(حصريا) مسلسل كفر الزعبلاوى

[HossaM.H]

رد: (حصريا) مسلسل كفر الزعبلاوى

ماشاء الله
موضوع رائع جدا
جااااااااارى القراة الحلقة الأولى إن شاء الله

تم التقيم طبعا

تقبل الله منا ومنكم صالح الأعمال

[Yusuf Shams al-Din]

رد: (حصريا) مسلسل كفر الزعبلاوى

ماشاء الله
موضوع رائع جدا
جااااااااارى القراة الحلقة الأولى إن شاء الله

تم التقيم طبعا

تقبل الله منا ومنكم صالح الأعمال

جزاك الله خيرا اخى الفاضل على مرورك الطيب واسعدنا متابعتك المباركه ومشكور على التقيم يا غالى

[أبو محمد وعبدالرحمن الشبل]

رد: (حصريا) مسلسل كفر الزعبلاوى

الله الله عليكم اخوانى بارك الله فيكم

على فكرة المسلسل اتنشر فى مواقع كتير جدا ودا دليل على النجاح

مبارك عليكم

[Yusuf Shams al-Din]

رد: (حصريا) مسلسل كفر الزعبلاوى

[quote=أبو محمد وعبدالرحمن الشبل;1060462407]

الله الله عليكم اخوانى بارك الله فيكم

على فكرة المسلسل اتنشر فى مواقع كتير جدا ودا دليل على النجاح

مبارك عليكم

[/quote

شكر لمرورك الطيب شبلى الغالى اسعدنا تواجدك يا طيب
مبارك علينا وعليكم اخى الفاضل
نجاح المسلسل هو نجاح للمنتدى بصفه عامه والساحه الشبابيه بصفه خاصه

[محمود المسلم المصرى]

رد: (حصريا) مسلسل كفر الزعبلاوى

جزاك الله خيرا على المسلسل وفى انتظار الحلقه الحاديه عشر بفارغ الصبر

[Yusuf Shams al-Din]

رد: (حصريا) مسلسل كفر الزعبلاوى

جزاك الله خيرا على المسلسل وفى انتظار الحلقه الحاديه عشر بفارغ الصبر

شكر لمرورك الطيب اخى الفاضل وان شاء الله عن قريبا حتنزل
بس اعذرنى التاخير بسب ضغوط فى العمل وفقكم الله

[Yusuf Shams al-Din]

رد: (حصريا) مسلسل كفر الزعبلاوى

((الحلقة الحادية عشر))




فيدخل صميده مسرعا من الخارج على صوت مراة العمده ويشوف العمده على الارض مغمى عليه فينزعج



خير فى ايه يا مراة العمده حصل ايه للعمده
انت لسه حتسال يلا شيل العمده بسرعه على غرفته و هات الدكتور بسرعه
حاضر يامراة العمده
فيحمل صميده العمده ويصعد به الى غرفته ويذهب لاحضار الطبيب

ثم تنتقل بينا الاحداث الى منزل عمك على الصعيدى وهو نائم على السرير و بجواره ابنته ايمان اللى كانت سهرانه طول الليل بجوار ابيها



فيستيقظ عمك على ويراى ايمان بنته بجواره
صباح الخير يابى حمدلله على سلامتك
صباح الورد يا منه الله يسلمك ... خير هو حصل ايه يا منه
كل خير يابى بس انت تعبت امبارح شويه فى الشغل
اها انا افتكرت صحيح وانا بشتغل مره واحده عينى مكنتش شايف بها كويس وكنت حاسس بدوخه وبعدها معرفش ايه اللى حصل
تعبت وعمى صميده وكان معه استاذ غريب جابوك لحد هنا بسيارته
ياااه دا اكيد البشمهندس عادل... مهندس الموقع دا شاب طيب جدا
بس انا زعلانه منك يابى
خير بس يا منه
بقى يابى تسيب الشغل عند العمده من فتره ومش تقول لنا
يابنتى انا مش عايز اغلبكم معى وبعدين ربنا كرمنى بشغل تانى والحمد لله

الله يسامحك يابى تغلبنا ايه بس يعنى يوم ماقلتلك انت شكلك مش عاجبنى كنت صح وانت مرضتش تقولى انك تركت الشغل عند العمده
فيبتسم عمك على... ويقول مش قلتلك بتفكرنى بامك الله يرحمها المهم يا حبيبتى ان ربنا كرمنى وبشتغل
بس يابى شغل المبانى صعب عليك وانت صحتك متستحملش
لا يا حبيبتى دا انا بشتغل فى مكان سهل

سهل ايه بس يابى انت بردو لسه هتكدب على هو لو سهل كنت تعبت كده انا عارفه يابى انك بتعمل كل ده علشان نكمل التعليم بس والله يابى انا مبسوطه جدا لحد كده

فيقطعها عمك على.... لا يامنه ازعل منك اوعى تقولى الكلام دا تانى ولا تكملى الكلام اللى عايزها تقوليه

