Tweet
ازيكم يا شباب اخبارك ايه يا رب تكونوا بخير دائما اللهم امين
اليوم هنكمل كلامنا حول بعض مشاكل الشباب وحلولها استكمالا لاجزائنا الى فاتت وادى الروابط بتاعتها علشان الى ماشفهاش يشوفها
الجزء الاول
https://forums.way2allah.com/showthread.php?t=147799
الجزء الثانى
https://forums.way2allah.com/showthread.php?t=148022
الجزء الثالث
https://forums.way2allah.com/showthread.php?t=148232
-----------------------------------------
النهاردة باذن الله نبدأ بمشكلة كبيرة ركزوا معايا بقى يا شباب علشان النهاردة موضوع مهم بعنوان
الشباب والبنات
مش الشباب والبنات الاخوة لأ الشباب والبنات الانتمة الى بأنتخوا مع بعض هههه تعال بقى نتكلم اولا انت بتمشى مع بنت لييييييه واحد يقولى ياعم انت شايفنى بعمل معاها حاجه حراااااااام اه والله يا حبيبى مشيك معاها من الاساس حرام وكلامك معاها طول الليل دا ولا حد من اهلك او من اهلها يعرف اتقى الله يا راجل دانتا اما اختك واحد بيعاكسها مابتسيبش فيه حته سليمه خالص صح امال ترضاها على غيرك ليه
وبعدين دا فى حديث عن السيدة عائشة رضى الله عنها تقول (لا والله ما مست يد رسول الله يد امرأة قط الا امرأة يملكها ) شوف اول كلمه فى الحديث يعنى ماكنش حبيبنا بيلمس يد المرأة طيب امشى بالمثل البلدى الى بيقول (الى ماترضاهوش على نفسك ماترضاهوش على غيرك وبعدين يا اخى انت لو اتجوزت ترضى مراتك متشى مع واحد هتبقى راجل
....... او مش راجل من الاساس فاشوفت ترضى كدا هتيجى بقى تقولى ياعم مافى بنات اهلها ماربوهاش
طيب ليه انت تنزل بمستواك للى بتقول عليهم دول يعنى هى البنت اخلاقها سيئة تمشى معاها وواحد شافك هيبقى منظرك ايه بقى هيقولوا دا عيل زبالة على طول كدا فا احمى نفسك حبيبى فى الله من المشى مع البنات طيب ثالثا بقى المعاكسات
ليه تعاكس واحده طيب يا سيدى هى لابسه لبس سيئ واهلها ماربوهاش تعاكسها ليه وانت مالك ؟؟ خليك فى حالك هتكسب والله انت ترضى واحد وانت ماشى يقول يلا يا حيوان مثلا .. هتلف وهتدليه فى وجهه بضمة هتكسر سنانه صح شوفت يبقى ليه تعاكسها وكمان افرض وانت بتعاكسها واحد من اصحاب ابوك او امك شافك هيقول ايــــــه هيقول ابوه ماعرفش يربيه صح دا دى اقل كلمه هيقولها فا احمى نفسك خالص وابعد
رابعا بقى الرخامة على البنات فى المدارس والجامعات
تلاقى البنت قاعدة فى حالها لا ليها ولا عليها وتلاقى مرة واحده واحد يقولها هو حضرتك فى سنه كام لو كانوا فى جامعه او لو فى مدرسة يقولها هو استاذ فلان فين ؟؟؟؟ بالله عليك يعنى انت مش عارف هو فين ماتسأل راجل ياخويا لازم يعنى تسأل البنات لآ والرخامة بقى فى المدرسة توصل والله كنت قاعد مرة زمان فى المدرسة وكان فى 3 بنات بتيألى او 2 معديين والصبيان بقى ايه امم قاعدة فالبنات معدية الصبيان عارفينهم فاقاموا جايبين طوب من الارض بس مش طوب عادى بقى دا طوب طوب يعنى حاجه اد الايد كدا ويحدفوا طيب يعنى قله ادب على البنات وتحدفهم بطوب كبير كمان افرض واحده حصلها حاجه ولا جت فى دماغها فالمهم بلاش الرخامة على البنات دى يا رجالة حتى علشان ماتقولكش كلمه وحشه فى حقك ولا حاجه ولا انتوا مش معايا ولا ايه طيب خلصنا من النقطة دى
