(حصريا) مسلسل كفر الزعبلاوى

[Yusuf Shams al-Din]

رد: (حصريا) مسلسل كفر الزعبلاوى

((الحلقة الخامسه ))




هكذا حال اهل بيت العمده كل شخص فيهم فى غرفته مع نفسه
وكانهم فى فندق وليس اسرة واحده

وها هو منظر الاسره بعد الانتهاء من وجبة العشا كل شخص فى غرفته وامرة العمده امام التلفاز ومعها بهانه لتلبى طلباتها اثناء المشاهده للافلام او الاغانى

اما العمده فيكون مع شيخ الغفر يتحدثون ويسخرون من اهل الكفر
بل ويتامرون ويخططون على كيفية استغلالهم باقصى جهد ممكن مع اعطى اقل قيمه ماديه لهم مقابل الجهود المبذول
ولنرى الان ما يدور دخل هذا البيت العجيب

هاهو عبد الحميد ....الابن الاصغر يريد من يساعده فى عمل الواجب المدرسي

فيقوم بالذهاب الى الاخت الكبيره.... سناء

بيحاول عبد الحميد يفتح باب غرفة اخته سناء

ولكن سناء ...غلقة الغرفه بالمفتاح وكانت تتحدث مع عمرو

اول .. ما شاهدة حركه فى مقبض الباب قالت لعمرو

طيب ثوانى ياعمور يا حبيبى ... شكل فى كبسه اشوف مين على الباب

حاضر حبيبتى ....بس اوعى تتاخرى على علشان مش حستحمل ان انغام صوتك الرقيقه تنقطع من اذانى انا كده ممكن مسمعش تانى

ميرسي اوى يا عموره

وذهبت سناء تفتح الباب.... فتجد عبد الحميد وقف امام الباب ويحمل الكتاب والكراسه

خير يا ميدو فى ايه

فى مساله مش عارفه يا سناء ممكن تساعدينى فيها

مش حينفع يا ميدو ..... انا عندى مذاكره كتير وكمان المنهج الخاص بك نسيته من زمان شوف حنان هى قريبه من منهجكم وحتساعدك ويلا باى يا ميدو علشان عندى مذاكره
وتغلق الباب فى وجه اخيه الصغير القادم لطلب مساعده وتستمر فى الحديث من عموره

ثم يحمل عبد الحميد كتابه وكراسته ويذهب الى غرفة حنان

وحنان هى الاخرى تغلق غرفتها

فيقوم عبد الحميد بالخبط على الباب

هنا تترك حنان جهاز الكمبيوتر... وتضع المايك من على اذنيها وهى كانت تتابع
اغانى اجنبيه متنوعه وكانت تعمل شات مع احد الشباب على النت
فقالت له ثوانى اعمل مج كابتشينو

وتذهب لتفتح الباب فتجد عبد الحميد وهو يقول له اريد مساعدتك فى حل الواجب

فيكون الرد انا مش فاضيه يا ميدو..... انا فى شهاده السنه دى وانت سامع كلام بابا على الاكل كان عامل ازاى روح لسناء

مهو انا رحت لسناء وهى كمان قالت مش فاضيه

خلاص بقى يا ميدو.... ركز انت شويه وراجع كلام المدرسين وانت حتحل لوحدك
فتعود حنان الى الجهاز وتتابع سماع الاغانى وتقول للشاب سورى اتاخرت عليك كنا بنقول ايه

فيحمل عبد الحميد كتابه وكراسته... ويذهب الى غرفته ملقى بهم على الطاوله

ويقوم باللعب على جهاز البلاستيشن ويترك المذاكره
ولا توجد مراقبه وعندما يفشل فى الدراسه او يقصر فى الحصول على درجات مرتفعه تنهال الاتهامات على المدرسين وعلى المدرسه واين دور الاسره اذن هل انتم خارج تلك الدائره

