تحديد المصير ............

[ساعى إلى الريان]

اعزكم الله و اعانكم على كل خيرا



فى اخ ربنا يبارك فيه و يعينه على الدراسه

مش عارف يخش ادبى و لا علمى

طيب

هناك قضيه و هى تحكم البيت فى مصييرى
ايه ياعم اللى انت بتقوله ده
اه و الله يتحكمو فى مصيرى



ان كل الاباء عايزين اولادهم احسن ناس فى الدنيا
فين القضيه فى دى


لا انت برده مش فاهمنى

قول ياعم الفهيم

و الله ياعم الحج ده طبعا حق الاسرة انهم يبقى يتمنوا ان ابنهم يكون احسن واحد فى الدنيا
بس فى حاجة انهم عايزينه
حاجة من الاتنين
يا دكتور يا مهندس
انا قصدى حاجة كبيرة و عاليه
يعنى من الاخر هم عايزين الواد يطلع زى ما هم عايزين

مثلا الواد اصلا مش بيذاكر و مش طايق المذاكرة
و على طول برة البيت
ايه بقى لو انا شوفته متميز فى ايه و حاولت اوظفه فيها
مثال
انا لى قريب مش بيعرف يذاكر و مش كويس فى الدراسه
بس فيه ميزة انه بيحب يكتشف كل حاجة و يحاول يصلحها
ايه يعنى لو انا طلعت الواد ده مثلا ( ميكانيى ) او علمته اى شغلانه خليته مثال كويس لاصحاب هذه الحرفه
يعنى ميكانيكى مسلم لا يغش فى شغله يتقى الله
و الله سيبدع فى عمله
بدل ما انا ابقى عايز انه يطلع دكتور او مهندس
و اجى اتصدم فى نهايه السنه بالفشل
انى لم اضع الشخص المناسب فى المكان المناسب

و جزاكم الله خيرا

هذه و جهة نظرى

عايز اشوف ارائكم

[أبو عبدالله إبراهيم]

رد: تحديد المصير ............

وعليكم السلام ورحمة الله وبركاته
الله المستعان أخي الحبيب
من وجهة نظري موضوع العلمي والأدبي هذا من الأساس
لابد وأن يكون له ضابط من وزارة التربيه والتعليم
يعني إزاي يعني مثلا تكون أولي ثانوي هي مرحلة تحديد مصير الطالب
من خلال فرز نتيجته النهائيه ويشوفوا لو هوا جايب درجات عاليه في المواد الأدبيه
يبقا أدبي ولو العكس يبقا علمي ولو النسبه متساويه في هذه الحاله يكون له حرية الإختيار
ودي وجهة نظر وإن كانت غريبه بعض الشيء
وكمان معدش فيه فرق بين العلمي والأدبي كله بيحفظ
وكأنه أكل وبيتهضم وخلاص
انا كان معايا ناس في رياضه2 بتحفظ المسائل
وفي شيء تاني
العلمي والأدبي أصبح سلطه
يعني اللي بيدخلوا أدي بياخدوا مواد علميه زي رياضه 1
واللي بيدخلوا علمي بياخدوا مواد أدبيه زي فلسفه وعلم نفس ...
يعني كله محصل بعضه وخدها علمي وريح نفسك

[Yusuf Shams al-Din]

رد: تحديد المصير ............

السلام عليكم ورحمة الله وبركاته
قضيه مهمه جدا اخى وحبيبى فى الله
وهى مين يحدد مصير مين

ومين يعرف الافضل والمناسب لى
انا ولا اهلى

بصراحه كده انت مهما وصلت من خبرات فى الحياه لن تبلغ خبرات ابيك ولا امك فى كل الاموار والاجتماعيه بصفه خاصه


بالنسبه لموضوع التعليم الاب او الام من حق كل واحد فيهم انه يشوف ابنه كويس وله مكانه مرموقه فى المجتمع وعايز ابنه يكون افضل منه
طيب هما ليه بيفكر فى الامر من الناحيه التعلميه وميقولش يكون افضل منى فى مهنه هو يجيدها كم اقترح اخانا الفاضل

