ملتيـــــ ( شـــو ) ـــــــميديا !!!! تم اضافة الحلقة الاولى

[مهندس خالد]

اخوانى الافاضل اعضاء منتديات الطريق الى الله

حياكم الله وبياكم وجعل الجنه مثوانا ومثواكم

اشهد الله تعالى ان احبكم فى الله




ملتيــــ ( شـــو ) ـــــــميديا !!!!



برنـــــــــــامج جديد انتظرونـــــــــا

[M_S_A]

رد: ملتيـــــ ( شـــو ) ـــــــميديا !!!! برنامج جديد انتظرونا

ما هذا الابداع اخى الحبيب

ننتظرك بكل شوق

احبك فى الله

[mega byte]

رد: ملتيـــــ ( شـــو ) ـــــــميديا !!!! برنامج جديد انتظرونا

ننتظرك يابركه ان شاء الله
وفقك الله وسدد خطاك

[فارس جباره]

رد: ملتيـــــ ( شـــو ) ـــــــميديا !!!! برنامج جديد انتظرونا

فى إنتظارك يا غالى
ربنا يوفقك و يسدد خطاك

[محمد الزيدي]

رد: ملتيـــــ ( شـــو ) ـــــــميديا !!!! برنامج جديد انتظرونا

في انتظارك يا اخي ان شاء الله وفقك الله لكل خير
احبك في الله

[مهندس خالد]

رد: ملتيـــــ ( شـــو ) ـــــــميديا !!!! برنامج جديد انتظرونا

اشكر مروركم جميعا
وان شاء الله مش هطول عليكم
وأعمل على قدم وساق حتى اقدم برنامج فى شكل لائق بمستوى منتدانا الغالى

البرنامج بإذن الله هيناقش فترة الامتحانات واغراءات التلفزيون التى
اولا : تصد عن سبيل الله
ثانيا : تصد عن التحصيل من المذاكرة او المواظبة عليها كالافلام والبرامج والمباريات التى تعرض فى هذة الفترة

وكما عودنا شيخنا الغالى
(محمد بن حسان)
حفظة الله تعالى
حتى لاينسحب بساط الوقت من بين ايدينا

: :سنحدد اهداف موضوعنا: :


0 - طرح موضوع شامل عن فترة الامتحانات يشمل الاعداد لهذة الفترة وما يقابله من برامج هدامه يعرضها التلفزيون للصد عن هذا العمل

ثم بعد ذلك ننتقل الى

تحديد عناصر المشكله وتشخيص العلاج من خلال البنود التالية

1- تحديد الأدوات والعناصر الأساسية للبدء فى العمل ( المذاكرة والاستعداد للامتحانات )
2- ذكر نتائج وخبرات مكتسبة سابقة للرقي بنتائج العمل المستهدف تنفيذه يشترك معى فى عرضها الاخوة اعضاء المنتدى بإذن الله عز وجل
3- العزيمة والإصرار على النجاح والتفوق على النفس للوصول لدرجة الإبداع.
4- توظيف كل ماسبق ابتغاء مرضاة الله ثم لخدمة ديننا وأمتنا لوجه الله.

فاصل ونواصل بإذن الله فانتظرونا

[أبو بكر أشرف الشامي]

رد: ملتيـــــ ( شـــو ) ـــــــميديا !!!! برنامج جديد انتظرونا

مـا شـاء اللـه... عنـوان حلووو و مضمـون هاااام...

و بالانتظـار و نسأل اللـه أنْ ينفع بالبرنامج الطلبـة بامتحاناتهـم...

و تحياتي يا هندسـة...

[أبوسلمى المصري]

رد: ملتيـــــ ( شـــو ) ـــــــميديا !!!! برنامج جديد انتظرونا

موضوع رائع وهام جداً
بارك الله فيك اخي ناشر العلم
ومنتظرينك اخي الكريم وفقك الله

[مهندس خالد]

رد: ملتيـــــ ( شـــو ) ـــــــميديا !!!! برنامج جديد انتظرونا

طبعــــــــــــــــــــــــا الاخوة فى الانتظار
انا بقول اسيبكم كمان شوية
للتشويق اكتر
ههههههههههههههههههههه
بس خليكوا مستنين شوية كمان
مش هتأخر عليكم بإذن الله
انتظرونى

بحبكم فى الله

[أبو السائب المصرى]