وهنا تصعد مراة العمده الى غرفة سناء وتخبط على الباب

افتحى يا سوسو عايزكى فى موضوع

عموره باى باى دلوقتى ماما على الباب نكمل كلامنا بعدين

ماشى حبيبتى... ومتنسيش بكره حنخرج مع بعض السيما اوك

ماشى عموره .....باى دلوقتى وتغلق الهاتف

وتفتح سناء الباب الى مامتها
اى خدمه يا سوسو .... كلها اسبوع وايمان تقعد فى البيت خالص

بجد يا ماما ... وتجرى تبوس ايد امها انا مش عارفه اشكرك ازاى يا ماما دى البت دى كانت كابوس بالنسبه لى

انا مش قلتلك ياسوسو ححل الموضوع

بس انا عايزه منك خدمه يا سوسو

خدمه واحده بس انتى تؤمرى يا ست الكل اتفضلى عايزه فلوس

فتضحك الام فلوس يا بكاشه بردو

لا انا كان لى طلب صغير كده وقلت محدش حيساعدنى فيه غير سوسو حبيبتى

خير يا ماما قولى انا تحت امرك

عايزكى تشوفى حد يعرف مكان ديك ساقط ثانوى عام علمى

فتسقط سناء فى غيبوبه من الضحك

بتقولى ايه ياماما انتى بتهرجى

اخص عليكى يا سوسو انتى بتتريقى على ماما

وتتكلم سناء وهى بتضحك ......مش قصدى يا ماما طيب ينفع الديك يكون ادبى مش علمى وتستمر فى الضحك

انا غلطانه انى كلمتك فى الموضوع اصلا وتهم بالخروج

فتجرى سناء ماسكه بيد امها متزعليش منى يا ماما بس الطلب غريب ومضحك
وبعدين عايزه ليه الطلب دا

مش انا اللى عايزه دا الوليه شلبيه بتاعت الاعمال علشان نعمل عملك لابوك ميبصش لبت كده ولا كده

معقول يا ماما وتصدقى الكلام دا

اه معقول طبعا .....انتى فاكره ابوكى عمده لحد دلوقتى ليه مش بالاعمال دى علشان محدش يطلع عليه ويقول انا عايز ابقى عمده انا عمله اعمال لكل اهل القريه لطاعة العمده

خلاص يا ماما..... انتى اعطيها فلوس وهى اكيد بتكون عارفه مكان الحاجات دى
لان دى طلبتهم وهما بيكون عارفين الاماكن الخاص بالطلبات دى

انتى شايفه كد يعنى

بصراحه اه

على العموم ماشى وانتى معاكى حق اعطيها مبلغ وهى تتصرف يلا تصبحى على خيرا حبيبتى

وفى تلك الليله التى لا احد فى الاسره قام فيها فرض ولا سنه وكل واحد منهم فى غرفته لاهى

ها هو العمده يتحدث مع الغفير صميده

انت ياواد يا صميده

نعم يا عمده

من بكره تقول لعمك على الصعيدى ملوش شغل عندى فى الارض

ليه بس يا عمده دا رجل غلبان اوى .. ووراه كوم لحم وكمان مش بيقصر فى الشغل

انت ياوله حتعلمنى الشغل يا وله لما اقول كلمه تتسمع

حاضر يا عمده انا اسف طيب بس اقوله ايه يعنى مش لازم يكون فى مبرر

تقوله العمده بيقولك انت كبرت ياعم على وهو خايف على صحتك وبيقولك اقعد فى البيت وهو كل شهر حيبعتلك مصروف يمشيك وتعيش منه

حاضر ياعمده حقوله رغم ان الموضوع دا حيكون صعب على اوى وكمان صعب على الرجل الغلبان دا

وبعدين معاك يا وله ما تيجى تقعد مكانى احسن وتدير البلد

لا ياعمده انا اسف وبكره حقوله حاضر

وانتظرونا وحلقه جديده

[أبو عبدالله إبراهيم]

رد: (حصريا) مسلسل كفر الزعبلاوى

الله المستعان أخي الحبيب
دايما الحلقه بتخلص في الشيء المهم
بتشوقنا يعني
علي العموم متابع وجزاك الله خيرا

