التفتيش على بوابات الجامعات للملتحين

[أبو السائب المصرى]

السلام عليكم ورحمة الله وبركاته
بدون اى مقدمات دمى محروق جدا جدا
امس الخميس كنت نازل الجامعة عادى جدا ومعايا شنطة كروس وفوجئت ان
بعد ما تم الاطلاع على الكارنيه - الاجراء العادى - انى مطالب انى اروح اتفتش
طبعا اللى هيفتشنى امن دولة وليس حرس الجامعة
فتحت الشنطة وطلع منها كل اللى فيها ترك المصحف ومسك باقى الحاجيات
واللى كانت عبارة عن كتاب اذكار ومطويات وشريط وكتيب دينى
وطلب منى البطاقة وروحت معاه للظابط
بصراحة كان محترم بص للحاجه وادهانى وادانى البطاقة
مش ده بقى اللى حارق دمى !!!!
اللى مضايقنى بجد ان الشباب اللى داخلين فى ايديهم سجاير وغيره وغيره
لا يتم تفتيشهم ليه الملتحين تحديدا يعاملوا المعاملة دى
ويرجع شيوخنا يقولوا الشباب فى غفله
طب ماهو الشباب الغير ملتزمين لما يشوفوا المنظر ده
لما نيجى ندعوهم بعد كده للطريق المستقيم هيخافوا عشان
بدعوى امشى جنب الحيط .....
ولا انتوا ايه رأيكم !!!!
اللهم ثبتنا على طريقك الحق المستقيم
وانزع من قلوبنا حب الدنيا يا رحمان يارحيم

[aboyosef]

رد: التفتيش على بوابات الجامعات للملتحين

اخى الحبيب المشتاق لرحيق الجنه جزاكم الله خيرا
وثبتك وايدك بنصر من عنده
اخى لاتحزن فالله عزوجل لم يكلفنا بهداية العباد وانما كلفنا بالدعوة اليه بالحكمة والبينة الحسنة
وامر البلاء وارد وكلنانعلم الادلة على وجوده وتكراره مع الانبياء ومن مشى على نهجهم
واول ما يذكر هنا قوله صلى الله عليه وسلم فيما معناه
أشد الناس بلاء الانبياءثم الامثل فالامثل . يبتلى المرء على قدر دينه
فلاتحزن لمجرد التفتيش فالنبى صلى الله عليه وسلم لم يسلم من الاذى والابتلاء
فقد أُخرج من بلده و قالوا عليه مجنون وشاعر . فداه ابائنا وامهاتنا
فلا ينبغى ان تحزن لمجرد التفتيش
واعلم ان التفتيش اجراء طبيعى لا يجعلك تحزن
فوجود الامن بالدرجة الاولى للمحافظة على سلامة الطلبة بدليل انه تركك
وان كان من الابتلاء فاصبر فالاسلام قادم لا محالة وهذه بشرى النبى الصادق صلى الله عليه وسلم
الذى لا ينطق عن الهوى
ونذكر قول الشاعر
فلرب امر محزن لك فى عواقبه الرضا
ولربما اتسع المضيق وربما ضاق الفضا
واخيرا اقول لك اطمئن فالله خالق الكون ومدبره وهو على كل شيء قدير
ولكن كما قالى تعالى
(مَا كَانَ اللَّهُ لِيَذَرَ الْمُؤْمِنِينَ عَلَى مَا أَنْتُمْ عَلَيْهِ حَتَّى يَمِيزَ الْخَبِيثَ مِنَ الطَّيِّبِ)
فالطيب هو من يستحق نصر الله نسأل الله ان يجعلنا من الطيبين
امين امين امين
جزاكم الله خيرا

[أبو السائب المصرى]

رد: التفتيش على بوابات الجامعات للملتحين

جزاك الله خيرا
اخى الحبيب
واسأل الله العظيم
ان يولى من يصلح

[أبو بكر أشرف الشامي]

رد: التفتيش على بوابات الجامعات للملتحين

لا حول ولا قوة إلا باللــه...كان الله بعونكم أخي... و بلا شك هذا لتخويف الذين يُريدون إعفـاء لحاهــم...فمرةً الحجـاب و أُخـرى اللحــى... مع أن كلاهما شعائر اللـه التي لا يجـوز التعدِّي عليهـا...و نسأل الله فرجاً قريباً للمسلمين من شر الطواغيت...