يابى انت اهم عندنا من اى تعليم
وبعدين شكلك عوزه تزعلنى منك.... وبعدين يلا قومى روحى مدرستك
لا يابى مينفعش اسيبك وانت كده
يابنتى انا كويس قومى روحى مدرستك بلاش تضيعى عليك الدروس

لا يابى انا اليوم مش حتحرك من هنا وكمان اليومين دول مراجعه علشان الامتحانات
وبعدين فى لمضتك منه... طيب اخواتك فين حسن ومنى اوعى هما كمان يكونوا غابوا اليوم
لا متقلقاش انا فطرتهم وراحو على مدارسهم

طيب ربنا ميحرمكوش من بعض يارب
ولا يحرمنا منك يا اغلى اب

و تنتقل بينا الاحداث الى موقع العمل حيث المقاول سعيد والبشمهندس عادل



صباح الخير يا عمى سعيد
صباح الخير يا بشمهندس
العمال كلهم تمام
تمام يا بشمهندس ... بس كنت عايز منك طلب
خير يا عمى سعيد اتفضل قول

كنت عايز استئذن زى ساعه كده اروح اشوف عمى على عامل ايه النهاره
طيب ما تخلينا بكره يكون بقى كويس ونروح نشوفه

ميصحش يا بشمهندس لازم اشوفه اليوم دى تبقى عيبه فى حقى ... الوضع فى الريف عندنا كده

طيب على العموم اعطنى ساعة زمن ارتب الشغل ونروح مع بعض
ماشى يا بشمهندس

وتنتقل بينا الاحداث الى منزل العمده وصميده هو والدكتور



اتفضل يا دكتور بت يا بهانه..... اعملى حاجه لدكتور يشربه بسرعه

السلام عليكم
وعليكم السلام يا دكتور
خير حصل ايه للعمده

تقول مراة العمده ....دا كان طالع بيتوضا لصلاة الصبح
وتقريبا اتزحلق وقع واغمى عليه

طيب هو فين
اتفضل فى غرفته
فيقوم الدكتور بالكشف على العمده ويقول

الحاله خطره جدا لازم يتنقل بسرعه الى المستشفى
فيقول صميده احضر العربيه بسرعه
لا العربيه مش حتنفع انا حتصل بعربية الاسعاف تيجى حالا ويتنقل فيها

فترتبك مراة العمده وتسال الدكتور
خير يا دكتور
والله الموضوع خطير ومش خير ابدا ربنا يستر
فيتغير لون وجه مراة العمده ... وتقول يعنى مش اغماءعادى يا دكتور
لا مش اغماء عادى ... لو اغماء كان تحدث معى الموضوع اخطر ومش حيتحدد غير بالكشف بالاجهزه والاشاعه والتحاليل

وتاتى سيارة الاسعاف وتاخد العمده وتروح به للمستشفى ويطلع وراهم صميده ومراة العمده



وتنتقل بينا الاحداث الى منزل عمك على الصعيدى ويخبط الباب فتطلع ايمان تفتح الباب فتجد البشمهندس عادل والمقاول سعيد

السلام عليكم انت ايمان صح
وعليكم السلام نعم
طيب قولى لعمى على ان عمك سعيد والبشمهندس عادل بره وجاينا يشوفوك
طيب اتفضلوا يا عم سعيد فى الصاله ميصحش تقفوا على الباب
وتذهب ايمان الى ابيه

خير يا منه مين اللى على الباب
دا عمى سعيد والاستاذ اللى جابك بعربية امبارح يابى
طيب يا بنتى دخليهم واعملى لنا حاجه نشربه
حاضر يابى
اتفضلوا يا جماعه
حمد لله على سلامتك يا راجل يا طيب قلقتنا عليك
الله يسلمك يا بنى مكنش ليه لزوم التعب دا وتسيبوا شغلكم انا كويس والله
ازاى بس ياعم على متقولش كده
معلش غلبناك معانا يا بشمهندس عادل
انا كده حزعل منك ياعمى على هو انا مش زى ابنك برضو
ربنا يعلم يابنى معزتكم عندى والله
خلاص بقى محدش يشكر ابنه مش كده ولا ايه
والله ياعم على البشمهندس عادل انا قلت له يروح الموقع وانا اجيبك الرجل رفض
ربنا يكرم اصله يارب ونقدر نرد ليه حاجه من جمايله
متقولش كده ياعمى على وبعدين شد حيلك بقى
علشان المره دى مش حتشتغل فى المبانى انت حتشتغل معى فى المكتب حاجه خفيفه
الله يكرمك يابنى انت كده بتحرجنى كتير اوى
وبعدين ياعم على مش قلنا ان زى ابنك فى حد يشكر ابنه

طيب ياعم على الحمد لله اننا اطمئنناعليك حنستئذنك
انت عارف العمال لوحدهم وان شاء الله لنا زياره تانيه
تشرفوا وتنوروا فى اى وقت دا بيتكم ومفتوح ليكم فى اى وقت