[أبوالمعالـي]

رد: (حصريا) مسلسل كفر الزعبلاوى

ما شاء الله
جزاك الله كل خير أخي يوسف على هذا الطرح الإجتماعي الموفق
وأنا قرأت الحلقة الأولى وسوف أعلق كل يوم على حلقة بإذن الله
موضوع دراسة الفتاة
أنا من مناصري عدم دراسة البنت أكثر من الصف العاشر
وإذا كان للصف السابع فيكون أفضل
أنا أدرس ابنتي وأهتم فيها
وبعد الصف السابع أبعدها عن جو المدارس العكر في رأيي
ليس من باب عدم الثقة ولكن من باب أنني أتقي الله في بناتي
ولا أضعهن في مواضع الفتن
وكلنا يعلم مدى وفداحة الفتن التي تتعرض لها الفتيات الصغيرات
هذه الأيام والطفل سريع التعلق بأصدقائه
وأرجو ألا يقول لي أحد أنت تربي لالالالالالالا
الشارع يربي ويعلم أيضاً
وأنا متمسك برأيي هذا
والحمد لله وضعت بناتي في مراكز تحفيظ القرآن
وهن حاصلات على إجازة في القراءة على رواية حفص
وحفظن سبعة أجزاء من القرآن
وهذا عندي يسوى المدارس واللي فيها
وأنت يا أخ يوسف تسكن في الأردن وتعلم مدى قبح مدارسنا
ولا بد أنك سمعت عن فضائح مدارسنا
وهذا رأيي والله أعلم
بارك الله فيك أخي الحبيب
متابع بإذن الله

[أبوالمعالـي]

رد: (حصريا) مسلسل كفر الزعبلاوى

طول مافيش مساعده من الاهل ومناخ مناسب للمذاكره واهل تهتم بيك وتراجع معاك عمر الدروس لوحده ماحتعمل حاجه

تعليقاً على الحلقة الثانية
أعجبتني العبارة المقتبسة أعلاه
وهذا من المشاكل والعراقيل التي تؤخر مستوى الطلاب
في دراستهم
بارك الله فيك أخي الحبيب يوسف
متابع بإذن الله

[Yusuf Shams al-Din]

رد: (حصريا) مسلسل كفر الزعبلاوى

ما شاء الله
جزاك الله كل خير أخي يوسف على هذا الطرح الإجتماعي الموفق
وأنا قرأت الحلقة الأولى وسوف أعلق كل يوم على حلقة بإذن الله

شكر لمروركم الطيب وتفاعلكم المبارك اخى الغالى

موضوع دراسة الفتاة
أنا من مناصري حوله مناصرى بتفكرنى بجماعه المناصيرى عدم دراسة البنت أكثر من الصف العاشر

وإذا كان للصف السابع فيكون أفضل وجهة نظر تحترم

أنا أدرس ابنتي وأهتم فيها
وبعد الصف السابع أبعدها عن جو المدارس العكر في رأيي
ليس من باب عدم الثقة ولكن من باب أنني أتقي الله في بناتي
ولا أضعهن في مواضع الفتن
وكلنا يعلم مدى وفداحة الفتن التي تتعرض لها الفتيات الصغيرات
هذه الأيام والطفل سريع التعلق بأصدقائه
وأرجو ألا يقول لي أحد أنت تربي لالالالالالالا
الشارع يربي ويعلم أيضاً
وأنا متمسك برأيي هذا
والحمد لله وضعت بناتي في مراكز تحفيظ القرآن
وهن حاصلات على إجازة في القراءة على رواية حفص

وحفظن سبعة أجزاء من القرآن بسم الله ماشاء الله ربنا يبارك لك فيهم

وهذا عندي يسوى المدارس واللي فيها
وأنت يا أخ يوسف تسكن في الأردن وتعلم مدى قبح مدارسنا
ولا بد أنك سمعت عن فضائح مدارسنا
والله اخى مع حق الاموار عندكم شى صعب جدا ولا يطاق وهى لا تختلف كثير عن اغلب المدارس فى الوطن العربى بصفة عامه ولكن فربما فى ارتفاع شويه فى التحرار بجميع الوانه وافعاله
وهذا رأيي والله أعلم
بارك الله فيك أخي الحبيب
متابع بإذن الله