لان اغلب الاباء والامهات عاشوا حياتهم وهم مفتقدين التعليم وهما اكتر ناس بتحس بالنقص فى المجتمع من هذه الناحيه رغم انه ممكن يكون كهرباء بارع او ميكانيكى ممتاز او غيرها من الحرف

ولكن فى الاخر يقول كل دا كويس بس من غير ما اتعلم واعرف مهم كنت بارع فى حرفه لما تجلس مع نفسك حتعرف انك افتقد شى مهم جدا وهو عدم تكميل المشوار فى التعليم

والامثله كثيره شاب اكمل تعليمه والتحق بالجامعات وصديق له كان بارع فى عمل النجاره و توقف عند مرحله من مراحل التعليم وقال اضع الجهد المبذول من اجل المذاكره والتركيز فى التعليم استفيد به فى حرفتى وكان له الامر

ومع مرور السنين وكل شاب منهم فى طريقه الاول اصبح محامى بارع وناجح والاخر نجح هو ايضا فى مجاله ولكن عندم تجلس لتتحدث معهم يقول لك المحامى والله انى سعيد انى اكلمت الطريق وتوفقت رغم انى فى اول الامر كنت لا اعطى التعليم اى اهتمام ولكن اصرار الاهل كان هو السبب فيما وصلت اليه واحمد الله على ذلك
اما صاحب الحرفه فيقول نعم تفوقت فى حرفتى لكن والله يا اخى انا خسرت الكثير عندم تركت التعليم وللاسف ان اهلى لم تنبهنى الى ذلك الامر وكان كل ما يهمهم هو ان اعمل لكى اجلب المال

فاحبتى فى الله مهم وصلنا من التفوق فى اى حرف فوالله بدون ان تكمل مراحل التعليم سوف تجد فى داخلك نقص كبير وعجز لا يشعر به غير صاحب الحاله نفسه

فالاب والام التى عانوا من عدم التعليم يعلموا جيدا ذلك الامر علشان كده مش عايزين ابنائهم يمرو بنفس الشعور عندم يتركو التعليم لذلك بيكون الحث الدائما والعمل على توفير المناخ المناسب للابن من اجل المذاكره
اما ان تترك المذاكره وموضوع مش بيحب يذاكر دا اصلا انسان فاشل وخدها قاعده الشخص اللى يتهرب من امر متاح له كل امكانيته مستحيل ينجح ويتفوق فى امر اخرى خصوصا لو مش متاح له الامكانيات

وايهم اسهل على اى فرد هل العمل على تنشيط الذاكره والتعلم ومعرفة ما هو جديد ولا العمل البدنى والارهاق المستمر فيه من اجل التعلم لحرفه

من الطبيعى ان الامر الاول هو الاسهل فى التنفيذ فمن كان قادر على فعله فهو قادر على فعل الامر الاخر ومن فشل فيه يفشل فى اموار كثيره

والامثله لدينا فى الحياه كثير طلاب اصحاب جامعات مرموقه ومع ذلك يمتلكوا حرفات جيدا
وشباب تركوا التعليم وفشلو حتى فى الالتحاق فى عمل حرفى وما كان لهم غير الانحراف او التسكع

فاحبتى فى الله لنعلم جميعا ان اهلك لم يفرضوا عليك اى شى غير وهو فى مصلحتك
الحق سبحانه وتعالى بيفرض على عباده اموار ويحرم علينا اموار اخرى
ينفع هنا اقول دا تحديد مصير ولا حبس حرية الفرد طبعا لا

لان ربنا هو العالم بالاشياء النافعه لنا

هكذا الاب والام يعلموا ما هو الافضل لابنائهم لذلك كانت طاعتهم بعد طاعة الحق سبحانه وتعالى

وخدها قاعدة اساسيه اى شى يخص مستقبلك يتدخل فيه الاب والام لازم تركز فيه كويس جدا
لان دول اكتر اتنين بيهمهم مصلحتك فى المقام الاول وبدون ما يطلبوا منك شى لهم

وقليل ونادر لما تلقى اب او ام ينصحوا ابنائهم بفعل شى خارج مصلحتهم

وفقنا الله واياكم الى ما يحبه ويرضاه

[(رمضان)]

رد: تحديد المصير ............

اسأل مجرب ولا تسأل طبيب