[نقاش] علمى ولا ادبى ؟؟

[mahmoud tala't]

السلام عليكم :
انا فى اولى ثانوى وانا مش عارف اخد قرار انى اخش علمى رياضة ولا ادبى انا حبب ادبى , بس خايف يكون مثلن نصيبى فى علمى مش ادبى وفى نفس الوقت حاسس انى ممكن اعرف اذاكر فى علمى ف الموضوع دة محيرنى و انا نفسى اخش الكليات الحربية و الله اعلم هيكون ليا نصيب فيها ولالالا بس نفسى فيها اوووى و خايف ادعى ربنا فى كلية ويطلع مفهاش خير ف انا عايز حد يفهمنى الموضيع دية لانى مش فاهم فيها اى حاجة و جزاكم الله خيراااااااااااااااااااااااااااااااااااا

[مجاهد الشام]

رد: علمى ولا ادبى ؟؟

بسم الله الرحمن الرحيم
أخي الحبيب
أهلا وسهلا بك بيننا
وأنرتنا وسؤالك مهم في تحديد مصير الطالب
أخي الحبيب نصيحة مجرب
إختر ما تقدر عليه وما تحبه
يعني أنا كثير الحفظ ولا أستطيع الفهم بشكل كبير (مثلا) فساعتها أجد أن الزراعي مثلا أفضل لي فأقدم عليه أو أن الأدبي أفضل لي
وهكذا
فعليك أن تعلم ما هو الأقرب إلي فهمك وعقلك وهذا شيء لا يقدر أحد على تقديره سواك
وأنا أريدك أن تعلم أنه لا فرق بين التخصصات فكل إنسان له قدرة معينة على الفهم والإستيعاب فإلتحق بما يناسب عقلك ولا تحاول إرهاق نفسك وإضاعة وقتك فيما لا طائلة منه ولن تستطيع تحصيله
بارك الله فيكم وهداكم للسبيل الرشاد

[ساعى إلى الريان]

رد: علمى ولا ادبى ؟؟

السلام عليكم و رحمة الله و بركاته

اولا
هناك امرين
الاول انه يكون البيت هو المتحكم فى مصيرك يعنى الناس كلها عايزين اولادهم دكاترة و مهندسين
يعنى مش نجارين و كده يعنى
يبقى فى الحاله دى
كلامنا مش هيفيدك
و ده واقع انا عشته
البيت يقول خش علمى تخش علمى و لا نقاش و لا اى حاجة
خش ادبى و الله لو اتزرعت بصله هتخش برده ادبى

و ده كتير من الاسر المصريه بتفكر كده انها تعرف مصلحة الابن اكثر من نفسه
سبحان الله


ولو البيت سايبلك الاختيار
اوافق الاخ رامى فى كلامه
يعنى شوف انت متميز فى ايه و ادخله


من الاخر ربنا معاك فى السنتين اللى جايين
اصعب سنتين فى حياتك
و هذا واقع فى المجتمع المصرى

الله معك

[أبومصعب محمود ابراهيم]

رد: علمى ولا ادبى ؟؟

جزاكم الله خيرا أخي الحبيب ونفع بكم
وبارك الله في الاخوة
وأود أن أقول لك قبل الشروع في أي أمر
عليك بصلاة الاستخارة