جزاك الله كل خيرا اخى الغالى وجهة نظر تحترم اكيد بس انت هنا لم تقوم باخرجهم من التعليم بالعكس انت كل ما فعلته هو تغير وجهة التعليم او المسار الخاص بالتعليم الى ما هو افضل واحسن فاتبعت فى البدايه المسار التقليدى من اجل معرفة التحدث والتعلم وطرق الكتابه وفهم بعض الاموار ثم قمت بسحبهم من هذا الطريق ولم تجلس بهم بجوارك وتكتفى بالجزء السابق من التعليم وهذا ما نركز عليه فى موضوعنا وهو التجاهل التام للتعليم واخرجهم من اجل مساعدتهم فى المنزل اوان ينظر الى التعليم من وجهة نظر تكاليف ليس لها داعى وفى النهايه هى عند زوجها لكن منظورك هذا اخى القليل اصبح ينظر اليه بانه يكون سبب فى خروج البنات من التعليم بل اعتقد ان لا يوجد اصلا من ينظر الى هذه الجزئيه فى هذا الزمن اما انت اخى الغالى فبالعكس انت فعلت امر رائع حقا جعلتهم يكملوا التعليم بس بشكل رائع ومتميز حق ايوجد افضل من كتاب الله لكى نتعلم منه كل اموار حياتنا بارك الله فيك اخى الفاضل وبارك الله فى بناتك وجعلهم الله رصيد لك من اجل دخولك الجنه ان شاء الله

تعليقاً على الحلقة الثانية
أعجبتني العبارة المقتبسة أعلاه
وهذا من المشاكل والعراقيل التي تؤخر مستوى الطلاب
في دراستهم
بارك الله فيك أخي الحبيب يوسف
متابع بإذن الله

جزاك الله خيرا اخى الغالى ومعلش انا عارف ان العمل ضعيف بس والله انا بجتهد من اجل الارتقاء به لان هو عباره عن افكار وبقوم بصياغتها بشكل درامى فى شكل حلقات من اجل طرح القضايا والمشاكل فى المجتمع وانا اول مره اكتب عمل درامى ولو بترغب فى المشاركه معى فى كتابة بعض الحلقات او اضافة افكار تتم صياغته دخل العمل انا بجد بكون سعيد وشكر لك
وفى الختام احبك فى الله
وعلى راى الطالب يلا بينا يلا

[Yusuf Shams al-Din]

رد: (حصريا) مسلسل كفر الزعبلاوى

الله المستعان أخي الحبيب
دايما الحلقه بتخلص في الشيء المهم
بتشوقنا يعني
علي العموم متابع وجزاك الله خيرا

شكر لمتابعتك الغاليه ابراهيم
خلاص ولا تزعل حبقى اقولك على احداث الحلقه القادمه بينى وبينك قبل العرض اى خدمه

[Yusuf Shams al-Din]

رد: (حصريا) مسلسل كفر الزعبلاوى

((الحلقة السادسه ))



ياذن الفجر فى كفر الزعبلاوى فيستيقظ عمك على الصعيد لصلاة الفجر
ويقوم بايقاظ ابنائه

حسن ....... ابو على .... يلا يا حبيبى قوم علشان نصلى مع بعض الفجر فى المسجد

حاضر...... يابى انا حقوم اهو

ثم يذهب الى غرفة البنات

ايمان ... ايمان .....