رد: ملتيـــــ ( شـــو ) ـــــــميديا !!!! برنامج جديد انتظرونا

ما هذا الابداع اخى الحبيب

ابداع ايه ياعم
هو لسه قال حاجه

ولا اقولك ابداع ابداع
اهو نشجعه وخلاص

[مهندس خالد]

رد: ملتيـــــ ( شـــو ) ـــــــميديا !!!! برنامج جديد انتظرونا

البرومو عاجب الاخ msa يا اخ ابو السائب
اكيد يقصد البرومو
بس ان شاء الله هقول انت مستعجل لية بس

[مهندس خالد]

رد: ملتيـــــ ( شـــو ) ـــــــميديا !!!! الحلقة الاولى

الحلقة الاولى


الامتحانات على الابواب ، والاستعداد لها على قدم وساق من جانب الطلاب ومن جانب واولياء الامور مستنين حصاد تعبهم ، حاله من الطوارئ بنعشها كلنا فى بيوتنا أيام الامتحانات
الكل بستعد الطالب يقعد ويقول خلاص الوقت ازف ويجيب ورقة وقلم ويبتدى يعمل لنفسة جدول يظبط فية وقته
امتى هنام؟ وامتى هصحى؟ وامتى هصلى ؟ وامتى هذاكر؟ والساعه الفلانية هخرج اتمشى شوية مع اصحابى !!!!
وعقله عمال يودى ويجيب
نفسى انجح ، نفسى اجيب تقدير ، نفسى افرح أهلى

والاهل كمان طمعانين فى كرم ربنا وعمالين يوفروا لصاحبنا الهدوء والراحه وكل طلباته تكون مجابة
الكل بيستعد عشان يقدم اللى عندة ، دا حتى وزارة الافساد عفواً وزارة الاعلام هى كمان بتستعد عشان تقدم اللى عندها من وجبات دسمه تفسد العقل وتضيع الوقت وتغضب رب العالمين
بقينا زى مانكون فى غابة ياخوة
اتوفر عندنا الفريسة والمفترس وسبل الافتراس
الفريسة اللى هى الطالب المسكين
المفترس هو اعلامنا الفاسد
طرق الافتراس مبارة كرة قدم او فيلم ماجن او برنامج تافه بيكون الضيف فية نجم من ورق

الطالب كان بيعمل الجدول بتاع تنظيم الوقت للمذاكرة وهو بجد مقتنع بكل اللى بيكتبه فية
لكن اللى معملش حسابة لية هو
بعد ماصاحبنا عمل جدوله وانتهى منه قال لنفسة انا هطلع بقى اعمل كوباية شاى
وخير البر عاجله ارجع بقى عشان ابتدى من دلوقتى اطبق الجدول دا
وهو خارج من اوضته ورايح على المطبخ يعدى بالصاله يلاقى التلفزيون شغال وعلية الفيلم الكوميدى للفنان ابو دم خفيف يقول الله حلو اوى الفيلم دا طيب انا هقعد بس اتفرج علية
وبعد كدا ابدأ انفذ الجدول اللى انا عملته
يقعد صاحبنا قدام الفيلم ويأذن العصر يقول طيب اما اخلص فرجة على الفيلم هصلى وبعد كدا اذاكر

طبعا الفيلم اى كان لونه حتى لو كوميدى لازم يكون فية مشهد ولا اتنين كدا اغراء يثيروا طبعا الغرائز ويحركوا الساكن
صاحبنا قاعد ومندمج وضيع الصلاة وحصله اكيد اثارة من مشهد ولا اتنين من الفيلم ويخلص الفيلم ويلاقى وراه مباشرة بعد الفاصل تلتقون مع البرنامج الرياضى لعب * لعب
ويتضيف البرنامج اللاعب المشهور صاحب المهارات حمادة ركبة
صاحبنا يقول الله حمادة ركبة دا اللاعب المفضل بالنسبة ليا طيب هقعد اشوف البرنامج دا كمان وهو بيتفرج على البرنامج يأذن المغرب
يقول فى نفسة خلاص بعد البرنامج دا هقفل التلفزيون واقوم اصلى العصر والمغرب واذاكر وبعد البرنامج يلاقى المبارة المنتظرة بين قضبى الكرة المصرية
فريق قويسنا و فريق ميت غمر طبعا صاحبنا من اكبر مشجعى ميت غمر يكمل قدام المبارة ويأذن لصلاة العشاء وصحاحبنا الوقت بيمر من بين ايدة وهو عمال يسّوف لحد ما يلاقى نفسة جمع تلات فروض مع بعض بقوا حمل تقيل والهمه والنشاط اللى عندة عمالين يخلصوا اول بأول وهو وعمال يكابر ويقول هاااااااااااابقى اذاكر مش مهم النهاردة اية المشكله لما ابدأ من بكرة ؟