خامسا بقى البنات على الفيس بوك
يعنى انت دخلت ع الفيس بوك علشان تتواصل مع اصحابك مش صحباتك تلاقى بقى لو ايميل بنت تلاقى الريكويست بتاع الصبيان من هنا لغايه العراق اه والله لآ ويعمل ادد للبنات بتوع المدرسة بقى كمية الرخامة فا ليه هى الرجولة انك تكون اكبر واحد عدد فى البنات لآ والله فى مقولة بتقول
(كل ارجال ذكور وليس كل الذكور رجال) الرجولة بالافعال وليس بالبنات والسجاير خلى الجاير دى فى جنب هتكلم فيها بعدين خلينا فى البنات
يبقى حبيبى واخى وصديقى والله انا مش بقولك الكلام دا علشان برخم عليك والله بقولهولك لوجه الله يعنى مش عاوز منك حاجه فا بالله عليك اتق الله فى عملك وافتكر دائما ( كما تدين تُدان) يعنى الى هتعمله فى الناس هيتعمل فيك والله هذه الجمله اثرت فى انا كثيراً لانها حدثت امامى اكثر من مرة فارجوكم يا شباب اوعو البنات مش هتستفادوا حاجه من وراهم
دانا كنت فى خطبة الجمعة الى فاتت الخطيب قال كلمة المسجد ضحك عليها قال النساء دول تافهين بيفكروا بعواطفهم قبل عقلهم اصل كان بتكلم على قضايا الخلع كان فى واحدة خلعت جوزها علشان مابيأكلش بالشوكة والسكينة هههههه والله يعنى هقول ايه لا حول ولا قوة الا بالله الشيخ بتاع المسجد هوا الى قال مش انا والله وطبعا مش كل النساء يعنى لا حد يدخل يعد يشتم ولا حاجه ههههه
نرجع لموضعنا فى النهاية اخى الحبيب تبعد عن
1- المشى مع البنات والكلام معهم واتق الله وافتكر انك كما تدين تدان وانك مترضهاش لاختك او مراتك
2- مالكش دعوة بالبنات ذات الاخلاق السيئة خليك فى حالك وامتجيبش سيرتهم حتى غير تقول ربنا يهديهم
3- بطل معاكسات فى خلق الله وانسى كلام المعاكسات دا والله وصلت الدرجة ان بقى فى كتب للمعاكسات واجهزة
اه والله شوفوا درجة الجهل وصلت لغايه فين 4- بلاش رخامة ع البنات ولو عاوز حاجه الرجاله بسم الله ماشاء الله اكتر من البنات بكتير روح اسألهم
5- لو اتكلمت مع بنت فى اى حاجه طارئة جاءت معاك فى مشروع فى درس فى حاجه اولا مافيش سلام بالايد ثانيا ماتبصش عليها يعنى تبص فى الارض زوقيا حتى يا اخى هو الاسلام كدا على فكرة
6- بطل تضيف بنات ع الفيس بوك ياخى استغل الفيس بوك دا فى حاجه نافعه ادخل على جروبات اسلامية وصفحات دينية وماشاء الله الاخوة عاملين صفحات يعنى بارك الله فيهم ادخل على صفحات مضحكة كده يعنى مش تعد تكلملى وتضيفلى فى بنات بتضيفهم ليه انت مش عارف
7- كن رجلاً واعرف كلمه رجل معناها ايه الحقيقى وحاول تبقى افعالك كلها تدل على شخصيتك رااااااااااجل مش ........ !!
اسف على الاطالة لكن الموضوع دا طويل ومهم والله ولو اتكلمت فيه مش هنخلص بس انا بقول على المواضيع الرئيسية بس وسريعا كدا وتابعونا فى باقى الحلقات باذن الله واسف على تأخير الجزء دا لأنى كنت مشغول بالدراسة ادعولى بقى ماتنسوش واستودعكم الله ولنا لقاء اخر ان شاء الله
و
تعليق