انا صاحيه يابى ..... وهنا ايمان كانت مستيقظه قبل الفجر وبتقراء القران

طيب يا حبيبتى متنشيش تصحى اختك منى علشان تصلوا مع بعض الفجر

حاضر..... يابى انا حصحيها معى

وفى الصباح يتوجه جميع الابناء الى مدارسهم
ويذهب عمك على الى العمل فى ارض العمده

صميده ......صباح الخير ياعم على

صباح الخير يا صميده ... انا حشتغل فى اى حوض اليوم يا صميده

والله ياعم على انا مش عارف اقولك ايه

خير يا صميده فى ايه

بصراحه ياعم على ومتزعلش منى العمده قالى اقولك معتش لك شغل فى ارضه من اليوم

ليه يابنى هو انا قصرت معاكم فى حاجه لسمح الله

لا والله ياعم على..... بالعكس انت من اجدع وانشط العمال كمان

طيب امال ايه بس السبب يابنى

والله ياعم على العمده قالى اقولك انت كبرت وصحتك بقت على قدك
وهو خايف عليك وبيقولك ريح فى دارك وحيبعتلك مصروف كل شهر

ليه بس ما انا بشتغل وانت لسه قايل مش مقصر

انا عارف والله ياعم على ... بس دى اوامر العمده
وهو خايف عليك وحيبعتلك مصروف شهرى

على العموم يابنى قوله كتر خيرك
ولا مصروف شهرى ولا حاجه ربك هو اللى بيعين

ويرجع عمك على الى منزله وهو مهموم والدمعه تفر من عيونه وهو شايف مستقبل ابنائه بينهار امامه

ويجلس فى بيته وحده مهموم يفكر ماذا يفعل فى تلك الازمه

وفى مدرسة الاعداديه تقابل حسن وعبد الحميد كلعاده

عامل ايه ياعبد الحميد

قولى مش عامل ايه يا عبد الحميد

خير بس ياعبدو

اصلى معملتش الواجب زى كل مره

ليه بس يا عبدو

نفس مشكلة كل مره يا حسن

طيب حقولك انا على فكره حلوه يا عبدو

قول ياحسن ياريت تلقى لى فكره

انت تيجى تذاكر معى فى البيت ونحل الواجب كل يوم مع بعض واهو نشجع بعض

والله فكره ممتازه ...خلاص انا حقول لبابا اليوم ويا اجى عندك يا تيجى انت عندى

مش مشكله عند مين المهم نكون مع بعض ونذاكر

مافيش مشكله يا حسن على رايك المهم نساعد بعض

ودلوقتى تعالى اساعدك فى واجب امبارح يا عبدو

وفى مدرسة التجاره تتقابل سناء مع عمرو

هاى سوسو وحشتنى موت

وانت اكتر عموره

بقولك ايه سوسو انا حجزت فلم جامد موت لسه نازل جديد رومانسى جدا اسمه احاسيس

ياااااااا بجد ياعموره دا انا بتفرج على اعلانات الفلم دا وبشوف رومنسيات جميله جدا

طيب يلا بينا يا حبيبتى نروح كوفى شوب نقعد فيه ساعه نشرب حاجه على ما اول عرض يشتغل ندخل فيه نطلع من الفلم نكمل باقى الوقت فى اى جنينه

اوك يا عموره يلا بينا

طبعا عموره هنا زى مقلتلكم .... العلاقه مهلبيه .... مهلبيه يعنى
بس هو عايز يرتبط بها بصراحه مش علشان حب ....لا علشان بنت العمده والموضوع فيه فلوس صح
فالرجل بيفرش ارضيه محترمه للموضوع من دلوقتى
اما سوسو فكانت مع عمرو فى كل مكان وكانت بتحبه جدا

لدرجة انها افتكرت انه خلاص فى حكم زوجها علشان كده كانت بتتنازل فى حاجات كتير على اساس ان فيما بعد حيتجوز

وتنتقل الان بين الاحداث الى منزل العمده

يا وله .. يا صميده ... عملت ايه
خلاص ياعمده قلتله ومشى بس كان زعلان اوى يا عمده

يا عينى على قلب الام بتاعك يا وله .... دا انت شيخ الغفر بتاعك لو ابنه اتقتل تحت منه بياخده يدفنه ويكمل شرب الشاى... وانا مش عارف قلبك دا جايبه منين

