Tweet
اخوانى الاحباء ازيكوا يا شباب ايه الاخبار يا رب تكونوا دائما بخير
استكمالا لكلامنا فى الاجزاء الماضية وروابط الاجزاء علشان ماتدوروش عليها وتتعب نفسك
الجزء الاول
https://forums.way2allah.com/showthread.php?t=147799
الجزء الثانى
https://forums.way2allah.com/showthread.php?t=148022
الجزء الثالث
https://forums.way2allah.com/showthread.php?t=148232
الجزء الرابع
https://forums.way2allah.com/showthread.php?t=148691
الجزء الخامس
https://forums.way2allah.com/showthread.php?t=148744
الجزء الاول
https://forums.way2allah.com/showthread.php?t=147799
الجزء الثانى
https://forums.way2allah.com/showthread.php?t=148022
الجزء الثالث
https://forums.way2allah.com/showthread.php?t=148232
الجزء الرابع
https://forums.way2allah.com/showthread.php?t=148691
الجزء الخامس
https://forums.way2allah.com/showthread.php?t=148744
نتكلم النهاردة يا شباب عن موضوع مهم جدا الا
وهو الشباب والمقاهى
طبعا العنوان باين بنلاقى الشباب الاجتماع بتاعهم فى القهوة والكافية والحاجات دى طيب مافيش مشكلة فى كده ياسيدى اقعد فى كافية لكن بشرط اولا انت بتقعد فى الكافية لية ؟؟
واحد يجى ويقول يا عم احنا بنعد فى الكافية علشان نتسلى يااااراجل التسيلة من ناحية ايه بقى ماهو التسلية لو مع بنات يبقى ماينفعش صح يبقى دلوقتى بقى نقسم القعدات فى الكافيهات والقهاوى
اولا نوع من الشباب يقعد على القهوة علشان يقابل بنات او يقعد بقى يبص ع البنات او مستنى بنت وتلاقى القهاوى مليانه بالعشاق زى ما بيقولوا عليهم تلاقى كل واحد واخدلك واحده على ترابيزه وعمال يحب فيها وتلاقيه بعد ساعه اما تمشى دى تلاقى واحده تانيه جاية تقعد معاه غير الاولى طيب يا راجل ينفع كدا بقى انا اقعد فى الكافية علشان اتفرج ع العشاق ولا اقعد مع بنات او كدا لآ يا حبيب قلبى اتق الله
ثانيا بقى الى بيقعد على القهوة ال24 ساعة فى اليوم وتيجى تكلمه يقولك يا عم قاعد بلعب طيب بتلعب ايه يا حبيبى ؟ طاولةلا الطاولة حرام لان فيها نرد الى هما الزهرتين الى بيقولوا عليهم يعنى اى لعبه فى نرد حرام طيب يقولك العب ضمنة اهى حلال طيب كويس لعب حلال بس هل تستاهل هذه العبة انك تقعدلها الوقت دا كله دانتا يا راجل بتعدى على القهوة وانت رايح تصلى تلاقيها مليانه ولا كأن فى اذان ولا صلاة يبقى هنا الذهاب للقهوة حرام لانه استغرقك ...زمان العلماء قالوا حكمة جميلة اوى (الاستغراق فى الحلال حرام) يعنى لو الحاجة هتستغرقك تبقى الحاجة دى حرام يعنى الجلوس فى الكافية لو هيستغرق وقتك يبقى هنا الجلوس حرام يبقى ماتجلس فى كافيه او مقهى فترة طويلة ليه تضيع وقتك
ثالثا الى بيقعد فى القهوة مع الاصحاب بقى والشلة طيب دى مافيهاش مشاكل بس اولا مايبقاش صوتكوا عالى يعنى مش زى مابنشوف يضحكوا يسمعوا مصر كلها لآ اضحك بصوت منخفض واتكلموا برضوا براحه مش تزعقوا زى مابنشوف تلاقى الى بيتكلموا مع بعض كانهم بيتخانقوا لآ يا حبيب قلبى يبقى براحه فى الكلام وماتجيبوش فى سيرة حد مع ان المبدأ اساسن مش كويس وبعدين اما تيجى تقعد فى كافيه اقعد جوه ماتقعدش فى الشارع احتراما للطريق
رابعا بقى الى تلاقيهم بيروحوا يسمعوا الماتش فى الكافيه طيب ماتسمعوا فى بيتك يا سيدى يقولك لا اصلى بحب روح الجماعه طيب ليه ماتقعد فى بيتك واتفق مع اصحاب ليك واقعدوا اسمعوا الماتش كدا حتى تكون مرتاح فى بيتك يبقى ليه بقى لان اولا وانتوا فى القهوة جون يجى تحس ان مصر حررت فلسطين تلاقى الصوت بيهزر الارض جووووووووووووووووووووووووووووووووووون الشعب كله بيقول جون لآ يا عم قصر كدا فى ناس بتبقى نايمه وناس بتذاكر تلاقى واحد يقولك يعنى هى هتيجى على صوتى انا ؟ اه يا حبيبى جرب كدا تزعق فى بيتك بصوتك لوحدك شوف كام واحد هيسمع
خامسا بقى والاخيرة ماتروحش الكافيه او القهوة وتعد تسمع اغانى زى مابنلاقى اليومين دول القهوة تلاقى الصبح ماشاء الله القران الكريم بصوت جميل وحاجه كويسه كدا تعال بقى بعد ساعة تلاقى الاغانى والطبل واديها لا يبقى بلاشها القهوة خالص وبعدين يا حبيب قلبى العزيز بالله عليك ماتروح تشرب شيشة والى بنشوفه ودى هنتكلم فيها بعدين باذن الله فى موضوع لوحدها
فادلوقتى نتفق نروح الكافيه يبقى بضوابط بسرعة كدا نلخص الى قولناه
1-نروح الكافيه ياكله رجاله يامنروحش خالص
2-صوتك يبقى عادى ماتزعقك وتسمع الجيران والضحك يكون عادى (ان انكر الاصوات لصوت الحمير)
3-ماتستغرقش وقتك كله فى القهوة خصوصا اللعب ياسيدى العب مافيهاش مشاكل بس العب الالعاب الحلال وماتخليش الالعاب تستغرق وقتك
4- اقد مع الشلة وزى الفل واجتموا وياريت لو تجتمعوا فى المسجد يكون افضل يعنى
5-ماتجيبش سيرة حد ولا تقعد تنم فى حد
6-ماتسمعك اغانى فى الكافيه او القهوة الى انت بتروحها واما تقعد ماقعدش ع الشارع احتراما للطريق
شكرا لكم يا شباب ع القراءة واسف ع الاطالة لكن الموضوع كان مهم واعتذر عن تاخير فى بعض الحلقات وتقديم فى بعض لكن والله بحاول افرغ وقتا للكتابة فيه بسبب دراستى وان شاء الله لنا لقاء اخر استودعكم الله
و
تعليق