خلص اليوم وابتدى يحس بالكسل وعاوز ينام بس لسة بدرى وزارة الافساد لم تنهى بعد وجبتها يلاقى اعلان بكرة الساعه 3.00 عصرا بتوقيت كفرالشيخ يقدم التلفيزيون برنامج المصارعه
صاحبنا عمال الوقت يفوت منه النهاردة يعدى يقول هبدأ اذاكر من بكرة وبكرة يعدى وبعدة يعدى على نفس الشاكله

لحد مايجى يوم الامتحان!!!!
وهنا يلاقى نفسة ضيع كل الرصيد اللى عندة وهنا بنطبق علية قول الله عز وجل
قال تعالى: " حتى إذا جاء أحدهم الموت قال رب ارجعون لعلي أعمل صالحا فيما تركت "
ووقتها على طول يجيله الرد
قال تعالى : "كلا إنها كلمة هو قائلها ومن ورائهم برزخ إلى يوم يبعثون "

وساعتها بقى تسود الدنيا فى وش صاحبنا ويجيله واحد يقولك ازيك ياحبيبى اخبارك اية وهو بيبتسم ومبسوط وانت مش طايق نفسك تقوله ابعد عنى ياعم انت مين؟ يقولك انا السبب فى اللى انت فية !!!
انا صاحبك اللى وسوستلك عشان تسيب مذاكرتك وجهزتلك الوجبة الدسمه دى من الافلام والبرامج والمباريات
جيت النهاردة اوقولك
ان ربنا وعدك وعد الحق لو ذاكرت كنت هتبقى داخل الامتحان مستعد وهتلاقى النتيجة وانا وعدتك فاخلفتك وانت اتبعتنى فلا تولمن الا نفسك
قال تعالى : "وَقَالَ الشَّيْطَانُ لَمَّا قُضِيَ الْأَمْرُ إِنَّ اللَّهَ وَعَدَكُمْ وَعْدَ الْحَقِّ وَوَعَدْتُكُمْ فَأَخْلَفْتُكُمْ وَمَا كَانَ لِيَ عَلَيْكُمْ مِنْ سُلْطَانٍ إِلَّا أَنْ دَعَوْتُكُمْ فَاسْتَجَبْتُمْ لِي فَلَا تَلُومُونِي وَلُومُوا أَنْفُسَكُمْ مَا أَنَا بِمُصْرِخِكُمْ وَمَا أَنْتُمْ بِمُصْرِخِيَّ إِنِّي كَفَرْتُ بِمَا أَشْرَكْتُمُونِ مِنْ قَبْلُ إِنَّ الظَّالِمِينَ لَهُمْ عَذَابٌ أَلِيمٌ "


ودى دايما بتكون نهاية الطريق ياأخوة واختر لنفسك
اسأل الله ان يهدى كل شباب المسلمين وان يجعل لهم وقاية من شرك الشيطان ووزارة الافساد
نهاية الحلقة الاولى
شاركنى فى الاعداد الاخ (خادم الدعوة)
فاصل ونواصل ان شاء الله انتظرونا

[مهندس خالد]

رد: ملتيـــــ ( شـــو ) ـــــــميديا !!!! تم اضافة الحلقة الاولى

يا اخوة مش شايف تفاعل منكم اكمل الموضوع ولا انتوا شايفين اية؟

[أبوسلمى المصري]

رد: ملتيـــــ ( شـــو ) ـــــــميديا !!!! تم اضافة الحلقة الاولى

ما شاء الله اخي ناشر العلم
موضوع موفق يإذن الله
بارك الله فيك وفي اخونا خادم الدعوة
بس انا عاوز اغرف مالك ومال بتوع قويسنا

احبك في الله

[مهندس خالد]

رد: ملتيـــــ ( شـــو ) ـــــــميديا !!!! تم اضافة الحلقة الاولى

ما شاء الله اخي ناشر العلم
موضوع موفق يإذن الله
بارك الله فيك وفي اخونا خادم الدعوة
بس انا عاوز اغرف مالك ومال بتوع قويسنا

احبك في الله

بحبهم فى الله المسلمين بس مش كل بتوع قويسنا
ربنا يبارك فى عمرك اخى الفاضل
واشكر مرورك الطيب