مهو يا عمده الرجل غلبان ومحلوتش حاجه يصرف منها غير الشغل عندك

طيب ما انا يا وله حبعت كل شهر مرتب يمشيه

مهو رفض يا عمده وقالى اقولك كتر خيرك ربنا هو اللى بيعين

هو حر... ريحنا ووفر يلا روح حضر لى كرسي معسل غير دا

حاضر يا عمده

وامام التليفزيون جالسه مراة العمده

فتيجى لها بهانه ... ستى ... يا ستى

نعم يا بت

الوليه ام شلبيه بره وعايزكى

طيب دخليها من الباب الورانى ومتخليش حد يشوفها خالص فهمه

حاضر يا ستى طيب..... اجيبه هنا

لا يا جاموسه.... خليها تستنانى فى غرفة الخزين علشان العمده موجود جوه وانا حكون عندها دلوقتى

حاضر يا ستى

بعدين يصدر صوت العمده من الداخل

يا ام عبد الحميد

نعم يا عمده

تعالى عايزك فى كلمه

حاضر يا عمده

فتنادى مراة العمده على بهانه



بت يا بهانه

نعم ياستى

اعملى لام شلبيه حاجه تشربها وقولى لها تستنانى شويه اخلص كلامى مع العمده واجيلها

حاضر يا ستى

خير يا عمده

خلاص ياستى طلبك اتحقق

طلب ايه ياعمده

معقول نسيتى .. دا انتى لسه قايلالى عليه امبارح

الطلب بتاع على الصعيدى

اها معلش انت عارف مشاغل البيت
(على اساس انها مقطعه نفسها شغل فى البيت )

على العموم مشى من اليوم ورفض ياخد فلوس شهريه

احسن هو حيعمل علينا اقرع ونزهي

خلينا نستريح منه ومن عياله يطلعو يشتغلوا يساعدو ابوهم وكفايه انه علمهم لحد كده

طيب عايز منى حاجه تانى يا عمده

لا يا ام عبد الحميد ربنا يخليكى

فتخرج مراة العمده متوجها الى غرفة الخزين تقابل الست ام شلبيه

وانتظرونا وحلقه جديده

[أبو عبدالله إبراهيم]

رد: (حصريا) مسلسل كفر الزعبلاوى

ما شاء الله عليك أخي الحبيب
أسلوبك رائع جدا في السرد
والأحداث زادت حدة وسخونة
وأظنني بدأت أتوقع ما يحدث في كل حلقه قبل أن تطرحها^_^
مشعارف ليه والظاهر إن العمده بيموت نفسه وولاده علي البطيء(نفسيا ومعنويا)
أحبك في الله

[Yusuf Shams al-Din]

رد: (حصريا) مسلسل كفر الزعبلاوى

ما شاء الله عليك أخي الحبيب
أسلوبك رائع جدا في السرد
والأحداث زادت حدة وسخونة
وأظنني بدأت أتوقع ما يحدث في كل حلقه قبل أن تطرحها^_^
مشعارف ليه والظاهر إن العمده بيموت نفسه وولاده علي البطيء(نفسيا ومعنويا)
أحبك في الله

جزاك الله خير ابو عبد الله
وبما انك بتتوقع فالحلقة السابعه ان من ستكتبها^_^
احبك الذى احببتنى فيه اخى الكريم

[محمدسعيد ابراهيم]

رد: (حصريا) مسلسل كفر الزعبلاوى

اسال الله ان يرفع قدرك ويزيدك علماً وفقهاً

[عاشق الفردوس برفقة الحبيب]

رد: (حصريا) مسلسل كفر الزعبلاوى

ما شاء الله عليك أخي الحبيب
بارك الله فيك وفي قلمك
متابع معك إن شاء الله
بالتوفيق بإذن الله
فعلا حاجة حلوة وتفكير رائع وهادف وتنفع مؤلف اسلامى بدل من ال؟؟؟؟؟؟؟؟؟؟

[Yusuf Shams al-Din]