[محب خير البرية]

رد: التفتيش على بوابات الجامعات للملتحين

لا حول و لا قوة الا بالله
اصبر اخي و الله يحلها ان شاء الله
حسبي الله و نعم الوكيل في الناس دي
الهجوم من الداخل اشرس من الخارج
و الله من ورائهم محيط

[أبو مسلم المصري]

رد: التفتيش على بوابات الجامعات للملتحين

نحن عندنا يقومون يالتفتيش و هذا من العام الماضي

و يبحثون عن الأوراق

لكن غالبا بتكون أوراق كلها انجليزي فاللي بيمسكها مبيفهمش حاجة و يديهالنا تاني

و احنا طبعا ممكن نشتغل على الحتة دي

أجدع حاجة ان معظم حاجتنا انجليزي

بيحاول يدور على أي منشورات أو حاجة
-

[محمد الزيدي]

رد: التفتيش على بوابات الجامعات للملتحين

بسم الله والصلاة والسلام علي رسول الله لا حول ولا قوة إلا بالله انا اشعر بالذي تشعر به اخي الحبيب والله انه لامر يدمي القلب وهذا بالخصوص في بلاد الصعيد علي الاكثر ولكن لا بد ان تنظر الي من هو اشد منك بلاء لكي تصبر اكثر اخي الحبيب فإخواننا في فلسطين من يقوم بتفتيشهم هم أبناء القردة والخنازير في كل مكان ليس في الجامعة فقط ولكن في كل مكان نصرهم الله وثبتهم وقوّي إيمانهم وثبتنا فإنه زمن الغربة وربنا يستر.

[Muslim_EGY]

رد: التفتيش على بوابات الجامعات للملتحين

انا بدون لحية (لا يُسعدنى)

ولكن اقولها بصوت عالى

انى لم اخف ان اقف او اذهب الى اى مكان مع اى مُلتحى رغم ما اتعرض له من تحذيرات من اصدقائى
ولكنى من الأخر بلزق فيهم لانى نفسى ابقى زيهم

بس للاسف مسوف الموضوع شوية

وربنا يستر

فلا تيئسوا اخوانى

فالله قادر على اهلاك الظلمة

هم يريدونا ان نشرب ما حرمه الله ويأبى الله ذلك

فمن مُنتصر؟

وحسبى الله ونعم الوكيل

[yassoraa88]

رد: التفتيش على بوابات الجامعات للملتحين

و الله يا أخي همك همنا كلنا

و أنا أذكر ان نفس الموقف ده حصل مع أحد الأخوة معانا في الكلية السنة اللي فاتت و لكن الأخ رفض تماماً و شد شوية مع الظابط و في الآخر الظابط و الحرس سابوه يدخل و انا مش عارف هل الوضع في كليتك كان يسمح انك تعمل كده ولا لأ لكن كله خير إن شاء الله

لكن علي العموم الهجوم اللي زي ده علي الإلتزام و الملتزمين اللي منتشر ما هو إلا مصداقاً لقول الله عز و جل" مَّا كَانَ اللّهُ لِيَذَرَ الْمُؤْمِنِينَ عَلَى مَا أَنتُمْ عَلَيْهِ حَتَّىَ يَمِيزَ الْخَبِيثَ مِنَ الطَّيِّبِ وَمَا كَانَ اللّهُ لِيُطْلِعَكُمْ عَلَى الْغَيْبِ وَلَكِنَّ اللّهَ يَجْتَبِي مِن رُّسُلِهِ مَن يَشَاءُ فَآمِنُواْ بِاللّهِ وَرُسُلِهِ وَإِن تُؤْمِنُواْ وَتَتَّقُواْ فَلَكُمْ أَجْرٌ عَظِيمٌ (179)"

عشان يظهر الملتحي اللي علي حق من اللي واخدها منظر
و عشان تظهر المنتقبة العفيفة من اللي عاملة كده عشان تتجوز
أو كما يقول شيخنا محمد حسين يعقوب حفظه الله"لتنقية الصف المؤمن"

فليس لنا إلا الصبر أخي الكريم
و نسأل الله لنا و لكم الثبات علي الحق حتي الممات
و أن يقينا شر الفتن ما ظهر منها و ما بطن

لكن بالنسبة لموضوع الشباب و الدعوة فأنت كأي داعية ليس عليك إلا البلاغ و انت أكيد عارف ان في ناس ممكن لو فرشتلهم الدنيا ورد عشان يلتزم مش حيلتزم مع إن البيئة المحيطة بيه مهيئة تماماً لذلك
و من ناحية تانية تلاقي شاب ممكن وضعه ميسمحش بالإلتزام و شايف كل الإنتهاكات اللي بيتعرضلها الملتزمين و الملتحين و المنتقبات و لكن ربنا يفتح عليه و يكسر كل القيود و ينطلق في العبادات و الدعوة
نسأل الله أن يجعلنا منهم

"فمن يرد الله أن يهديه يشرح صدره للإسلام"
و جزاكم الله خيراً

[كتاب الله وسنتى]

رد: التفتيش على بوابات الجامعات للملتحين

اللهم ثبتنا على الحق يارب العالمين

واجعلنا من ورثه جنات النعيم