Tweet
السلام عليكم ورحمة الله وبركاته
بإذنك يا عم المراقب إنت متقفلش الموضوع :)
أول حاجة صباح أو مساء الفل على حسب التوقيت إلي إنت فيه
حملة اشتمني شكرا
دي حملة فريدة من نوعها
من اسمها كده اشتمني شكرا
يعني لما عضو يحط موضوع متردش عليه رد عادي وتناقشه هتناقشه ممكن يكون عنده حجة أكبر منك متعرفش ترد وطبعا عيييييييييييييب تقول أنا أخطأت وأعتذر لا يا راجل دي قلة قيمة
تقوم داخل (يللا ياض يابن.....)
المهم الحملة دي تساعد على
1:دخول البغضاء بين الإخوة وبعضهم
2:حظر العضويات مما يتسبب في سقوط صرح الطريق إلى الله لأنه قائم على الأعضاء
3:بتبادل الشتائم ممكن الشخص إلي قدامك يقولك شتيمة متعرفهاش فتستخدمها في موضوع تاني
4:عصبيتك في البيت فممكن تزعل حد تشتمه وكله في سبيل الحملة
الحملة تحت إشراف :ابليس
____________________
خلاص اخرج من الموضوع
اخرج بأه
مستني إيه
يلللللللا وينا شطارتك خلي (قباحتك تهري وداني )
يللا بأه
آه صحيح نسيت أقولك تشترك ازاي
بالنية
الله ينور عليك وينور قلبك يا برنس
النية
بص يا غالي إنت لما دخلت هنا القسم ده على حد علمي إسمه ساحة الحوار العلمي والإجتماعي
علمي يا حاج مش أدبي عذرا قلة أدبي
مما يعني إنك هنا في ساحة الحوار تناقش بالدليل والبرهان وتأخذ الكلام وترد عليه إلخخخ
أما بضاعة المفلسين فبلاش منها يعني إيه المشكلة إنك لما تناقش واحد ويطلع رأيه صح وتقوله جزاك الله خيرا هتلاقيه حبك كده أما الشتيمة ده بيدل على قلة العلم وسوء الأدب والأولى ليست عيبا والثانية هي العيب
المهم بأه مين مشترك في الحملة صحيح
أحبكم في الله
تعليق