نفسي حد يسألني

[ضيف]

سلفي بيقول ..... نفسي حد يسألني....



كل لما حد يسألني يقولي هتعمل إيه في الخمرة ؟
والبكيني ؟
والبنطلون ؟
والشعر العريان ؟
والنقاب ؟
والسنيما ؟
والشواطئ ؟
ونجيب محفوظ ؟ ......


زهقت بقى نفسي حد يسألني ........
نفسي حد يسألنى هتعمل إيه في معدل البطالة في مصر إللي زاد إلى 11.5 % يعني 3 ملايين و 129ألف عاطل

نفسي حد يسألنى هتعمل إيه في معدل الفقر في مصر 41 % يعني قريبا 33 مليون ( تقرير الأمم المتحدة للتنمية البشرية عام 2009 ) منهم 4 مليون تحت خط الفقر

نفسي حد يسألني هترجع الأمن إزاي للمواطن المصري وللشارع المصري .

نفسي حد يسألني في تطوير الطب في مصر إللي بيموت كتير مننا كل سنة بسبب التدهور الطبي

نفسي حد يسألني ازاى هتطور الهندسة إللي حسب احصائيات أهل الخبر إن مصر متأخرة 400 سنه هندسية

نفسي حد يسالني عن العشوائيات هتحل مشكلتها ازاي والناس إللي سكنه في الشوارع هتسكنها فين

نفسي حد يسألني هتعمل إيه في التعليم المصري إللي بيطلع اجيال متأخرة علميا عن غيرها كتير ده غير موضوع التربية

نفسي حد يسألني هتعمل ايه في مشكلة المخدرات إلى بتههد قطاع كبير من ابناء مصر وبتسسب وفيات كتير من الشعب المصري وبينفقوا عليها يوميا 100 مليون جنيه ( راجع احصائيات الباحث الإقتصادي علاء حسب الله ) .

نفسي حد يسألني هتعمل ايه في البنية الأساسية في مصر يعني الصرف الصحي والمياه الشرب والطرق

نفسي حد يسألني هتعمل إيه في ثقافة الشعب المصري إلى وصل معدل الثقافة في ابناء مصر قراءة ربع صفحة في السنة وفي امريكا 11 كتاب وفي بريطانيا 7 كتب

نفسي حد يسألني ويقول لي مصر كانت دولة رائده في العالم ودلوقتي بقت في نهاية الدول ناوي ترجعها إزاي احسن مما كانت

** يااااه ده كل ده مشاكل ؟!! .........واكتر من كده كمان علشان كده لازم تقرا برنامج حزب النور من أوله لحد آخره علشان تعرف ان حزب النور فيه كفاءات كتير وعنده رؤيه شاملة لمستقبل مصر وشايف ان مشاكل مصر مش بس في البيكيني والخمرة والسجائر والشعر العريان عندنا مشاكل تانيه كتير


وعلشان نريح كل الناس منهجنا في التغيير منهج النبي بالتدريج يعنى خطوة خطوة بالحكمة والموعظة الحسنة بعيد عن العنف والتطرف

[أنور علي]

رد: نفسي حد يسألني

جزاك الله خيرا ونفع الله بك الإسلام والمسلمين

ورفع الله قدرك في الدارين على هذا الجهد المميز
اللهم نسألك ونتوجه بأسمائك الحسني وصفاتك العليا
أن ترزق مصر قائداً ربانياً يقودهم للحق وما يرضيك
وألف بين قلوبهم ورزقهم وأكرمهم هم نسايب النبي
محمد صلَّ الله عليه وسلم وقد وصي عليهم يارب

[محمدسعيد ابراهيم]

رد: نفسي حد يسألني

ما شاء الله عليك يا شيخنا

موضوع جميل جدا

[أبو محمد وعبدالرحمن الشبل]

رد: نفسي حد يسألني

وعلشان نريح كل الناس منهجنا في التغيير منهج النبي بالتدريج يعنى خطوة خطوة بالحكمة والموعظة الحسنة بعيد عن العنف والتطرف

السلام عليكم ورحمة الله وبركاتة

بارك الله فيك جعلة الله فى وازين حسناتك

[Ayman_M]