ثم تنتقل الاحداث بينا الى المستشفى

خير يا دكتور ايه الاخبار
و الله يا ام عبد الحميد الوضع حرج جدا ومافيش حاجه حتظهر اليوم بكره ان شاء الله
طيب انا ممكن اشوفه
لا مش حينفع حد يدخل اليوم ليه ويشوفه وهو كمان نايم ومش حاسس بحاجه
طيب انا حبات معه يا دكتور
لا ياصميده ملوش لزوم حد يفضل هنا اليوم
روحوا استريحوا وبكره ان شاء الله تيجوا يكون بقى كويس

حاضر يا دكتور يلا يا ام عبد الحميد وان شاء الله نيجى بكره يكون العمده كويس

وياخد صميده مراة العمده ويرجعوا الى الدوار

فتنادى مراة العمده على بهانه


بت يا بهانه...... بهانه
نعم ياستى

تقلبى الكفر حته حته وتجبيلى المصيبه اللى اسمها ام شلبيه بسرعه
حاضر يا ستى

الله يخربيتك يا ام شلبيه

وانتظرونا وحلقة جديده

[أبو عبدالله إبراهيم]

رد: (حصريا) مسلسل كفر الزعبلاوى

جزاكم الله خيرا
فاتتني آخر حلقتين
الله المستعان
ربنا ييسر وبإذن الله أقرأهم وأتابع معكم
أعانكم الله ويسر لكم أخي الحبيب

[محمود المسلم المصرى]

رد: (حصريا) مسلسل كفر الزعبلاوى

جزاك الله خيرا

[ahmadof]

رد: (حصريا) مسلسل كفر الزعبلاوى

الأحداث تتسارع ما شاء الله تبارك الله

بالانتظار

[مهاجر إلى ربي]

رد: (حصريا) مسلسل كفر الزعبلاوى

أيه الجمال ده يامولانا سلمت يداك يا أخي

وانا ان شاء الله متابع معاك " من الجيش بس أوعي تقول لحد "

[ahmadof]

رد: (حصريا) مسلسل كفر الزعبلاوى

أيه الجمال ده يامولانا سلمت يداك يا أخي

وانا ان شاء الله متابع معاك " من الجيش بس أوعي تقول لحد "

من الجيش مرة واحدة!؟

يا ساتر ..

ربنا يعينك ويثبتك..

[محمود المسلم المصرى]

رد: (حصريا) مسلسل كفر الزعبلاوى

جزاك الله خيرا على المسلسل وفى انتظارك بفارغ الصبر

وارجوا من الاخ يوسف حتى ولو كتابه المسلسل كامل حتى نعلم نهايته

وبارك الله فيكم
لانى متابع معاكم

[Yusuf Shams al-Din]

رد: (حصريا) مسلسل كفر الزعبلاوى

جزاك الله خيرا على المسلسل وفى انتظارك بفارغ الصبر

وارجوا من الاخ يوسف حتى ولو كتابه المسلسل كامل حتى نعلم نهايته

وبارك الله فيكم
لانى متابع معاكم

جزاك الله كل خير اخى الفاضل الشيخ محمود اشرف على متابعتك اخى الغالى
بس والله يا اخى ها الفتره مضغوط جدا والدخول قليل جدا
ولسه والله يا اخى لم اكتب اى حلقه جديده بعد الحلقه الحاديه عشر لضيق الوقت عندى
فان شاء الله بس يتيسر الامر احاول اكتب حلقه او اتنين عن قريب ان شاء الله
اما والله اخى لسه مافيش ولا حلقه مكتوبه
وجزاك الله كل خيرا على حسن متابعتك معانا اخى الفاضل

أيه الجمال ده يامولانا سلمت يداك يا أخي

وانا ان شاء الله متابع معاك " من الجيش بس أوعي تقول لحد "

شكر لمتابعتك الطيبه اخى الفاضل مهاجر الى ربى ويسر الله امرك اخى الغالى

[ahmadof]

رد: (حصريا) مسلسل كفر الزعبلاوى

جزاك الله كل خير اخى الفاضل الشيخ محمود اشرف على متابعتك اخى الغالى

بس والله يا اخى ها الفتره مضغوط جدا والدخول قليل جدا
ولسه والله يا اخى لم اكتب اى حلقه جديده بعد الحلقه الحاديه عشر لضيق الوقت عندى
فان شاء الله بس يتيسر الامر احاول اكتب حلقه او اتنين عن قريب ان شاء الله
اما والله اخى لسه مافيش ولا حلقه مكتوبه
وجزاك الله كل خيرا على حسن متابعتك معانا اخى الفاضل

شكر لمتابعتك الطيبه اخى الفاضل مهاجر الى ربى ويسر الله امرك اخى الغالى

أعانكم الرحمن وردكم إلينا ردا جميلا ^_^