Tweet
اخوانى الاحباء ازيكوا يا شباب ايه الاخبار يا رب تكونوا دائما بخير
استكمالا لكلامنا فى الاجزاء الماضية وروابط الاجزاء علشان ماتدوروش عليها وتتعب نفسك
الجزء الاول
https://forums.way2allah.com/showthread.php?t=147799
الجزء الثانى
https://forums.way2allah.com/showthread.php?t=148022
الجزء الثالث
https://forums.way2allah.com/showthread.php?t=148232
الجزء الرابع
https://forums.way2allah.com/showthread.php?t=148691
الجزء الخامس
الجزء الاول
https://forums.way2allah.com/showthread.php?t=147799
الجزء الثانى
https://forums.way2allah.com/showthread.php?t=148022
الجزء الثالث
https://forums.way2allah.com/showthread.php?t=148232
الجزء الرابع
https://forums.way2allah.com/showthread.php?t=148691
الجزء الخامس
فى هذه الحلقة سنتكلم عن الشباب والدخان
اخى الشاب انت بتدخن ليه عاوزين نجيب الموضوع من اولة ايه سبب تدخينك واحد يقولى دا واحد صاحبى هو الى عزم عليا باول سجارة وبعدين مرة فى مرة بقيت بطلبها ومرة فى مرة روحت جبتها شوفت يبقى ادى سبب يا عمنا سديق السوء يبقى اختار صديق كويس تثق انوا مايدعوش للسوء هتقولى مافيش منهم هقولك والله دول كتير ماشاء الله
طيب ايه الاسباب الثانية فى بقى يقولك طيب مانا ماحدش قالى انها غلط يبقى سبب من التربية طيب دا بيتعالج برسالة للاب او الام لك ادب سيدى الفاضل ارجو الحذر على ابنك لانه فى طريق سئ واخاف عليه من الهلاك بس دول الكلمتين الى تنصح بيهم اى اب شايف ان ليه ابن بشرب بس ماتروحش تقوله فى وشه ابنك بيشرب كذا وكذا وربيه ياحج كويس لالالالالا ماينفعش كدا هيديله بالجزمة مش هيربيه وهيرجع الولد تانى للشرب الدخان او غيره
طيب السبب الثالث بقى ان تيجى تكلم واحد عن السجاير يقولك هى مش حرام بس مكروهه لا يا حبيب قلبى مكروهه مين دا حرام شرعى وصرحت بها دار الافتاء صراحة وعلانية يبقى اعرف انها حرام وماتعاندش فى الغلط وخلاص زى الى بيقولك حلال شرب السجائر فى رمضان ماتفطرش وشيخ كبير المشكلة انوا شيخ كبير ومعروف ومشهور والمفروض دا داعيه الناس تقتدى بيه ياشيخ حرام عليك بقى السجائر مابتفطرش هوا قال ان السجائر دخان وليس اكل وشرب معنى كدا بقى لو هى مابتفطرش يبقى انا اعمل دخان اكل ماهى مابتفطرش بقى ؟؟؟ ينفع الكلام دا يلا ندعى له بالهداية
دى بعض الاسباب لذلك ان شوفت واحد لسه مبتدئ فى هذا الطريق انصحه طيب المشكلة الى بشرب بقى اساسن طيب بتشربها ليه ؟؟ تلاقى واحد يرد عليك يقولك اتعودت عليها مش انت مثلا متعود تشرب كوبايه شاى الصبح اهى دى زى الشاى اتعودت عليها .... طيب اخى الحبيب او ابى العزيز طيب معنى كدا ان الى بيزنى اتعود ع الزنى مابطلهوش هوا انت اقل من الناس الى اسلمت وغيرت حياتها خاااالص وبعدين عيب يا شباب تقولى ماقدرش ابطل عيب انت راجل ماينفعش تقول ماقدرش دى خالص انت راجل تقدر تعمل كل حاجه
طيب طريقة بسيطة علشان تبطل بها قلل فى المعدل يعنى انت مثلا كل يوم بتشرب 5 سجائر يبقى اشرب بكره 4 بعده 3 بعده اثنين بعده واحده بعده مش هتحتاج تشربها لانك خلاص شلت موضوع التعود دا من دماغك خالص
طيب السؤال بقى للشباب انت بتشرب سجاير ليه ؟؟
تلاقى واحد بيقولك انا بشرب سجاير علشان الممثل الفلانى او المغنى بيشرب سجاير فى الفيلم كذا كذا طيب انت بتقلد اى حد كدا وخلاص ودى نقطة برده نتكلم فيها بعدين ان شاء الله طيب تلاقى واحد تانى يقولك علشان الى مابيشرب سجاير مايبقاش راجل وانا عاوز ابقى راجل طيب يا حبيبى هى الرجولة بشرب السجائر ماكنوش الى موجودين بقى رجالة على كلامك لطيب تسأله ايه معيار الرجولة بالنسبالك يقولك الرجولة انك تشرب سجاير وتمشى مع بنات وتشتم وتسب وياسلام لو سبيت دين يبقى راجل كويس اووى .. لا اقف يا حبيبى بقى هى دى الرجولة لا والله دانتا كدا الفكر ضايع عاوز دماغك دى تتغسل تانى اوعى تفتكر الرجولة كدا الرجولة بالمواقف حتى ان العلماء قالوا (كل الرجال ذكور وليس كل الذكور رجال) اظن العبارة واضحه يبقى معيار الرجولة مش بالسجاير الرجولة بالمواقف وبالتقوى وان شاء الله نتكلم فى الرجولة فى حلقة من حلقاتنا باذن الله
طيب يبقى حبيبى واخى الفاضل تشرب سجاير ليه بقى اذا كانت هيا لاتفيد داا الواحد حتى لا يطيق يقعد جنب واحد بيشرب سجاير رائحه الدخان حاجه استغفر الله العظيم يبقى بتقبله يدخل للجسم دانتا حتى شم فمك كدا بعد السجائر او اتكلم مع واحد هتلاقى الى ادامك مش طايق يكلمك من الرائحة فصدقونى السجاير دى مش هتنفعك فى حاجه بالعكس دا اضرارها كبيرة جدا والله فارجو من الشباب الابتعاد عن هذه السجائر او غيرها من المدخنات وربنا يحفظك يا رب
ومعلش كلامى مختصر كدا اصل لو شرحت مش هنخلص لغايه الصبح هههههه واعتذر عن تاخير فى بعض الحلقات وتقديم فى بعض لكن والله بحاول افرغ وقتا للكتابة فيه بسبب دراستى وان شاء الله لنا لقاء اخر استودعكم الله
و
تعليق