Tweet
"عندي صديق لما بقعد معاه ببقى نفسى أقول يا أهلا بالذنوب"
هنتكلم بإذن الله عن مشكله صحبه السوء....مشكله بجد!!
الصحبه الى كلها ذنوبXذنوب..
غيبه على نميمه على تريقه على اى حد معدّى...اصل دا "عادى"
الصحبه ممكن تبقى السبب فى دخولكـ النار! حتى ولو كنت ملتزم..
ممكن تغيرك خااالص..ربنا يثبتنا
__________________________________________________
"يَا لَيْتَنِي اتَّخَذْتُ مَعَ الرَّسُولِ سَبِيلا (27)يَا وَيْلَتَى لَيْتَنِي لَمْ أَتَّخِذْ فُلانًا
خَلِيلا (28)لَقَدْ أَضَلَّنِي عَنِ الذِّكْرِ بَعْدَ إِذْ جَاءَنِي وَكَانَ الشَّيْطَانُ لِلإِنسَانِ خَذُولا (29)
__________________________________________________ _________
خلى بالكـ انت بنقضى معظم اوقاتكـ مع مين ؟؟
مع صحبه هتدخلك الجنه ومتتمناش تدخلها إلا معاك
ولا صحبه هتتبرا منك اول ما تناديهم ....
(ينادونهم الم نكن معكم ) !
ولا نعرفك ! انت مين اصلا...
هما بس هيضيعوكـ ...انت بتقضى احسن الاوقات معاااهم !صح؟! .......
بس مفيش تسليه هتدوم فى الدنيا ومفيش فرح حقيقى
الا لما يكون النبى "عليه الصلاة والسلام" فى الجنه رفيقى : )
اعرف طريقكـ رايح فين.....
يا اما نار ياما على جنه فبلاش تعيش فيها بوشين
يا جماعه ( المرء على دين خليله فلينظر أحدكم من يخالل )
هل نظرنا بجد ؟؟
بنحبهم صح...مم...يبقى هتحشر معاهم
طب ما نحاول نغيرهم !
هتقولى نغيرهم ايه ياجدع ! هيتريقو عليا
نفسى اعرف احنا مالنا وكلام الناس احنا هنفضل احنا
ولو التعقد عندهم = طاعه الله ورسوله
يبقى هنيئاً لكل معقد ومعقدة : )
يبقى نختار صح دلواتى...لان الصاحب ساحب
صاحبكـ ساحبكـ
.
.
.
.
شوف بقى موديك على فين...
وقبل ما يجى وقت ونقول يا ليتنى..يا ليتنى
"يَا لَيْتَنِي لَمْ أُوتَ كِتَابِيَهْ"
يانهااار ابيض كل دى بلاوى عملناها سوا؟!
"سوا" ديه هتختفى يوم القيامه..
-ازاى؟!
يَوْمَ يَفِرُّ الْمَرْءُ مِنْ أَخِيهِ (34) وَأُمِّهِ وَأَبِيهِ (35) وَصَاحِبَتِهِ وَبَنِيهِ (36) لِكُلِّ امْرِئٍ مِنْهُمْ يَوْمَئِذٍ
شَأْنٌ يُغْنِيهِ (37)
محدش هيفكر فحد..
كلو همو نفسو وبس!
"فَلَيْسَ لَهُ الْيَوْمَ هَاهُنَا حَمِيمٌ"
قريب يرفع عنه ويخترق له قلبه.....لأ مفيشX
"وَلاَ يَسْأَلُ حَمِيمٌ حَمِيماً" الحميم...اى القريب
"يُبَصَّرُونَهُمْ يَوَدُّ الْمُجْرِمُ لَوْ يَفْتَدِي مِنْ عَذَابِ يَوْمِئِذٍ بِبَنِيهِ*وصَاحِبَتِهِ وَأَخِيهِ*وَفَصِيلَتِهِ
الَّتِي تُؤْوِيهِ*وَمَنْ فِي الأَرْضِ جَمِيعًا ثُمَّ يُنْجِيهِ"
خدو ولادى...وزوجتى..
وكمان اخويا..وعشيرتى
خدو كل الارض بس سيبونى...
نفسى...نفسى
"فَإِذَا نُفِخَ فِي الصُّورِ فَلاَ أَنْسَابَ بَيْنَهُمْ يَوْمَئِذٍ وَلاَ يَتَسَاءَلُونَ"
"الْأَخِلَّاء يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ"
الا المتقين...
الصحبه الصالحه..بتاعت المساجد..بتوع رمضان والاعتكاف
هما دول الى هينفعوك يوم لا ينفع مال ولا بنون..
اصل صاحب السوء بيقول هنفضل اصحاب وحبايب لحد ما يفرق بينا الموت..
طب وبعدين؟! هكون من الى بيقول يا ليتنى؟!
اما صاحبك الصالح هياخد بإيدك للجنه : ) ...الحياة الابديه
#افتكر..الدنيا دا ممر لدار مقر وهى الاخرة..
#الناس الى تتريق عليك لما تقولهم يلا نصلى
"ياواد يامؤمن" !!!
ابعد عنهم دلواتى...بس ابعتلهم فيديوهات
دعويه للشيخ حازم شومان مثلا لعل الله يهديهم على يدة
أو اديهم كتيبات ومتيأسش حاول معاهم مش انت بتحبهم ونفسك يتحشرو معاك ؟!
اعزمهم على شاورما وعرفهم على صحبت المسجد الى هتبقى صحبتك من دلواتى ان
شاء الله : )
وانت وطريقتك بقى : ) بس خلى بالك #
خليك ثابت وقوى واكيد هتلاقى وابل من التريقه فى الاول وايه ياعم الشيخ..وايوة بقى
التقوى نزلت فجأة..بس افتكر الايات ديه
___________________________________________________ ___________
أَلَمْ تَكُنْ آيَاتِي تُتْلَى عَلَيْكُمْ فَكُنْتُمْ بِهَا تُكَذِّبُونَ ( 105 ) قَالُوا رَبَّنَا غَلَبَتْ عَلَيْنَا شِقْوَتُنَا وَكُنَّا قَوْمًا ضَالِّينَ ( 106 ) رَبَّنَا أَخْرِجْنَا مِنْهَا فَإِنْ عُدْنَا فَإِنَّا ظَالِمُونَ ( 107 ) قَالَ اخْسَئُوا فِيهَا وَلا تُكَلِّمُونِ ( 108 ) إِنَّهُ كَانَ فَرِيقٌ مِنْ عِبَادِي يَقُولُونَ رَبَّنَا آمَنَّا فَاغْفِرْ لَنَا وَارْحَمْنَا وَأَنْتَ خَيْرُ الرَّاحِمِينَ ( 109 ) فَاتَّخَذْتُمُوهُمْ سِخْرِيًّا حَتَّى أَنْسَوْكُمْ ذِكْرِي وَكُنْتُمْ مِنْهُمْ تَضْحَكُونَ ( 110 ) إِنِّي جَزَيْتُهُمُ الْيَوْمَ بِمَا صَبَرُوا أَنَّهُمْ هُمُ الْفَائِزُونَ ( 111 )
_______________________________________
"إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَنْ يَشَاءُ"
"ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِي هِيَ أَحْسَنُ"
...وإن عليك الا البلاغ : )
واوعى تنسى#....من ترك شيئا لله عوضه الله خيرًا منه
ربنا هيعوضكـ افضل بكتييير..
جزاكم الله خيراً
تعليق