رد: (حصريا) مسلسل كفر الزعبلاوى

اسال الله ان يرفع قدرك ويزيدك علماً وفقهاً

اللهم امين ...... شكر لمرورك الطيب اخى الحبيب

ما شاء الله عليك أخي الحبيب
بارك الله فيك وفي قلمك
متابع معك إن شاء الله
بالتوفيق بإذن الله
فعلا حاجة حلوة وتفكير رائع وهادف وتنفع مؤلف اسلامى بدل من ال؟؟؟؟؟؟؟؟؟؟

جزاك الله خيرا اخى
انت كده شجعتنى انزل بالعمل فى رمضان القادم على ساحة الفضائيات

[ابورقية محمد مختار]

رد: (حصريا) مسلسل كفر الزعبلاوى

جزاكم الله خيرا أخي الحبيب

[Yusuf Shams al-Din]

رد: (حصريا) مسلسل كفر الزعبلاوى

((الحلقة السابعه ))





هنا بتخرج مراة العمده متوجها الى ام شلبيه

يا اهلا.... بست الناس

ازيك...... يا ام شلبيه

بخير ..... طول ما انتى بخير يا ستى

بت....... يا بهانه

نعم.... يا ستى

اطلعى نضفى الاستراحه بتاعت العمده

حاضر... يا ستى

خدى يا ام شلبيه..... دا مبلغ 2000 جنيه والباقى لما تخلصى العمل
ودى القصقوصه اللى طلبتيها ....اما الديك دا معرفتش اجيبه اتصرفى انتى يا وليه

ولا يهمك يا ست الناس..... بس المبلغ حيزيد كمان الف جنيه... تمن الديك

ليه يا وليه... ديك بالف جنيه ...يخربيتك

ياست الناس .....انتى فاكره سهل الحصول عليه... وانتى اهو دورتى عليه ومعرفتيش
دا انا حعطى الفلوس كلها للجن زغلول.... وهو اللى حيتصرف

خلاص يا وليه .....لما تجيبى العمل حتاخدى باقى حسابك

ماشى..... يا ست الناس

والعمل حيكون .....جاهز امتى يا وليه

ان شاء الله فى بحر اسبوع بيكون...... عندك يا ست الناس

ماشى يا ام شلبيه..... ودلوقتى حولى تطلعى ومتخليش العمده ولا حد من الغفر يشوفك

حاضر يا ست الناس.... اشوفك بعد اسبوع اكون جبت ليكى العمل

ماشى يا ام شلبيه...... يلا مع السلامه



وتنتقل بينا الاحداث الى منزل عمك على الصعيدى حيث مجىء الابناء من المدرسه
وتدخل منى و حسن مع بعض فيستغربوا وجود ابيهم فى المنزل على غير عادته فى هذا التوقيت

يقول حسن...... خير يابى انت تعبت ولا ايه ليه جاى بدرى اليوم

لا يابنى..... مافيش حاجه انا كويس بس حبيت اريح اليوم

فتقول منى .....طيب يابى انا ححضر الاكل

استنى يا حبيبتى .....لما اختك تيجى وناكل كلنا مع بعض

ايمان قالت لى الصبح ......انها حتتاخر اليوم علشان فىدرس فى المسجد بعد صلاة العصر وهى حتتابعه وبعدين تيجى
وعلى العموم انا وايمان محضرين كل حاجه من الصبح انا حسخن بس

حاضر يا حبيبتى ربنا يحميكى

فيقول حسن انا جاى اساعدك يا منى فى التحضير

ويذهبوا الاتنين وعمك على ينظر اليهم وهو حزين على ما هو فيه وعلى مستقبل ابنائه



وتعود بنا الاحداث الى منزل العمده اثناء عودة ابنائها وهنا يدخل عبد الحميد

ازيك يا ماما ويروح يقبل امه

عامل ايه ياعبد الحميد فى المدرسه اليوم

زى كل يوم وحسن ساعدنى كتير فى الواجب

يادى حسن انا مش قلتلك ملكش دعوه به خالص

ليه بس دا حسن غلبان وكمان قالى تعالى نذاكر مع بعض ونساعد بعض فى الواجب

بتقوله ايه هو دا اللى كان ناقص تروح تذاكر عند ابن الصعيدى والمدرسين اللى ابوك بيجبهملك لزمتهم ايه