رد: نفسي حد يسألني

ماشاء الله وفعلا نقاط مهمه جدا لكن للاسف تعود الشعب المصرى على اكتر من 30 سنه على الخلاعه وان الاصل فى كل شئ هو الاباحيه دون الرجوع الى كلام الله سبحانه وتعالى وسنه رسول الله صلى الله عليه وسلم
الا من رحم ربى
اللهم ولى من يصلح
جزاك الله كل خير

[ساعى إلى الريان]

رد: نفسي حد يسألني

جزاك الله خيرا
والمشكلة ان الاعلام المصرى بقالة 30 سنه بيشوه على اهل الدين
ولما يحاول يتكلم فى النقاط دى يحاول يشوه اكتر لان الناس الكلام الشاذ يشد الناس
على عشان كده يحاول يتكلموا على مواضيع تافه مثل ( نجيب محفوظ اللى اظن ان الناس لا يقرؤون لةه شىء )
و على غرار هذا
و الله معنا و النصر لنا

[أبو جعفر محمد المصرى]

رد: نفسي حد يسألني

علشان انت بس سلفي لازم يتوجهلك الكلام اللى هما بيتخيلوا انهم بيحرجوك بيه ولكنهم لا يعرفون بل كما قال الله لا يفقهون .. يعلمون ظاهراً من الحياة الدنيا .. والحمد لله ظهر الخير واظهر الله الدين . يقول الرب تبارك وتعالى فى صدر سورة القصص
بِسْمِ اللَّهِ الرَّحْمَنِ الرَّحِيمِ
طسم (1) تِلْكَ آيَاتُ الْكِتَابِ الْمُبِينِ (2) نَتْلُو عَلَيْكَ مِنْ نَبَإِ مُوسَى وَفِرْعَوْنَ بِالْحَقِّ لِقَوْمٍ يُؤْمِنُونَ (3) إِنَّ فِرْعَوْنَ عَلَا فِي الْأَرْضِ وَجَعَلَ أَهْلَهَا شِيَعًا يَسْتَضْعِفُ طَائِفَةً مِنْهُمْ يُذَبِّحُ أَبْنَاءَهُمْ وَيَسْتَحْيِي نِسَاءَهُمْ إِنَّهُ كَانَ مِنَ الْمُفْسِدِينَ (4) وَنُرِيدُ أَنْ نَمُنَّ عَلَى الَّذِينَ اسْتُضْعِفُوا فِي الْأَرْضِ وَنَجْعَلَهُمْ أَئِمَّةً وَنَجْعَلَهُمُ الْوَارِثِينَ (5) وَنُمَكِّنَ لَهُمْ فِي الْأَرْضِ وَنُرِيَ فِرْعَوْنَ وَهَامَانَ وَجُنُودَهُمَا مِنْهُمْ مَا كَانُوا يَحْذَرُونَ (6)

سبحان الله العظيم انه من من الله جل وعلا واليوم من اخطأ هو وجنده فى طرة ولا حول ولا قوة الا بالله العلى العظيم
وفى وسط كل هذا يقو الله سبحانه وتعالى
وَأَوْحَيْنَا إِلَى أُمِّ مُوسَى أَنْ أَرْضِعِيهِ فَإِذَا خِفْتِ عَلَيْهِ فَأَلْقِيهِ فِي الْيَمِّ وَلَا تَخَافِي وَلَا تَحْزَنِي إِنَّا رَادُّوهُ إِلَيْكِ وَجَاعِلُوهُ مِنَ الْمُرْسَلِينَ

وفى وسط هذا الظلام يخرج للنور ليكون حزنا لأعداء الله
نسأل الله ان يستخدمنا ولا يستبدلنا وان يرنا الحق حقا ويرزقنا اتباعه ويرنا الباطل باطل ويرزقنا اجتنابه وان يولى علينا خيارنا

بارك الله فيك اخى أبو معاذ ورفع الله قدرك ووفقك الى كل خير
أحبك فى الله

[ابورقية محمد مختار]

رد: نفسي حد يسألني

صدقت اخى الحبيب ابو جعفر

جزى الله اخى ابو معاذ خيرا