم..


ثم توضأ وصلى ركعتين..


وقال فى نفسه: ان شاء الله مش هتتصل تانى..

انسى بقى يا عبد الرحمن..

انسى..

انسى..



يارب اعوذ بك من شر نفسى وشر الشيطان..يارب..


ثم ذهب الى الكليه..


انهى محاضراته كالعاده..


وذهب لصلاة الظهر فى المسجد..


بحث عن معاذ فلم يجده..


لقد طال غيابه..!!


ترى ماذا حدث له؟؟


بحث عن محمد فلم يجده ايضا..


فقرر العودة الى البيت..


وعند خروجه من باب الكليه فوجئ بشخص داخل سياره فخمه جدااااااااااا ينادى:
عبد الرحمن.. عبد الرحمن..


انه ذلك الصوت..!!


ذهب عبد الرحمن ليرى من المنادى..


إنها هي..


إنها نورهان..



نورهان : ايه ..شكلى متغير ولا ايه؟؟



عبد الرحمن : اكيد فيه تغييير..!!




نورهان : طيب اركب يلا..اركب..




تخشب عبد الرحمن فى مكانه!!


ماذا يفعل..؟؟


هل يركب وهو يعلم ان ذلك حرام شرعا ولا يحل له ذلك ..
ام يرفض وهو يعلم انها سوف تغضب كثيرا ان رفض ..؟؟!!




عبد الرحمن : حضرتك انا بركب مواصلات..

شكرا..



نورهان: هو انا هتحايل عليك ولا ايه؟؟

وبعدين ايه حضرتك دى؟؟




عبد الرحمن : آسف يا فندم.. انا مضطر امشى..



ثم تركها عبد الرحمن ورحل..



نورهان: حضرتِك..وافندم..!!

هو فيه ايه؟؟؟؟!!

مااااااااااااشى.........

ثم انطلقت بالسياره..




تابعونا ..

= = =
==
جميع الحقوق محفوظه..
أحلى حياة فى طاعة الله..
goodwayinlife.com

[ابو مالك محمد المصرى]

رد: يوميات شاب عادي ..مسلسل جديد..تابعونا ..

بارك الله فيك

لكن ارجوك يا دكتور

فكر مرة اخرى فيما قلته لك

[قائل الحق]

رد: يوميات شاب عادي ..مسلسل جديد..تابعونا ..

بارك الله فيك يادكتور
متابع إن شاء الله

[Dr_Mostafa]

رد: يوميات شاب عادي ..مسلسل جديد..تابعونا ..

بارك الله فيك

لكن ارجوك يا دكتور

فكر مرة اخرى فيما قلته لك

الله المستعان ..

[mega byte]

رد: يوميات شاب عادي ..مسلسل جديد..تابعونا ..

ماشاء الله
ثبته الله
بارك الله فيك يادكتور ونفع بك ولاحرمك الله الجنة
اللهم آمين

[انا بحبك يا رب]

رد: يوميات شاب عادي ..مسلسل جديد..تابعونا ..

ربنا يبارك فيك يا دكتور بالله عليك عايز اميلك او رقم تليفونك