خلاص يا ماما حسن يجى يذاكر معى هنا

اسمع يا ولد حسن دا مش عايزه اسمع اسمه خالص ولا انت تروح له ولا هو يجيلك
وتقطع علقتك بيه نهائى اوع اسمع من حد انك بتكلمه فى المدرسه ومتتكلمش معى فى الموضوع دا تانى يلا اطلع على غرفتك

فيصعد عبد الحميد وهو حزين وزعلان من تصرف مامته تجاه اعز اصدقائه حسن

ثم تدخل حنان وهى وضعه الهيدفون فى اذنيها وبتسمع اغانى

وتدخل هاى ماما وحشنى كتير

هاى حبيبتى اتاخرتى ليه النهارده

ولا حاجه ماما كنت بشترى سديهات جديده للاغانى

انتى مش بتزهقى من الاغانى
على الكمبيوتر اغانى وانتى فى الطريق على طول سماعة التليفون فى ودنك على اغانى

خبر ايه يا ماما خليكى كول كده..... مش تبقى زى الناس القديمه

ماشى يا لمضه يلا اطلعى غيرى ملابسك على ما الاكل يجهز

والان تدخل جوليت ..... سناء هانم

هاى ماما

هاى سوسو

يلا حبيبتى غيرى ملابسك وانزلى علشان نتغدى مع بعض

معلش ماما مش حقدر
انا اصلا جعت فى الفسحه واكلت كتير وجايه تعبانه انا حاخد شاور وانام

خلاص برحتك يا حبيبتى

مقلتلهاش طبعا انها واكله مع عمرو افندى



وفى منزل على الصعيدى فى المساء وبعد صلاة العشاء

كان يتحدث مع ابنائه على احول الدراسه وكان يضحك ويبتسم معهم ويحاول ان يدراى همومه لكى لا يلحظه احد

ثم ينصرف جميع الابناء لنوم اللى ايمان


خير يا منه مطلعتيش تنامى ليه حبيبتى
عايزه حاجه ... عايزه فلوس قولى حبيبتى متتكسفيش

لا يابى ربنا يخليك لنا وميحرمناش منك

تسلملى يا حبيبتى معلش بقى تعبينك معانا فى البيت

لا يابى متقولش كده دا احنا اللى تعبينك يابى

لا حبيبتى بالعكس انا لما بشوفكم مبحسش باى تعب
مقولتيش عايزه ايه يا منه قولى

بصراحه انت مش عاجبنى اليوم يا بى فى حاجه حتى ضحكتك كانت مكتومه

فيضع يده على راس ابنته ويبتسم لها ويقول فكرتنى بامك الله يرحمه
لا يامنه مافيش حاجه انتى بس المذاكره ماثره عليكى شويه

على منه بردو يابى العيال قالوا انك مرحتش الشغل اليوم
خير انت تعبان يابى

لا حبيبتى انا كويس ومافيش حاجه انا بس حبيت اريح

بردو مش عايز تقول لمنه بنتك حبيبتك

مافيش حاجه يا بنتى صدقنى انا بخير ويلا بقى بلاش لماضه اطلعى صلى الوتر واقراء قران واذكار ونامى علشان مدرستك الصبح

حاضر يابى تصبح على الف خير

وانتى من اهله الخير كله يا بنتى



ثم فى دوار العمده يصدر صوت صريخ مزعج جدا
عالى من غرفة احد ابنائه


وانتظرونا وحلقة جديده

[أبو عبدالله إبراهيم]

رد: (حصريا) مسلسل كفر الزعبلاوى

الله المستعان
أيضا تنتهي الحلقه بأسلوب تشويق رائع
ليه بس كدا
جزاك الله خيرا أخي الحبيب